بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

تيانشان الابىندا نەگىزگى ساتى پارتيا ۇيىمدارى اناعۇرلىم مىعىم دا پارمەندى بولدى

انار بۇلت / شينجياڭ گازەتىنىڭ ءتىلشىسى جاڭ يانفاڭ

2022.04.28 16:20     كەلۋ قاينارى : شينجياڭ گازەتى

  نەگىزگى ساتى گۇلدەنسە، شينجياڭ گۇلدەنەدى، نەگىزگى ساتى ورنىقتى بولسا، شينجياڭ ورنىقتى بولادى.

  2014 - جىلى 4 - ايدىڭ 28 - كۇنى شينجياڭدا قىزمەت تەكسەرگەن باس شۋجي شي جينپيڭ كونەشار اۋدانى توققۇزاق قالاشىعى اياققى مانگەن قىستاعىنا بارىپ كادرلارمەن، بۇقارامەن امانداسىپ، قىستاق دارەجەلى ۇيىمىنىڭ حالىق ءۇشىن قىزمەت ىستەۋ جانە ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ قىزمەت جاعدايىن ەگجەي - تەگجەيلى ۇعىستى. ”بىزدە مىعىم نەگىزگى ساتى بيلىگى بولۋ كەرەك“. باس شۋجي قاسىنداعى كادرلارعا: كادرلاردى ويداعىداي باۋلىپ، قىستاق پارتيا ياچەيكاسىن ويداعىداي قۇرۋ كەرەك، - دەپ قاداعالاي تاپسىردى.

  8 جىلدان بەرى اۆتونوميالى رايوندىق پارتكوم ىقىلاستى تاپسىرمانى باستان - اياق ەستە بەرىك ساقتاپ، جاڭا داۋىردەگى پارتيانىڭ ۇيىمدىق لۋشيانىن مىزعىماس تاباندىلىقپەن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، تيانشان الابىنداعى 90 مىڭنان استام نەگىزگى ساتى پارتيا ۇيىمىن جانە قالىڭ پارتيالى كادرلاردى باستاپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، مىعىم كادرلار قوسىنىن، كەمەلدى نەگىزگى ساتى ۇيىمدىق جۇيەسىن، كادەگە جارايتىن بۇقارالىق قىزمەت مەحانيزمىن كۇش سالا سومدادى، نەگىزگى ساتى پارتيا ۇيىمدارى توڭكەرىستىك سومدالۋ بارىسىندا اناعۇرلىم مىعىم دا پارمەندى بولدى، پارتيا تۋى نەگىزگى ساتىنىڭ ءبىرىنشى شەبىندە اسقاق جەلبىرەدى.

  نەگىزدى كۇشەيتىپ، رۋحتى سومداپ، ۇيىمدىق قۋاتتى، ۇيىسۋ قۋاتىن ۇزدىكسىز جوعارىلاتتى

  روزا گۇلى مايساسىن ەگىپ، قىزىل ساياحاتتى دامىتىپ، ەرەكشە جەمىس ورمانى سياقتى كاسىپ سالاسىنىڭ دامۋىن ىلگەرىلەتتى... كوكتەم كىرگەننەن كەيىن اياققى مانگەن قىستاعىندا قىستاق كادرلارى ءوز مىندەتتەرىن ادا ەتىپ، قىستاق تۇرعىندارى قاجىماي - تالماي قۇلشىنىپ، كادرلار مەن بۇقارا ”كوكتەمنىڭ بەتاشار كۇيىن“ جۇمىلا ورىندادى.

  ”قىستاقتىڭ ءىرى - ۇساق ىستەرىن قىستاق ’ەكى كوميتەتى‘ القاسى مەن ’ۇعىسۋ، تيىمدىلىك جاساۋ، توعىستىرۋ‘ بويىنشا قىستاقتا تۇراتىن قىزمەت اترەتى باستاماشىلدىقپەن ىستەپ، كومەكتەسىپ شەشەدى، قىستاق پارتيا ياچەيكاسى ءبىزدىڭ تىرەگىمىز“. 4 - ايدىڭ 24 - كۇنى 86 جاستاعى ءيۇسۇپ ابدۇللا شىن جۇرەگىمەن بىلاي دەدى: ”قازىر قىستاعىمىز گۇل باعىنا ۇقسايدى، قىستاق تۇرعىندارىنىڭ كىرىسى جىل سايىن ارتىپ، بالداي ءتاتتى تۇرمىس كەشىرۋدە. باس شۋجيگە راقىمەت، كوممۋنيستىك پارتياعا راقىمەت!“.

  مىعىم دا پارمەندى جاۋىنگەر قامال سومداۋ ءۇشىن، اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) اياققى مانگەن قىستاعىندا تۇراتىن قىزمەت اترەتى 8 جىلدان بەرى بار كۇشىن سالىپ كومەكتەستى. بۇل قىستاقتىڭ پارتيا ياچەيكاسىنىڭ شۋجيى مامەتتۇرسۇن ابدىراحمان اسەرلى سەزىممەن بىلاي دەدى: ”قىزمەت اترەتى مەن قىستاق ’ەكى كوميتەتى‘ القاسى بىرگە ۇيرەنىپ، وي جەلىسىن كەڭەيتىپ، تۇتاس قىستاقتىڭ دامۋىن جوسپارلاپ، نەگىزدىك قۇرىلعىلاردى جاقسارتىپ، قىستاقتىڭ كوللەكتيۆ ەكونوميكاسىن دامىتىپ، جۇمىستاندىرىپ، شارۋاشىلىق قۇرۋدى ويداعىداي يگەرىپ، بۇرىندارى شەشىلمەگەن كوپتەگەن قيىن ماسەلەلەردى شەشتى“.

  وسى بارىستا پارتيالى كادرلاردىڭ وبرازى قالىپتاسىپ، قوسىن قۇرىلىمى ءۇرتىس ساپالىلانىپ، قابىلەتى، ساپاسى ۇزدىكسىز جوعارىلادى. بىلتىر كەزەك اۋىسقاننان كەيىن، قىستاق ”ەكى كوميتەتى“ القاسىنداعى 11 مۇشەنىڭ ورتاشا جاسى 30 عا جەتپەدى، دەنى جوعارى مەكتەپ وقۋشىلارى، پارتيا مۇشەلەرى قوسىنى ۇزدىكسىز زورايىپ، قىستاق پارتيا ۇيىمىنىڭ ۇيىسۋ قۋاتى، جۇمىلۋ قۋاتى كورنەكتى كۇشەيىپ، 2021 - جىلى قىستاقتىڭ كوللەكتيۆ كىرىسى ءبىر ميلليون يۋاننان استى.

  ”كەلەسى قادامدا قىستاق پارتيا ياچەيكاسىن قۇرۋ - كۇشەيتۋگە كومەكتەسۋ جاعىنا ءۇرتىس كۇش سالىپ، قىستاقتاعى پارتيا مۇشەلەرىن، بۇقارانى ۇيىمداستىرىپ، بايۋعا باستايتىن كاسىپ سالاسىن بىرگە ويداعىداي دامىتىپ، بۇقارانىڭ باقىتتى تۇرمىسىنىڭ اناعۇرلىم جوعارى دەڭگەيگە كوتەرىلۋىنە مۇمكىندىك جاسايمىز“، - دەدى اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) اياققى مانگەن قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجيى يان شياڭدۇڭ نىق سەنىممەن.

  8 جىلدان بەرى باس شۋجي نۇسقاعان بەتالىستى بويلاپ اۆتونوميالى رايوندىق پارتكوم پارتيانىڭ ساياسي قۇرىلىسىن ماڭداي الدى ورىنعا قويىپ، نەگىزگى ساتىنى جاپپاي يگەرۋ باعدارىن ورناتىپ، نەگىزگى ساتى پارتيا ۇيىمى قۇرىلىسىنىڭ جاپپاي ىلگەرىلەۋىن، جاپپاي شىڭدالۋىن جەبەدى.

  − نەگىزگى ساتى پارتيا ۇيىمدارىنىڭ ساياسي يقۋاتى ۇزدىكسىز كۇشەيدى. شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، پارتيا تاريحىن ۇيرەنۋ تاربيەسى سياقتى پارتيا ىشىندە توپتىق تاربيەلەۋ بارىسىندا پارتيالىلىقتى شىڭادى، پارتيالى كادرلاردىڭ ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتتى.

  − نازاردى باس نىساناعا شوعىرلاندىرىپ پارتيانى باسقارۋ، پارتيانى جونگە سالۋ جاۋاپكەرشىلىگىن ناقتىلاندىردى. شۋجيدىڭ نەگىزگى ساتى پارتيا قۇرىلىسىن يگەرۋ قىزمەتىنەن ەسەپ بەرۋىن، ونى باعالاۋدى، تەكسەرۋدى ءۇرتىس 8 جىل ورىستەتىپ، ”شۋجي مىقتى ۇستاۋدى، شۋجيدى مىقتى ۇستاۋدى“، شىنايى باسقارۋدى، شىنايى قاتاڭ بولۋدى، ۇزاق ۋاقىت باسقارۋدى، ۇزاق ۋاقىت قاتاڭ بولۋدى شىن مانىندە ورىندادى.

  − پارتيانىڭ نەگىزگى ساتى ۇيىمدىق جۇيەسىن كەڭەيتتى، قاتايتتى. پارتيا ۇيىمىن قىستاق تۇرعىندارى گرۋپپاسىندا، اۋلالاردا، كوشەلەردە، عيماراتتاردا قۇرىپ، شەت - شالعاي مال شارۋاشىلىق رايوندارى، تاۋلى رايون، كەن رايونى سياقتىلاردا قۇرىپ، ۇيىمدىق انتەننانى اناعۇرلىم كەڭەيتتى.

  −”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىن كۇشەيتتى، جوعارىلاتتى، كەمەلدەندىردى. تالاي - تالاي قىستاقتا تۇرعان كادرلار نەگىزگى ساتى ۇيىمىن قۇرۋ - كۇشەيتۋ، اۋىل - قىستاق كاسىپ سالاسىن دامىتۋ، حالىق تۇرمىسى نىساندارىن تياناقتاندىرۋ، كەدەيلىكتەن ارىلتىپ، كىرىستى ارتتىرۋ بارىسىندا ەڭ جوعارى شەكتە حالىق تىلەگىنە قول جەتكىزدى، جۇرت تىلەگىن توعىستىردى.

  ياچەيكا سايىن دەڭگەيىن كوتەردى، شەپ سايىن بەكەمدەي ءتۇستى. تۇتاس شينجياڭداعى ءار دارەجەلى پارتيا ۇيىمدارى پارتيا ياچەيكاسىن ولشەمدەندىرۋ، جۇيەلەندىرۋ قۇرىلىسىن ءۇرتىس ىلگەرىلەتىپ، پارتيانىڭ ىشكى ساياسي تۇرمىسىن قاتايتىپ، تۇتاس رايوننىڭ ءار سالاسىنداعى نەگىزگى ساتى پارتيا قۇرىلىسىنىڭ ساپاسىن ءوسىرىپ، ونىمدىلىگىن ارتتىرۋىن ىلگەرىلەتتى.

  قوسىندى كۇشەيتىپ قۇرىپ، ۇلكەن شايقاس، ۇلكەن سىناق بارىسىندا كىرشىكسىز بولىپ شىڭدالدى

  ەل باسقارۋدىڭ تەتىگى ادامدى دۇرىس پايدالانۋدا.

  باس شۋجيدىڭ تاپسىرماسىن ەستە بەرىك ساقتاعان اۆتونوميالى رايوندىق پارتكوم ادام ىستەتۋدىڭ دۇرىس باعدارىنا باستان - اياق تاباندى بولىپ، مىعىم دا پارمەندى نەگىزگى ساتى كادرلارى قوسىنىن كۇش سالا تۇلعالادى. دارىندىلار، ىسكەرلەر ءبىرىنشى شەپكە بارىپ، سۇرىپتالعان ادامدار نەگىزگى ساتىعا ءتۇسىپ، سان مىڭداعان ۇزدىك كادرلار قىستاق (الەۋمەتتىك اۋماق) پارتيا ۇيىمىنىڭ ءبىرىنشى شۋجيى، قىستاق پارتيا ۇيىمىنىڭ شۋجيى مىندەتىن اتقارىپ، ”سەركەلىك“ رولدار كۇشەيتىلىپ، القا مۇشەلەرىن ىرىقتىلىقپەن جاۋاپكەرشىلىك ارقالاۋعا، ىسكەرلىك كورسەتۋگە جەتەكتەدى.

  سونىمەن بىرگە اۆتونوميالى رايون اۋىل - قالاشىق (ءمالى) پارتيا، ۇكىمەت ورىندارىنىڭ ءبىرىنشى باستىقتارىنا، قىستاقتىڭ (الەۋمەتتىك اۋماق) تىرەكتى كادرلارىنا ءار جىلى ۇلگى كورسەتۋ كۋرسىن اشىپ، جەر - جەردىڭ شينجياڭعا كومەكتەسۋشى ولكە، قالا، قالالىق، اۋداندىق، اۋىلدىق پارتيا مەكتەبى، باۋلۋ بازاسى سياقتىلارعا سۇيەنىپ، نەگىزگى ساتى كادرلارىنان 3 ميلليون ادام - رەت جاپپاي كەزەكپەن باۋلۋىنا دەم بەرىپ، نەگىزگى ساتىداعى پارتيالى كادرلاردىڭ قابىلەتىن ءونىمدى جوعارىلاتتى.

  باتىر مايداندا سىنالار، التىن وتتا شىڭالار. نەگىزگى ساتىداعى پارتيالى كادرلار ۇلكەن شايقاس، ۇلكەن سىناق بارىسىندا جاۋاپكەرشىلىك ارقالاۋدى ايگىلەدى، قۇرىشتاي شىڭالدى.

  ىندەتتەن ساقتانۋ - تىزگىندەۋدىڭ ءبىرىنشى شەبىندە جاۋاپكەرشىلىك ارقالادى، ىسكەرلىك كورسەتتى −

  2020 - جىلى 7 - ايدا ۇرىمجىدە جاڭا تيپتى ايدارشا ۆيرۋس وكپە قابىنۋ ىندەتى تۋىلعاندا تۇتاس قالاداعى 9000نان استام پارتيا ۇيىمى بۇيرىقتى ەستىسىمەن اتتانىپ، 140 مىڭنان استام كوممۋنيستىك پارتيا مۇشەلەرى كوكىرەك كەرە العا شىعىپ، اجالدان اراشالاپ، جارالىلاردى قۇتقارۋ شەبىندە اتوي سالىپ، الەۋمەتتىك اۋماقتىڭ ساقتانۋ - تىزگىندەۋى بارىسىندا كۇش قوسىپ، ىندەتتەن ساقتانۋ - تىزگىندەۋدىڭ بەرىك قورعانىس شەبىن ورناتتى.

  كەدەيلىكتەن ارىلتۋدان قامال الۋ شايقاسىندا قامال الىپ، قيىندىقتى جەڭدى −

  تۇتاس شينجياڭداعى ءار دارەجەلى پارتيا ۇيىمدارى مەن قالىڭ پارتيالى كادرلار سايلاۋىت قوسىنمەن شايقاسقا شىعىپ، كەدەي بۇقارامەن بىرگە ويلاپ، بىرگە تۇرمىس كەشىرىپ، بىرگە ىستەپ، ”قامال المايىنشا شەپتەن استە قايتپايمىن“ دەيتىن اسقاق كۇرەس جىگەرىمەن بۇقارانى باستاپ كەدەيلىكتىڭ اراسىنداعى كەدەيلىكتى، قامالدىڭ ىشىندەگى قامالدى جويدى، 2020 - جىلى 11 - ايدا شينجياڭنىڭ مۇلدەم كەدەيلىك ماسەلەسى تاريحي سيپاتتى شەشىلدى.

  ءۇرتىس كۇرەس جاساۋ بارىسىندا اۋىل - قىستاقتى گۇلدەندىرۋدى ىلگەرىلەتتى −

  ”بيىل 3 - ايدا قىستاق پارتيا ياچەيكاسى مال باعىمشىلىق شارۋالار كاسىپتىك سەلبەستىك كووپەراتيۆىن باستاماشىلدىقپەن قۇرىپ، 29 وتباسىنداعى قىستاق تۇرعىنىن قاتارعا قوستى. الداعى جەردە ءبىز شىرعاناق سياقتى ءتۇرلى بايلىقتى بىرىكتىرىپ، ساپالى سورتتاردى جەتىلدىرىپ، كاسىپ سالاسى تىزبەگىن ۇزارتامىز“، - دەدى شىڭگىل اۋدانى اقدالا قالاشىعى اقدالا قىستاعى پارتيا ياچەيكاسىنىڭ شۋجيى ءمادينا ۋاقيت. پارتيا قۇرىلىسىن يگەرۋ ارقىلى اۋىل - قىستاقتى گۇلدەندىرۋدى جەبەۋدىڭ ”ۇلكەن ونەر باسەكەسىنە“ قاتىناستى، سالاۋاتىن جاڭالاپ، جۇرگىزۋشى بولىپ ينتەرنەتتە اۋىلىنىڭ اۋىل شارۋاشىلىق قوسىمشا ونىمدەرىن تانىستىردى... نەگىزگى ساتىداعى قالىڭ پارتيالى كادرلار ۇزدىكسىز وي جەلىسىن كەڭەيتىپ، تاسىلدە جاڭالىق اشىپ، پارتيا قۇرىلىسى ارقىلى اۋىل - قىستاقتى گۇلدەندىرۋ ”ايدىنىنا“ تىڭ تىنىس قوستى.

  8 جىلدان بەرى تۇتاس رايونداعى قالىڭ نەگىزگى ساتى پارتيا ۇيىمدارى ۇيىمنىڭ ومىرشەڭدىك كۇشىن دامۋ ومىرشەڭدىك كۇشىنە اينالدىرىپ، پارتيا قۇرىلىسى ابزالدىلىعىن دامۋ ابزالدىلىعىنا اينالدىردى، پارتيا مۇشەلەرى، كادرلار رەفورما، دامۋ، ورنىقتىلىق قىزمەتى بارىسىندا اۋىر جۇكتى باتىلدىقپەن ارقالاپ، پارتيا قۇرىلىسى قىزمەتى مەن وزەكتى قىزمەتتىڭ ءبىر بەتالىستا كۇش سالۋىنا، بىرگە سايكەسە ىلگەرىلەۋىنە مۇمكىندىك جاساپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ شينجياڭدا تياناقتانىپ، ونىمدىلىك كورسەتۋىنە شىنايى كەپىلدىك ەتتى.

  قىزمەت وتەۋدى ساپالىلاندىرىپ، بۇقارانى مازالاعان ىستەردى ويداعىداي شەشتى

  جاۋىنگەر قامالدىق رولىن تولىق ساۋلەلەندىرىپ، بۇقارامەن بايلانىس جاساپ، بۇقاراعا قىزمەت وتەۋدە سۇيىسپەنشىلىكپەن ىستەپ، بۇقاراعا ۇگىت تاربيە جۇرگىزۋدە دەن قويىپ، بۇقارانى ۇيىمداستىرۋدا، ۇيىستىرۋدا كۇش سالعان قالىڭ نەگىزگى ساتى پارتيا ۇيىمدارى پارتيانىڭ بۇقارامەن بايلانىس جاساۋداعى كوپىرىنە جانە دانەكەرىنە اينالدى.

  بۇراتالا قالاسى چيڭدالا ءمالىسى شۋشياڭ الەۋمەتتىك اۋماعى مەيجۇييۋان تۇرعىندار شاعىن اۋماعىندا جالعىزىلىك قارتتار سىرتقا شىعىپ اۋرۋ كورسەتپەكشى، تۇرمىستىق بۇيىمدار ساتىپ الماقشى بولسا، شاعىن اۋماق تۇرعىندارى ۋيشين توبىندا ايتسا بولعانى، الەۋمەتتىك اۋماق كادرلارى ۇيگە كەلىپ قىزمەت وتەيدى.

  ”تۇرعىندار اڭىس ەتكەن ىستەر مەن تاپ بولعان قيىنشىلىقتاردىڭ ءبارىن الەۋمەتتىك اۋماق پارتيا باس ياچيكاسى تىزىمدىك جاساپ ءبىر - بىرلەپ شەشىپ وتىرادى“. شۋشياڭ الەۋمەتتىك اۋماعى پارتيا باس ياچەيكاسىنىڭ شۋجيى چىن ليپيڭ بىلاي دەدى: بىلتىردان بەرى الەۋمەتتىك اۋماق تۇرعىندار جاپپاي اڭىس ەتكەن كولىك توقتاتۋ قيىن بولۋ ماسەلەسىن حالىق ءۇشىن ناقتى ءىس ىستەۋ تىزىمدىگىنە ەنگىزدى. قوجالىق باسقارۋ سەرىكتەستىگى سياقتى كوپ جاقپەن سويلەسۋ ارقىلى 300 نەشە كولىك توقتاتۋ ورنىن قايتادان بەلگىلەپ، تۇرعىنداردىڭ كولىك توقتاتۋ قيىن بولۋ ماسەلەسىن شەشتىك.

  بۇگۇر اۋدانى چۇمباق قالاشىعى نورشوقى قىستاعىنىڭ مادەنيەت ۇلكەن اۋلاسىندا جاندانعان شارۋا پارتيا مۇشەلەرى، وزات تيپتەر قاتارلىلاردان قۇرالعان ”انار ءدانى“ ۇگىت لەكسيا اترەتى ”ادەبيەت - كوركەمونەر + ۇگىت لەكسيا“ سياقتى فورمالارمەن پارتيانىڭ حالىققا ءتيىمدى ساياساتىن سان مىڭداعان وتباسىلارىنا جەدەل جەتكىزدى.

  ...

  8 جىلدان بەرى رايونىمىزداعى قالىڭ نەگىزگى ساتى پارتيا ۇيىمى مەن پارتيالى كادرلار بۇقارانىڭ حال - كۇيىن كوكەيلەرىنە ءتۇيىپ، بۇقارانى مازالاعان، ۋايىمداتقان، الاڭداتقان ىستەردى دەن قويا، سۇيىسپەنشىلىكپەن، كۇش سالا شەشىپ، بۇقارانىڭ ىقىلاستى قولداۋىنا يە بولدى.

  بۇقارانىڭ قاجەتى قايدا بولسا، نەگىزگى ساتىنىڭ پارتيا قۇرىلىسى جاڭالىق اشۋ امالياتى سول ارادا ىلگەرىلەتىلدى. بۇكىل رايونداعى نەگىزگى ساتى پارتيا ۇيىمدارى پارتيا قۇرىلىسى قىزمەتىن جەتەكشى ەتۋگە تاباندى بولىپ، حالىق ءۇشىن قىزمەت ىستەۋدىڭ ۇزاق ءونىمدى مەحانيزمىن ورناتىپ، اقاۋسىزداندىرىپ، پارتيا ۇيىمى باسشىلىق ەتكەن نەگىزگى ساتىنى باسقارۋدىڭ جاڭا ارناسىن قالىپتاستىردى.

  جىڭ اۋدانى حۇڭشيڭ ءمالىسى سايحۇڭ الەۋمەتتىك اۋماعى پارتيا ياچەيكاسى ”الەۋمەتتىك اۋماق پارتيا ۇيىمى + قوجالىق باسقارۋ قىزمەت وتەۋ كاسىپورنى + قوجالىق يەلەرى ۋاكىلى“ ۇلگىسى بويىنشا شاعىن اۋماق پارتيا ۇيىمى باسشىلىعىنداعى قوجالىق يەلەرى كوميسسياسى، قوجالىق باسقارۋ قىزمەت وتەۋ سەرىكتەستىگى بىرلەسىپ ارەكەتتەنىپ باسقارۋ جۇيەسىن قالىپتاستىرىپ، ءتۇرلى ماسەلەلەردىڭ جەدەل شەشىلۋىنە مۇمكىندىك جاسادى. سانجى قالاسى ”ءمالى تاپسىرىس بەرۋ، تاراۋلار تاپسىرىستى قابىلداۋ“ قىزمەت مەحانيزمىن جۇرگىزىپ، ءمالى ”كورىپ تۇرعانىمەن، باسقارۋ قيىن بولۋ“، تاراۋلار ”باسقارا العانىمەن، كوزىنە شالىنباۋ“ سىندى باسقارۋداعى قيىن ماسەلەنى ءونىمدى شەشىپ، بۇقارانىڭ باقىت سەزىمىن كورنەكتى جوعارىلاتتى.

  شالقار ايدىندا جەلكەن كوتەرگەن كەمە اسقار - اسقار تاۋلاردى بەتكە الىپ جاڭا جورىققا اتتاندى. جاڭا باستامادا بۇكىل رايونداعى نەگىزگى ساتى پارتيا ۇيىمدارى مەن قالىڭ پارتيا مۇشەسى تاپسىرمانى ەستە بەرىك ساقتاپ، اناعۇرلىم مىعىم قايراتپەن، اناعۇرلىم كۇشتى جاۋاپكەرشىلىكپەن، اناعۇرلىم بەرىك ستيلمەن تاباندىلىقپەن العا تارتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا اناعۇرلىم مىعىم كۇش قوسىپ، پارتيانىڭ شينجياڭدا بيلىك جۇرگىزۋ نەگىزىن ۇزدىكسىز بەكەمدەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار