بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

بەيزاتتىق مادەني مۇرانى جالعاستىرۋدا بارلىق گۇل شەشەك اتتى

2022.03.28 18:08     كەلۋ قاينارى : شينجياڭ گازەتى

  بەتاشار

  ماشىراپتان مۇقامعا، بايگەدەن حوككەيگە، قارا جورعادان ساۋىردىنعا، چۇيزىدان حۋا - ىرعا، كەستەشىلىكتەن كيىم - كەشەككە دەيىن... ءتىپتى دە كوپ بەيزاتتىق مادەني مۇرالارى بارلىق جەردەن، تۇس - تۇستان بوي كورسەتىپ، بۇقارامەن جاناستىرۋ، قوعام ات سالىسۋ، تۇرمىسقا ەنگىزۋ بارىسىندا ءوز جالعاسىمىن تاپتى جانە دامىدى، ولاردىڭ تيانشان الابىندا تىرشىلىك تىنىسى قاۋلاپ، اتاعى اسپاندادى، بۇل ءدال رايونىمىزدىڭ ءداستۇرلى مادەنيەت جاسامپازدىعىن كادەگە جاراتۋىنىڭ، جاڭالىق اشا دامۋىنىڭ جاندى ايگىسى. بۇگىننەن باستاپ انار بۇلت /شينجياڭ گازەتى ”جاڭا جورىقتا ەكپىندەي ىلگەرىلەپ، جاڭا داۋىردە ۇلەس قوسايىق“ ارناۋلى ايدارىندا ”كورىكتى شينجياڭ. بەيزاتتىق مادەني مۇرالارمەن قاۋىشۋ“ جالپىلىق اقپارات قۇرالدارى حابارىن شىعارىپ، بەيزاتتىق مادەني مۇرالاردان قالعان ءىزدى بويلاي شەبەرلىك كوركەمدىگىنە، تۇرمىس كوركەمدىگىنە زەر سالىپ، مادەنيەتتىڭ كوركەمدىگىن، شينجياڭنىڭ كوركەمدىگىن سەزىنەتىن بولادى.انار بۇلت / شينجياڭ گازەتىنىڭ ءتىلشىسى يىن لۋ

  تۇرپاننىڭ بويلىق كورىنىس وڭىرىنە بارساڭىز، ءدامى ءتىل ۇيىرەتىن جۇزىمنەن ءدام تاتىپ، ءان - ءبي كونسەرتىن تاماشالاۋدان سىرت، بەيزاتتىق مادەني مۇرا نىساندارىنان دا كوز ايىم بولا الاسىز. وسى كورىنىس ءوڭىرى 16 ميلليون يۋان قارجى سالىپ تۇلعالاعان شينجياڭ بەيزاتتىق مادەني مۇرالار بازارى مادەنيەت پەن ساياحاتتى توعىستىرا دامىتۋعا ىزدەنىس جاساپ، جەرگىلىكتى ورىننىڭ بەيزاتتىق مادەني مۇرالارىنا اناعۇرلىم كەڭ كورمە تۇعىرىن ازىرلەدى.

  جاقىنعى جىلداردان بەرى رايونىمىزدىڭ بەيزاتتىق مادەني مۇرالارىن جالعاستىرۋ، دامىتۋ ينجەنەرياسى ۇزدىكسىز ناقتى ونىمدىلىكتەرگە قول جەتكىزدى. 4640 ۋاكىلدىك بەيزاتتىق مادەني مۇرا تانۋدان ءوتتى، مۇنىڭ ىشىندە مەملەكەت دارەجەلى 94 ءتۇر، اۆتونوميالى رايون دارەجەلى 315 ءتۇر بار؛ مەملەكەت دارەجەلى 112 ۋاكىلدىك مۇراگەر، اۆتونوميالى رايون دارەجەلى 549 ۋاكىلدىك مۇراگەر تانۋدان ءوتتى ءارى ۋاكىلدىك مۇراگەرلەر ارناۋلى قاراجاتتىق جاردەماقى، الاڭ - ورىنمەن قامداۋ، ماداقتاۋ - سيلاۋ سياقتى تاسىلدەر ارقىلى شاكىرت قابىلداپ ونەر ۇيرەتۋگە شابىتتاندىرىلدى. رايونىمىزدىڭ بەيزاتتىق مادەني مۇرانى جالعاستىرۋى، دامىتۋى بىرتىندەپ ”بۇقارامەن جاناستىرۋ، قوعام ات سالىسۋ، تۇرمىسقا ەنگىزۋگە“ قاراي قادام تاستاپ، تۇتاس قوعامدا بەيزاتتىق مادەني مۇرانى قورعاۋ جانە جالعاستىرۋ مادەنيەت سانالىلىعى قالىپتاسۋدا.

  قولونەر دەگەنىمىزدىڭ ءوزى پايدا

  كوكتەم باسى 3 - اي، ورىك گۇلىنىڭ حوش ءيىسى جەلمەن الىسقا تارالىپ، ”شينجياڭدا كوكتەم الدىمەن كەلەتىن جەر“ تۇرپاندا گۇلدەر جامىراي اشىلدى. ”گۇل اشىلدى، ساياحاتشى كەلدى، بەيزاتتىق مادەني مۇرا بازارى دا دۋمانعا بولەندى. ءبىز ءتيىمدى دە جارامدى جاڭا ونىمدەرىمىزدى الىپ شىعامىز. ساتۋ جولىنان الاڭدامايمىز“. مەملەكەت دارەجەلى بەيزاتتىق مادەني مۇرا ۋاكىلدىك نىسان − ۇيعۇر ۇلتىنىڭ گۇلدى تەكەمەت، گۇلدى كەزدەمە توقۋ، بوياۋ ونەرىنىڭ مۇراگەرى ءپاريدام ءمامات بەدەر باسىلعان كيىم جوبالاۋدا. ول بەدەر باسۋ قالىبىن شەبەر ۇسىنىس ەتىپ ارنايى جاساتقان، 100گە جۋىق بەدەردى بەلگىلى ەرەجەمەن ءار ءتۇرلى ەتىپ قۇراستىرۋ ارقىلى ۇلگىسى الۋان ءتۇرلى گۇلدى كەزدەمە جاساۋعا بولادى.

  بيىل اۆتونوميالى رايون دارەجەلى العاشقى توپتاعى 5 ”شينجياڭ بەيزاتتىق مادەني مۇرا بازارىنا“ رەسمي ماڭدايشالىق بەرىلدى، جەكە - جەكە تۇرپان قالاسى بويلىق كورىنىس وڭىرىنە، شينجياڭ حالىقارالىق ۇلكەن بازارىنا، قاشقار بايىرعى قالا كورىنىس وڭىرىنە، قازانشى ۇلتتىق سالت - سانا ساياحات وڭىرىنە، حوتان تۋانچىڭ ۇلتتىق سالت - سانا ساياحات وڭىرىنە ورنالاسقان ولار رايونىمىزدا بەيزاتتىق مادەني مۇرانى ءوندىرىس سيپاتتى قورعاۋدى، ءداستۇرلى ونەرگە قاتىستى كاسىپ سالالارىن دامىتۋدى ىلگەرىلەتىپ، بەيزاتتىق مادەني مۇرالاردىڭ وسى زامانعى تۇرمىسپەن توعىسۋ قادامىن جەدەلدەتەدى.

  قازانشى بەيزاتتىق مۇرا بازارىندا سىبە ۇلتىنىڭ كەستەسى، قازاق ۇلتىنىڭ كەستەسى، ۇيعۇر ۇلتىنىڭ كەستەسى ءوز كوركەمدىكتەرىن ايگىلەپ، قۇم سۋرەت، اعاش ويما سۋرەت، تەرى سۋرەت كوركىمەن كوز تارتىپ تۇر. قازانشى ۇلتتىق سالت - سانا ساياحات ءوڭىرىنىڭ باس ديرەكتورى حاليمان اۋىت بىلاي دەدى: ”بەيزاتتىق مادەني مۇرا نىساندارىنىڭ ىرگە تەبۋى كورىنىس ءوڭىرىنىڭ گۋمانيتارلىق تىنىسىن ارتتىرۋمەن بىرگە، ساياحات مازمۇنىن دا بايىتىپ، ساياحاتشىلاردى وزىنە باۋرادى“.

  ءساندى دە ساۋلەتتى جاسالعان اعاش توستاعان، اعاش تاباق، اعاش ساندىق جانە ويناقى مۋزيكا اۋەنى توپ - توپ ساياحاتشىلاردى حوتان تۋانچىڭ بەيزاتتىق مادەني مۇرا بازارىنداعى ايگىلى ءداستۇرلى قولونەر بۇيىمدار دۇكەنىنە باۋرادى. ”قولونەر دەگەنىمىزدىڭ ءوزى پايدا. قوناقتار اعاش بۇيىمداردى ۇناتىپ قانا قالماستان، ولاردىڭ جاسالۋ بارىسىن كورۋدى دە ۇناتادى، ءوز قولدارىمەن ىستەپ كورگىسى دە كەلەدى“. دۇكەن قوجايىنى تۇردىءمامات ساياحاتشىلاردىڭ قاجەتىن قاناعاتتاندىرۋ ءۇشىن دۇكەنىنىڭ سىرتىنا ساياحاتشىلاردىڭ سەزىنۋىنە ارنالعان وڭدەۋ ماشيناسىن قويعاندىعىن ايتتى.

  اۆتونوميالى رايوندىق مادەنيەت جانە ساياحات مەڭگەرمەسى بەيزاتتىق مادەني مۇرا باسقارماسىنىڭ قاتىستى جاۋاپتىسى تانىستىرىپ بىلاي دەدى: ”شينجياڭ بەيزاتتىق مادەني مۇرا بازارى“ رايونىمىزدىڭ بەيزاتتىق مادەني مۇرانى قورعاۋ جەتىستىكتەرىمەن بۇقارانى تيىمدىلىككە كەنەلتۋىنىڭ شاعىن كورىنىسى. بۇكىل شينجياڭداعى ءار دارەجەلى بەيزاتتىق مادەني مۇرا تاراۋلارى ”عىلمي قورعاۋ، قابىلەتتى جوعارىلاتۋ، قۇنىن اسقاقتاتۋ، دامىتىپ كوركەيتۋدى“ نەگىزگى جەلى ەتىپ، ءداستۇرلى قولونەر، مۋزيكا، ءبي، دراما سياقتىلاردىڭ مۇراگەرلەرىن كورىنىس ءوڭىرى، تاريحي مادەنيەت كوشە - رايوندارى، مەكتەپ، الەۋمەتتىك اۋماق سياقتىلارعا كىرىپ، سول جەرلەردە كورمە وتكىزىپ، كونسەرت قويىپ، كورگىزبەلەپ ساتىپ، ونەر تاراتۋعا ۇيىمداستىرىپ، بەيزاتتىق مادەني مۇرالاردىڭ سان مىڭداعان وتباسىلارىنا كىرۋىن ىلگەرىلەتىپ، اۋىل - قىستاقتى گۇلدەندىرۋگە دەم بەردى. بيىل التاي ايماعى، تۇرپان قالاسى، قاشقار ايماعى سياقتى جەرلەردەگى A دارەجەلى ساياحات كورىنىس وڭىرلەرىندە بەيزاتتىق مادەني مۇرالاردى ساتىپ الۋ مەرەكەسىن، بەيزاتتىق مادەني مۇرا جارمەڭكەسىن وتكىزىپ، بەيزاتتىق مادەني مۇرانى قورعاۋدىڭ، جالعاستىرۋدىڭ ساياحات كاسىبىمەن ۇزدىكسىز توعىسا دامۋىن جەبەدى.

  وتكەنگى مەن بۇگىنگىنىڭ اراسىن جالعادى

  2019 - جىلى ءپاريدام جۇڭگو بەيزاتتىق مادەني مۇرا مۇراگەرلەر شوعىرىنىڭ ءبىلىم جەتىلدىرۋ كۋرسىنا قاتىناسۋعا تاڭداپ جىبەرىلگەن بولاتىن، ”ۇيرەنۋ، اۋىس - كۇيىس جاساۋ ارقىلى گۇلدى كەزدەمەنىڭ پايدالانۋ قۇنى ونىڭ جالعاستىرۋداعى، دامىتۋداعى تەتىك ەكەندىگىن تانىپ جەتتىم“، - دەدى ءپاريدام.

  بەيزاتتىق مادەني مۇرا دەگەنىمىز، زايىرى، نە؟ ”ۇيعۇر ۇلتىنىڭ گۇلدى تەكەمەت، گۇلدى كەزدەمە توقۋ، بوياۋ ونەرى“ بەيزاتتىق مادەني مۇرا ۋاكىلدىك نىسانى، الايدا گۇلدى كەزدەمەدەن تىگىلگەن كيىم بەيزاتتىق مادەني مۇرا ەسەپتەلمەيدى، گۇلدى كەزدەمەنى توقۋ، بوياۋ ونەرى عانا بەيزاتتىق مادەني مۇرا، بەيزاتتىق مادەني مۇرا مۇراگەردىڭ بويىنان، قولىنان، اقىل - ويىنان ايگىلەنەدى. بەيزاتتىق مادەني مۇرا مۇراگەرى ”ءبىر جاعىنان، وتكەنگە مۇراگەر بولسا، ەندى ءبىر جاعىنان، مۇراگەر ۇرپاق تاربيەلەيدى“، ولار ەرەكشە شەبەرلىكتەرىمەن ۋاقىت اراسىن جاماپ، وتكەن مەن بۇگىندى جالعايدى. مۇراگەرلەر شوعىرىنىڭ جالعاستىرۋ قابىلەتىن جوعارىلاتۋىنا، جالعاستىرۋدىڭ سەرپىنىن كۇشەيتۋىنە قالاي كومەكتەسۋ كەرەك دەگەن ماسەلە رايونىمىزدىڭ بەيزاتتىق مادەني مۇرانى قورعاۋدى تەرەڭدەي دامىتۋىنداعى ءتۇيىندى تاقىرىپ.

  ءار جىلى كوكتەمنەن بۇرىن شينجياڭ ۇيعۇر مۇقام ونەرىنىڭ (دولان مۇقامى) مەملەكەت دارەجەلى ۋاكىلدىك مۇراگەرى احات توحتى ماكىت اۋداندىق دولان مۇقامى كۋرسىنا ساباق ءوتىپ، ءتىپتى دە كوپ جاستاردىڭ وسى ونەردى جالعاستىرا بەرۋىن تىلەيتىن ءۇمىت - تىلەگىن بىلدىرەدى. ”ولارعا مۇقام ايتۋدى، دولان راۋابىن، قالۇن شەرتۋدى ۇيرەتەمىن، ولاردىڭ وسى كوركەمونەردى جالعاستىرىپ جاتقاندىعىن كورىپ قاتتى رازى بولامىن“، - دەدى احات توحتى. ماكىت اۋدانى دولان مۇقامى كۋرسى قازىرگە دەيىن 300 نەشە دولان مۇقامى ونەرپازىن باۋلىپ شىقتى، ولار جۇمىستانۋدى جەبەۋ، ساياحاتتى ىلگەرىلەتۋ، مادەنيەت شەبەرلەرى قوسىنىن زورايتۋ جاقتارىندا بەلسەندى ۇلەستەر قوستى.

  اۆتونوميالى رايوندىق مادەنيەت جانە ساياحات مەڭگەرمەسى بەيزاتتىق مادەني مۇرا باسقارماسىنىڭ قاتىستى جاۋاپتىسى تانىستىرىپ بىلاي دەدى: شينجياڭدا قازىر 250دەن استام بەيزاتتىق مۇرا كورسەتۋ، جالعاستىرۋ الاڭ - ورنى بار، مۇراگەرلەر مەن اۋەسقويلارعا مول ونەر ۇيرەتۋ، ونەر ۇيرەنۋ، اۋىس - كۇيىس جاساۋ تۇعىرى ازىرلەندى. رايونىمىز بەيزاتتىق مادەني مۇرا مۇراگەرلەرىن بايقاۋ جانە باۋلۋ قىزمەتىن ۇزدىكسىز ىلگەرىلەتىپ، مۇراگەرلەردى ەل ىشىندەگى جوعارى مەكتەپتەرگە ارناۋلى كۋرستارعا قاتىناسۋعا تاڭداپ جىبەرەدى. مىسالى، 2021 - جىلى شاڭحاي داشۋەسىندە، شينجياڭ شىفان داشۋەسىندە 2 مەرزىمدىك كەستە تىگۋ مۇراگەرلەرى شوعىرىنىڭ ءبىلىم جەتىلدىرۋ كۋرسى وتكىزىلىپ، 7 كاسىپ باستاماشىسى مەن كاسىپ تىرەكتىسى سۋجوۋ تەحنولوگيالىق - اسەمونەر كاسىپتىك - تەحنيكالىق شۋەيۋانىنا ۇيرەنۋگە تاڭداپ جىبەرىلىپ، مۇراگەرلەردىڭ امالياتتىق قابىلەتتەرىن جوعارىلاتۋىنا كومەك كورسەتىلدى. مۇنان سىرت، ارناۋلى قاراجات جاردەماقىسى، الاڭ - ورىنمەن قامداۋ سياقتى تاسىلدەر ارقىلى مۇراگەرلەردىڭ شاكىرت قابىلداپ ونەر ۇيرەتۋىنە شابىت بەرىلدى.

  2021 - جىلى ”شينجياڭ جاقسى جەر − شينجياڭعا باعىتتامالى كومەكتەسەتىن 19 ولكە، قالانىڭ بەيزاتتىق مادەني مۇرالارى كورمەسى“ وتكىزىلىپ، ءبىر توپ جاسالۋ شەبەرلىگى جوعارى، كورمە ونىمدىلىگى جاقسى، وسى زامان تىنىسى قويۋ، مادەنيەت ءمانى تەرەڭ بەيزاتتىق مادەني مۇرا نىساندارى جۇرتشىلىقپەن بەت كورىسىپ، كورمەگە قاتىناسقان جەر - جەردىڭ ءار دارەجەلى بەيزاتتىق مادەني مۇرا ۋاكىلدىك مۇراگەرلەرى اۋىس - كۇيىس جاساپ، ءوزارا ۇلگى الىپ، ءبىر - ءبىرىنىڭ مادەنيەت سالاسىنداعى دامۋىنىڭ جاڭا جولى مەن جاڭا ۇلگىسىن بىرگە جوسپارلاپ، شينجياڭنىڭ بەيزاتتىق مادەني مۇرانى قورعاۋىنا، ونان پايدالانۋىنا تىڭ ومىرشەڭدىك كۇش ۇستەدى.

  جاس دوستار كەزدەستى

  جاقىنداعى جىلداردان بەرى ءار جىلى وتكىزىلەتىن تيانشان الابى كوكتەم مەرەكەسىن قۇتتىقتاۋ بەيزاتتىق مادەني مۇرالار جاڭا جىل سالت - سانا كورمەسى، مادەنيەت جانە جاراتىلىستىق مۇرا كۇنى · شينجياڭ بەيزاتتىق مادەني مۇرا كورمە اپتالىعى سياقتى قيمىلداردا جاستاردىڭ قاراسى بارعان سايىن كوبەيىپ كەلەدى.

  شەتەل كاسىپورنىندا جۇمىس ىستەيتىن اق جاعالىدان اۋىلىنا قايتىپ شارۋاشىلىق قۇرعانعا دەيىن سىبە ۇلتىنىڭ كەستەسى بەيزاتتىق مادەني مۇراسىنىڭ مۇراگەرى دۇڭلان شينجياڭ لانپاي مادەنيەت جاسامپازدىعى كاسىپ سالاسى شەكتى سەرىكتەستىگىندەگى كەستەشى قىزداردى باستاپ، رەڭى اشىق، گۇلى اسەم، تىگىلۋى مانەرلى بەدەرلەردى كيىم - كەشەككە، اياق كيىمگە، باس كيىمگە، وتباسى بۇيىمدارىنا سالدى. ”سىبە ۇلتىنىڭ كەستەسىنىڭ جوبالانۋى وسى زامانعى تۇرمىس قاجەتىنە ۇيلەسۋى، جاستاردىڭ قىزىعۋىنا سايكەسۋى كەرەك. قازىر ءبىز ونىمدەرىمىزگە مادەنيەت ءمانى جونىندەگى تۇسىنىگىمىزدى ءسىڭىرىپ، تاريحي اڭگىمە، سيمۆولدىق ورنەك سياقتىلار ارقىلى تۇتىنۋشىلاردىڭ ولاردىڭ ءمانىن جانە قۇنىن تۇسىنۋىنە مۇمكىندىك جاسايمىز“، - دەدى دۇڭلان.

  ۇرىمجىدەگى تەرى ويما جوبالاۋشىسى مىڭ لۋلۋ ءداستۇرلى تەرى ويما ورنەگى جوباسىنىڭ ءبىر سىدىرعى بولۋداي جاعدايىن وزگەرتتى. ول تۇتىنۋشىلار شوعىرىنا جۇرگىزگەن تەكسەرۋىنە جانە ەل ىشىندەگى تەرى ويما ماماندارىنىڭ ۇسىنىسىنا ساي، كۇسان قابىرعا سۋرەتى، قىزقۋار، كەستەشى قىزدار، بارىس سياقتى شينجياڭنىڭ ەرەكشەلىگىنە يە ەلەمەنتتەردى جوباعا كىرىستىرىپ، ينتەرنەت تۇعىرلارىندا نەشە ون مىڭداعان جانكۇيەرگە يە بولدى، ونىڭ اتاعىن ەستىپ ونەر ۇيرەنۋگە كەلەتىندەردىڭ دە اياعى ۇزىلمەدى.

  ”ءجىپ تۇيمەنى ءداستۇرلى اشەكەي بۇيىم ەتۋدەن سىرت، القا - مونشاق، كيىم - كەشەك، اسپا سومكە، جازۋ - سىزۋ جابدىقتارى سياقتىلارعا قوسىمشا اشەكەي بۇيىم ەتۋگە بولادى، ونىڭ يقۋاتىن كەڭەيتىپ، جوبا ۇلگىسىن مولايتساق بولعانى، پايدالانىلۋ قۇنىن جالعاستىرۋعا بولادى“. ءجىپ تۇيمە كوركەمونەرىنىڭ اۆتونوميالى رايون دارەجەلى بەيزاتتىق مادەني مۇرا ۋاكىلدىك مۇراگەرى حۋ لينشىڭ ءجىپ تۇيمە مەن التىن، كۇمىس اشەكەي بۇيىمداردى ۇشتاستىرىپ، ساقينا، بىلەزىك، القا سياقتى جوعارى دەڭگەيلى بەيزاتتىق مادەني مۇرا ونىمدەرىن جاساپ، بەيزاتتىق مادەني مۇرا بازارى مەن بەيزاتتىق مادەني مۇرالاردى كورىنىس وڭىرلەرىنە كىرگىزۋ قيمىلدارىندا ساياحاتشىلاردىڭ قارسى الۋىنا بولەندى.

  كوكتەمنىڭ قادامىنا ىلەسە، توقسۋ اۋدانى جاي قىستاعىنداعى مۋزيكا اسپاپتارىن جاساۋ شەبەرى قۇربان شامشى سەرىكتەرىمەن بىرگە مۋزيكا اسپاپتارىن جاساي باستادى. ”ءبىزدىڭ قىستاقتاعىلار شەتىنەن ءانشى، بارلىق ۇيدەن مۋزيكا اۋەنى ەستىلەدى، قىستاق تۇرعىندارىنىڭ جارتىسى ساتار، دۇتار، تامبۇر جاسايدى، ءداستۇرلى مۋزيكا اسپاپتارىن جاساۋ قوسىنىنا كىرگەن جاستار بارعان سايىن مولايىپ كەلەدى“. قۇربان جاي قىستاعىنىڭ ءار جاقتاعى ساياحاتشىلاردىڭ كەلىپ مۋزيكا اسپاپتارىن جاساۋ شەبەرلىگىنىڭ كەرەمەتىن سەزىنۋىن قارسى الاتىندىعىن ايتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

سۋرەتتە: ميرادىل ىندەتتەن ساقتانۋدىڭ الدىڭعى شەبىندەگى قىزمەتكەرلەرگە تۇسكى اس جەتكىزىپ بەرۋدە. شينحۋا اگەنتتىگىنىڭ ءتىلشىسى گو جيەۋىن فوتوسى