شينجياڭ ءۇرىمجى اۋداندىق سوت 2700 مۋ ەگىستىك جەرگە قاتىستى ءوتىنىشتى الدىن الا اتقارىپ، كوكتەمگى ەگىس جۇمىسىنا كەپىلدىك ەتتى
2022.05.06 16:35 كەلۋ قاينارى : حالىق تورابى
حالىق سوتى گازەتىنىڭ ءتىلشىسى ۋاڭ شۋلين، ەرىكتى ءتىلشىسى دا شىجيە، جاڭ تيڭ حابارلايدى. جۋىردا شينجياڭ ۇيعۇر اۆتونوميالى رايونى ءۇرىمجى اۋداندىق حالىق سوتى اتالعان اۋداننىڭ سارداۋان اۋىلىنداعى بەلگىلى قىستاقتىڭ قىستاق كوميتەتىنىڭ الدىن الا اتقارۋعا قاتىستى وتىنىشىنە قولداۋ كورسەتىپ، مايعا بەرىلگەن 2700 مۋدان استام جەر مەن 5 قۇدىقتى جانە سۋارۋ قوسىمشا قۇرىلعىلارىن شارۋالاردىڭ قولىنا وتكىزىپ بەردى. كوكتەمگى ەگىس جۇمىسىن اتقاراتىن ماشينالاردىڭ اتىزعا كەلىپ جۇمىس ىستەي باستاعانىن كورگەن شارۋالار قۋانىشتى بەينەدە: «سوت مەكەمەسى دەلوعا قاتىستى ەگىستىك جەردى قايتارىپ بەرۋدى الدىن الا اتقارۋ ءوتىنىشىن قابىلداپ، ەگىن ەگۋدى كەشەۋىلدەتپەدى، ءبىزدىڭ قانشالىق قۋانعانىمىزدى ايتپاڭىز»، — دەدى.
بيىل 4 – ايدا، تالاپكەر ءۇرىمجى اۋدانىنداعى بەلگىلى قىستاقتىڭ قىستاق كوميتەتى ۋجياچۇي قالاسىنداعى بەلگىلى سەلبەستىك كوپەراتيۆى شارتقا قايشى كەلدى دەگەن سەبەپپەن، سەلبەستىك كوپەراتيۆىنىڭ ۇستىنەن ءۇرىمجى اۋداندىق سوتقا ارىزدانىپ، ەكى جاق قول قويعان جەردى مايعا بەرۋ توقتامىن كۇشىنەن قالدىرىپ، 2700 مۋ جەردى دەرەۋ قايتارۋدى تالاپ ەتكەن.
ءۇرىمجى اۋدانى سارداۋان اۋىلى تەڭىز دەڭگەيىنەن 1300 مەتر بيىكتىكتە، جىلىنا تەك ءبىر ماۋسىم عانا ەگىن ەگە الادى، كوكتەمدە ەگىن ەگۋگە ۇيلەسەتىن ۋاقىت وتە قىسقا، ەگەر ەگىن ەگەتىن ۋاقىتتى وتكىزىپ السا، جىل بويى قۇر الاقان قالادى. قازىر ءدال كوكتەمگى ەگىن ەگەتىن مەزگىل بولعاندىقتان، تالاپكەر قىستاق كوميتەتى سوت مەكەمەسىنە الدىن الا اتقارۋ ءوتىنىشىن تاپسىرعان.
ءۇرىمجى اۋداندىق سوت جاعدايدى ۇعىسقان سوڭ، الدىن الا اتقارۋعا قاتىستى ازاماتتىق ىستەر تورەلىك حاتىن دەرەۋ شىعارىپ، كوپەراتيۆ قىستاق كوميتەتىنە وسى دەلوعا قاتىستى 2700 مۋ ەگىستىك جەر مەن 5 قۇدىقتى جانە سۋارۋ قوسىمشا قۇرىلعىلارىن الدىن الا وتكىزىپ بەرۋى كەرەك دەپ كەسىم شىعارعان ءارى دەرەۋ اتقارۋعا جوتكەپ بەرگەن. الدىن الا اتقارۋ جوباسى بەكىتىلگەن سوڭ، سوت مەكەمەسى «دەلو تۇرعىزۋ، تەرگەۋ، اتقارۋ» سايكەسە ارەكەتتەنۋ مەحانيزمىن تولىق پايدالانىپ، جاسىل ءدالىز ارقىلى جەدەل اتقارۋدى باستاپ، اۋىل شارۋاشىلىعى ىستەرىن كەشەۋىلدەتپەۋگە كۇش سالعان.
اتقارۋ بارىسىندا، اتقارۋشى كادر – ساقشىلار زاڭمەن جونگە سالۋ جونىندە ۇگىت جۇرگىزۋدى بىرگە ورىستەتىپ، دەلوعا نەگىزدەلە وتىرىپ، كوپشىلىككە قاتىستى زاڭ جانە ساياساتتى ءتۇسىندىردى ءارى كوپشىلىككە بوتەن پىكىر بولعان كەزدە قالاي ءبىرجاقتى ەتۋدىڭ ادىستەرى مەن تارتىپتەرىن ايتتى، سونىمەن بىرگە، وسى ىسكە قاتىستى ەكى جاقتىڭ مۇددەلىك تالاپتارىن سابىرلىلىقپەن تىڭداپ، زاڭدى ءتۇسىندىرۋ، ءجونىن ۇعىندىرۋ ارقىلى كوڭىل – كۇيلەرىن ساباسىنا ءتۇسىرىپ، مۇمكىندىكتىڭ بارىنشا ورتاق تانىمعا ۇيىستىردى.
2700 مۋ ەگىستىك جەرگە قاتىستى ءوتىنىشتى الدىن الا اتقارۋ بارىسىندا، اتالعان سوت مەكەمەسى حالىق قۇرىلتايى ۋاكىلدەرىن، ساياسي كەڭەس مۇشەلەرىن سول جەرگە بارىپ باقىلاۋعا ۇسىنىس ەتتى، پروكۋراتۋرا ورگانىن جالپى بارىس بويىنشا باقىلاۋعا ۇسىنىس ەتتى. سول جەردە بولعان ۋاكىلدەر مەن مۇشەلەر سوت مەكەمەسىنىڭ بۇلاي ىستەگەنىن القاپ: «بۇل دەلوعا قاتىستى ءوتىنىشتى الدىن الا اتقارۋدا، سوت مەكەمەسى شارۋالاردىڭ قازىرگى شۇعىل، كۇردەلى، قامىقتىرعان، زارىقتىرعان ماسەلەلەرىن شەشىم ەتۋدىڭ تەتىگىن ءدال تاپقان، جاريا اتقارۋ ءىسى ءادىليانى جاريا ۇستاۋ، حالىقتىڭ سەنىمىنە يە بولۋ سىندى دەلو بىتىرۋدەگى تاماشا ونىمدىلىككە يە بولدى»، — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
