ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى قۇجات تاراتتى! بارلىق اۋدان قالاشىعى بۇل شەكتەمەنى كۇشىنەن قالدىرادى!
2022.05.07 16:56 كەلۋ قاينارى : حالىق تورابى
جۇڭگو اقپارات تورابىنىڭ 5 - ايدىڭ 6 - كۇنى بەرگەن حابارى. اۋدان قالاشىعىنىڭ نوپوسقا قونۋدى شەكتەۋ ساياساتى جاپپاي كۇشىنەن قالدىرىلادى!
تاياۋدا ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «اۋدان قالاشىعىن ماڭىزدى دانەكەر ەتكەن قالا - قالاشىقتانۋ قۇرىلىسىن ىلگەرىلەتۋ جونىندەگى پىكىردى» باسىپ تاراتتى. اۋدان قالاشىعىنىڭ دامۋى جونىندە وسىنداي ماڭىزدى جاڭا تالاپتار ورتاعا قويىلدى.
اۋدان قالاشىعىنىڭ نوپوسقا قوندىرۋدى شەكتەۋ ساياساتىن كۇشىنەن قالدىرۋ جاپپاي تياناقتاندىرىلادى
«پىكىردە» مىنالار تالاپ ەتىلدى: اۋىل شارۋاشىلىعىنان اۋىسقان حالىقتى قالا تۇرعىنىنا اينالدىرۋ مەحانيزمىن اقاۋسىزداندىرۋ كەرەك. اۋدان قالاشىعىنداعى نوپوسقا قوندىرۋدى شەكتەۋ ساياساتىن جاپپاي تياناقتاندىرىپ، ورنىقتى كاسىپتەنىپ تۇرمىس كەشىرگەن سىرتتان كەلگەن حالىقتىڭ جەرگىلىكتى اۋىل شارۋاشىلىعىنان اۋىسقان حالىقتىڭ نوپوسقا قوندىرۋىمەن بىردەي بولۋىنا كەپىلدىك ەتۋ كەرەك. جاڭادان نوپوسقا قوندىرىلعان حالىقتىڭ اۋدان قالاشىعىنداعى تۇرعىندارمەن بىردەي الەۋمەتتىك قىزمەت وتەۋدەن يگىلىكتەنۋىنە كەپىلدىك ەتىپ، ديقان جۇمىسكەرلەر سياقتى نوپوسقا جاتپايتىن تۇراقتى حالىقتىڭ وقۋ - اعارتۋ، ەمدەۋ، تۇرعىن ۇيمەن قامتاماسىزداندىرۋ سياقتى نەگىزگى الەۋمەتتىك قىزمەت وتەۋدەن يگىلىكتەنۋىن قامتاماسىزداندىرۋ كەرەك.
كاسىپورىنداردىڭ ديقان جۇمىسكەرلەرگە جۇمىسشى - قىزمەتكەرلەردىڭ زەينەتكەرلىك، ەمدەۋ، جۇمىس ۇستىندە جارالانۋ، جۇمىسسىزدىق، تۋىت سياقتى قوعامدىق قامسىزداندىرۋ قاراجاتىن تاپسىرۋ جاۋاپكەرشىلىگىن جاپپاي تياناقتاندىرىپ، يكەمدى كاسىپتەنگەن ديقان جۇمىسكەرلەردى بەلگىلەمە بويىنشا جۇمىسشى - قىزمەتكەرلەردىڭ نەگىزگى ەمدەلۋىن قامسىزداندىرۋعا جانە قالا - قالاشىق جۇمىسشى - قىزمەتكەرلەرىنىڭ نەگىزگى زەينەتكەرلىك قامسىزداندىرۋىنا قاتىناسۋعا ۇيلەسىمدى جەتەكتەۋ كەرەك. قالاعا كىرىپ قونىستانعان ديقانداردىڭ اۋىل - قىستاق جەرىن كوتەرمەگە الۋ ۇقىعىن، قورا - جايلىق جەردەن پايدالانۋ ۇقىعىن، كوللەكتيۆتىك پايدانى ءبولۋ ۇقىعىن زاڭ بويىنشا قامتاماسىزداندىرىپ، ولاردىڭ جوعارىدا ايتىلعان ۇقىق - مۇددەنى زاڭ بويىنشا ەرىكتى، اقىلى وتكەرمەلەۋىن قولداۋ كەرەك.
ءىرى قالالاردىڭ توڭىرەگىندەگى اۋدان قالاشىقتاردى جەدەل دامىتۋ كەرەك
«پىكىردە» مىنالار اتاپ كورسەتىلدى: قالالار شوعىرى مەن قالا شەڭبەرى كولەمىندەگى اۋدان قالاشىقتاردىڭ كورشىلەس ءىرى قالالار قۇرىلىسىمەن، دامۋىمەن توعىسۋىن قولداپ، حالىق سانى، كاسىپ سالاسى، يقۋاتى، اسىرەسە، ادەتتەگى جاساۋ كاسىبى، وڭىرلىك زات اينالىمى بازاسى، كاسىپتىك بازار شەكتەن تىس شوعىرلانعان الەۋمەتتىك قىزمەت وتەۋ بايلىعىن سەيىلتىپ، كوشىرۋدى ىرىقتىلىقپەن قابىلداپ، جەدەل قاتىناستى ۇلاستىرۋدى كۇشەيتىپ، كورشىلەس ءىرى قالالارمەن قولايلى، يقۋاتى ءبىرىن ـ ءبىرى تولىقتايتىن، كاسىپ سالاسى سايكەستى سەرىك اۋدان قالاشىعىنا اينالدىرۋ كەرەك.
ادامدارى كەتىپ جان - سانى ازايعان اۋدان قالاشىعىنىڭ تيپىن وزگەرتىپ دامۋىنا جەتەكشىلىك ەتۋ كەرەك
«پىكىردە» تاعى مىنالار ايقىن ورتاعا قويىلدى: قالا – قالاشىقتاردىڭ دامۋ، وزگەرۋ جاعدايىمەن ۇشتاستىرىپ، حالىقى سىرتقا كوشكەن اۋدان قالاشىعىنىڭ قالا – قالاشىق قۇرىلىسىنا پايدالانىلاتىن جەردىڭ ارتۋ مولشەرىن قاتاڭ تىزگىندەپ، ىركىندى قوردى جانداندىرۋىن ىلگەرىلەتىپ، حالىق سانى مەن الەۋمەتتىك قىزمەت وتەۋ بايلىعىنىڭ لايىقتى شوعىرلانۋىن جەبەپ، حالىق تۇرمىسىن قامتاماسىزداندىرۋ مەن قۇتقارۋ – كومەك بەرۋدى كۇشەيتىپ، جان سانىن كورشىلەس ەكونوميكالىق دامۋ باسىمدىعىنا يە رايونعا قاراي ويىستىرۋعا تارتىپپەن جەتەكتەپ، بايلىق قاينارى سارقىلعان شارت – جاعدايى كەلەتىن اۋدان قالاشىعىنىڭ ورنىن باساتىن كاسىپتەردى جەتىلدىرۋىنە قولداۋ كورسەتۋ كەرەك.
اۋدان قالاشىعى قۇرىلىسىنىڭ قالىپتى جەردەن پايدالانۋ قاجەتىن قامتاماسىز ەتۋ كەرەك
«پىكىردە» مىنالار اتاپ كورسەتىلدى: قۇرىلىسقا پايدالانىلاتىن جەردەن پايدالانۋدىڭ شوعىرلى، جوعارى ءونىمدى مەحانيزمىن ورناتۋ كەرەك. ىركىندى، تومەن ءونىمدى قۇرىلىسقا پايدالانىلاتىن جەردى قايتا اشۋدى كۇشەيتىپ، جاڭادان قوسىلعان قۇرىلىسقا پايدالانىلاتىن جەردىڭ جوسپار كورسەتكىشىن ۇيلەسىمدى ورنالاستىرىپ، اۋدان قالاشىعى قۇرىلىسىنىڭ جەردەن پايدالانۋ قالىپتى قاجەتىن قامتاماسىزداندىرۋ كەرەك. جەردى ۇنەمدەۋ، جيناقى، جوعارى ءونىمدى اشۋ ۇلگىسىن جالپىلاستىرىپ، قۇرىلىسقا پايدالانىلاتىن جەردىڭ 2 ـ دارەجەلى بازارىن ارناعا ءتۇسىرۋ كەرەك. ۇزاق ۋاقىت مايعا بەرۋ، الدىمەن مايعا بەرۋ، ونان سوڭ وتكەرمەلەۋ، يكەمدى جىلدىق قامداۋ سياقتى تاسىلدەرمەن ونەركاسىپكە پايدالانىلاتىن جەردى قامداۋعا دەم بەرىپ، قازىرگى ونەركاسىپكە پايدالانىلاتىن جەردىڭ سيىمدىلىعى مەن بىرلىك جەردى پايدالانۋ كولەمىن ءوندىرۋ مولشەرىن جوعارىلاتۋ كەرەك.
بۇدان سىرت، مەملەكەتتىڭ ءبىرتۇتاس ورنالاستىرۋى بويىنشا، اۋىل - قىستاق كوللەكتيۆ تيجارات سيپاتتى قۇرىلىسقا پايدالانىلاتىن جەردىڭ بازارعا كىرۋىن ورنىقتى، ءتارتىپتى ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
