بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ج ك پ ورتالىق كوميتەتىنىڭ كەڭسەسى «مەملەكەتتىڭ <14 – بەسجىلدىق> كەزىندەگى فيلوسوفيا، قوعامدىق عىلىمداردى دامىتۋ جوباسىن» باسىپ تاراتتى

2022.04.28 16:40     كەلۋ قاينارى : حالىق تورابى

  شينحۋا اگەنتتىگى، 4 - ايدىڭ 27 - كۇنى، بەيجيڭ. ج ك پ ورتالىق كوميتەتىنىڭ كەڭسەسى تاياۋدا «مەملەكەتتىڭ <14 – بەسجىلدىق> كەزىندەگى فيلوسوفيا، قوعامدىق عىلىمداردى دامىتۋ جوباسىن» باسىپ تاراتىپ، پارتيا ورتالىق كوميتەتى ورتاعا قويعان جۇڭگوشا فيلوسوفيا، قوعامدىق عىلىمداردى جەدەل قۇرۋ ستراتەگيالىق مىندەتىن دايەكتى تياناقتاندىرۋدى توڭىرەكتەپ، «14 – بەسجىلدىق» كەزىندەگى فيلوسوفيا، قوعامدىق عىلىمداردىڭ دامۋىنا جالپى تۇلعالىق جوبا جاسادى.

  «جوبادا» مىنالار تالاپ ەتىلدى: فيلوسوفيا، قوعامدىق عىلىمدار قىزمەتىندە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، جۇڭگونى تياناق ەتۋدە، شەتەلدەن ۇلگى الۋدا تاباندى بولىپ، تاريحتى اشىپ، قازىرگىنى يگەرىپ، ادامزاتقا قامقورلىق جاساپ، بولاشاققا بەت الىپ، جۇڭگوشا فيلوسوفيا، قوعامدىق عىلىمداردى قۇرۋدى جەدەلدەتۋدى نەگىزگى تاقىرىپ ەتىپ، عىلمي ءتول جاسامپازدىق قۋاتىن جوعارىلاتۋدى نەگىزگى جەلى ەتىپ، ءپان جۇيەسى، ءىلىم جۇيەسى، ءسوز جۇيەسى قۇرىلىسىن كۇشەيتۋدى تىرەك ەتىپ، كەلەلى نىسانداردى، ءتۇيىندى ينجەنەريالاردى، ماڭىزدى تۇعىرلاردى جەتەكشى ەتىپ، ءتۇزىلىس، مەحانيزم رەفورماسىندا جاڭالىق جاراتۋدى قوزعاۋشى كۇش ەتىپ، پاندەردىڭ ورنالاسۋى جاقسى، عىلمي نەگىزى بەرىك، عىلمي زەرتتەۋ ورەسى جوعارى، قىزمەت وتەۋ قۋاتى كۇشتى، حالىقارالىق ىقپالى زور جۇڭگوشا فيلوسوفيا، قوعامدىق عىلىمداردى كۇش سالا قۇرىپ، جاپپاي سوتسياليستىك وسىزاماندانعان مەملەكەت قۇرۋعا يدەيا جانە اقىل - پاراسات جاعىنان پارمەندى قولداۋ كورسەتۋ كەرەك. «جوبادا» مىنالار ايقىن بەلگىلەندى: فيلوسوفيا، قوعامدىق عىلىمدار قىزمەتىندە، ءسوز جوق، پارتيانىڭ جالپى بەتتىك باسشىلىعىندا تاباندى بولىپ، پارتيانىڭ باسشىلىعىن قىزمەتتىڭ ءارقايسى جاعىندا تياناقتاندىرۋ؛ «ەكىگە قىزمەت ەتۋ» بەتالىسىندا، «بارلىق گۇل شەشەك اتسىن، جالپى جارىسا ءۇن قاتسىن» باعىتىندا تاباندى بولىپ، حالىقتى وزەك ەتكەن زەرتتەۋ بەتالىسىن ورناتۋ؛ ماندىك دامۋدا تاباندى بولىپ، فيلوسوفيا، قوعامدىق عىلىمداردىڭ باياندى دامۋ قۋاتىن كۇشەيتۋ؛ دۇرىس جولدان تايماي جاڭالىق جاراتۋدا تاباندى بولىپ، فيلوسوفيا، قوعامدىق عىلىمداردىڭ نەگىزگى تۇلعالىق، ءتول جاسامپازدىق سيپاتىن كۇشەيتۋ؛ ءبىر تۇتاس جوسپارلاپ سايكەستىرۋدە تاباندى بولىپ، ءبىر تۇتاس باسشىلىق ەتەتىن، جۇمىس ءبولىسى بويىنشا سەلبەسەتىن، عىلمي، جوعارى ءونىمدى فيلوسوفيا، قوعامدىق عىلىمدار قىزمەتى جاعدايىن قالىپتاستىرۋ كەرەك.

  «جوبادا» مىنالار دارىپتەلدى: ماركسيزمنىڭ فيلوسوفيا، قوعامدىق عىلىمدارعا جەتەكشىلىك ەتۋ رولىن شىنايى ساۋلەلەندىرىپ، ماركسيزم نازارياسىن زەرتتەۋ جانە قۇرۋ ينجەنەرياسىن ىشكەرىلەي اتقارىپ، شي جينپيڭ جاڭا ءداۋىر جۇڭگوشا سوتسياليزم يدەياسىن زەرتتەۋدى، ءتۇسىندىرۋدى تەرەڭدەتىپ، كەڭەيتىپ، پارتيانىڭ جاسامپاز نازاريالىق، عىلمي تىرەك جۇيەسىن قالىپتاستىرۋ كەرەك. ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدا تاباندى بولىپ، ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتىپ، زامانىمىزداعى جۇڭگونىڭ ماركسيزمىن، 21 - عاسىرداعى ماركسيزمدى دامىتۋ كەرەك.

  «جوبادا» مىنالار اتاپ كورسەتىلدى: جۇڭگوشا فيلوسوفيا، قوعامدىق عىلىمداردىڭ پاندەر جۇيەسى، ءىلمي جۇيە، ءسوز جۇيەسى قۇرىلىسىن جەدەلدەتۋ كەرەك. ابزالدىقتى كورنەكتىلەندىرۋ، سالالاردى كەڭەيتۋ، ولقىلىقتاردى تولىقتاۋ، جۇيەنى كەمەلدەندىرۋ تالابى بويىنشا، نەگىزدىك پاندەردىڭ اقاۋسىز، تىڭعىلىقتى، ءتۇيىندى پاندەردىڭ ابزالدىعى كورنەكتى بولۋىن، جاڭادان گۇلدەنگەن پاندەر مەن توعىسپالى پاندەردىڭ جاڭالىق اشا دامۋىن، ۇيرەنۋشىلەرى از پاندەردىڭ ۇرپاقتان - ۇرپاققا جالعاسۋىن جەبەۋ، جۇڭگوشا ەرەكشەلىككە جانە جالپىلىق مانگە يە پاندەر جۇيەسىن قالىپتاستىرۋ؛ عىلمي نازاريا جۇيەسىندە، عىلمي زەرتتەۋدىڭ ۇيىمدىق جۇيەسىندە، عىلمي تۇعىردىڭ تىرەك جۇيەسىندە، عىلمي باعالاۋ جۇيەسىندە جاڭالىق جاراتۋ، ەلىمىزدىڭ فيلوسوفيا، قوعامدىق عىلىمدارىنىڭ نەگىزگى تۇلعالىق سيپاتىن، ءتول جاسامپازدىق سيپاتىن، جەرگىلىكتەنۋىن جانە باسەكەلىك قۋاتىن كۇشەيتۋ؛ جۇڭگو ءداستۇرىن، جۇڭگو امالياتىن، جۇڭگو ماسەلەسىن ءىلمي ءسوز قۇرىلىمىنىڭ شىعار ءتۇيىنى جانە تابان تىرەر تياناعى ەتۋدە تاباندى بولۋ، جۇڭگوشا، دۇنيە جۇزىلىك ىقپالعا يە بەلگى سيپاتتى ءىلىم ۇعىمىن سۇرىپتاپ شىعۋ، جۇڭگو ءىلىمىنىڭ سىرتقا شىعۋ قادامىن تەزدەتىپ، گۋمانيتارلىق اۋىس - كۇيىستى تەرەڭدەتىپ، كوپتىڭ ارتىقشىلىعىن قابىلداۋ بارىسىندا جۇڭگو ءىلىمىنىڭ كەڭ كوز اياسىن، كەلەلى اۋقىمىن قالىپتاستىرۋ كەرەك.

  «جوبادا» مىنالار اتاپ كورسەتىلدى: جۇڭگوشا جاڭاشا اقىل - پاراسات قويماسى قۇرىلىسىن كۇشەيتىپ، ماڭىزدى شەشىم جاساۋ ىقپالىنا، قوعامدىق ىقپالعا، حالىقارالىق ىقپالعا يە ءبىر توپ جاڭاشا اقىل - پاراسات قامباسىن كۇش سالا قۇرىپ، عىلمي، دەموكراتيالى، زاڭ بويىنشا شەشىم جاساۋدى ىلگەرىلەتۋگە، مەملەكەتتى جونگە سالۋ جۇيەسى مەن جونگە سالۋ قۋتىن وسىزامانداندىرۋدى ىلگەرىلەتۋگە، ەكونوميكانىڭ، قوعامنىڭ ساپالى دامۋىن ىلگەرىلەتۋگە، مەملەكەتتىڭ جۇمساق كۇشىن جوعارىلاتۋعا تىرەك بولۋ كەرەك.

  «جوبادا» مىنالار اتاپ كورسەتىلدى: جاڭا داۋىردەگى فيلوسوفيا، قوعامدىق عىلىمدار دارىندىلار قوسىنى قۇرىلىسىن كۇشەيتىپ، دارىندىلاردى پارتيا باسقارۋ پرينسيبىندە تاباندى بولىپ، ادام تاربيەلەۋدى، دارىندىلاردى جەتىلدىرۋدى وزەك ەتكەن فيلوسوفيا، - قوعامدىق عىلىمداردى جالپى تۇلعالىق دامىتۋ ستراتەگياسىن اتقارىپ، ءتۇرى تولىق، ساتىلار بويىنشا ۇشتاسقان، قۇرىلىمى ۇيلەسىمدى، ماماندىعى كورنەكتى فيلوسوفيا، قوعامدىق عىلىمدار دارىندىلار جۇيەسىن قۇرۋ كەرەك.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار