بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

تاياۋدا بۇكىل ەل بويىنشا ىندەتتەن ساقتانۋ - تىزگىندەۋ جاعدايىنا مەملەكەتتىك دەنساۋلىق ساقتاۋ، سالاماتتىق كوميتەتى ەڭ جاڭا تۇجىرىم جاسادى

2022.05.07 16:50     كەلۋ قاينارى : حالىق تورابى

  5 - ايدىڭ 6 - كۇنى مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى اقپار جاريالاۋ ءماجىلىسىن اشىپ، ىندەتتەن ساقتانۋ - تىزگىندەۋ قىزمەتىن ناقتى، ەگجەي ـ تەگجەيلى يگەرۋگە قاتىستى جاعدايلاردى تانىستىردى ءارى تىلشىلەردىڭ سۇراۋىنا جاۋاپ بەردى.

  ماجىلىستە مەملەكەتتىك دەنساۋلىق ساقتاۋ، سالاماتتىق كوميتەتىنىڭ اقپارات مالىمدەمەشىسى، ۇگىت مەڭگەرمەسىنىڭ ورىنباسار باستىعى مي فىڭ بىلاي دەپ تانىستىردى: 5 - ايدان بەرى، بۇكىل ەل بويىنشا ىندەتتەن ساقتانۋ - تىزگىندەۋ جاعدايى جالپى جاقتان ورنىقتى بولىپ، ءار كۇنى جاڭادان ارتقان جەرگىلىكتى ورىنداعى دياگنوز قويعان ناۋقاستار مەن اۋرۋ بەلگىسى جوق جۇعىمدالۋشىلار ۇزدىكسىز تومەندەدى. قازىرگە دەيىن 21 ولكە مەن شينجياڭ ءوندىرىس ـ قۇرىلىس بيڭتۋانىنىڭ جالپى اۋماعى حاۋىپ ـ قاتەرى تومەن ءوڭىر بولعانىمەن، قايتا ءورشۋ قاتەرى ءالى دە ورىن تەۋىپ وتىر، ىندەتتەن ساقتانۋ - تىزگىندەۋ جاعدايى ءالى قاتاڭ دا كۇردەلى.

  مەملەكەتتىك دەنساۋلىق ساقتاۋ، سالاماتتىق كوميتەتى اۋرۋدى تىزگىندەۋ مەكەمەسىنىڭ ورىنباسار باستىعى ۋ لياڭيۋ بىلاي دەدى: 4 - ايدىڭ ورتا شەنىنەن بەرى، ەلىمىزدە ىندەت جاعدايىندا جالپى تۇلعالىق جاقتان ءۇرتىس تولقۋ جاعدايى جارىققا شىقتى، «1 - مامىر» دەمالىسى كەزىندە بۇكىل ەل بويىنشا ىندەت جاعدايى جالپى جاقتان ورنىقتى بولدى، 4 - ايدىڭ 30 - كۇنىنەن 5 - ايدىڭ 5 - كۇنىنە دەيىن بۇكىل ەل بويىنشا كۇنىنە ورتا ەسەپپەن 5800دەن استام جۇعىمدالۋشى جاڭادان قوسىلىپ، قاۋىرت مەزگىلدەگىمەن سالىستىرعاندا %80 تومەندەگەن.

  شاڭحاي قالاسىنىڭ ىندەت جاعدايىنا توقتالساق، تاياۋدان بەرى ءار كۇنى جاڭادان قوسىلعان جۇعىمدالۋشىلاردىڭ سانى ءۇرتىس تومەندەپ، ىندەتتەن ساقتانۋ - تىزگىندەۋ جاعدايى ۇزدىكسىز ورنىقتى بولدى

  جيلين ولكەسىنىڭ ىندەت جاعدايى ءالى دە سوڭعى ساتىدا تۇر، اۋاشالاۋ ءتۇيىنى مەن بەكىتىپ مەڭگەرۋ رايونىنان باسقا جەردىڭ حاۋىپ - قاتەرى نەگىزىنەن تىزگىندەلدى؛

  بەيجيڭ قالاسىنىڭ ىندەت جاعدايىندا رايون بويىنشا جۇرگىزىلگەن نۋكلەين قىشقىلىن تەكسەرۋ جانە تىعىز جاناسۋشىلاردى تەكسەرىپ مەڭگەرۋ ارقىلى تارالۋ قاتەرى تومەندەدى؛

  جياڭشي ولكەسىنىڭ نانچاڭ قالاسىندا ىندەت جاعدايى ءونىمدى تىزگىندەلدى، الايدا شاڭراۋ قالاسىندا ىندەت جاعدايىن تەكسەرۋ مەن باسقارۋ تەبىنىن ارتتىرۋ قاجەت؛

  لياۋنيڭ، جىجياڭ، حىنان سياقتى جەرلەردە تاياۋدا جاڭادان جۇعىمدالۋ قاينارى انىق بولماعان ىندەت تۋىلىپ، جاسىرىن تارالۋ قاتەرى ورىن تەۋىپ، ءتۇپ توركىنىن انىقتاپ تەكسەرۋ جانە باسقارۋ، الدىن الۋ قيىندىعى ارتا ءتۇستى.

  قازىر بۇكىل ەل بويىنشا ىندەت جالپى جاعدايى جاقسارعانىمەن، ءالى دە كۇردەلى جاعدايلار ورىن تەۋىپ وتىر، قايتا ءورشۋ قاتەرى بار، بۇل ىندەتتىڭ ءىشىنارا جەرلەردە شوعىرلى تارالۋىن ءبىر جاقتى ەتۋدى جەدەلدەتىپ، ساقتانۋ - تىزگىندەۋ شارالارىن دەر كەزىندە كەمەلدەندىرىپ، ىندەتكە توتەپ بەرۋگە ويداعىداي دايىندالۋدى قاجەت ەتەدى.

  5 - ايدىڭ 5 - كۇنىنە دەيىن بۇكىل ەل بويىنشا جاڭادان ەگىلگەن جاڭا تيپتى ايدارشا ۆيرۋس ۆاكسيناسى 3 ميلليارد 349 ميلليون 702 مىڭ رەت بولىپ، ەگىلگەندەردىڭ جالپى سانى ءبىر ميلليارد 286 ميلليون 49 مىڭ ادامعا جەتىپ، تولىق ەكتىرىپ بولعاندار ءبىر ميلليارد 251 ميلليون 42 مىڭ ادامعا جەتىپ، تۇتاس ەگىلگەندەردىڭ سانى مەن جالپى ەگىلگەندەردىڭ سانى جەكە – جەكە بۇكىل ەلدەگى جالپى جان سانىنىڭ %91.22 مەن %88.74ىن ۇستادى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار