شي جينپيڭ بو - اۋ ازيا تالقى مىنبەرىنىڭ 2022 - جىلعى جىلدىق جينالىسىنىڭ اشىلۋ سالتىندا ارقاۋ ءسوز سويلەدى
2022.04.22 15:58 كەلۋ قاينارى : حالىق تورابى
 |
4 - ايدىڭ 21 - كۇنى تۇستەن بۇرىن بو - اۋ ازيا تالقى مىنبەرىنىڭ 2022 - جىلعى جىلدىق جينالىسىنىڭ اشىلۋ سالتى حاينان ولكەسىنىڭ بو - اۋ قالاسىندا وتكىزىلدى، مەملەكەت ءتوراعاسى شي جينپيڭ بەينە ەكران تاسىلىمەن «سايىستى قول ۇستاسا قارسى الىپ، سەلبەسىپ بولاشاققا جول اشايىق» دەگەن تاقىرىپتا ارقاۋ ءسوز سويلەدى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
|
دۇنيە جۇزىلىك حاۋىپسىزدىك باستاماسىن العا قويىپ، ادامزات − بەينەت پەن زەينەتتى بىرگە وتكەرەتىن تاعدىرلاس ورتاق تۇلعا، ءار ەل سەنىمدى بەكەمدەپ، ءبىر نيەتپەن كۇش بىرىكتىرىپ، ءبىر جاعادان باس، ءبىر جەڭنەن قول شىعارىپ، سەلبەسىپ بولاشاققا جول اشۋى كەرەك دەگەندى دارىپتەدى
■ قازىر دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى بۇرىن بولىپ كورمەگەن تاسىلمەن ورىستەپ بارادى، ادامزاتقا قاتاڭ مامىلە جاساۋعا ءتيىستى سىن - سايىس العا قويىلدى. ادامزات تاريحى بىزگە مىنانى ۇعىندىردى: نەعۇرلىم قيىن - قىستاۋ ساتتە سەنىمدى سولعۇرلىم بەكەمدەۋ كەرەك. ءارقانداي قيىن بۇراڭ جول تاريحتىڭ العا باسۋ تەگەرشىگىن توسا المايدى. قات - قابات سىن - سايىستقا كەز بولعاندا، ءبىز استە سەنىمنەن ايرىلماۋىمىز ءارى شەگىنبەۋىمىز، قايتا سەنىمدى بەكەمدەپ، ەرلىكپەن العا باسۋىمىز كەرەك
■ سوقىر تۇماندى جارىپ شىعىپ، نۇرلى بولاشاققا بەت الۋداعى ەڭ قۇدىرەتتى كۇش − ءبىر نيەتپەن كۇش بىرىكتىرۋ، ەڭ ءونىمدى امال − ءبىر جاعادان باس، ءبىر جەڭنەن قول شىعارۋ. وتكەن 2 جىلدان استام ۋاقىتتان بەرى حالىقارالىق قوعام جاڭا تيپتى ايدارشا ۆيرۋس وكپە قابىنۋ ىندەتىنىڭ سىن - سايىسىنا توتەپ بەرۋ، دۇنيە ءجۇزى ەكونوميكاسىنىڭ قالپىنا كەلىپ دامۋىن ىلگەرىلەتۋ جولىندا جاپالى قۇلشىنىس جاسادى. قيىنشىلىق پەن سايىس بىزگە مىنانى ۇعىندىردى: ادامزات − بەينەت پەن زەينەتتى بىرگە وتكەرەتىن تاعدىرلاس ورتاق تۇلعا، ءار ەل بەيبىتشىلىك، دامۋ، سەلبەستىك، ورتاق يگىلىكتەنۋ سىندى ءداۋىر اعىمىنا سايكەسىپ، ادامزاتتىڭ تاعدىرلاس ورتاق تۇلعاسىن قۇرۋ دۇرىس بەتالىسىن بەتكە الىپ، سايىستى قول ۇستاسا قارسى الىپ، سەلبەسىپ بولاشاققا جول اشۋى كەرەك. ءبىز ادامزاتتىڭ ءومىرى مەن سالاماتتىعىن بىرگە قورعاۋىمىز كەرەك. ءبىز ەكونوميكانىڭ قالپىنا كەلۋىن بىرگە جەبەۋىمىز كەرەك. ءبىز دۇنيە ءجۇزىنىڭ بەيبىتشىلىگىن، تىنىشتىعىن بىرگە قورعاۋىمىز كەرەك. ءبىز دۇنيە ءجۇزىن جونگە سالۋدىڭ سىن - سايىسىنا بىرگە توتەپ بەرۋىمىز كەرەك
■ وتكەن نەشە ون جىلدا ازيا وڭىرىندە جالپى جاقتان ورنىقتىلىق ساقتالىپ، ەكونوميكا ءۇرتىس، تەز ارتىپ، «ازيا كەرەمەتتەرى» جاراتىلدى. ازيا جاقسى بولعاندا عانا دۇنيە ءجۇزى ءتىپتى دە جاقسى بولادى. ءبىز ازيانى ۇزدىكسىز ويداعىداي دامىتۋىمىز، ويداعىداي قۇرۋىمىز، ازيانىڭ توزىمدىلىگىن، اقىل - پاراساتىن، كۇش - قۋاتىن ايگىلەپ، دۇنيە ءجۇزىنىڭ بەيبىتشىلىگىن، ورنىقتىلىعىن كوزدەپ، ارتۋدىڭ قوزعاۋشى كۇش قاينارىن، سەلبەستىكتىڭ جاڭا بەلەسىن تۇلعالاۋىمىز كەرەك. ءبىرىنشى، ازيانىڭ بەيبىتشىلىگىن باتىل قورعاۋ كەرەك. ەكىنشى، ازيانىڭ سەلبەستىگىن بەلسەنە ىلگەرىلەتۋ كەرەك. ءۇشىنشى، ازيانىڭ ىنتىماعىن بىرگە جەبەۋ كەرەك
■ ءبىر - ءبىر قادامنان باستالعان ىزدەر ۇزاق بولاشاققا ۇلاسادى؛ اياق الىستى توقتاتپاۋ، سان - ساناقسىز كەدىر جولداردان قايمىقپاۋ كەرەك. ءبىز قول ۇستاسىپ، ءبىر نيەت، ءبىر تىلەكتە بولىپ، تىزە قوسا شايقاس جاساساق بولعانى، ءسوز جوق، سەلبەسىپ ورتاق يگىلىكتەنۋدىڭ ۇلى كۇشىن ۇيىستىرىپ، العا باسۋ جولىنداعى ءتۇرلى سايىستاردى جەڭىپ، ادامزاتتىڭ اناعۇرلىم نۇرلى، كوركەم بولاشاعىن قارسى الاتىن بولامىز
شينحۋا اگەنتتىگى، 4 - ايدىڭ 21 - كۇنى، بەيجيڭ. بو - اۋ ازيا تالقى مىنبەرىنىڭ 2022 - جىلعى جىلدىق جينالىسىنىڭ اشىلۋ سالتى 4 - ايدىڭ 21 - كۇنى تۇستەن بۇرىن حاينان ولكەسىنىڭ بو - اۋ قالاسىندا وتكىزىلدى، مەملەكەت ءتوراعاسى شي جينپيڭ بەينە ەكران تاسىلىمەن «سايىستى قول ۇستاسا قارسى الىپ، سەلبەسىپ بولاشاققا جول اشايىق» دەگەن تاقىرىپتا ارقاۋ ءسوز سويلەدى (ءسوزدىڭ تولىق ءماتىنىن «حالىق گازەتىنىڭ» 2 - بەتىنەن وقي الاسىزدار)
شي جينپيڭ بىلاي دەپ اتاپ كورسەتتى: قازىر دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى بۇرىن بولىپ كورمەگەن تاسىلمەن ورىستەپ بارادى، ادامزاتقا قاتاڭ مامىلە جاساۋعا ءتيىستى سىن - سايىس العا قويىلدى. ادامزات تاريحى بىزگە مىنانى ۇعىندىردى: نەعۇرلىم قيىن - قىستاۋ ساتتە سەنىمدى سولعۇرلىم بەكەمدەۋ كەرەك. ءارقانداي قيىن بۇراڭ جول تاريحتىڭ العا باسۋ تەگەرشىگىن توسا المايدى. قات - قابات سىن - سايىستقا كەز بولعاندا، ءبىز استە سەنىمنەن ايرىلماۋىمىز ءارى شەگىنبەۋىمىز، قايتا سەنىمدى بەكەمدەپ، ەرلىكپەن العا باسۋىمىز كەرەك.
شي جينپيڭ بىلاي دەپ دارىپتەدى: سوقىر تۇماندى جارىپ شىعىپ، نۇرلى بولاشاققا بەت الۋداعى ەڭ قۇدىرەتتى كۇش − ءبىر نيەتپەن كۇش بىرىكتىرۋ، ەڭ ءونىمدى امال − ءبىر جاعادان باس، ءبىر جەڭنەن قول شىعارۋ. وتكەن 2 جىلدان استام ۋاقىتتان بەرى حالىقارالىق قوعام جاڭا تيپتى ايدارشا ۆيرۋس وكپە قابىنۋ ىندەتىنىڭ سىن - سايىسىنا توتەپ بەرۋ، دۇنيە ءجۇزى ەكونوميكاسىنىڭ قالپىنا كەلىپ دامۋىن ىلگەرىلەتۋ جولىندا جاپالى قۇلشىنىس جاسادى. قيىنشىلىق پەن سايىس بىزگە مىنانى ۇعىندىردى: ادامزات − بەينەت پەن زەينەتتى بىرگە وتكەرەتىن تاعدىرلاس ورتاق تۇلعا، ءار ەل بەيبىتشىلىك، دامۋ، سەلبەستىك، ورتاق يگىلىكتەنۋ سىندى ءداۋىر اعىمىنا سايكەسىپ، ادامزاتتىڭ تاعدىرلاس ورتاق تۇلعاسىن قۇرۋ دۇرىس بەتالىسىن بەتكە الىپ، سايىستى قول ۇستاسا قارسى الىپ، سەلبەسىپ بولاشاققا جول اشۋى كەرەك.
− ءبىز ادامزاتتىڭ ءومىرى مەن سالاماتتىعىن بىرگە قورعاۋىمىز كەرەك. ادامزات جاڭا تيپتى ايدارشا ۆيرۋس وكپە قابىنۋ ىندەتىن تۇبەگەيلى جەڭۋدە جاپالى قۇلشىنىستار جاساۋعا تۋرا كەلەدى. ءار ەل ءبىرىن - ءبىرى قولداپ، ىندەتتەن ساقتانۋ شارالارىن سايكەستىرۋدى كۇشەيتىپ، دۇنيە جۇزىلىك الەۋمەتتىك دەنساۋلىق ساقتاۋدى جونگە سالۋدى كەمەلدەندىرىپ، ىندەتكە توتەپ بەرۋدىڭ مىعىم حالىقارالىق بىرىككەن كۇشىن قالىپتاستىرۋى كەرەك. ۆاكسينانىڭ دۇنيە جۇزىلىك الەۋمەتتىك ءونىم رەتىندەگى ەرەكشەلىگىنەن جازباي، ۆاكسينانىڭ وركەندەپ كەلە جاتقان ەلدەردە قولجەتىمدى جانە كوتەرىمدى بولۋىنا كەپىلدىك ەتۋ كەرەك. جۇڭگو 120 دان استام مەملەكەت پەن حالىقارالىق ۇيىمدى 2 ميلليارد 100 ميلليوننان استام ۆاكسينامەن قامدادى، الدا افريكا مەن شىعىس وڭتۇستىك ازيا ەلدەرى وداعىنا جەكە - جەكە 600 ميلليون ۆاكسينا، 150 ميلليون ۆاكسينا بەرىپ، «يممۋنيتەت جىلعاسىن» بىرىكتىرۋگە بەلسەندى قۇلشىنىس جاسايدى.
− ءبىز ەكونوميكانىڭ قالپىنا كەلۋىن بىرگە جەبەۋىمىز كەرەك. اشىق دۇنيە ءجۇزى ەكونوميكاسىن قۇرۋدا تاباندى بولىپ، ماكرولىق ساياساتتاردى سايكەستىرۋدى كۇشەيتىپ، دۇنيە جۇزىلىك كاسىپ تىزبەگى مەن قامداۋ تىزبەگىنىڭ ورنىقتىلىعىن قورعاپ، دۇنيە ءجۇزىنىڭ تەپە - تەڭ، سايكەستى، قامتىمدى دامۋىن جەبەۋ كەرەك. حالىقتى وزەك ەتۋدە تاباندى بولىپ، دامۋدى جەبەۋدى، حالىق تۇرمىسىن قامتاماسىزداندىرۋدى كورنەكتى ورىنعا قويىپ، كەدەيلىكتى ازايتۋ، استىق حاۋىپسىزدىگى، دامۋ، قارجى توپتاۋ، ونەركاسىپتەنۋ سياقتى ءتۇيىندى سالالاردى ارقاۋ ەتىپ، ناقتى سەلبەستىكتى ىلگەرىلەتىپ، دامۋدىڭ بىركەلكى، تولىق بولماۋى ماسەلەسىن كۇش سالا شەشىپ، دۇنيە جۇزىلىك دامۋ باستاماسىنىڭ تياناقتانۋىن ورنىقتى ىلگەرىلەتۋ كەرەك.
− ءبىز دۇنيە ءجۇزىنىڭ بەيبىتشىلىگىن، تىنىشتىعىن بىرگە قورعاۋىمىز كەرەك. قىرعي قاباقتىق وي بۇكىل دۇنيە ءجۇزىنىڭ بەيبىتشىلىك جۇلگەسىن بۇلدىرەدى، زورەكەرلىك پەن وكتەمدىك ساياسي دۇنيە ءجۇزىنىڭ بەيبىتشىلىگىنە زيان جەتكىزەدى، توپقا ءبولىنىپ قارسىلاسۋ 21 - عاسىرداعى حاۋىپسىزدىك سايىسىن اسقىندىرادى. جۇڭگو دۇنيە جۇزىلىك حاۋىپسىزدىك باستاماسىن ورتاعا قويادى: ورتاق، جالپىلىق، سەلبەستىك، باياندى حاۋىپسىزدىك كوزقاراسىندا تاباندى بولىپ، دۇنيە ءجۇزىنىڭ بەيبىتشىلىگى مەن حاۋىپسىزدىگىن بىرگە قورعاۋ؛ ءار ەلدىڭ يەلىك ۇقىعىنا، تەرريتوريا تۇتاستىعىنا قۇرمەت ەتۋدە تاباندى بولىپ، باسقا ەلدەردىڭ ىشكى ىسىنە ارالاسپاي، ءار ەل حالقىنىڭ ءوزى تاڭداعان دامۋ جولى مەن قوعامدىق تۇزىمىنە قۇرمەت ەتۋ؛ بىرلەسكەن مەملەكەتتەر ۇيىمى ەرەجەسىنىڭ ماقساتى مەن پرينسيبىنە بويسۇنۋدا تاباندى بولىپ، قىرعي قاباقتىق ويدان ارىلىپ، سىڭار جاقتىلىققا قارسى تۇرىپ، توپتىق ساياسيمەن جانە لاگەر اشىپ قارسىلاسۋمەن شۇعىلدانباۋ؛ ءار ەلدىڭ ۇيلەسىمدى حاۋىپسىزدىگىنە باسا ءمان بەرۋدە تاباندى بولىپ، حاۋىپسىزدىك جاعىندا بولەكتەنبەۋ پرينسيبىن ۇستانىپ، تەپە - تەڭ، ءونىمدى، باياندى حاۋىپسىزدىك قۇرىلىمىن قۇرىپ، ءوز ەلىنىڭ حاۋىپسىزدىگىن باسقا ەلدىڭ حاۋىپسىز بولماۋى نەگىزىندە ورناتۋعا قارسى تۇرۋ؛ مەملەكەتتەر اراسىنداعى الاۋىزدىقتار مەن تالاس - تارتىستاردى پىكىرلەسۋ، كەڭەسۋ ارقىلى بەيبىت جولمەن شەشۋدە تاباندى بولىپ، داعدارىستى بەيبىت جولمەن شەشۋگە ءتيىمدى بارلىق قۇلشىنىستى قولداۋ، قوس ولشەم قولدانباۋ، سىڭار جاقتى جازالاۋ مەن الباتى «الىستان قارماپ باسقارۋعا» قارسى تۇرۋ؛ ءداستۇرلى سالالار مەن بەي ءداستۇرلى سالالاردىڭ حاۋىپسىزدىگىن ءبىر تۇتاس قورعاۋدا تاباندى بولىپ، وڭىرلىك تالاس - تارتىس پەن لاڭكەستىك، كليمات وزگەرىسى، ينتەرنەت حاۋىپسىزدىگى، بيولوگيالىق حاۋىپسىزدىك سياقتى دۇنيە جۇزىلىك ماسەلەلەرگە بىرگە توتەپ بەرۋ كەرەك.
− ءبىز دۇنيە ءجۇزىن جونگە سالۋدىڭ سىن - سايىسىنا بىرگە توتەپ بەرۋىمىز كەرەك. دۇنيە جۇزىندەگى ءار ەل تاعدىرلاس الىپ كەمەدە وتىر، اساۋ تولقىنداردى باسىپ ءوتىپ، نۇرلى بولاشاققا بەت الۋ ءۇشىن، ءسوز جوق، تار جول، تايعاق كەشۋلەردەن بىرگە ءوتۋ كەرەك، ەشكىمدى دە تەڭىزگە تاستاپ كەتۋگە ۇرىنۋعا استە بولمايدى. حالىقارالىق قوعامنىڭ دامۋى بۇل كۇندە كۇردەلى دە شەبەر قيۋلاسقان، ورگانيكالىق ءبىر تۇلعالانعان ماشيناعا اينالىپ بارادى، ءبىر بولشەكتى الىپ تاستاۋ تۇتاس ماشينانىڭ جۇمىس اينالىمىن اۋىر قيىنشىلىققا ۇشىراتادى، بۇلدىرۋگە تاپ بولعاندار زاقىمدالادى، بۇلدىرۋشىلەر دە زيانعا ۇشىرايدى. ورتاق اقىلداسۋ، ورتاق قۇرۋ، ورتاق يگىلىكتەنۋ سىندى بۇكىل دۇنيە جۇزىلىك باسقارۋ كوزقاراسىن امالياتتا ايگىلەپ، بۇكىل ادامزاتتىق ورتاق قۇندى ساۋلەلەندىرىپ، تۇرلىشە وركەنيەتتەردىڭ اۋىس -ءكۇيىسىن، ءوزارا ۇلگى الۋىن دارىپتەۋ كەرەك. ناعىز كوپ جاقتىلىقتا تاباندى بولىپ، بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنى جانە حالىقارالىق زاڭدى نەگىز ەتكەن حالىقارالىق ءتارتىپتى باتىل قورعاۋ كەرەك. اسىرەسە، ءىرى ەلدەر، ونەگە كورسەتىپ، تەڭدىكتى، سەلبەستىكتى، سەنىمدىلىكتى، زاڭمەن باسقارۋدى باستاماشىلدىقپەن دارىپتەپ، ءىرى ەلدىك بەينەنى ايگىلەۋى كەرەك.
شي جينپيڭ بىلاي دەپ دارىپتەدى: وتكەن نەشە ون جىلدا ازيا وڭىرىندە جالپى جاقتان ورنىقتىلىق ساقتالىپ، ەكونوميكا ءۇرتىس، تەز ارتىپ، «ازيا كەرەمەتتەرى» جاراتىلدى. ازيا جاقسى بولعاندا عانا دۇنيە ءجۇزى ءتىپتى دە جاقسى بولادى. ءبىز ازيانى ۇزدىكسىز ويداعىداي دامىتۋىمىز، ويداعىداي قۇرۋىمىز، ازيانىڭ توزىمدىلىگىن، اقىل - پاراساتىن، كۇش - قۋاتىن ايگىلەپ، دۇنيە ءجۇزىنىڭ بەيبىتشىلىگىن، ورنىقتىلىعىن كوزدەپ، ارتۋدىڭ قوزعاۋشى كۇش قاينارىن، سەلبەستىكتىڭ جاڭا بەلەسىن تۇلعالاۋىمىز كەرەك.
ءبىرىنشى، ازيانىڭ بەيبىتشىلىگىن باتىل قورعاۋ كەرەك. بۇگىنگى تاڭدا ازيا الدىمەن دارىپتەپ وتىرعان بەيبىت قاتار تۇرۋ بەس پرينسيبى مەن «باندۇڭ رۋحى» اناعۇرلىم رەال مانگە يە. ءوزارا قۇرمەت ەتۋ، تەڭدىك، ءوزارا تيىمدىلىك، بەيبىت قاتار تۇرۋ سياقتى پرينسيپتەردى مىقتاپ ۇستانىپ، تاتۋ كورشىلىك، دوستىق ساياسات اتقارىپ، تاعدىر تىزگىنىن ءوز قولىندا مىقتى ۇستاۋ كەرەك.
ەكىنشى، ازيانىڭ سەلبەستىگىن بەلسەنە ىلگەرىلەتۋ كەرەك. «وڭىرلىك جالپى بەتتىك ەكونوميكالىق سەرىكتەستىك قاتىناس كەلىسىمى» رەسمي كۇشكە يە بولدى، جۇڭگو - لاوس تەمىر جولى سالىنىپ، پويەز قاتىناپ، ءوڭىردىڭ قاتتى بولشەك، جۇمساق بولشەك بايلانىس دەڭگەيى ءونىمدى جوعارىلادى. وسىنى وراي ەتە وتىرىپ ازيانىڭ اناعۇرلىم اشىق ۇستالعان ءىرى بازار قالىپتاستىرۋىن ىلگەرىلەتۋ، ازيانىڭ بىرگە يگىلىكتەنىپ، سەلبەسۋدە تىڭ قادام تاستاۋىن جەبەۋ كەرەك.
ءۇشىنشى، ازيانىڭ ىنتىماعىن بىرگە جەبەۋ كەرەك. شىعىس وڭتۇستىك ازيا ەلدەرى وداعىنىڭ وڭىرلىك قۇرىلىمداعى وزەكتى ورنىن بەكەمدەپ، ءار جاقتىڭ تالابىنا تەڭ ءمان بەرىلەتىن، ءار جاقتىڭ مۇددەسىنە كەشىرىمشىل بولاتىن وڭىرلىك ءتارتىپتى قورعاۋ كەرەك. مەملەكەتتەر مەيلى ۇلكەن - كىشى بولسىن، كۇشتى - ءالسىز بولسىن، مەيلى ءوڭىر ءىشى - سىرتىندا بولسىن، ازياعا بەيبىتشىلىك فاكتورىن قوسۋى، بىلىقپالىق تۋدىرماۋى، بەيبىت دامۋ جولىمەن ورتاق العا باسۋى، سەلبەسىپ ورتاق يگىلىكتەنۋ ۇلى جوسپارىن بىرگە جوسپارلاپ، ىنتىماقتى، العا باسقان ازيا ۇلى شاڭىراعىن بىرگە كۇش سالا قۇرۋى كەرەك.
شي جينپيڭ بىلاي دەپ اتاپ كورسەتتى: جۇڭگو ەكونوميكاسىنىڭ سەرپىمدىلىگى كۇشتى، كومەسكى كۇشى جەتكىلىكتى، اينالۋ مۇمكىندىگى كەڭ، ۇزاق ۋاقىت جاقسارۋ نەگىزگى جاعدايى وزگەرمەيدى، بۇل دۇنيە ءجۇزى ەكونوميكاسىنىڭ ورنىقتى قالپىنا كەلۋىنە قۇدىرەتتى قوزعاۋشى كۇش ازىرلەپ، ءار ەلگە اناعۇرلىم كەڭ بازار ورايىن ازىرلەيدى. جۇڭگو جاڭا دامۋ ۇستانىمىن جاپپاي دايەكتىلەندىرىپ، جاڭا دامۋ جاعدايىن جەدەل قالىپتاستىرىپ، ساپالى دامۋدى كۇش سالا ىلگەرىلەتەدى. دۇنيە جۇزىندە قانداي وزگەرىس تۋىلسا دا، جۇڭگو رەفورما جاساپ، ەسىك اشۋ سەنىمى مەن ەركىنەن اۋىتقىمايدى. جۇڭگو قاشان دا بەيبىت دامۋ جولىمەن جۇرۋدە تاباندى بولىپ، باستان - اياق دۇنيە ءجۇزى بەيبىتشىلىگىنىڭ قۇرۋشىسى، دۇنيە ءجۇزى دامۋىنىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولادى.
شي جينپيڭ سوڭىندا بىلاي دەدى: ءبىر - ءبىر قادامنان باستالعان ىزدەر ۇزاق بولاشاققا ۇلاسادى؛ اياق الىستى توقتاتپاۋ، سان - ساناقسىز كەدىر جولداردان قايمىقپاۋ كەرەك. ءبىز قول ۇستاسىپ، ءبىر نيەت، ءبىر تىلەكتە بولىپ، تىزە قوسا شايقاس جاساساق بولعانى، ءسوز جوق، سەلبەسىپ ورتاق يگىلىكتەنۋدىڭ ۇلى كۇشىن ۇيىستىرىپ، العا باسۋ جولىنداعى ءتۇرلى سايىستاردى جەڭىپ، ادامزاتتىڭ اناعۇرلىم نۇرلى، كوركەم بولاشاعىن قارسى الاتىن بولامىز.
كەلۋ قاينارى: حالىق تورابى
 |
4 - ايدىڭ 21 - كۇنى تۇستەن بۇرىن بو - اۋ ازيا تالقى مىنبەرىنىڭ 2022 - جىلعى جىلدىق جينالىسىنىڭ اشىلۋ سالتى حاينان ولكەسىنىڭ بو - اۋ قالاسىندا وتكىزىلدى، مەملەكەت ءتوراعاسى شي جينپيڭ بەينە ەكران تاسىلىمەن «سايىستى قول ۇستاسا قارسى الىپ، سەلبەسىپ بولاشاققا جول اشايىق» دەگەن تاقىرىپتا ارقاۋ ءسوز سويلەدى. سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
