شەكارالىق تەكسەرۋ بەكەتىندە ءبىر ءتۇرلى جاڭا جەلىمدەۋ تاسپاسى قولدانىلدى، ونىڭ اتقاراتىن رولى زور

2022.04.29 17:31   كەلۋ قاينارى : حالىق تورابى

　　يۇننان باۋشان شەكارالىق باسقارۋ بولىمشە اترەتى ماڭيان شەكارالىق تەكسەرۋ بەكەتى G56 حاڭجوۋ – رۇيلي جوعارى قارقىندى تاس جولى باۋشان بولەگىنە ورنالاسقان.

　　وسى شاعىن عانا شەكارالىق تەكسەرۋ بەكەتى يۇنناننىڭ باتىس بولەگىنەن باۋشان ارقىلى ىشكى ولكەلەرگە ەنەتىن اۆتوموبيلدەردى، ادامداردى، جۇكتەردى شەكارادان تەكسەرەتىن مىندەتتى ارقالاپ، كۇنىنە جەدەل جولداما بۇيىمدارىنان 20 نەشە تونناسىن تەكسەرەدى.

　　جۋىردا ماڭيان شەكارالىق تەكسەرۋ بەكەتى «بالاقانداردى ۇيىنە قايتارۋ» اتىنداعى الەۋمەتتىك يگىلىك ۇيىمىمەن سەلبەسىپ، شەكارالىق تەكسەرۋ بەكەتىندە جەدەل جولدامالاردىڭ جاشىگىن اشىپ تەكسەرۋ جۇرگىزگەن سوڭ، اسىلگى جەلىمدەۋ تاسپاسىنىڭ ورنىنا جوعالعان بالالاردىڭ سۋرەتى باسىلعان «ءۇمىت جەلىمدەۋ تاسپاسىن» اۋىستىرىپ قويادى.

　　تەك جاعداي جار بەرسە بولعانى، شەكارالىق تەكسەرۋ بەكەتىندەگى كوشى – قوندى باسقارۋعا جاۋاپتى ساقشىلار جەلىمدەۋ تاسپاسىن اناعۇرلىم كوپ جۇكتەردىڭ قورابىنا پايدالانادى، ءاربىر جەلىمدەۋ تاسپاسىنا جەر – جەردەن جوعالعان بالالاردان 5 بالانىڭ سۋرەتى باسىلعان.

　　ساقشىلار جوعالعان بالالاردىڭ ينفورماتسياسىن ەلىمىزدىڭ جەر – جەرىنە جولداناتىن جەدەل جولدامالارمەن بىرگە توڭىرەكتىك ءتورت بۇرىشىنا تاراتىپ، جوعالىپ كەتكەن بالالاردىڭ ەرتەرەك وتباسىنا ورالۋىنا كومەگىن تيگىزۋدى ءۇمىت ەتەدى.

　　ساقشىلار مىنانى ءبىلدىردى: «ءۇمىت تاسپاسىنان» بىرەۋى كوبىرەك جاپسىرىلسا، وتباسىنان قول ءۇزىپ قالعان بالالارعا ءبىر ءۇمىت كوبىرەك سيلاعانمەن بىردەي.

　　بۇل ەلەۋسىز ءىس سياقتانعانىمەن، ونىڭ استارىندا وزگەلەردىڭ قامىن جەۋ جاتىر. راقىمەت سىزدەرگە، حالىق ساقشىلارى!

　　بالالاردىڭ وتباسىنا قايتاتىن جولعا تەزىرەك شىعۋىن تىلەيمىز ....

　　كەلۋ قاينارى: حالىق تورابى