مادەنيەت جانە ساياحات مينيسترلىگىنىڭ بۇرىنعى ورىنباسار مينيسترى لي جينزاۋ ءبىرىنشى سوتتا 15 جىلدىق مەرزىمدى قاماق جازاسىنا كەسىلدى
2022.04.27 15:08 كەلۋ قاينارى : حالىق تورابى
شينحۋا اگەنتتىگىنىڭ 4 - ايدىڭ 26 - كۇنى شىنياڭنان بەرگەن حابارى. 2022 ـ جىلى 4 - ايدىڭ 26 - كۇنى تۇستەن بۇرىن لياۋنيڭ ولكەسى شىنياڭ قالالىق ورتا دارەجەلى حالىق سوت مەكەمەسى ءبىرىنشى سوتتا مادەنيەت جانە ساياحات مينيسترلىگى پارتيا باسشىلىق گرۋپپاسىنىڭ بۇرىنعى ورىنباسار شۋجيى، ورىنباسار مينيسترى لي جينزاۋدىڭ پارا الۋ دەلوسىنا اشىق ۇكىم شىعارىپ،ايىپكەر لي جينزاۋدى پارا الۋ قىلمىسى بويىنشا 15 جىلدىق مەرزىمدى قاماۋ جازاسىنا ۇكىم ەتتى، وعان قوسا 6 ميلليون يۋان اقشالاي ايىپ سالدى؛ لي جينزاۋدىڭ پارا الۋدان تاپقان مال ـ مۇلكىن جانە ونىڭ ءوسىمىن زاڭ بويىنشا قۋزاپ قايتارىپ الىپ، مەملەكەت قازىناسىنا تاپسىردى.
تەكسەرۋ ارقىلى مىنالار انىقتالدى: 1996 ـ جىلدان 2020 ـ جىلعا دەيىن، ايىپكەر لي جينزاۋ ىلگەرىندى ـ كەيىندى ج ك پ گۋاڭشي جۋاڭزۋ اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوندىق حالىق ۇكىمەتىنىڭ ورىنباسار ءتوراعاسى، ساۋدا مينيسترلىگى پارتيا باسشىلىق گرۋپپاسىنىڭ مۇشەسى، ورىنباسار مينيسترى، بۇرىنعى مەملەكەتتىك ساياحات مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى، مادەنيەت جانە ساياحات مينيسترلىگى پارتيا باسشىلىق گرۋپپاسىنىڭ ورىنباسار شۋجيى، ورىنباسار مينيسترى سياقتى مىندەتتەردى وتەگەن كەزىندە مىندەتتەردەگى قولايلىلىقتان، سونداي ـ اق قىزمەت ۇقىعى، ورنى قالىپتاستىرعان قولايلى شارت - جاعدايلاردان پايدالانىپ، قاتىستى ورىندار مەن جەكەلەردىڭ تولىمدىلىعىن تەكسەرىپ بەكىتۋ، تەكشە قۇرۋ، قۇرىلىستى مىندەتىنە الۋ جانە مىندەتكە ءوسىرۋ سياقتى ىستەردە باسقالارعا كومەكتەسىپ، زاڭسىز مال ـ مۇلىك الىپ، حالىق اقشاسىنا سىندىرعاندا جيىنى 65 ميلليون 500 مىڭ يۋان بولعان.
شىنياڭ قالالىق ورتا دارەجەلى حالىق سوت مەكەمەسى ايىپكەر لي جينزاۋدىڭ ارەكەتى پارا الۋ قىلمىسىنا جاتادى دەپ قارادى. 7 ميلليون يۋان پارا الۋ ماقساتىنا جەتە الماعاندىعى ەسكەرىلەدى؛ دەلو تۋىلعاننان كەيىن ءوزىنىڭ قىلمىسىن قاز - قالپىندا بايانداپ، باقىلاۋ ورگانى ءالى يگەرمەگەن ءبىر ءبولىم پارا الۋ قىلمىس فاكتىلەرىن ىرىقتىلىقپەن تاپسىردى؛ قىلمىسىن تانىپ رايىنان قايتۋ، ارام ولجانى بەلسەنە قايتارۋ، ارام اقشا، ارام ولجانى تۇگەل قايتارىپ الۋ سياقتى زاڭدا بەلگىلەنگەن، جاعدايعا قاراي جەڭىل جازالاۋ جاعدايى بولعاندىقتان، زاڭ بويىنشا وعان جەڭىل جازا بەرۋگە بولادى. سوندىقتان سوت جوعارىداعى ۇكىمدى شىعاردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
