بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

ەلىمىزدىڭ قوعامدىق قامتاماسىزداندىرۋ ىستەرىنىڭ ساپالى دامۋىن، باياندى دامۋىن جەبەۋ كەرەك

2022.04.18 15:44     كەلۋ قاينارى : حالىق تورابى

  شينحۋا اگەنتتىگى، 4 - ايدىڭ 15 - كۇنى، بەيجيڭ. 4 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 8 - سانى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ەلىمىزدىڭ قوعامدىق قامتاماسىزداندىرۋ ىستەرىنىڭ ساپالى دامۋىن، باياندى دامۋىن جەبەۋ كەرەك» اتتى ماڭىزدى ماقالاسىن جاريالايدى.

  ماقالادا مىنالار دارىپتەلدى: قوعامدىق قامتاماسىزداندىرۋ _ حالىق تۇرمىسىن قامتاماسىز ەتەتىن جانە جاقسارتاتىن، قوعامدىق ادىلدىكتى قورعايتىن، حالىقتىڭ قۇت - ىرىسىن ارتتىراتىن نەگىزگى تۇزىمدىك قامتاماسىزدىق، ەكونوميكالىق، قوعامدىق دامۋدى جەبەۋدەگى، قالىڭ حالىق بۇقاراسىنىڭ رەفورمانىڭ، دامۋدىڭ جەتىستىكتەرىنەن بىرگە يگىلىكتەنۋىن جۇزەگە اسىرۋداعى ماڭىزدى تۇزىمدىك ورنالاستىرۋ، ول حالىق تۇرمىسىن قامتاماسىز ەتۋدىڭ حاۋىپسىزدىك تورى، كىرىس ءبولىسىن رەتتەۋشى، ەكونوميكالىق اينالىمداعى تەربەلۋدى باسەيتۋشى بولۋ رولىن اتقارادى، مەملەكەتتى باسقارىپ، ەل تىنىشتىعىن ساقتاۋداعى ءىرى ماسەلە. قايتالاي ءبولىس سەرپىنىن ارتتىرىپ، ءوزارا جاردەمدەسۋ، بىرلەسىپ كومەك كورسەتۋ يقۋاتىن كۇشەيتىپ، اناعۇرلىم كوپ ادامدى قوعامدىق قامتاماسىزداندىرۋ جۇيەسىمەن قامتىپ، قالىڭ حالىق بۇقاراسىنا اناعۇرلىم سەنىمدى، اناعۇرلىم تولىق قامتاماسىزدىق ازىرلەپ، حالىق بۇقاراسىنىڭ كوپ ساتىلى، الۋان ءتۇرلى قاجەتىن ۇزدىكسىز قاناعاتتاندىرىپ، جالپى حالىقتى تولىق قامتيتىن، قالا مەن اۋىل ءبىر تۇتاس جوسپارلاناتىن، ءادىل دە ءبىر تۇتاس، باياندى كوپ ساتىلى قوعامدىق قامتاماسىزداندىرۋ جۇيەسىن اقاۋسىزداندىرىپ، قوعامدىق قامتاماسىزداندىرۋدىڭ حاۋىپسىزدىك تورىن ونان ارى ءجيى توقىپ، ەلىمىزدىڭ قوعامدىق قامتاماسىزداندىرۋ ىستەرىنىڭ ساپالى دامۋىن، باياندى دامۋىن جەبەۋ كەرەك.

  ماقالادا مىنالار اتاپ كورسەتىلدى: پارتيامىز ەجەلدەن حالىق تۇرمىسىن جاقسارتۋ مەن قوعامدىق قامتاماسىزداندىرۋعا ايرىقشا ءمان بەرىپ كەلەدى. پارتيانىڭ 18 - قۇرىلتايىنان بەرى پارتيا ورتالىق كوميتەتى قوعامدىق قامتاماسىزداندىرۋ جۇيەسى قۇرىلىسىن اناعۇرلىم كورنەكتى ورىنعا قويىپ، ەلىمىزدىڭ قوعامدىق قامتاماسىزداندىرۋ جۇيەسى قۇرىلىسىنىڭ قارقىندى ارناعا ءتۇسۋىن ىلگەرىلەتتى. قازىر ەلىمىزدە قوعامدىق قامسىزداندىرۋدى نەگىزگى تۇلعا ەتكەن، قوعامدىق جاردەم، قوعامدىق يگىلىك، قوعامدىق قامقورلىق سياقتى تۇزىمدەردى قامتىعان، يقۋاتى كەمەلدى قوعامدىق قامتاماسىزداندىرۋ جۇيەسى نەگىزىنەن ورناتىلدى. ءبىز جۇڭگو كوممۋنيستىك پارتياسى باسشىلىعىنىڭ جانە ەلىمىزدىڭ سوتسياليستىك ءتۇزىمىنىڭ ساياسي ابزالدىعىن ساۋلەلەندىرۋدە، حالىقتى بارىنەن جوعارى قويۋدا، بىرگە بايۋدا، تۇزىممەن جەتەكشىلىك ەتۋدە، داۋىرمەن بىرگە ىلگەرىلەۋدە، شىندىقتى ءىس جۇزىنەن ىزدەۋدە تاباندى بولىپ، ايقىن جۇڭگوشا قوعامدىق قامتاماسىزداندىرۋ جۇيەسىن ءساتتى قۇرىپ شىقتىق. وسى ءساتتى تاجىريبەلەردە تاباندى بولىپ جانە دامىتىپ، ۇزدىكسىز قورىتىندىلاۋ، ۇزدىكسىز العا ىلگەرىلەۋ كەرەك.

  ماقالادا مىنالار اتاپ كورسەتىلدى: جۇيە كوزقاراسىندا تاباندى بولىپ، ستراتەگيالىق كوز ايا ورناتىپ، حاۋىپ - قاتەر تانىمىن كۇشەيتىپ، حالىقارالىق كوز ايانى كەڭەيتىپ، «14 - بەسجىلدىقتاعى»، ءتىپتى، ونان دا ۇزاق مەزگىلدەگى قوعامدىق قامتاماسىزداندىرۋ ىستەرىن عىلمي جوسپارلاۋ كەرەك. ەكونوميكانىڭ دامۋى مەن قوعامدىق قامتاماسىزداندىرۋ سايكەسە جوعارىلاۋ قاتىناسىندا بولاتىنى، تاياز سۋدا قايىقپەن، تەرەڭ سۋدا كەمەمەن ءجۇزۋ كەرەكتىگى، بۇل زاڭدىلىققا قايشى كەلسەك، قايىعىمىز قايراڭداپ قالاتىنى نەمەسە اۋدارىلىپ كەتەتىنى سىندى قيسىندى ءارقاشان ەستەن شىعارماۋىمىز كەرەك.

  ماقالادا مىنالار اتاپ كورسەتىلدى: ەلىمىزدىڭ قوعامدىق قامتاماسىزداندىرۋ ءتۇزىمى رەفورماسى جۇيەلى شوعىرلانۋ، سايكەسىمدى دە جوعارى ءونىمدى بولۋ كەزەڭىنە ءوتتى. قوعامدىق قامتاماسىزداندىرۋدىڭ ءار جاعى اراسىنداعى، قوعامدىق قامتاماسىزداندىرۋ سالاسى مەن باسقا قاتىستى سالالار اراسىنداعى رەفورمالاردىڭ قاتىناسىن دالمە - ءدال يگەرىپ، ءبىر تۇتاس جوسپارلاۋ جانە سايكەستى ىلگەرىلەتۋ قۋاتىن جوعارىلاتىپ، ءارقايسى رەفورمادا تۇلعالىق بىرىككەن كۇش قالىپتاستىرۋعا شىنايى كەپىلدىك ەتۋ كەرەك. نەگىزگى زەينەتكەرلىك قامسىزداندىرۋىن بۇكىل ەلدە ءبىر تۇتاس جوسپارلاۋدى جەدەل جۇزەگە اسىرۋ كەرەك، بۇل قوعامدىق قامسىزداندىرۋدىڭ «ۇلكەن سان زاڭىنا» ۇيلەسەدى، سونداي - اق ول جاڭا دامۋ ارناسىن قالىپتاستىرۋدىڭ تالابى بولىپ تابىلادى. «ەمدەۋ، ەمدەۋ قامسىزداندىرۋى، ءدارى - دارمەك ىستەرىن بىرلەسىپ ىلگەرىلەتۋ رەفورماسىن» قاجىماي - تالماي، سايكەسە ىلگەرىلەتۋ كەرەك. رەفورمانىڭ بەتالىسىن، ريتىمىن، سەرپىنىن ۇيلەسىمدى يگەرىپ، قوعامدىق پىكىر جەتەكشىلىگىن كۇشەيتىپ، بۇكىل قوعامنىڭ ورتاق تانىمى مەن بىرىككەن كۇشىن ەڭ جوعارى شەكتە ۇيىستىرىپ، زاڭدا بەلگىلەنگەن زەينەت جاسىن ۇزارتۋدى ىلگەرىلەتۋ سىندى رەفورما مىندەتىنىڭ ورنىقتى ورىندالۋىن ىلگەرىلەتۋ كەرەك.

  ماقالادا مىنالار اتاپ كورسەتىلدى: قوعامدىق قامتاماسىزداندىرۋدىڭ زاڭمەن باسقارىلۋىن ىلگەرىلەتىپ، زاڭمەن باسقارۋ ارناسىندا قوعامدىق قامتاماسىزداندىرۋ ىستەرىنىڭ اقاۋسىز دامۋىن ىلگەرىلەتۋ كەرەك. قوعامدىق قامتاماسىزداندىرۋدى ەگجەي - تەگجەيلى باسقارۋدى كۇشەيتىپ، قوعامدىق قامتاماسىزداندىرۋدى جونگە سالۋدىڭ ونىمدىلىگىن جوعارىلاتۋ كەرەك. قوعامدىق قامتاماسىزداندىرۋدىڭ ىندەتتىڭ ىقپالىنا توتەپ بەرۋ جاعىنداعى بەلسەندى رولىن ويداعىداي ساۋلەلەندىرىپ، ەلىمىزدىڭ قوعامدىق قامتاماسىزداندىرۋىنىڭ توسىن تۋىلعان ەلەۋلى حاۋىپ - قاتەرگە باعىتتالعان توتەنشە جاعدايعا سايكەسۋ مەحانيزمىن كەمەلدەندىرۋ كەرەك.

  ماقالادا مىنالار دارىپتەلدى: ءتۇزىمنىڭ ءبىر تۇتاستىعى مەن جۇيەلىلىگىندە تاباندى بولۋ، قوعامدىق قامتاماسىزداندىرۋ جۇيەسى قۇرىلىسىندا مەملەكەت جوعارى دەڭگەيدە جوبالاۋدا تاباندى بولۋ، بۇكىل ەلدى ءبىر تۇتاس جۇيە رەتىندە قاراستىرۋ كەرەك. ءار دارەجەلى پارتكومدار مەن ۇكىمەتتەر قوعامدىق قامتاماسىزداندىرۋ قىزمەتىنىڭ ماڭىزدىلىعى جونىندەگى تانىمدى تەرەڭدەتىپ، زاڭدىلىقتى يگەرىپ، ءبىر تۇتاس جوسپارلاپ سايكەستىرىپ، پارتيا ورتالىق كوميتەتىنىڭ شەشىم، ورنالاستىرۋلارىن جانە ءارقايسى رەفورما جوباسىن دايەكتىلەندىرۋدى، تياناقتاندىرۋدى ويداعىداي يگەرىپ، جالپى حالىقتى قامتيتىن قوعامدىق قامتاماسىزداندىرۋ جۇيەسىن اقاۋسىزداندىرۋ جاعىندا ۇزدىكسىز تىڭ ناتيجەلەرگە قول جەتكىزۋى كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار