شي جينپيڭ جۇڭگو حالىق داشۋەسىندە قىزمەت تەكسەرگەندە مىنانى دارىپتەدى
پارتيانىڭ باسشىلىعىندا تاباندى بولىپ، توڭكەرىستىك گەندى جالعاستىرىپ، جۇڭگونىڭ بايتاق دالاسىنا تامىر تارتىپ، دۇنيە جۇزىندەگى ماڭداي الدى جۇڭگوشا داشۋە قۇرۋ جاڭا جولىمەن ءجۇرۋ كەرەك
ۋاڭ حۋنيڭ قىزمەت تەكسەرۋدە بىرگە بولدى
2022.04.26 16:44 كەلۋ قاينارى : حالىق تورابى
 |
4 - ايدىڭ 25 - كۇنى تۇستەن بۇرىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو حالىق داشۋەسىنە بارىپ تەكسەرۋ - زەرتتەۋ جۇرگىزدى. سۋرەتتە: شي جينپيڭ ليدى وقۋ عيماراتىندا زەيىندەندىرىلگەن يدەيا - ساياسي ساباقحاناسىنىڭ ناق مايدانىندا وقىتۋ جاعدايىن كوزدەن كەشىرۋدە ءارى تالقىعا قاتىناسۋدا.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
|
■ پارتيا ورتالىق كوميتەتى اتىنان بۇكىل ەلدەگى ءار ۇلت جاستارىنا مەرەكە قۇتتى بولسىن ايتتى، جۇڭگو حالىق داشۋەسىندەگى بارلىق وقىتۋشى - وقۋشىلارعا، جۇمىسشى - قىزمەتكەرلەرگە، بۇكىل ەلدەگى قالىڭ وقۋ - اعارتۋ قىزمەتكەرلەرى مەن جاستار قىزمەتكەرلەرىنە شىنايى سالەم جولدادى. بۇكىل ەلدەگى قالىڭ جاستاردىڭ پارتيانىڭ ءتالىمىن ەستە بەرىك ساقتاپ، ۇلتتى كوركەيتۋدى مۇرات ەتىپ، ەسىل شاقتاردى قاپى جىبەرمەي، ءداۋىردىڭ، حالىقتىڭ ءۇمىتىن اقتاپ، جاستىق كوكتەمنىڭ جارىس جولىندا قۇلشىنا العا ۇمتىلىپ، زامانىمىزداعى جاستاردىڭ ەڭ جاقسى ناتيجەسىنە قول جەتكىزۋىن ءۇمىت ەتتى
■ كىم ءۇشىن ادام تاربيەلەۋ، قانداي ادام تاربيەلەۋ، ادامدى قالاي تاربيەلەۋ − باستان - اياق وقۋ - اعارتۋداعى ءتۇبىرلى ماسەلە. پارتيانىڭ باسشىلىعىندا، ماركسيزمنىڭ جەتەكشىلىك ورنىندا، پارتيا مەن حالىق ىستەرى ءۇشىن قىزمەت ەتۋدە تاباندى بولىپ، ءمورال ارقىلى دارىندى تاربيەلەۋ ءتۇبىرلى مىندەتىن تياناقتاندىرىپ، توڭكەرىستىك گەندى جالعاستىرىپ، جۇڭگونىڭ بايتاق دالاسىنا تامىر تارتىپ داشۋە قۇرىپ، دۇنيە جۇزىندەگى ماڭداي الدى جۇڭگوشا داشۋە قۇرۋ جاڭا جولىمەن ءجۇرۋ كەرەك. قالىڭ جاستار سوتسياليستىك وزەكتى قۇن كوزقاراسىنىڭ مىزعىماس سەنۋشىلەرى، بەلسەندى ۇگىتتەپ تاراتۋشىلارى، ۇلگىلى اتقارۋشىلارى بولىپ، قاھارمانداردان، اعا بۋىنداردان، ۇلگىلەردەن ۇيرەنىپ، ۇلتتى كوركەيتۋ سىندى ماڭىزدى مىندەتتى ارقالاي الاتىن ءداۋىردىڭ جاڭا ادامدارى بولۋعا تالپىنىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى ءداۋىردىڭ اساۋ تولقىنىندا ەرلىكپەن العا باسۋى كەرەك
■ ەلىمىزدىڭ تاريحى وزگەشە، مادەنيەتى وزگەشە، مەملەكەت جاعدايى وزگەشە. جۇڭگوشا ەرەكشەلىككە يە، دۇنيە ءجۇزى بويىنشا ماڭداي الدى داشۋە قۇرۋدا باسقالاردىڭ سوڭىنان ەرۋگە، ەل ءىشى - سىرتىنداعى داشۋەلەردى عانا ولشەم جانە ۇلگى ەتۋمەن شەكتەلۋگە بولمايدى، قايتا جۇڭگونىڭ بايتاق دالاسىنا تامىر تارتىپ، جۇڭگوشا ەرەكشەلىككە يە، دۇنيە ءجۇزى بويىنشا ماڭداي الدى داشۋە قۇرۋ جاڭا جولىمەن ءجۇرۋ كەرەك
■ جوعارى مەكتەپتەر − ەلىمىزدىڭ فيلوسوفيا - قوعامدىق عىلىمدارىنداعى «5 باعىتتاعى زور قوسىنىنىڭ» ماڭىزدى كۇشى. قازىر جۇڭگوشا سوتسياليزم نازارياسى مەن امالياتىندا تاباندى بولۋ جانە ونى دامىتۋدا، شەشۋگە ءتيىستى قىرۋار جاڭا ماسەلە ورتاعا قويىلىپ وتىر، دۇنيە جۇزىندە ءجۇز جىلدا بولماعان زور وزگەرىس جەدەل قۇبىلىپ، دۇنيە ءجۇزى جاڭا الاساپىراندىق، وزگەرىس كەزەڭىنە ءوتتى، مۇنىڭ ءوزى «دۇنيە قالاي بەتالىپ بارادى»، «ادامزات قايدا بارادى» دەگەن ءداۋىر سۇراعىنا ويداعىداي جاۋاپ بەرۋدى شۇعىل قاجەت ەتەدى. ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدا تاباندى بولىپ، جۇڭحۋا ۇلتىنىڭ ۇلى گۇلدەنۋ ستراتەگياسىنىڭ جالپى جاعدايىن جانە دۇنيە جۇزىندە 100 جىلدا بولماعان زور وزگەرىس جاعدايىن تياناق ەتىپ، ماركسيزمنىڭ جۇڭگوشالانۋىن، داۋىرگە ۇيلەسۋىن ۇزدىكسىز ىلگەرىلەتۋ كەرەك. جۇڭگوشا فيلوسوفيا جانە قوعامدىق عىلىمدار جۇيەسىن قۇرۋدى جەدەلدەتۋ، سايىپ كەلگەندە، جۇڭگونىڭ دەربەس ءبىلىم جۇيەسىن قۇرۋ بولىپ تابىلادى. جۇڭگونى، ءداۋىردى، جۇڭگونىڭ ءىس جۇزىندىك جاعدايىن تياناق ەتىپ، جۇڭگو ماسەلەسىن شەشىپ، جۇڭحۋانىڭ تاڭداۋلى ءداستۇرلى مادەنيەتىن جاسامپازدىقپەن تۇرلەندىرىپ، جاسامپازدىقپەن دامىتا ءتۇسىپ، بىلىمدە، نازاريادا، ادىستە جاڭالىق جاراتۋدى ۇزدىكسىز ىلگەرىلەتىپ، جۇڭگوشا فيلوسوفيانى جانە قوعامدىق عىلىمدى دۇنيە ءجۇزى عىلىمىنىڭ قاتارىندا شىن مانىندە ەڭسە كوتەرتۋ كەرەك. فيلوسوفيا، قوعامدىق عىلىم قىزمەتكەرلەرى باعدارى ايقىن، مۇراتى شىنايى، ءبىلىمى جوعارى، ءمورالى دۇرىس بولۋدى ورىنداپ، جۇڭگونىڭ سۇراعىنا، دۇنيە ءجۇزىنىڭ سۇراعىنا، حالىقتىڭ سۇراعىنا، ءداۋىردىڭ سۇراعىنا جاۋاپ بەرۋدى سانالى تۇردە عىلمي مىندەت ەتىپ، جۇڭگو جولىن، جۇڭگو باسقارۋىن، جۇڭگو زاڭدىلىعىن ايگىلەۋدى يدەيالىق تالپىنىس ەتىپ، پارتيا مەن مەملەكەت ىستەرىنىڭ جالپى جاعدايىنا، ءتۇبىرلى، شەشۋشى ىستەرىنە ساياتىن كەلەلى ماسەلەلەردى زەرتتەۋ، شەشۋ جاعىندا شىنايى قابىلەت ارقىلى ناقتى ناتيجەگە، جاقسى ناتيجەگە قول جەتكىزۋى كەرەك. فيلوسوفيا، قوعامدىق عىلىمداردىڭ جۇڭگو مەن شەتەلدىڭ مادەنيەتىن توعىستىرۋداعى، وركەنيەت اۋىس - كۇيىسىن كۇشەيتۋدەگى وزگەشە رولىن ساۋلەلەندىرىپ، جۇڭگو ءۇنىن، جۇڭگو نازارياسىن، جۇڭگو يدەياسىن دۇنيە جۇزىنە تاراتىپ، دۇنيە جۇزىنە جۇڭگونى اناعۇرلىم ويداعىداي ءتۇسىندىرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە بەلسەندى ۇلەس قوسۋ كەرەك
شينحۋا اگەنتتىگى، 4 - ايدىڭ 25 - كۇنى، بەيجيڭ. 4 - مامىر جاستار مەرەكەسى كەلۋ قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 4 - ايدىڭ 25 - كۇنى تۇستەن بۇرىن جۇڭگو حالىق داشۋەسىنە بارىپ تەكسەرۋ - زەرتتەۋ جۇرگىزدى. شي جينپيڭ پارتيا ورتالىق كوميتەتى اتىنان بۇكىل ەلدەگى ءار ۇلت جاستارىنا مەرەكە قۇتتى بولسىن ايتتى، جۇڭگو حالىق داشۋەسىندەگى بارلىق وقىتۋشى - وقۋشىلارعا، جۇمىسشى - قىزمەتكەرلەرگە، بۇكىل ەلدەگى قالىڭ وقۋ - اعارتۋ قىزمەتكەرلەرى مەن جاستار قىزمەتكەرلەرىنە شىنايى سالەم جولدادى. شي جينپيڭ بۇكىل ەلدەگى قالىڭ جاستاردىڭ پارتيانىڭ ءتالىمىن ەستە بەرىك ساقتاپ، ۇلتتى كوركەيتۋدى مۇرات ەتىپ، ەسىل شاقتاردى قاپى جىبەرمەي، ءداۋىردىڭ، حالىقتىڭ ءۇمىتىن اقتاپ، جاستىق كوكتەمنىڭ جارىس جولىندا قۇلشىنا العا ۇمتىلىپ، زامانىمىزداعى جاستاردىڭ ەڭ جاقسى ناتيجەسىنە قول جەتكىزۋىن ءۇمىت ەتتى.
شي جينپيڭ بىلاي دەپ دارىپتەدى: كىم ءۇشىن ادام تاربيەلەۋ، قانداي ادام تاربيەلەۋ، ادامدى قالاي تاربيەلەۋ − باستان - اياق وقۋ - اعارتۋداعى ءتۇبىرلى ماسەلە. پارتيانىڭ باسشىلىعىندا، ماركسيزمنىڭ جەتەكشىلىك ورنىندا، پارتيا مەن حالىق ىستەرى ءۇشىن قىزمەت ەتۋدە تاباندى بولىپ، ءمورال ارقىلى دارىندى تاربيەلەۋ ءتۇبىرلى مىندەتىن تياناقتاندىرىپ، توڭكەرىستىك گەندى جالعاستىرىپ، جۇڭگونىڭ بايتاق دالاسىنا تامىر تارتىپ داشۋە قۇرىپ، دۇنيە جۇزىندەگى ماڭداي الدى جۇڭگوشا داشۋە قۇرۋ جاڭا جولىمەن ءجۇرۋ كەرەك. قالىڭ جاستار سوتسياليستىك وزەكتى قۇن كوزقاراسىنىڭ مىزعىماس سەنۋشىلەرى، بەلسەندى ۇگىتتەپ تاراتۋشىلارى، ۇلگىلى اتقارۋشىلارى بولىپ، قاھارمانداردان، اعا بۋىنداردان، ۇلگىلەردەن ۇيرەنىپ، ۇلتتى كوركەيتۋ سىندى ماڭىزدى مىندەتتى ارقالاي الاتىن ءداۋىردىڭ جاڭا ادامدارى بولۋعا تالپىنىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى ءداۋىردىڭ اساۋ تولقىنىندا ەرلىكپەن العا باسۋى كەرەك.
جۇڭگو حالىق داشۋەسى − جۇڭگو كوممۋنيستىك پارتياسى قۇرعان تۇڭعىش جاڭاشا جۇيەلى داشۋە، ونىڭ − توركىنى 1937 - جىلى جاپون شاپقىنشىلارىنا قارسى سوعىس كەزىندە دۇنيەگە كەلگەن سولتۇستىك شانشي الەۋمەتتىك مەكتەبى، سونداي - اق كەيىنگى سولتۇستىك جۇڭگو بىرلەسكەن داشۋەسى مەن سولتۇستىك داشۋەسى، سولتۇستىك جۇڭگو داشۋەسى، ۇزاق ۋاقىتتىق مەكتەپ باسقارۋ امالياتى بارىسىندا گۋمانيتارلىق قوعامدىق عىلىمدار جوعارى دارەجەلى وقۋ - اعارتۋىنا جانە ماركسيزمدىك وقىتۋ - زەرتتەۋگە ءمان بەرىپ، «ەلىمىزدىڭ گۋمانيتارلىق قوعامدىق عىلىمدار جوعارى دارەجەلى وقۋ - اعارتۋ سالاسىنداعى بەتكە ۇستار تۋ» دەپ اتالدى.
تۇستەن بۇرىن ساعات 9 دان 20 مينۋت وتكەندە شي جينپيڭ جۇڭگو حالىق داشۋەسى پارتكومىنىڭ شۋجيى جاڭ دۇڭگاڭنىڭ، مەكتەپ باستىعى ليۋ ۋەيدىڭ سەرىك بولۋىندا الدىمەن ليدى وقۋ عيماراتىنا كەلىپ، زەيىندەندىرىلگەن يدەيا - ساياسي ساباقحاناسىنىڭ ناق مايدانىندا وقىتۋ جاعدايىن كوزدەن كەشىردى. شي جينپيڭ جاس وقۋشىلاردىڭ اراسىندا بولىپ، ساباقتى مۇقيات تىڭدادى جانە تالقىعا قاتىناستى، مەكتەپتىڭ وزىندىك ابزالدىعىن تياناق ەتىپ، يدەيا - ساياسي ساباعىنىڭ وقىتۋ رەفورماسىندا جاڭالىق جاراتۋىن ۇزدىكسىز ىلگەرىلەتىپ، جوعارى دەڭگەيلى يدەيا - ساياسي ساباعىن قالىپتاستىرعانىن تۇراقتاندىردى. ول بىلاي دەپ دارىپتەدى: يدەيا - ساياسي نازاريا ساباعىنىڭ ءمورال ارقىلى ۇرپاق تاربيەلەۋدەگى ءتيىستى رولىن ساۋلەلەندىرە الۋ، ساۋلەلەندىرە الماۋداعى تەتىك ءمان بەرۋ، ءمان بەرمەۋدە، ۇيلەسە الۋ، ۇيلەسە الماۋدا، ويداعىداي ىستەي الۋ، ىستەي الماۋدا. يدەيا - ساياسي نازاريا ساباعىنىڭ ءمانى − ءجون - جوسىقتى ءتۇسىندىرۋ، ءادىس - امالعا باسا ءمان بەرۋ، ءجون - جوسىقتى تەرەڭ، ەگجەي - تەگجەيلى، جاندى ءتۇسىندىرۋ، وقىتۋشىلار دەن قويا تاربيە بەرۋ، وقۋشىلار دەن قويا ءتۇسىنىپ، جان جۇيەگە ءسىڭىرىپ، اقىل - پاراساتقا دەم بەرىپ، جىگەردى تاسقىنداتۋ كەرەك. جاستار مەن ورەندەرگە جۇرگىزىلەتىن يدەيالىق - ساياسي تاربيە − ۇلاسپالى بارىس، جاستار مەن ورەندەردىڭ ءوسىپ - جەتىلۋىندەگى تۇرلىشە ساتىعا باعىتتاي وتىرىپ، يدەيا - ساياسي تاربيەسىن باعىتتامالى تۇردە ورىستەتۋ كەرەك. حالىق داشۋەسىنىڭ قاجىرلى كۇش سالىپ، ۇزاق ۋاقىت ۇلەس قوسىپ، وقىتۋدى شەبەرلىكپەن جۇرگىزۋىن، بۇكىل ەلدەگى جوعارى، ورتا، باستاۋىش مەكتەپتەردىڭ يدەيا - ساياسي ساباعىن وقىتۋىنا ءتىپتى دە كوپتەپ ۇلگى ورناتىپ بەرۋىن ءۇمىت ەتەمىن. شي جينپيڭ جەر - جەردەگى جوعارى مەكتەپتەردى ورتا، باستاۋىش مەكتەپتەردىڭ يدەيا - ساياسي ساباعى جەلىسىن قۇرىپ، جوعارى، ورتا، باستاۋىش مەكتەپتەردىڭ يدەيا - ساياسي ساباعىن ءبىر تۇلعالاندىرۋ قۇرىلىسىن ورتاق ىلگەرىلەتۋگە شابىتتاندىردى. ول وقۋشىلاردى جۇڭگوشا سوتسياليزم جولى سەنىمىن، نازارياسى سەنىمىن، ءتۇزىمى سەنىمىن، مادەنيەت سەنىمىن بەكەمدەپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا اتويشى بولۋعا، ىستەرىمىزدىڭ اتويشىسى بولۋعا شابىتتاندىردى.
جۇڭگو حالىق داشۋەسىنىڭ مەكتەپ تاريحى كورمەسى مەكتەپ مۇراجايىنا ورنالاستىرىلعان. شي جينپيڭ وسى اراعا كەلىپ، مەكتەپتىڭ تاريحي وزگەرىسى، قۇرىلىستانىپ، دامۋى جانە تاياۋ جىلداردان بەرگى وقىتۋ، عىلمي زەرتتەۋ جەتىستىكتەرى سياقتى جاعدايلاردى ەگجەي - تەگجەيلى ۇعىستى. شي جينپيڭ بىلاي دەپ دارىپتەدى: جۇڭگو حالىق داشۋەسى جاپون شاپقىنشىلارىنا قارسى سوعىس كەزىندە دۇنيەگە كەلىپ، پارتيانىڭ قامقورلىعىندا دامىپ، زورايدى، داڭقتى توڭكەرىستىك داستۇرگە جانە ايقىن توڭكەرىستىك گەنگە يە. وسى داڭقتى ءداستۇر مەن توڭكەرىستىك گەندى، ءسوز جوق، ويداعىداي جالعاستىرىپ، پارتيانىڭ وسىناۋ ماڭىزدى شەبىن ويداعىداي قورعاۋ كەرەك. مەكتەپ تاريحى ماتەريالدارىن جيناۋدى، رەتتەۋدى جانە زەرتتەۋدى كۇشەيتىپ، جۇڭگو كوممۋنيستىك پارتياسىنىڭ حيكاياسىن جاقسى بايانداپ، پارتيانىڭ حالىق داشۋەسىن قۇرۋ حيكاياسىن ويداعىداي بايانداپ، قالىڭ وقىتۋشى - وقۋشىلاردى تاڭداۋلى داستۇرگە مۇراگەرلىك ەتىپ، توڭكەرىستىك گەندى جالعاستىرۋعا شابىتتاندىرۋ كەرەك.
مۇراجايدىڭ الدىنداعى الاڭدا شي جينپيڭ ساقا پروفەسسورلاردىڭ، ساقا مامانداردىڭ جانە ورتا جاس، جاس تىرەكتى وقىتۋشىلاردىڭ ۋاكىلدەرىمەن امانداستى ءارى ولارمەن ىقىلاستى اڭگىمەلەستى. قارت پروفەسسورلاردىڭ، ساقا مامانداردىڭ دەنساۋلىقتارىنىڭ جاقسى، رۋحتارىنىڭ كوتەرىڭكى ەكەنىن كورگەن شي جينپيڭ توتەنشە قۋاندى. ول بىلاي دەپ اتاپ كورسەتتى: جۇڭگو حالىق داشۋەسى − ەجەلدەن دارىندىلار شوعىرلانعان، ايگىلى ادامدار شوعىرلانعان جەر. ساقا پروفەسسورلار، ساقا ماماندار پارتيانىڭ وقۋ - اعارتۋ ىستەرى ءۇشىن وراسان زور بوداۋ بەرىپ، جۇرەك قاندارىن سارقا جۇمساپ، ماڭىزدى ۇلەس قوستى. ورتا جاس، جاس وقىتۋشىلاردىڭ ساقا پروفەسسورلاردان، ساقا مامانداردان ۇيرەنىپ، ۇلكەن وقىمىستى بولۋعا بەل بايلاپ، وقىتۋ ارقىلى دارىندى تاربيەلەۋ جانە عىلمي زەرتتەۋ، جاڭالىق جاراتۋ جاعىندا ۇزدىكسىز تىڭ ناتيجەلەر جاراتۋىن ءۇمىت ەتەمىن. شي جينپيڭ مىنالاردى دارىپتەدى: دۇنيە ءجۇزى بويىنشا ماڭداي الدى جۇڭگوشا سوتسياليزم داشۋەسىن قۇرۋدا سوتسياليزمنىڭ قۇرىلىسشىلارى مەن ءىزباسارلارىن تاربيەلەۋدە، ءسوز جوق، دۇنيە ءجۇزى بويىنشا ماڭداي الدى ۇستاز بولۋ كەرەك. وقىتۋشىلار قوسىنى قۇرىلىسىنا ايرىقشا ءمان بەرىپ، اسىرەسە، ورتا جاس، جاس وقىتۋشىلار تىرەكتىلەرىن تاربيەلەۋدى كۇشەيتىپ، حالىق داشۋەسىن ەلىمىزدىڭ گۋمانيتارلىق، سوتسيالوگيالىق زەرتتەۋ جانە وقىتۋ سالاسىنداعى ماڭىزدى دارىندىلار ورتالىعى، جاڭالىق جاراتۋ بيىگى ەتىپ قۇرىپ شىعۋ كەرەك. جۇڭگو حالىق داشۋەسى كىتاپحاناسى گۋمانيتارلىق، سوتسيالوگيا عىلمي قۇجاتتارىن ساقتاۋدى نەگىز ەتەدى، وندا 4 ميلليون 100 مىڭنان استام كىتاپ ساقتالعان. شي جينپيڭ وسى اراعا كەلىپ، مۇراجايدا ساقتالعان توڭكەرىستىك قۇجاتتار مەن بايىرعى كىتاپتار شوعىرلى كورمەسىن، وسىزاماندانعان ىزدەۋ تۇعىرى مەن گازەت - جۋرنال ماتەريالدارىن كوبەيتىپ باسۋ سياقتى سيفرلانعان عىلمي بايلىقتاردى كوزدەن كەشىردى، مەكتەپتىڭ قۇجات، بايىرعى شىعارمالاردى قورعاۋدى، پايدالانۋدى كۇشەيتۋ، نازاريالىق زەرتتەۋ جەتىستىكتەرىن كادەگە جاراتۋدى، قولدانۋدى جەبەۋ سياقتى جاعدايلارى جونىندەگى تانىستىرۋدى تىڭدادى. شي جينپيڭ بىلاي دەپ دارىپتەدى: حالىق داشۋەسىندە توڭكەرىستىك قۇجاتتار ساقتالعان، پارتيامىزدىڭ جۇيەلى جوعارى وقۋ - اعارتۋدى جولعا قويۋداعى جاپالى بارىسى اسا باعالى توڭكەرىستىك ەستەمە سانالادى، ونى دەن قويا قورعاپ، سيفرلاندىرۋدى بىرتىندەپ ىلگەرىلەتىپ، ءتىپتى دە كوپتەگەن ادامعا ءبىلىم بەرۋ، شابىت بەرۋ كەرەك. وسىزامانعى عىلىم - تەحنيكالىق تاسىلدەردەن پايدالانىپ، بايىرعى كلاسسيكالىق شىعارمالاردى قورعاۋدى، قالپىنا كەلتىرۋدى جانە ۋنيۆەرسال پايدالانۋدى كۇشەيتىپ، بايىرعى كىتاپتاردا قامتىلعان فيلوسوفيالىق يدەيانى، گۋمانيتارلىق رۋحتى، قۇن تانىمىن، ءمورال ولشەمىن ىشكەرىلەي اشىپ، جۇڭحۋانىڭ تاڭداۋلى ءداستۇرلى مادەنيەتىن جاسامپازدىقپەن تۇرلەندىرىپ، جاسامپازدىقپەن دامىتا ءتۇسۋ كەرەك. عىلمي بايلىق قويماسى قۇرىلىسىن كۇشەيتىپ، عىلمي قۇجات ينفورماتسياسىن تاراتۋ، جيناۋ، بىرىكتىرۋ، رەداكسيالاۋ، كەڭەيتۋ، ورتاق يگىلىكتەنۋ فۋنكسياسىن اناعۇرلىم ويداعىداي ساۋلەلەندىرىپ، جۇڭگوشا، دۇنيە ءجۇزى بويىنشا ماڭداي الدى عىلمي بايلىق ينفورماتسيا تۇعىرىن قۇرىپ، مەملەكەتتىڭ مادەنيەت قۋاتىن نىعايتۋ كەرەك. وسىدان كەيىن شي جينپيڭ عاسىر سارايىنىڭ سولتۇستىك زالىنا كەلىپ، جۇڭگو حالىق داشۋەسىنىڭ وقىتۋشى - وقۋشىلارىنىڭ ۋاكىلدەرىمەن اڭگىمەلەستى. جۇڭگو حالىق داشۋەسى پارتكومىنىڭ شۋجيى جاڭ دۇڭگاڭ، «حالىق اعارتۋشىسى» مەملەكەتتىك داڭقتى اتاعىنىڭ يەگەرى گاۋ ميڭشۋان، ەكونوميكا شۋەيۋانىنىڭ پروفەسسورى جاۋ فىڭ، اقپارات شۋەيۋانىنىڭ دوكتورانتى جوۋ شياۋحۇي، فيلوسوفيا شۋەيۋانىنىڭ تولىق كۋرس وقۋشىسى ۋاڭ حايرۇڭ ىلگەرىندى - كەيىندى ءسوز سويلەدى، اڭگىمە مايدانى وتە دۋماندى بولدى.
كوپشىلىكتىڭ ءسوزىن مۇقيات تىڭداعاننان كەيىن شي جينپيڭ ماڭىزدى ءسوز سويلەدى. ول مىنالاردى دارىپتەدى: ەلىمىزدىڭ تاريحى وزگەشە، مادەنيەتى وزگەشە، مەملەكەت جاعدايى وزگەشە. جۇڭگوشا ەرەكشەلىككە يە، دۇنيە ءجۇزى بويىنشا ماڭداي الدى داشۋە قۇرۋدا باسقالاردىڭ سوڭىنان ەرۋگە، ەل ءىشى - سىرتىنداعى داشۋەلەردى عانا ولشەم جانە ۇلگى ەتۋمەن شەكتەلۋگە بولمايدى، قايتا جۇڭگونىڭ بايتاق دالاسىنا تامىر تارتىپ، جۇڭگوشا ەرەكشەلىككە يە، دۇنيە ءجۇزى بويىنشا ماڭداي الدى داشۋە قۇرۋ جاڭا جولىمەن ءجۇرۋ كەرەك. جۇڭگو حالىق داشۋەسى سولتۇستىك شانشي الەۋمەتتىك مەكتەبى قۇرىلعان العاشقى كەزدەن باستاپ «توڭكەرىستىك اۆانگارد قوسىن» تاربيەلەدى، جاڭا جۇڭگو قۇرىلعان العاشقى مەزگىلدە «سان مىڭداعان مەملەكەت قۇرۋ كادرلارىن» تاربيەلەۋدى ورتاعا قويدى، رەفورما جاساپ، ەسىك اشۋ داۋىرىندە «حالىق ۇلگىسى، قوعام تىرەگى» بولۋدى ورتاعا قويدى، ونان قازىرگى جاڭا داۋىردە «كوركەيۋ تىرەكتىلەرىن، مەملەكەتتى قۇدىرەتتەندىرۋ اتويشىلارىن تاربيەلەۋدى» العا قويدى، ءار داۋىردەگى وسى تىڭ باستامالار ارقىلى «پارتيا ىستەرى ءۇشىن دارىندىلار تاربيەلەۋ، مەملەكەت ىستەرى ءۇشىن دارىندىلار تاربيەلەۋ» سىندى رۋحاني قاسيەتتى ايگىلەدى. جۇڭگو حالىق داشۋەسىنىڭ ءمورال ارقىلى دارىندى تاربيەلەۋ سىندى وسى ءتۇبىرلى مىندەتتى تياناقتاندىرىپ، توڭكەرىستىك گەندى جالعاستىرىپ، پارتيانىڭ سوزىنە قۇلاق اسۋ، پارتياعا ىلەسۋ سەنىمىن حالىق داشۋەسى وقىتۋشى - وقۋشىلارىنىڭ سانالى تالپىنىسىنا اينالدىرۋىن ءۇمىت ەتەمىن.
شي جينپيڭ بىلاي دەپ اتاپ كورسەتتى: جوعارى مەكتەپتەر − ەلىمىزدىڭ فيلوسوفيا - قوعامدىق عىلىمدارىنداعى «5 باعىتتاعى زور قوسىنىنىڭ» ماڭىزدى كۇشى. قازىر جۇڭگوشا سوتسياليزم نازارياسى مەن امالياتىندا تاباندى بولۋ جانە ونى دامىتۋدا، شەشۋگە ءتيىستى قىرۋار جاڭا ماسەلە ورتاعا قويىلىپ وتىر، دۇنيە جۇزىندە ءجۇز جىلدا بولماعان زور وزگەرىس جەدەل قۇبىلىپ، دۇنيە ءجۇزى جاڭا الاساپىراندىق، وزگەرىس كەزەڭىنە ءوتتى، مۇنىڭ ءوزى «دۇنيە قالاي بەتالىپ بارادى»، «ادامزات قايدا بارادى» دەگەن ءداۋىر سۇراعىنا ويداعىداي جاۋاپ بەرۋدى شۇعىل قاجەت ەتەدى. ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدا تاباندى بولىپ، جۇڭحۋا ۇلتىنىڭ ۇلى گۇلدەنۋ ستراتەگياسىنىڭ جالپى جاعدايىن جانە دۇنيە جۇزىندە 100 جىلدا بولماعان زور وزگەرىس جاعدايىن تياناق ەتىپ، ماركسيزمنىڭ جۇڭگوشالانۋىن، داۋىرگە ۇيلەسۋىن ۇزدىكسىز ىلگەرىلەتۋ كەرەك. جۇڭگوشا فيلوسوفيا جانە قوعامدىق عىلىمدار جۇيەسىن قۇرۋدى جەدەلدەتۋ، سايىپ كەلگەندە، جۇڭگونىڭ دەربەس ءبىلىم جۇيەسىن قۇرۋ بولىپ تابىلادى. جۇڭگونى، ءداۋىردى، جۇڭگونىڭ ءىس جۇزىندىك جاعدايىن تياناق ەتىپ، جۇڭگو ماسەلەسىن شەشىپ، جۇڭحۋانىڭ تاڭداۋلى ءداستۇرلى مادەنيەتىن جاسامپازدىقپەن تۇرلەندىرىپ، جاسامپازدىقپەن دامىتا ءتۇسىپ، بىلىمدە، نازاريادا، ادىستە جاڭالىق جاراتۋدى ۇزدىكسىز ىلگەرىلەتىپ، جۇڭگوشا فيلوسوفيانى جانە قوعامدىق عىلىمدى دۇنيە ءجۇزى عىلىمىنىڭ قاتارىندا شىن مانىندە ەڭسە كوتەرتۋ كەرەك. فيلوسوفيا، قوعامدىق عىلىم قىزمەتكەرلەرى باعدارى ايقىن، مۇراتى شىنايى، ءبىلىمى جوعارى، ءمورالى دۇرىس بولۋدى ورىنداپ، جۇڭگونىڭ سۇراعىنا، دۇنيە ءجۇزىنىڭ سۇراعىنا، حالىقتىڭ سۇراعىنا، ءداۋىردىڭ سۇراعىنا جاۋاپ بەرۋدى سانالى تۇردە عىلمي مىندەت ەتىپ، جۇڭگو جولىن، جۇڭگو باسقارۋىن، جۇڭگو زاڭدىلىعىن ايگىلەۋدى يدەيالىق تالپىنىس ەتىپ، پارتيا مەن مەملەكەت ىستەرىنىڭ جالپى جاعدايىنا، ءتۇبىرلى، شەشۋشى ىستەرىنە ساياتىن كەلەلى ماسەلەلەردى زەرتتەۋ، شەشۋ جاعىندا شىنايى قابىلەت ارقىلى ناقتى ناتيجەگە، جاقسى ناتيجەگە قول جەتكىزۋى كەرەك. فيلوسوفيا، قوعامدىق عىلىمداردىڭ جۇڭگو مەن شەتەلدىڭ مادەنيەتىن توعىستىرۋداعى، وركەنيەت اۋىس - كۇيىسىن كۇشەيتۋدەگى وزگەشە رولىن ساۋلەلەندىرىپ، جۇڭگو ءۇنىن، جۇڭگو نازارياسىن، جۇڭگو يدەياسىن دۇنيە جۇزىنە تاراتىپ، دۇنيە جۇزىنە جۇڭگونى اناعۇرلىم ويداعىداي ءتۇسىندىرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە بەلسەندى ۇلەس قوسۋ كەرەك.
شي جينپيڭ مىنالاردى دارىپتەدى: تاڭداۋلى مەكتەپتەردىڭ ەرەكشەلىگى ءار الۋان بولعانىمەن، ءبىر ورتاق ەرەكشەلىگى بار، اتاپ ايتقاندا بارىندە تاڭداۋلى وقىتۋشىلار قوسىنى بولادى. وقىتۋشى جونىنەن العاندا، وقۋشىلاردى قانداي دارىن يەسى ەتىپ جەتىلدىرۋ ءۇشىن، ەڭ اۋەلى، ءوزى قانداي ادام بولۋعا ءتيىس ەكەنىن ءبىلىپ الۋ كەرەك. سوتسياليزم قۇرىلىسشىلارى مەن ءىزباسارلارىن تاربيەلەۋ وقىتۋشىلارىمىزدىڭ كاسىپتىك بىلىمگە جەتىك بولۋىن، ءبىلىم بەرەتىن ۇستاز بولۋدى ويداعىداي ورىنداۋمەن بىرگە، ءمورالدى دا ىسكەر بولىپ، تاماشا ءمورال ارقىلى ارەكەتتە ونەگە كورسەتە الاتىن ۇستاز بولا ءبىلۋىن، ءبىلىم بەرىپ شاكىرت تاربيەلەۋدە قاتاڭدىق پەن مەيىرباندىقتى قوس تىزگىن رەتىندە مىقتى ۇستاي ءبىلۋىن، جان جۇيەگە سىڭىرە قونىمدى ءبىلىم بەرۋىن شۇعىل قاجەت ەتدى. وقۋ - اعارتۋ − مەيىرىمدىلىكتى، سۇيىسپەنشىلىكتى ارقاۋ ەتكەن ءىس، سۇيىسپەنشىلىك بولعاندا عانا جاۋاپكەرلىك بولادى. قالىڭ وقىتۋشىلار پاك ادامگەرشىلىك رۋح ارقىلى وقۋشىلاردىڭ جان الەمىن قورعاپ، عىلمي بىلىمدەر ارقىلى وقۋشىلاردىڭ اقىل - پاراسات كوزىن اشىپ، ءاربىر وقۋشىعا مەيىرلى جانە قامقور بولۋى، ءاربىر وقۋشىنى اقاۋسىز جەتىلدىرۋى، ءاربىر وقۋشىنى ونەر ورىنە، ءبىلىم بيىگىنە قانات قاقتىرۋى كەرەك. وقىتۋشىلاردا ايتقاندارى سەنىمدى، ىستەگەندەرى ونەگەلى بولاتىن سانالىلىق بوللۋى، ءوزىنىڭ ءمورال ورەسىن ۇزدىكسىز جوعارىلاتىپ وتىرۋى، ونەگەلى ءىس - ارەكەت ارقىلى وقۋشىلارعا اسەر كورسەتىپ، باستاماشىلىق ەتۋى، وقۋشىلارعا ءبىلىم بەرەتىن، ءىستىڭ ءجونىن كورسەتەتىن، ادامگەرشىلىكتى ۇعىندىراتىن ۇلى ۇستاز بولىپ، قوعامنىڭ قۇرمەتىنە بولەنەتىن ۇلگىلەرگە اينالۋى، كۇللى جۇرت بوي تۇزەيتىن ونەگە بولۋى كەرەك.
شي جينپيڭ بىلاي دەپ اتاپ كورسەتتى: جاڭا ءداۋىر، جاڭا ساپاردى تياناق ەتكەنىمىزدە، جۇڭگو جاستارىنىڭ كۇرەس نىساناسى مەن العا باسۋ بەتالىسىن بىلاي دەپ ءبىر تۇيىنگە جيناقتاۋعا بولادى، اتاپ ايتقاندا، پارتيانىڭ سوزىنە بۇلجىماي قۇلاق اسۋ، پارتياعا ىلەسۋ، ۇلتتىڭ كوركەيۋى سىندى ۇلى مىندەت ارقالاي الاتىن ءداۋىردىڭ جاڭا ادامدارىنا اينالۋعا قۇلشىنۋ كەرەك. قالىڭ جاستاردىڭ وتاننىڭ بايتاق دالاسىندا ءىز قالدىرىپ ناتيجە جاراتىپ، جۇڭگو رۋحىن كوكىرەك كوزىمەن كورە ءبىلىپ، حالىقتىڭ ۇنىنە قۇلاق اسىپ، ءداۋىر تىنىسىنا شىن جۇرەكتەن ءۇن قوسىپ، وتانعا تەرەڭ سۇيىسپەنشىلىك ورناتىپ، حالىقپەن تىنىستاس، تاعدىرلاس بولۋ سۇيىسپەنشىلىگىن وقۋدىڭ جالپى بارىسىنا، كاسىپتىك تالپىنىسقا ءسىڭىرۋىن ءۇمىت ەتەمىن.
شي جينپيڭ مەكتەپتەن اتتاناردا جولدىڭ ەكى جاعى وقىتۋشى - وقۋشىلارعا لىق تولدى، كوپشىلىك باس شۋجيمەن تەبىرەنە امانداستى، «جاستىق كوكتەمدى پارتياعا ارناپ، حالىق ءۇمىتىن اقتايمىز»، «كوركەيۋ تىرەكتىلەرى، مەملەكەتتى قۇدىرەتتەندىرۋدىڭ اتويشىلاردى بولامىز» دەگەن اسقاق ۇندەر كوتەرىلدى، شي جينپيڭ كوپشىلىككە قول بۇلعاپ قۇرمەت ءبىلدىردى، شاپالاق ءۇنى، الاقايلاعان داۋىستار مەكتەپ اۋلاسىندا ۇزاققا دەيىن تولاستاماي جاڭعىرىعىپ تۇردى.
ۋاڭ حۋنيڭ، ديڭ شۋەشياڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قاتىستى قيمىلدارعا قاتىناستى.
كەلۋ قاينارى: حالىق تورابى
 |
4 - ايدىڭ 25 - كۇنى تۇستەن بۇرىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو حالىق داشۋەسىنە بارىپ تەكسەرۋ - زەرتتەۋ جۇرگىزدى. سۋرەتتە: شي جينپيڭ وقىتۋشى - وقۋشىلاردىڭ ۋاكىلدەرىمەن اڭگىمە ءماجىلىسىن وتكىزۋدە ءارى ماڭىزدى ءسوز سويلەۋدە.
سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
|
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
