شي جينپيڭ تۇڭعىش كەزەكتى جالپى حالىقتىق كىتاپ وقۋ جينالىسىنىڭ وتكىزىلگەنىن حات جولداپ قۇتتىقتاعاندا مىنانى دارىپتەدى
تۇتاس قوعامنىڭ كىتاپ وقۋعا ات سالىسىپ، كىتاپتى قۇنىعا وقۋ، جاقسى كىتاپ وقۋ، كىتاپتى شەبەرلىكپەن وقۋ تاماشا اۋانىن قالىپتاستىرۋىن ءۇمىت ەتەمىن
2022.04.24 16:07 كەلۋ قاينارى : حالىق تورابى
قۇتتىقتاۋ حاتى
تۇڭعىش كەزەكتى جالپى حالىقتىق كىتاپ وقۋ جينالىسىنىڭ وتكىزىلۋى قارساڭىندا قىزۋ قۇتتىقتايتىنىمدى بىلدىرەمىن!
كىتاپ وقۋ − ادامزاتتىڭ ءبىلىم الۋىنىڭ، اقىل - پاراساتقا قول جەتكىزۋىنىڭ، ءمورالدى جەتىلدىرۋىنىڭ ماڭىزدى جولى. كىتاپ وقۋ ادامدارعا يدەيالىق شابىت بەرىپ، وسكەلەڭ مۇرات ورناتىپ، اسقاق جىگەر سيلايدى. جۇڭحۋا ۇلتى ەجەلدەن كىتاپ وقۋدى دارىپتەپ، ادامگەرشىلىكتى اسپەتتەپ، ادال نيەتكە ءمان بەرىپ، جۇڭحۋا ۇلتىنىڭ ەجەلدەن جالعاسقان وشپەس رۋحىنا مۇراگەرلىك ەتىپ، جۇڭگو حالقىنىڭ وزىنە سەنۋ، ءوزىن الۋەتتەندىرۋ قاسيەتىن سومدادى. قالىڭ پارتيا مۇشەلەرى مەن كادرلاردىڭ باستاماشىلدىقپەن كىتاپ وقىپ، بەرىلە ۇيرەنىپ، ءوزىن جەتىلدىرىپ، قابىلەتىن ۇشتاۋىن؛ بالالاردىڭ كىتاپ وقۋ ادەتىن قالىپتاستىرىپ، كىتاپتان ءلاززات الىپ، ساۋ دەنەلى بولىپ ەسەيىپ، ەرجەتۋىن؛ تۇتاس قوعامنىڭ كىتاپ وقۋعا ات سالىسىپ، كىتاپتى قۇنىعا وقۋ، جاقسى كىتاپ وقۋ، كىتاپتى شەبەرلىكپەن وقۋ تاماشا اۋانىن قالىپتاستىرۋىن ءۇمىت ەتەمىن.
شي جينپيڭ
2022 - جىلى 4 - ايدىڭ 23 – كۇنى
(شينحۋا اگەنتتىگى، 4 - ايدىڭ 23 - كۇنى، بەيجيڭ)
شينحۋا اگەنتتىگى، 4 - ايدىڭ 23 - كۇنى، بەيجيڭ. تۇڭعىش كەزەكتى جالپى حالىقتىق كىتاپ وقۋ جينالىسى 4 - ايدىڭ 23 - كۇنى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حات جولداپ، قىزۋ قۇتتىقتايتىنىن ءبىلدىردى.
شي جينپيڭ قۇتتىقتاۋ حاتىندا مىنالاردى اتاپ كورسەتتى: كىتاپ وقۋ − ادامزاتتىڭ ءبىلىم الۋىنىڭ، اقىل - پاراساتقا قول جەتكىزۋىنىڭ، ءمورالدى جەتىلدىرۋىنىڭ ماڭىزدى جولى. كىتاپ وقۋ ادامدارعا يدەيالىق شابىت بەرىپ، وسكەلەڭ مۇرات ورناتىپ، اسقاق جىگەر سيلايدى. جۇڭحۋا ۇلتى ەجەلدەن كىتاپ وقۋدى دارىپتەپ، ادامگەرشىلىكتى اسپەتتەپ، ادال نيەتكە ءمان بەرىپ، جۇڭحۋا ۇلتىنىڭ ەجەلدەن جالعاسقان وشپەس رۋحىنا مۇراگەرلىك ەتىپ، جۇڭگو حالقىنىڭ وزىنە سەنۋ، ءوزىن الۋەتتەندىرۋ قاسيەتىن سومدادى.
شي جينپيڭ قالىڭ پارتيا مۇشەلەرى مەن كادرلاردىڭ باستاماشىلدىقپەن كىتاپ وقىپ، بەرىلە ۇيرەنىپ، ءوزىن جەتىلدىرىپ، قابىلەتىن ۇشتاۋىن؛ بالالاردىڭ كىتاپ وقۋ ادەتىن قالىپتاستىرىپ، كىتاپتان ءلاززات الىپ، ساۋ دەنەلى بولىپ ەسەيىپ، ەرجەتۋىن؛ تۇتاس قوعامنىڭ كىتاپ وقۋعا ات سالىسىپ، كىتاپتى قۇنىعا وقۋ، جاقسى كىتاپ وقۋ، كىتاپتى شەبەرلىكپەن وقۋ تاماشا اۋانىن قالىپتاستىرۋىن ءۇمىت ەتتى. (قۇتتىقتاۋ حاتىنىڭ تولىق ءماتىنى بولەك جاريالاندى)
اشىلۋ سالتىندا ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ۇگىت ءبولىمىنىڭ باستىعى حۋاڭ كۇنميڭ شي جينپيڭنىڭ قۇتتىقتاۋ حاتىن وقىدى ءارى ءسوز سويلەدى. ول بىلاي دەدى: باس شۋجي شي جينپيڭنىڭ قۇتتىقتاۋ حاتى پارتيا ورتالىق كوميتەتىنىڭ جالپى حالىقتىق كىتاپ وقۋعا، ۇيرەنىمپاز جۇڭگو قۇرۋعا ايرىقشا ءمان بەرەتىنىن تولىق ايگىلەدى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، كىتاپ وقۋعا جەتەكشىلىك ەتۋدى كۇشەيتىپ، كىتاپ وقۋ سالتىن سومداپ، قالا مەن اۋىلدى قامتىعان كىتاپ وقۋدى جالپىلاستىرۋعا قىزمەت وتەۋ جۇيەسىن ورناتىپ، جالپى حالىقتىق كىتاپ وقۋ سالتىنىڭ قامتۋ اۋماعىن كەڭەيتىپ، ساپاسىن جوعارىلاتىپ، ناقتى ونىمدىلىكتى ارتتىرىپ، ۇيرەنىمپاز جۇڭگو قۇرىلىسى ارقىلى مادەنيەتتە قۋاتتى ەل قۇرۋدى جەبەپ، جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسۋعا قۇدىرەتتى رۋحاني كۇش قوسۋ كەرەك.
تۇڭعىش كەزەكتى جالپى حالىقتىق كىتاپ وقۋ جينالىسىنا ورتالىق ۇگىت ءبولىمى (مەملەكەتتىك اقپارات - باسپا ءسوز مەكەمەسى)، بەيجيڭ قالالىق پارتكوم، بەيجيڭ قالالىق ۇكىمەت جەتەكشىلىك ەتىپ، ورتالىق ۇگىت ءبولىمىنىڭ اقپارات - باسپا ءسوز مەكەمەسى، بەيجيڭ قالالىق پارتكومنىڭ ۇگىت ءبولىمى ۇيىمداستىردى، جينالىستىڭ نەگىزگى تاقىرىبى «جاڭا داۋىردە كىتاپ وقۋ سالتىن دارىپتەپ، جاڭا جورىقتا ەكپىندەي العا باسايىق» بولدى، جينالىس جەلىلەس تالقى مىنبەرى، كورمە، تاقىرىپتىق قيمىل سياقتى بۋىنداردى قامتىدى. قاتىستى تاراۋلارداعى جاۋاپتى جولداستار، باسپا ورىندارى مەن قوعامدىق ۇيىمداردىڭ ۋاكىلدەرى، مامان - وقىمىستىلار جانە جازۋشىلار مەن وقىرمانداردىڭ ۋاكىلدەرى جينالىسقا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
