لي كىچياڭ اۋىل شارۋاشىلىعى، اۋىل – قىستاق مينيسترلىگىندە قىزمەت تەكسەرگەندە ءارى اڭگىمە ءماجىلىسىن باسقارىپ اشقاندا مىنانى دارىپتەدى
ەگىس ۋاقىتىن وتكىزىپ الماي، كوكتەمگى ەگىس جۇمىسىن مىقتى يگەرىپ، استىق حاۋىپسىزدىگىن قامتاماسىز ەتىپ، ەكونوميكالىق، قوعامدىق دامۋدىڭ جالپى جاعدايىن ورنىقتىرۋعا بەرىك تىرەك ازىرلەۋ كەرەك
2022.03.25 16:16 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 24 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 3 - ايدىڭ 23 - كۇنى اۋىل شارۋاشىلىعى، اۋىل - قىستاق مينيسترلىگىنە بارىپ قىزمەت تەكسەردى ءارى اڭگىمە ءماجىلىسىن باسقارىپ اشتى.
لي كىچياڭ ەكپەشىلىكتى باسقارۋ تارماق مەكەمەسى اۋىل شارۋاشىلىق جاعدايى ينفورماتسيا باسقارماسىندا كوكتەمگى ەگىس ىستەرىن باسقارۋ جونىندەگى مالىمەتتى تىڭدادى. ول وتكەن جىلعى كۇزگى تاسقىننىڭ ىقپالىمەن كەشىكتىرىپ ەگىلگەن ءبيداي مايساسىنىڭ احۋالىنا ەرەكشە نازار اۋداردى. 1 - ، 2 - تۇردەگى مايسا سالىستىرماسىنىڭ قىس ماۋسىمىنان ىلگەرى زور دارەجەدە ورلەگەنىن ۇعىسقاننان كەيىن لي كىچياڭ تاعى دا دالمە - ءدال قىزمەت وتەپ، جەتەكشىلىك ەتۋدى قاداعالاي تاپسىردى. ول قىزمەتكەرلەرى شابىتتاندىرىپ بىلاي دەدى: اۋىل شارۋاشىلىق جاعدايى استىق جاعدايىمەن، استىق جاعدايى حالىق تۇرمىسىمەن تىعىز بايلانىسىپ جاتادى، اس − ادامنىڭ ارقاۋى، باقىلاۋ ـ تەكسەرۋدى ۇزدىكسىز كۇشەيتىپ، جاعداي مەن ۇسىنىستاردى دەر كەزىندە اڭىس ەتىپ، اۋىل شارۋاشىلىعىندا ءونىمدى ورنىقتىرۋدى، ارتتىرۋدى بىرگە جەبەۋ كەرەك.
اڭگىمە ماجىلىسىندە اۋىل شارۋاشىلىعى، اۋىل ـ قىستاق مينيسترلىگى مالىمەت بەردى، حىبەي، حيلۇڭجياڭ، حىنان ولكەلىك ۇكىمەتتەردىڭ نەگىزگى جاۋاپتىلارى بەينە ەكران ارقىلى ءسوز سويلەدى. لي كىچياڭ بىلاي دەدى: اۋىل شارۋاشىلىعى − حالىق شارۋاشىلىعىنىڭ نەگىزى. تاياۋ جىلداردان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءار جاق بىرگە قۇلشىنىپ، اۋىل شارۋاشىلىعىن، اۋىل ـ قىستاقتى دامىتۋدا كورنەكتى ناتيجەلەرگە قول جەتكىزىپ، استىقتان جىل سايىن مول ءونىم الىندى. قازىر حالىقارالىق جاعداي كۇردەلى دە اۋىر، زات باعاسىنىڭ قاۋىرت جوعارىلاۋى، اۋىل شارۋاشىلىق ونىمدەرى بازارىنىڭ تولقۋ اۋقىمىنىڭ اسقىنۋى سياقتى ورنىقسىز فاكتورلار كوبەيۋدە، ەل ىشىندەگى دامۋ مەن اۋىل شارۋاشىلىق ءوندىرىسى تىڭ سىن – سىناققا ءدوپ كەلىپ وتىر. ەلىمىزدىڭ استىق جانە ماڭىزدى اۋىل شارۋاشىلىق ونىمدەرىنىڭ قامباداعى قورى جەتكىلىكتى، قامداۋى قامتاماسىز ەتىلگەن، الايدا ءوزىمىزدى تياناق ەتىپ، استىق حاۋىپسىزدىگىن قامتاماسىز ەتۋ سىندى ارقاۋدى باستان ـ اياق مىقتاپ شيراتىپ، ەل ىشىندەگى ءونىمدى ورنىقتىرۋ، قامتاماسىز ەتۋ ارقىلى سىرتقى تۇراقسىزدىققا توتەپ بەرۋ كەرەك، بۇل زات باعاسىن ورنىقتىرۋ، ەكونوميكالىق، قوعامدىق دامۋدىڭ جالپى جاعدايىن ورنىقتىرۋ جونىنەن توتەنشە ماڭىزدى. پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋلارىن تياناقتاندىرىپ، جاڭا دامۋ ۇستانىمىن دايەكتىلەندىرىپ، ساپالى دامۋدى ىلگەرىلەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، اۋىل شارۋاشىلىق ءوندىرىسىن مىقتى، ناقتى يگەرىپ، رەفورمانى ىلگەرىلەتىپ، ءبىر ميلليارد 400 ميلليوننان استام ادامنىڭ استىعىن، كوجە - قاتىعىن قامتاماسىز ەتىپ، ەكونوميكانىڭ، قوعامنىڭ باياندى، اقاۋسىز دامۋىنىڭ نەگىزىن بەكەمدەۋ كەرەك.
لي كىچياڭ بىلاي دەدى: جىل ەسەبى كوكتەمدە، ەگىس مەزگىلىندە قاراپ تۇرۋعا بولمايدى. قازىر سولتۇستىكتەگى ءبيداي وندىرەتىن نەگىزگى رايونداردا مايسا جەتىلدىرۋگە ءالى دە مۇمكىندىك بار، عىلمي ۇستەمە تىڭايتقىش بەرۋ ارقىلى ءالسىز مايسانىڭ جەتىلۋىن جەبەپ، اتىز باسقارۋدى كۇشەيتىپ، جازعى استىقتان مول ءونىم الۋعا كەپىلدىك ەتۋ كەرەك. كوكتەمگى ەگىس دايىندىعىن شىنايى، ەگجەي ـ تەگجەيلى يگەرىپ، كوكتەمگى ەگىس كولەمىن تياناقتاندىرىپ، بيىلعى استىق ءونىمىنىڭ ءبىر تريلليون 300 ميلليارد جىڭنان جوعارى بولۋىنا كەپىلدىك ەتۋ كەرەك.
لي كىچياڭ بىلاي دەدى: ءار جاق جالپى جاعدايدى كوزدە ۇستاپ، اۋىل شارۋاشىلىق ءوندىرىسىن پارمەندى قولداپ، حيميالىق تىڭايتقىش، ەگىس دارىلەرى، سالەركا سياقتى ونىمدەرگە بايلانىستى باعا جوعارىلاۋ ماسەلەسىنە باعىتتاي وتىرىپ، سالىقتى كەمەيتۋ، اقىنى تومەندەتۋ، شيكىزاتپەن قامداۋ، ەنەرگيادان پايدالانۋ سياقتى بۋىنداردان باستاپ كىرىسىپ، كاسىپورىنداردىڭ ءونىمدى جوعارىلاتىپ، قامداۋدى ارتتىرۋىنا قولداۋ كورسەتۋ، سونىمەن بىرگە، اۋىل شارۋاشىلىق ماتەريالدارىن تاسىمالداۋدى، جەتكىزۋدى قامتاماسىزداندىرۋ كەرەك. مۇنىڭ ىشىندەگى ەرەكشە سورتتار جونىندە قاتىستى قولداۋ شارالارىن ارناۋلى زەرتتەپ، كومەسكى كۇشتەردى اشىپ، ءونىمدى ارتتىرۋدى جانە كوپ نەگىزدى يمپورتتى كەڭەيتۋدى جەبەپ، بازارلاندىرۋ ءادىسى ارقىلى زاپاس رەتتەۋدى ويداعىداي ىستەۋ كەرەك. مەملەكەت ناقتى استىق ەگەتىن ەگىنشىلەرگە تاعى دا 20 ميلليارد يۋان اۋىل شارۋاشىلىق ءوندىرىس قۇرال - جابدىقتارى قوسىمشا قاراجاتىن تاراتۋ شاراسىن شىعاردى، ونى تەز ارادا تولىق تاراتىپ، استىق ەگەتىن ەگىنشىلەردىڭ بەلسەندىلىگىن قورعاۋ كەرەك. باقىلاۋ – ولشەپ، الدىن الا ساقتاندىرۋدى كۇشەيتىپ، اۋا رايى، دەرت – دەربەز سياقتى اپاتتارعا عىلميلىقپەن، دەر شاعىندا توتەپ بەرۋ كەرەك.
لي كىچياڭ بىلاي دەدى: ەلىمىزدە وسىزاماندانۋدى جۇزەگە اسىرۋدىڭ جولى ۇزاق، اۋىل - قىستاق نوپوسىندا ءالى دە 760 ميلليون حالىق سانى بار، اۋىل شارۋاشىلىعىن وسىزامانداندىرۋدى ۇزدىكسىز ىلگەرىلەتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ جانە كەڭەيتىپ، اۋىل ـ قىستاقتى گۇلدەندىرۋدى تىڭعىلىقتى ىلگەرىلەتىپ، شارۋالاردىڭ تىلەگىنە قۇرمەت ەتىپ، جەرگىلىكتى جاعدايعا قاراي ءتۇرلى فورماداعى، ۇيلەسىمدى كولەمدەگى شارۋاشىلىقتى دامىتىپ، ءبىر ميلليارد 800 ميلليون مۋ ەگىستىك جەردىڭ قىزىل سىزىعىن مىقتى ساقتاپ، ەگىنجاي سۋ يگىلىگى قۇرىلعىلارى مەن جوعارى ولشەمدى ەگىنجاي قۇرىلىسىن ىلگەرىلەتىپ، ساپالى تۇقىم، وزىق اۋىل شارۋاشىلىق ماشينا - جابدىقتارىنان قامال الۋدى جانە جالپىلاستىرىپ پايدالانۋدى جەدەلدەتىپ، اۋىل شارۋاشىلىعىنىڭ جالپىلىق ءوندىرىس قۋاتىن جوعارىلاتۋ كەرەك.
حۋ چۇنحۋا، شياۋ جيە، حى ليفىڭ جوعارىداعى قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
