شىنجوۋ 13 - ءنومىرلى عارىشكەرلى الەم كەمەسىنىڭ قايتا ورالۋ بولمەسى جەرگە ءساتتى قوندى
ۇشۋ مىندەتى تابىسپەن ورىندالدى
2022.04.18 15:48 كەلۋ قاينارى : حالىق تورابى
شىنجوۋ 13 - ءنومىرلى عارىشكەرلى الەم كەمەسىنىڭ قايتا ورالۋ بولمەسى 4 - ايدىڭ 16 - كۇنى دۇڭفىڭ جەرگە قونۋ الاڭىندا جەرگە ءساتتى قوندى. سۋرەتتە: جاي جىگاڭ، ۋاڭ ياپيڭ، يە گۋاڭفۋ (سولدان وڭعا) بولمەدەن حاۋىپسىز، ءساتتى شىقتى. سۋرەتتى شينحۋا اگەنتتىگى تاراتقان
«حالىق گازەتى»، 4 - ايدىڭ 16 - كۇنى، بەيجيڭ (تىلشىلەر گۋ يەكاي، ۋ يۋەحۇي، ليۋ شىياۋ، يۇي جيانبين). جۇڭگو عارىشقا ادام الىپ ۇشۋ ينجەنەرياسى كەڭسەسىنىڭ حابارىنا قاراعاندا، بەيجيڭ ۋاقىتى 2022 - جىلى 4 - ايدىڭ 16 - كۇنى ساعات 9 دان 56 مينۋت وتكەندە شىنجوۋ 13 - ءنومىرلى عارىشكەرلى الەم كەمەسىنىڭ قايتا ورالۋ بولمەسى دۇڭفىڭ جەرگە قونۋ الاڭىندا جەرگە ءساتتى قونعان. ساعات 11 دەن 5 مينۋت وتكەندە شىنجوۋ 13 - ءنومىرلى عارىشكەرلى الەم كەمەسىنىڭ عارىشكەرلەرى جاي جىگاڭ، ۋاڭ ياپيڭ، يە گۋاڭفۋ بولمەدەن حاۋىپسىز، ءساتتى شىققان. سول اراداعى مەديتسينالىق باقىلاۋ، مەديتسينالىق قورعاۋ قىزمەتكەرلەرى عارىشكەرلەر جاي جىگاڭنىڭ، ۋاڭ ياپيڭنىڭ، يە گۋاڭفۋدىڭ دەنساۋلىق جاعدايى جاقسى ەكەنىن تۇراقتاندىرعان، ءسويتىپ، شىنجوۋ 13 - ءنومىرلى الەم كەمەسىنىڭ ادام الىپ ۇشۋ مىندەتى تابىسپەن ورىندالعان.
ساعات 9 دان 6 مينۋت وتكەندە بەيجيڭ عارىشقا ۇشۋدى مەڭگەرۋ ورتالىعى جەر بەتىندەگى ولشەۋ - مەڭگەرۋ پۋنكتى ارقىلى قايتا ورالۋ بۇيرىعىن بەرىپ، شىنجوۋ 13 - ءنومىرلى عارىشكەرلى الەم كەمەسىنىڭ وربيتا بولمەسى مەن قايتا ورالۋ بولمەسى ءساتتى اجىرادى. وسىدان كەيىن الەم كەمەسىنىڭ قايتا ورالۋ تورموزداۋ قوزعالتقىشى وت الىپ، قايتا ورالۋ بولمەسى مەن جىلجىتۋ بولمەسى اجىرادى. قايتا ورالۋ بولمەسى جەرگە ءساتتى قونعاننان كەيىن، ىزدەستىرۋ - قۇتقارۋ، قايتارىپ اكەلۋ مىندەتىن ارقالاعان ىزدەستىرۋ - قۇتقارۋ بولىمشە اترەتى نىسانانى دەر كەزىندە بايقادى ءارى جەرگە قونۋ ورنىنا تىزگىن ۇشىمەن جەتتى. قايتا ورالۋ بولمەسىنىڭ ەسىگى اشىلىسىمەن مەديتسينالىق باقىلاۋ، مەديتسينالىق قورعاۋ قىزمەتكەرلەرى عارىشكەرلەردىڭ دەنساۋلىعىنىڭ جاقسى ەكەنىن تۇراقتاندىردى. عارىشقا ادام الىپ ۇشۋ ينجەنەرياسىنىڭ كەڭىستىك پۋنكتى كەزەڭدىك ۇشۋ مىندەتىنىڭ باس قولباسشىلىق شتابىنداعى قاتىستى باسشىلار دۇڭفىڭ جەرگە قونۋ الاڭىندا عارىشكەرلەردى قارسى الدى.
شىنجوۋ 13 - ءنومىرلى عارىشكەرلى الەم كەمەسى 2021 - جىلى 10 - ايدىڭ 16 - كۇنى جيۋچۋان عارىش ايلاعىنان كەڭىستىككە كوتەرىلىپ، ىلە - شالا تيانحى وزەكتى بولمەسىمەن ۇشتاسىپ قۇرامالى تۇلعا قالىپتاستىردى، 3 عارىشكەر وزەكتى بولمەگە جايعاسىپ، 6 اي بويى سول جەردە ايالداپ، جۇڭگو عارىشكەرلەرىنىڭ وربيتانى ءۇرتىس اينالىپ ۇشۋ ۋاقىتى ەڭ ۇزاق بولۋ رەكوردىن جاڭالادى. عارىشكەرلەر وربيتادا ۇشۋ مەزگىلىندە ىلگەرىندى - كەيىندى 2 رەت بولمەدەن شىعۋ قيمىلىن جۇرگىزىپ، قولمەن قاشىقتان باسقارۋ ارقىلى ءتۇيىلىستىرۋ، مەحانيكالى قولدىڭ كومەگىمەن بولمەنىڭ ورنىن اۋىستىرۋ سياقتى كوپ ءتۇرلى عىلىم - تەحنيكالىق تاجىريبەلەر (سىناق) جاساپ، عارىشكەرلەردىڭ ۇزاق ۋاقىت ايالداۋىن قامتاماسىز ەتۋ، قايتا تۋىنداۋ عۇمىر قامسىزداندىرۋى، كەڭىستىكتە زاتتىق ماتەريالدار تولىقتاپ بەرۋ، بولمەدەن شىعىپ قيمىلداۋ، بولمە سىرتىندا جۇمىس جۇرگىزۋ، وربيتادا جوندەۋ سياقتى شەشۋشى تەحنيكالاردى ىسپاتتادى. عارىشكەرلەر مىندەت ارەدىگىنەن پايدالانىپ تاعى 2 رەت «تيانگۇڭ ساباقحاناسى» ارقىلى عارىشتا ساباق ءوتتى، سونداي - اق ءبىرقىدىرۋ وزگەشە عىلىم جالپىلاستىرۋ تاربيەسى مەن مادەنيەت تاراتۋ قيمىلىن جۇرگىزدى.
شىنجوۋ 13 - ءنومىرلى الەم كەمەسىنىڭ عارىشقا ادام الىپ ۇشۋ مىندەتىنىڭ تابىسپەن ورىندالۋى كەڭىستىك پۋنكتى شەشۋشى تەحنيكاسىن ىسپاتتاۋ كەزەڭدىك مىندەتىنىڭ تابىسپەن ورىندالىپ، جۇڭگو كەڭىستىك پۋنكتىنىڭ الدا جاساۋ كەزەڭىنە وتەتىنىن كورسەتەدى.
تاعى ءبىر حابار. جۇڭگو عارىشقا ادام الىپ ۇشۋ ينجەنەرياسى كەڭسەسىنىڭ حابارىنا قاراعاندا، شىنجوۋ 13 - ءنومىرلى عارىشكەرلى الەم كەمەسىنىڭ ادام الىپ ۇشۋ مىندەتىن تابىسپەن ورىنداعان عارىشكەرلەر جاي جىگاڭ، ۋاڭ ياپيڭ، يە گۋاڭفۋ 2022 - جىلى 4 - ايدىڭ 16 - كۇنى تۇستەن كەيىن مىندەت وتەۋ ۇشاعىنا وتىرىپ بەيجيڭگە امان - ەسەن جەتكەن. كەڭىستىك پۋنكتى كەزەڭدىك ۇشۋ مىندەتىنىڭ باس قولباسشىلىق شتابىنىڭ باسشىلارى مەن مۇشەلەرى اۋەجايعا بارىپ قارسى العان.
3 عارىشكەر بەيجيڭگە جەتكەننەن كەيىن شيپاحاناعا كىرگىزىلىپ، مەديتسينالىق جاقتان اۋاشالانادى، مەديتسينالىق جاقتان جان - جاقتى تەكسەرۋ جۇرگىزىلىپ، دەنساۋلىق جاعدايى باعالانادى ءارى دەمالىس ورنالاستىرىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
