پارتيا تۋى نەگىزگى ساتىنىڭ ءبىرىنشى شەبىندە جەلبىرەۋدە (جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسۋ − ۇلى وزگەرىس)
«حالىق گازەتىنىڭ» ءتىلشىسى جاۋ چىڭ
2022.03.28 17:05 كەلۋ قاينارى : حالىق تورابى
«اۋىل - قىستاقتى گۇلدەندىرۋ قۇر قاراپ وتىرۋمەن ىسكە اسپايدى، توسىپ وتىرۋعا بولمايدى، بىرەۋ ورىنداپ تا بەرمەيدى، قالىڭ شارۋالارعا سۇيەنىپ كۇرەس جۇرگىزۋ كەرەك. قىستاق پارتيا ياچەيكاسى شارۋالاردىڭ اۋقاتتانۋىنا كومەكتەسۋدىڭ، اۋىل - قىستاقتىڭ ورنىقتىلىعىن قورعاۋدىڭ، اۋىل - قىستاقتى گۇلدەندىرۋدى ىلگەرىلەتۋدىڭ پارمەندى جاۋىنگەرلىك قامالىنا اينالۋى كەرەك». 2018 - جىلى 4 - ايدا باس شۋجي شي جينپيڭنىڭ حۋبەيدە قىزمەت تەكسەرگەندەگى ىقىلاستى تاپسىرماسى حۋبەي ولكەسى چۇڭياڭ اۋدانى بايني قالاشىعى داچىڭ قىستاعى پارتيا ياچەيكاسىنىڭ شۋجيى چىڭ جۇيدىڭ ەسىنە بەرىك ورناپ قالدى.
بەرىك تە پارمەندى جاۋىنگەرلىك قامال ورناتۋ ءۇشىن، پارتيالى كادرلاردى باستاپ قىستاقتارعا بارىپ، وتباسىلارىن ارالاپ، پىكىر الىپ، قىستاققا دامۋ جوباسىن جاساپ، نەگىزدىك قۇرىلعىلاردى جاقسارتىپ، كوللەكتيۆ شارۋاشىلىقتى دامىتىپ، بۇرىن شەشىلمەگەن كوپتەگەن ماسەلەلەردى شەشتى. وسى بارىستا پارتيالى كادرلاردىڭ وبرازى مويىندالىپ، قوسىن قۇرىلىمى ساپالىلانىپ، قىستاق پارتيا ۇيىمىنىڭ ۇيىستىرۋ قۋاتى، باۋراۋ قۋاتى ۇزدىكسىز جوعارىلادى.
چىڭ جۇيدىڭ ەسىندە قالۋىنشا، 8 جىلدىڭ الدىندا ءوزى قىستاققا جاڭا قايتىپ كەلگەندە، قىستاق كادرلارىنىڭ جاسى ۇلعايىپ، قىستاقتا 5 جىل پارتياعا مۇشە قابىلدانباعان ەكەن. ونىڭ ءبىر - ەكى جاستى تاۋىپ تاربيەلەۋى دە قيىنعا سوققان. «قازىر كوپتەگەن جاستار باۋراپ اكەلىندى، ولار پارتيا ۇيىمىنا بەلسەنە جاقىندادى، قىستاقتاعى زاپاس كادرلاردىڭ زاپاس قورى جەتكىلىكتى، پارتياعا كىرەتىن بەلسەندىلەردىڭ وزىنەن 20 نەشە ادام بار. وتكەن جىلى كەزەك اۋىستىرعاننان كەيىن قىستاق ەكى كوميتەتىنىڭ باسشىلىق القاسىندا 60 – جىلداردىڭ تۇلەگىنەن ءبىر كىسى قالۋدان تىس قالعاندارى 80 -، 90 – جىلداردىڭ تۇلەگى بولدى» دەپ تانىستىردى چىڭ جۇي.
مەملەكەتتى جونگە سالىپ، ەلدى تىنىشتاندىرۋدىڭ ءتۇيىنى نەگىزدە؛ پارتيانى باسقارۋدىڭ، پارتيانى جونگە سالۋدىڭ ءتۇيىنى نەگىزگى ساتىدا. نەگىزگى ساتى پارتيا ۇيىمدارى مەن پارتيا مۇشەلەرى قوسىنى − پارتيانىڭ بيلىك جۇرگىزۋىنىڭ نەگىزى، كۇش - قۋاتىنىڭ قاينارى.
باس شۋجي شي جينپيڭ بىلاي دەپ اتاپ كورسەتكەن بولاتىن: «نەگىزگى ساتىنىڭ نەگىزدىك قىزمەتىن جاقسى ىستەۋ توتەنشە ماڭىزدى، تەك ءاربىر نەگىزگى ساتى پارتيا ۇيىمى مەن ءاربىر كوممۋنيستە كۇشتى تۇپكى ماقسات تانىمى مەن جاۋاپكەرلىك تانىمى بولسا بولعانى، جاۋىنگەر قامالدىق رولىن، اۆانگارد ۇلگىلىك رولىن ساۋلەلەندىرە الادى، پارتيامىزدا كۇش - قۋات بولادى، مەملەكەتىمىزدە كۇش - قۋات بولادى، حالقىمىزدا كۇش - قۋات بولادى، پارتيانىڭ بيلىك جۇرگىزۋ نەگىزى بولاتتاي بەرىك بولادى».
پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى بيىكتە تۇرىپ الىسقا كوز جىبەرىپ، تەرەڭ تولعانىپ، پارتيانى جاپپاي قاتاڭ جونگە سالۋدىڭ نەگىزگى ساتىعا قاراي كەڭەيۋىن بەرىك بەكىممەن، قايسار ەرىك - جىگەرمەن ىلگەرىلەتىپ، ۇيىمدىق قۋاتتى جوعارىلاتۋدى ءتۇيىن ەتىپ، ساياسي فۋنكتسيانى كورنەكتىلەندىرىپ، پارتيانىڭ ۇيىمدىق جۇيەسىنىڭ نەگىزگى بىرلىگىن بەكەمدەپ، بۇقارامەن بايلانىس جاساۋدىڭ، بۇقاراعا قىزمەت ەتۋدىڭ ماڭىزدى دانەكەرىن بەكەمدەپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرۋدىڭ، تياناقتاندىرۋدىڭ «ەڭ سوڭعى ءبىر شاقىرىمىن» ىركىلىسسىزدەندىرىپ، نەگىزگى ساتى پارتيا ۇيىمدارى توڭكەرىستىك شىڭدالۋ بارىسىندا اناعۇرلىم بەكەمدەلىپ، پارتيا تۋى باستان - اياق نەگىزگى ساتىنىڭ ءبىرىنشى شەبىندە بيىك جەلبىرەپ كەلەدى.
− پارتيانىڭ ساياسي قۇرىلىسىن ماڭداي الدى ورىنعا قويىپ، نەگىزگى ساتى پارتيا ۇيىمدارىنىڭ ساياسي فۋنكتسياسىن ۇزدىكسىز كۇشەيتتى. شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى نەگىزگى جەلى ەتىپ، پارتيامىز ىلگەرىندى - كەيىندى پارتيانىڭ بۇقارالىق لۋشيان تاربيەسى جانە امالياتتىق قيمىلى، «ۇشتە قاتاڭ، ۇشتە شىنايى بولۋ» ارناۋلى تاربيەسى، «ەكىنى ۇيرەنۋ، بىردە تولىمدى بولۋ» ۇيرەنۋ تاربيەسى، «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» تاقىرىپتىق تاربيەسى، پارتيا تاريحىن ۇيرەنۋ تاربيەسى سياقتىلاردى ورىستەتىپ، قالىڭ پارتيالى كادرلاردى سەنىم نەگىزىن بەكەمدەۋگە، رۋحاني كالتسيدى تولىقتاۋعا، يدەيالىق تىزگىندى ورنىقتىرۋعا جەتەكتەپ، بۇكىل پارتيانىڭ بىرلىككە كەلگەن يدەيانى، بەرىك ەرىك - جىگەردى، سايكەستى ارەكەتتى، قۇدىرەتتى جاۋىنگەرلىك قۋاتتى ساقتاۋىن ىلگەرىلەتتى.
− ۇيىم قۇرۋدى ساپالىلاندىرىپ، ۇيىمدىق فۋنكتسيانى كۇشەيتىپ، پارتيا ۇيىمى مەن پارتيا قىزمەتىنىڭ جاپپاي قامتۋىن ىلگەرىلەتىپ، نەگىزگى ساتى پارتيا ۇيىمدارىنىڭ جاسامپازدىق قۋاتىن، ۇيىسقىشتىعىن، جاۋىنگەرلىك قۋاتىن جوعارىلاتتى. قالالاردا قالا نەگىزگى ساتىلارىن جونگە سالۋدا وڭىرلەر ءبىر تۇتاس جوسپارلاناتىن، سالالار ءوزارا سايكەسەتىن، جوعارى مەن تومەن بىرلەسىپ ارەكەتتەنەتىن، بىرگە قۇرىپ، بىرگە يگىلىكتەنەتىن قاتاڭ ۇيىمدىق جۇيە مەن قىزمەت اينالىم مەحانيزمى العاشقى ادىمدا قالىپتاستىرىلدى. اۋىل - قىستاقتا قىستاق پارتيا ۇيىمىنىڭ جەتەكشىلەرىن سۇرىپتاپ، مىقتىلاردى سەپتەپ، ءالسىز، بىتىراڭقى قىستاق پارتيا ۇيىمدارىن ۇزدىكسىز رەتكە سالىپ، «پارتيا ياچەيكاسى + كووپەراتيۆ + شارۋا وتباسى» سياقتى فورمالار ارقىلى قىستاق دارەجەلى كوللەكتيۆ شارۋاشىلىقتىڭ دامۋىن، زورايۋىن ىلگەرىلەتىپ، پارتيا قۇرىلىسىنىڭ اۋىل - قىستاقتى جونگە سالۋعا جەتەكشىلىك ەتۋىنىڭ ناتيجەسى كورنەكتى بولدى. سونىمەن بىرگە، مەملەكەت مەنشىگىندەگى كاسىپورىنداردىڭ پارتيا قۇرىلىسى ۇزدىكسىز كۇشەيتىلىپ، پارتيا قۇرىلىسى قىزمەتىنىڭ ءوندىرىس - تيجاراتپەن ىشكەرىلەي توعىسۋى ىلگەرىلەتىلىپ، پارتيانىڭ ساياسي ابزالدىعىنىڭ، ۇيىمدىق ابزالدىعىنىڭ جانە بۇقارالىق قىزمەت ابزالدىعىنىڭ كاسىپورىنداردىڭ جاڭالىق اشۋ ابزالدىعىنا جانە دامۋ ابزالدىعىنا اينالۋى ىلگەرىلەتىلدى. ءار دارەجەلى ورگاندارداعى پارتيا ۇيىمدارى وزەكتى ارقاۋ ەتۋدە، قوسىن قۇرۋدا، بۇقاراعا قىزمەت كورسەتۋدە تاباندى بولىپ، ساياسي قۇرىلىستى كۇشەيتۋدى كورنەكتىلەندىرىپ، «ۇشتە ۇلگى بولۋدى» قۇلشىنا امالياتتا ايگىلەپ، پارتيا ورتالىق كوميتەتى الاڭسىز بولاتىن، حالىق بۇقاراسى رازى بولاتىن ۇلگىلى ورگان قۇردى. جوعارى مەكتەپتەر جوعارى مەكتەپ پارتكومدارىنىڭ باسشىلىعىنداعى مەكتەپ باستىعى جاۋاپتى بولۋ تۇزىمىندە تاباندى بولىپ جانە ونى كەمەلدەندىرىپ، پارتيانىڭ باسشىلىعىن مەكتەپ باسقارۋدىڭ، مەكتەپتى جونگە سالۋدىڭ تۇتاس بارىسىمەن، ءار جاعىمەن ساباقتاستىردى. جەر - جەر، قاتىستى تاراۋلار «ەكى جاڭا» ۇيىمدىق ەرەكشەلىگىنە ۇيلەسەتىن پارتيا قۇرىلىسى قىزمەتىنە باسشىلىق ەتۋ ءتۇزىلىسى مەن قىزمەت مەحانيزمىن ورناتۋدى، كەمەلدەندىرۋدى بەلسەنە ىلگەرىلەتىپ، پارتيانىڭ جاڭا گۇلدەنگەن سالالارداعى ۇندەۋ قۋاتىن، ۇيىستىرۋ قۋاتىن ۇزدىكسىز كەڭەيتتى.
− ءتۇزىم قۇرىلىسىن كۇشەيتىپ، نەگىزگى ساتى پارتيا قۇرىلىسىنىڭ عىلميلانۋ، جۇيەلىلەنۋ، تۇزىمدەنۋ دەڭگەيىن ۇزدىكسىز جوعارىلاتتى. «ورتالىق پەن مەملەكەت ورگاندارىنىڭ پارتيا قۇرىلىسىن كۇشەيتۋ جانە جاقسارتۋ جونىندەگى پىكىردى»، «ۇكىمەت باسقارۋىنداعى شيپاحانالاردىڭ پارتيا قۇرىلىسى قىزمەتىن كۇشەيتۋ جونىندەگى پىكىردى»، «باستاۋىش، ورتا مەكتەپتەردىڭ پارتيا ۇيىمدارى باسشىلىعىنداعى مەكتەپ باستىعى جاۋاپتى بولۋ ءتۇزىمىن ورناتۋ جونىندەگى پىكىردى (سىناق رەتىندە اتقارىلادى)»، «حالىق باسقارۋىنداعى مەكتەپتەردىڭ پارتيا قۇرىلىسى قىزمەتىن كۇشەيتۋ جونىندەگى پىكىردى (سىناق رەتىندە اتقارىلادى)»، «جۇڭگو كوممۋنيستىك پارتياسىنىڭ مەملەكەت مەنشىگىندەگى كاسىپورىندار نەگىزگى ساتى پارتيا ۇيىمدارىنىڭ قىزمەت ەرەجەسىن (سىناق رەتىندە اتقارىلادى)»، «قوعامدىق ۇيىمداردىڭ پارتيا قۇرىلىسى قىزمەتىن كۇشەيتۋ جونىندەگى پىكىردى (سىناق رەتىندە اتقارىلادى)» باسىپ تاراتتى، «جۇڭگو كوممۋنيستىك پارتياسىنىڭ اۋىل - قىستاق نەگىزگى ساتى ۇيىمدارىنىڭ قىزمەت ەرەجەسىنە»، «جۇڭگو كوممۋنيستىك پارتياسىنىڭ پارتيا مەن مەملەكەت ورگاندارىنىڭ نەگىزگى ساتى ۇيىمدارىنىڭ قىزمەت ەرەجەسىنە»، «جۇڭگو كوممۋنيستىك پارتياسىنىڭ ادەتتەگى جوعارى مەكتەپتەردىڭ نەگىزگى ساتى ۇيىمدارىنىڭ قىزمەت ەرەجەسىنە» وزگەرىس ەنگىزدى ... جاپپاي قامتىعان، اينالىمى جۇيەلى، اتقارۋى پارمەندى ءتۇزىم جۇيەسى بىرتىندەپ قالىپتاستى. پارتيانىڭ نەگىزگى ساتى ۇيىمدىق قۇرىلىسى ءتۇزىمىنىڭ ارقالىق، تىرەۋلەرى كۇن سايىن كەمەلدەندى. سونىمەن بىرگە، نەگىزگى ساتى پارتيا قۇرىلىسى قىزمەتى جاۋاپكەرلىك ءتۇزىمىن جاپپاي تياناقتاندىرىپ، ءبىر دارەجە ءبىر دارەجەنى يگەرىپ، ءبىر دارەجە ءبىر دارەجەنى جەتەكتەپ، قاتاڭ ولشەمدە، قاتاڭ تالاپتا، قاتاڭ شارادا تاباندى بولىپ، پارتيانىڭ نەگىزگى ساتى ۇيىمدىق قۇرىلىسىن مىقتى يگەردى.
قالىڭ كەمە باسەكەلەسىپ، جارىسا جەلكەن كوتەرىپ، تولقىن جارا شالعايعا بەت تۇزەدى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ورگان، ورىنداردان قالا، اۋىل - قىستاقتارعا دەيىن، مەكتەپ، كاسىپورىنداردان سەحتارعا، كەندەرگە دەيىن، 4 ميلليون 800 مىڭنان استام نەگىزگى ساتى پارتيا ۇيىمى بولاتتاي بەرىك جاۋىنگەرلىك قامال ورناتتى، 95 ميلليوننان استام پارتيا مۇشەسى ءىس تىندىرىپ، يگىلىك جاراتۋدىڭ وزىق ۇلگىسىنە اينالۋدا، پارتيانىڭ جاسامپازدىق، ۇيىسقىشتىق، جاۋىنگەرلىك قۋاتى، ءسوز جوق، ۇزدىكسىز كۇشەيەدى، پارتيامىز، ءسوز جوق، جالىندى تىرشىلىك تىنىسى مەن ومىرشەڭدىك كۇشىن باستان - اياق ساقتاي بەرەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
