6 جاستان تومەنگى بالالاردان 12707 بالا جۇعىمدالدى، شاڭحاي قالاسىنىڭ ەڭ جاڭا حابارلاندىرۋى

2022.04.29 15:41   كەلۋ قاينارى : حالىق تورابى

　　4 – ايدىڭ 28 – كۇنى شاڭحاي قالاسى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋ جونىندەگى اقپار جاريالاۋ ءماجىلىسىن اشىپ، ىندەتتەن ساقتانۋ – تىزگىندەۋ جاعىنداعى ەڭ جاڭا جاعدايلاردى تانىستىردى.

　　4 – ايدىڭ 28 – كۇنى ساعات 9 عا دەيىن، شاڭحاي قالاسىندا تىكەلەي جاناسۋشىلاردان جيىنى 556709 ادام تەكسەرىلگەن، ولاردىڭ بارلىعىنا باسقارۋ – مەڭگەرۋ شاراسى اتقارىلعان.

　　4 – ايدىڭ 27 – كۇنى شاڭحاي قالاسىندا جەرگىلىكتى ورىننان جاڭادان ارتقان قازا بولعاندار سانى 47 ادام، ورتاشا جاس مولشەرى 84.7 جاس. 47 ناۋقاستىڭ باسقا نەگىزگى اۋرۋلارى قاباتتاسقان، مۇندا جۇرەك قۋاتىنىڭ اۋىر دارەجەدە السىرەۋى، جۇرەك بۇلشىق ەتىنىڭ ولەتتەنۋى، اۋىر دارەجەدەگى جوعارى قان قىسىمى، ميعا قان قۇيىلۋدان قالعان زارداپ، قانتتى نەسەپ اۋرۋى، سوزىلمالى جانە بوگەلمەلى وكپە اۋرۋى، الەتسگەيمەر اۋرۋى، پاركينسون اۋرۋى، نەسەپ ءزارىنىڭ دەنەگە جايىلۋى، ءيىر توق ىشەك راگىنىڭ سوڭعى مەزگىلى قاتارلى اۋرۋلار قامتىلعان. مۇندا ءبىر اۋرۋ جاڭا تيپتى ايدارشا ۆيرۋس ۆاكسيناسىن ەكتىرگەن، باسقالارى تۇگەلدەي ۆاكسينا ەكتىرمەگەن. ولاردىڭ قازا بولۋىنىڭ تىكەلەي سەبەبى تۇگەلدەي نەگىزدىك اۋرۋ بولعان.

　　شاڭحاي قالاسى 60 جاستاعى جانە ودان جوعارعى جاستاعى قارتتاردان جيىنى 3 ميلليون 600 مىڭنان استام قارتقا جاڭا تيپتى ايدارشا ۆيرۋس ۆاكسيناسىن تولىق ەكتىرۋدى ورىنداعان، تولىق ەكتىرۋ مولشەرى %62 بولعان، 2 ميلليون 200 مىڭ قارتقا يممۋنيتەتتى كۇشەيتۋ ۆاكسياسىن ەكتىرۋدى ورىنداعان، يممۋنيتەتتى كۇشەيتۋ ۆاكسيناسىن ەكتىرۋ مولشەرى %38 بولعان.

　　قازىر شاڭحايداعى ءارقايسى رايوندار ىندەتتەن ساقتانۋ حاۋىپ – قاتەرىن مەڭگەرە الاتىن جاعدايدى العى شارت ەتە وتىرىپ، «قارتتاردى» نەگىز ەتىپ، جاڭا تيپتى ايدارشا ۆيرۋس ۆاكسيناسىن ەگۋدى بەلسەندى تۇردە ىلگەرىلەتۋدە.

　　وسى رەتكى ىندەت بارىسىندا، شاڭحايدا 6 جاستان تومەنگى بالالاردان جيىنى 12707 بالانىڭ نۋكلەين قىشقىلىن تەكسەرتۋ ناتيجەسى بولىمدى بولعان جۇعىمدالۋشىلار ەكەنى مالىمدەلگەن، بۇل جۇعىمدالۋشىلاردىڭ جالپى سانىنىڭ شامامەن %2.4 ىن ۇستايدى. ەمحانادان شىققاندار مەن شوعىرلى مەديتسينالىق باقىلاۋدان شىعارىلعاندار سانى جيىنى 7480 ادام بولعان. ولار نەگىزىنەن شاڭحاي قالاسىنداعى الەۋمەتتىك دەنساۋلىق ساقتاۋ كلينيكالىق ورتالىعى قاتارلى بەلگىلەنگەن ەمحانالاردا ەمدەلگەن، تاعى ءبىر ءبولىم اۋرۋ بەلگىسى جوق ناۋقاس بالالار قامقورشىسىنىڭ سەرىك بولۋىندا فاڭساڭ ەمحاناسىندا ەمدەلگەن.

　　كەلۋ قاينارى: حالىق تورابى