لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2022.05.06 17:15 كەلۋ قاينارى : حالىق تورابى
ورتا، شاعىن، ۇساق كاسىپورىندار مەن جەكەشە ونەركاسىپشىلەردىڭ، ساۋداگەرلەردىڭ قيىنشىلىعىن ىشكەرىلەي شەشۋ شارالارىن بەلگىلەپ، بازار تۇلعالارىنىڭ جۇمىستانۋدى ورنىقتىرۋىنا كەپىلدىك ەتۋدى ورنالاستىردى؛ سىرتقى ساۋدادا ساپاعا كەپىلدىك ەتۋدى، ساپانى جوعارىلاتۋدى ىلگەرىلەتۋ شارالارىن بەلگىلەپ، ەكونوميكانى ورنىقتىرۋعا، كاسىپ تىزبەگى مەن قامداۋ تىزبەگىن ورنىقتىرۋعا دەم بەردى
شينحۋا اگەنتتىگى، 5 - ايدىڭ 5 – كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 5 - ايدىڭ 5 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، ورتا، شاعىن، ۇساق كاسىپورىندار مەن جەكەشە ونەركاسىپشىلەردىڭ، ساۋداگەرلەردىڭ قيىنشىلىعىن ىشكەرىلەي شەشۋ شارالارىن بەلگىلەپ، بازار تۇلعالارىنىڭ جۇمىستانۋدى ورنىقتىرۋىنا كەپىلدىك ەتۋدى ورنالاستىردى؛ سىرتقى ساۋدادا ساپاعا كەپىلدىك ەتۋدى، ساپانى جوعارىلاتۋدى ىلگەرىلەتۋ شارالارىن بەلگىلەپ، ەكونوميكانى ورنىقتىرۋعا، كاسىپ تىزبەگى مەن قامداۋ تىزبەگىن ورنىقتىرۋعا دەم بەردى.
ءماجىلىس بىلاي دەپ اتاپ كورسەتتى: سانى مول، كولەمى كەڭ ورتا، شاعىن، ۇساق كاسىپورىندار مەن جەكەشە ونەركاسىپشىلەر، ساۋداگەرلەر − ەكونوميكانى ورنىقتىرۋدىڭ ماڭىزدى نەگىزى، جۇمىستانۋدى ورنىقتىرۋدىڭ نەگىزگى تىرەگى، قازىر قاتىستى بازار تۇلعالارىنىڭ قيىنشىلىعى كورنەكتى كوبەيۋدە، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن تياناقتاندىرىپ، سۇيەمەلدەۋ تەبىنىن ارتتىرۋ كەرەك. ءبىرىنشى، بەلگىلەنگەن سالىق قايتارۋ، سالىقتى ازايتىپ، اقىنى تومەندەتۋ، قوعامدىق قامسىزداندىرۋ اقىسىن كەشىكتىرىپ تاپسىرۋ، زات اينالىمىن قامتاماسىز ەتۋ، ىركىلىسسىزدەندىرۋ، كاسىپورىنداردىڭ جۇمىستى قالپىنا كەلتىرىپ، وندىرىسكە قوسىلۋىن ىلگەرىلەتۋ سياقتى ساياساتتىق شارالاردىڭ تياناقتانۋىن مىقتى يگەرۋ كەرەك. 6 - ايدىڭ 30 – كۇنىنەن بۇرىن شاعىن، ۇساق كاسىپورىنداردىڭ، جەكە ونەركاسىپشىلەر مەن ساۋداگەرلەردىڭ دولايلاستىرۋعا قالدىرىلعان ارتقان قۇن سوماسىنىڭ ىركىندى بولىگىن تولىق قايتارۋعا كەپىلدىك ەتۋ، شارتقا ۇيلەسەتىن ورتاشا كاسىپورىنداردىڭ سالىعىن قايتارۋدى دا وسى ۋاقىت شەگىنە دەيىن الدىن الا ورىنداۋ كەرەك. ەكىنشى، ساياساتتىق سۇيەمەلدەۋدى، اسىرەسە، فينانستىق سۇيەمەلدەۋدى كۇشەيتۋ كەرەك. بيىل مەملەكەت مەنشىگىندەگى ءىرى بانكەلەر جالپىعا ءتيىمدى شاعىن، ۇساق قارىز اقشانى تىڭنان ءبىر تريلليون 600 ميلليارد يۋان كوبەيتىپ، بانكەلەردى ىرىقتى قىزمەت وتەۋدى كۇشەيتۋگە جەتەكتەدى. ورتا، شاعىن، ۇساق كاسىپورىندار مەن جەكە ونەركاسىپشىلەرگە، ساۋداگەرلەرگە ۇيلەسىمدى جالعاستى قارىز اقشا بەرۋ، مەرزىمىن ۇزارتۋ، قارىز قايتارۋ ورنالاستىرۋىن رەتكە سالىپ، ايىپ اقشا ءوسىمىن الماۋ كەرەك. مەملەكەتتىڭ قارجى قۇراۋ كەپىلدىك قورىنىڭ، ۇكىمەتتىك قارجى قۇراۋ كەپىلدىك قۇرىلىمىنىڭ ورتا، شاعىن، ۇساق كاسىپورىندار مەن جەكەشە ونەركاسىپشىلەرگە، ساۋداگەرلەرگە قاراتىلعان كاسىپتىك قامتىمىن كەڭەيتۋ كەرەك. تۇعىر ەكونوميكاسىنىڭ جۇيەلى، اقاۋسىز دامۋىن قولدايتىن ناقتى شارالاردى تەز ارادا شىعارۋ كەرەك. جەر - جەر ورتا، شاعىن، ۇساق كاسىپورىندار مەن جەكەشە ونەركاسىپشىلەردىڭ، ساۋداگەرلەردىڭ قيىنشىلىق قىسپاعىندا قالۋىنا قاراتا ارناۋلى قارجى ورنالاستىرىپ، تيجارات قيىنشىلىعى بارلارىنا ءۇي مايى، قامسىزداندىرۋ قاراجاتى، قارىز اقشا ءوسىمى سياقتىلار جاعىنان قوسىمشا قاراجات بەرۋى كەرەك. جەرگىلىكتى ورىنداردىڭ شاعىن، ۇساق كاسىپورىندار مەن جەكەشە ونەركاسىپشىلەرگە، ساۋداگەرلەرگە قاراتا كەزەڭدىك ءتيىمدى ەلەكتر باعاسىن اتقارۋىنا جانە سۋدان، ەلەكتردەن، گازدان پايدالانۋ اقىسىنا قارىز بولىپ قالعان جاعدايدا دا قامداۋدى ۇزبەۋىنە، 6 اي ىشىندە تولىقتاپ تاپسىرتۋىنا دەم بەرۋ كەرەك. ورتا، شاعىن، ۇساق كاسىپورىنداردىڭ كەڭ ايالى جانە ارناۋلى جەلىسىنىڭ ورتاشا اقىسىن تاعى دا %10 تومەندەتۋ كەرەك. ءۇشىنشى، 5 – ايدىڭ سوڭىنان بۇرىن ورگانداردىڭ، ءىسورىندار مەن ءىرى كاسىپورىنداردىڭ ورتا، شاعىن كاسىپورىندارعا بەرەتىن كەشەۋىلدەتكەن ەسەپ - قيسابىن جاپپاي تەكسەرىپ، الاۋىزدىعى جوق قارىز اقشا بايقالسا، شەتىنەن قايتارىپ وتىرۋ، شىنىندا تولەۋى قيىن بولسا، 6 - ايدىڭ سوڭىنان بۇرىن قارىز قايتارۋ جوسپارىن ايقىنداۋ كەرەك. قارىزدى اداقتاۋدى بيىلعى قازىنالىق باقىلاۋ مەن مەملەكەتتىك كەڭەستىڭ قاۋىرت باقىلاۋ – تەكسەرۋ ءتۇيىنى ەتىپ، ءتۇسىن وزگەرتىپ كەشەۋىلدەتۋ ارەكەتىن قاتاڭ تەكسەرىپ ءبىر جاقتى ەتۋ كەرەك. ساۋدا پەرەۆود چەگىن تولەۋ ۋاقىت شەگىن قىسقارتۋ شارالارىن شىعارۋدى مىقتى يگەرۋ كەرەك. ءماجىلىس مىنانى دارىپتەدى: جاۋاپكەرلىكتى، اسىرەسە، جەرگىلىكتى ۇكىمەتتىڭ جاۋاپكەرلىگىن ناقتىلاندىرىپ، ساياساتتىڭ تياناقتانۋىنداعى بوگەلۋ ماسەلەسىن كۇش سالا شەشۋ كەرەك.
سىرتقى ساۋدا كاسىپورىندارىنىڭ قيىنشىلىق پەن سىن - سايىسقا توتەپ بەرۋىنە كومەكتەسۋ ءۇشىن، ءماجىلىس مىنانى ۇيعاردى: ءبىرىنشى، تاپسىرىستى قامتاماسىز ەتۋگە جانە ءتۇيىندى كاسىپ سالالارىنىڭ، ەڭبەك شوعىرلانعان كاسىپتەردىڭ يمپورت - ەكسپورتىن ورنىقتىرۋعا كۇش سالۋ كەرەك. سىرتقى ساۋدا سالاسىنىڭ ءوندىرىس اينالىمىنىڭ ورنىقتىلىعىن قامتاماسىزداندىرىپ، ءتۇيىندى سىرتقى ساۋدا كاسىپورىندارى سياقتى تىزىمدىكتەردى بەلگىلەۋ ءارى ءوندىرىس، زات اينالىمى، جۇمىسشى ىستەتۋ جاقتارىنان قامتاماسىزداندىرۋ كەرەك. ەكىنشى، تەڭىز، اۋە، كەمەجاي سياقتى شوعىرلى تاسىمالدى پارمەندى، ءتارتىپتى جۇرگىزىپ، جۇمىس جانە كەدەننەن ءوتۋ ونىمدىلىگىن جوعارىلاتۋ كەرەك. اۋە تاسىمالى تاسىمال قۋاتىنان ويداعىداي پايدالانىپ، ماڭىزدى ۇساق بولشەكتەردى، جابدىقتاردى جانە ونىمدەردى تاسىمالداۋدى قامتاماسىزداندىرۋ كەرەك. سىرتقى ساۋدا زات تاسىمال باعاسىنداعى زاڭعا قايشى ارەكەتتەردى تەكسەرىپ ءبىر جاقتى ەتۋ كەرەك. ءۇشىنشى، شەكارا اتتاعان ەلەكتروندى ساۋدا ەكسپورتىنىڭ زات الماستىرۋىنا قولايلىلىق جاساۋ ساياساتىن تەزىرەك شىعارىپ، شارتقا ۇيلەسەتىن شەكارا اتتاعان ەلەكتروندىق ساۋدا كاسىپورىندارىنىڭ جوعارى، جاڭا تەحنيكا كاسىپورىندارى بولىپ قۇرىلۋعا ءوتىنىش بەرۋىنە قولداۋ كورسەتۋ كەرەك. مانەرلەۋ ساۋداسىنىڭ ورنىقتى دامۋىنا قولداۋ كورسەتىپ، ورتا، باتىس بولەكتەر مەن شىعىس سولتۇستىكتەگى ەڭبەك شوعىرلانعان مانەرلەۋ ساۋداسىن مەملەكەتتىڭ شابىتتاندىرۋ كاسىپ تىزىمدىگىنە ەنگىزۋ كەرەك. ءىرى ەمدەۋ جابدىقتارى، قۇلتەمىر سياقتىلاردى سالىقسىز جوندەۋ كولەمىنە ەنگىزۋ جونىندە ىزدەنىس جاساپ، اۆتوموبيل موتورى سياقتى سالىقسىز قايتا جاساۋ سىناق ءتۇيىنىن ورىستەتۋ كەرەك. ءتورتىنشى، ورتا، شاعىن، ۇساق سىرتقى ساۋدا كاسىپورىندارىنا قارىز بەرۋدى كۇشەيتىپ، بانكەنىڭ ۋاقىتشا قامالىپ قالعاندارعا كوزسىزدىكپەن قارىز اقشا بەرمەۋىنە، قارىز اقشانى ءۇزىپ تاستاماۋىنا، قارىز اقشانى باسىپ قويماۋىنا قولداۋ كورسەتىپ، شۇعىل قاجەت بولىپ وتىرعان ءبىر توپ قارجىنى رەتتەپ، ءتۇيىندى تۇردە قولداۋ كورسەتۋ كەرەك. ەكسپورتتىق سەنىمدى كەپىلدەندىرۋ قىسقا مەرزىمدى قامسىزداندىرۋ كولەمىن كەڭەيتىپ، تولەۋ ۋاقىتىن قىسقارتۋ كەرەك. سەنىمدى قامسىزداندىرۋ تالونىمەن قارجى قۇراۋدى ارتتىرۋ كەرەك. حالىق اقشاسى سىندىرىلىمىنىڭ ۇيلەسىمدى، تەپە - تەڭ ورەدەگى نەگىزگى ورنىقتىلىعىن ساقتاۋ كەرەك. بەسىنشى، گۋاڭجوۋ جارمەڭكەسى سياقتى تۇعىرلاردىڭ قىزمەت وتەۋىن ساپالىلاندىرىپ، شەكارا اتتاعان ەلەكتروندىق ساۋدامەن بىرگە ارەكەتتەنۋدى، ءوزارا جەبەۋدى كۇشەيتۋ كەرەك. جەر - جەر سىرتقى ەكونوميكا - ساۋدانى دامىتۋ ارناۋلى قارجىسىنان ويداعىداي پايدالانىپ، ورتا، شاعىن، ۇساق كاسىپورىنداردىڭ شەكارا سىرتىنداعى كورمەگە قاتىناسۋىن قولداۋى كەرەك. يمپورت ساۋداسىندا جاڭالىق جاراتۋدان ۇلگى كورسەتۋ رايونىنا ءبىر توبىن جاڭادان جەتىلدىرۋ كەرەك.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
