بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ما XX دەلوسىنىڭ ەگجەي – تەگجەيلى جاعدايى

2022.05.05 15:49     كەلۋ قاينارى : حالىق تورابى

  ما XX، ەر، 1985 – جىلى جىجياڭ ولكەسىنىڭ ۋىنجوۋ قالاسىندا تۋعان، قازىر بەلگىلى عىلىم – تەحنيكا شەكتى سەرىكتەستىگىنىڭ زەرتتەۋ – اشۋ ءبولىمىنىڭ ديرەكتورى. ۇزاق ۋاقىتتان بەرى، ول ينتەرنەت ارقىلى شەكارا سىرتىنداعى جۇڭگوعا قارسى كۇشتەردىڭ «مي جۋۋىن» قابىلداپ، شەكارا سىرتىنداعى ۇشقارى جاۋ ەلەمەنتتەرىن «ومىرىنە جول نۇسقايتىن ۇستازى» ساناپ، ولاردىڭ ءسىڭىپ كىرۋىنىڭ ىقپالىنا ۇشىراپ، ۇكىمەتكە قارسى كەرباقپا يدەيانى بىرتىندەپ قالىپتاستىرىپ، شەكارا سىرتىنداعى جاۋ كۇشتەرىنىڭ «جۇڭگولىقتار ارقىلى جۇڭگونى تەجەۋىنىڭ» قۇرالىنا اينالعان. ما XX تەك شەكارا سىرتىنداعى جاۋ كۇشتەرىنىڭ شەكارا ىشىندەگى ۋاكىلى، مەملەكەتتى بولشەكتەۋگە ايتاقتاۋشىسى بولىپ قالماستان، زاڭسىز ۇيىم قۇرىپ، «ساياسي باعدارناما» بەكىتىپ، باسقالاردى مەملەكەت بيلىگىن اۋدارۋعا جەلىكتىرگەن، جاس وقۋشىلار توبىن باستى ەلىكتىرۋ، جەلىكتىرۋ نىساناسى ەتىپ، وقۋشىلاردى وتان مەن ۇلتقا كۇيە جاعاتىن قيمىلدارعا قاتىناسۋعا جەلىكتىرگەن.

  2022 – جىلى 3 – ايدان باستاپ، ما XX ينتەرنەت جاعىنداعى كاسىپتىك شەبەرلىگىنەن پايدالانىپ، جاسىرىن اتپەن ينتەرنەتتىك شوعىر قۇرىپ، امالياتتى ءوز بىلگەنىنشە بۇرمالاپ، وتىرىكتى ويدان قيىستىرىپ، ءتۇرلى وسەك – اياڭداردى بارىنشا تاراتقان، اتالمىش «تاۋەلسىزدىك مالىمدەمەسىن» جاريالاپ، باسقالاردى مەملەكەتتى بولشەكتەۋگە، مەملەكەت بيلىگىن اۋدارۋعا جەلىكتىرىپ، شەكارا سىرتىنداعى جاۋ كۇشتەرىنىڭ ەلىمىز شەكاراسى ىشىندەگى ۋاكىلى رولىن اتقارعان. ما XX ۇنەمى ءوزىنىڭ نىساناسى مەملەكەت بيلىگىن اۋدارىپ تاستاۋ ەكەنىن ايتىپ داۋرىققان، سول ءۇشىن «ساتقىندىق» ارەكەتىن بىرتىندەپ ۇلعايتىپ، تەرىس ۇگىت پروگرامماسىن دايىنداۋعا كۇش سالعان، ءتىپتى «ۇلى قۇرلىق ۋاقىتتىق پارلامەنتىن» قۇرۋعا دايىندالىپ، قاتىستى ادامدارعا اتالمىش «زاڭ – تۇزىمدەردى» جاساۋدى تاپسىرعان، «شەكارا سىرتىنداعى كۇشتەردەن پايدالانىپ، جۇڭگو ۇكىمەتىن اۋدارىپ تاستايتىنىن» جاريالاعان.

  ما XX تىڭ جوعارىداعى ارەكەتى ەلىمىزدىڭ حاۋىپسىزدىگى مەن قوعامنىڭ ورنىقتىلىعىنا اۋىر دارەجەدە زيان جەتكىزگەن. ينتەرنەت — زاڭنان تىسقارى جەر ەمەس، قاتىستى تاراۋلار قازىر ونىڭ ارەكەتىنە زاڭ بويىنشا تەكسەرۋ جۇرگىزۋدە، ونىڭ زاڭعا قايشى قىلمىستىق ارەكەتتەرىن تولىق انىقتاپ شىعاتىنى، زاڭ بويىنشا ءبىرجاقتى ەتەتىنى داۋسىز. مەملەكەتتىڭ دامۋ مۇددەسىن زيانداماق بولعان، مەملەكەتتىڭ حاۋىپسىزدىگىنە زيان جەتكىزبەك بولعان، وتان مەن حالىققا وپاسىزدىق جاساماق بولعان ادامداردىڭ زاڭ بويىنشا قاتاڭ جازالاناتىنى داۋسىز.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار