حوتان تۋانچىڭى:
كەشەگى ”كەپتەر كوشەسى“ قازىر ”ينتەرنەتتەگى تانىمال كوشەگە“ اينالدى
انار بۇلت \ شينجياڭ گازەتىنىڭ ءتىلشىسى رايدا
2022.05.09 15:39 كەلۋ قاينارى : شينجياڭ گازەتى
حوتاننىڭ تۋانچىڭىنداعى ۇلكەندى - كىشىلى كوشەلەردى ارالاساڭىز قۇرىلىستار، ەسىكتەر، تەرەزەلەر ءسىزدى وزىنە باۋراي جونەلەدى. ”ايۋان“ ۇلگىسىندەگى قۇرىلىستار كۇننىڭ شۇلەن شۇعىلاسىندا التىنداي جارقىراپ كوزدىڭ جاۋىن الادى. الۋان ورنەك ءتۇسىرىلىپ قيىستىرىلعان كەرپىش قابىرعالار، اعاش ناقىشتى ەسىك - تەرەزەلەر جانە ءتۇرلى اشەكەيلەر ساعىممەن شاعىلىسىپ وزىندىك مانەر تانىتادى.
5 - ايدىڭ 4 - كۇنى تاڭەرتەڭ ەرتەمەن، حوتان قالاسى تۋانچىڭدىقتار ءدامدى تاعام اسحاناسىنىڭ جاۋاپتىسى سۇبي اسحاناعا كەلدى. قىزمەتكەرلەرگە ءبىر كۇندىك قىزمەتتى ورنالاستىرىپ بولعاننان كەيىن، سۇبي اسحانانىڭ الدىندا وتىرىپ، ارى - بەرى قايشالىسقان ساياحاتشىلارعا قاراپ: ”بۇل ارانىڭ وزگەرىسى وتە زور، كوز الداعى دۇنيەلەر ارمان الەمىندەي ەلەستەيدى“، - دەدى.
سۇبي وتباسىنداعىلار بۇل ارادا 25 جىل تۇرمىس كەشىردى، سۇبيدىڭ بالالىق شاعىندا بۇل ارا مۇنداي كوركەم ەمەس - تى.
كەزىندە بۇل ارا ”كەپتەر كوشەسى“ دەلىنەتىن، گۇل، قۇس، قۇرت - قۇمىرىسقا، بالىق ساۋدالايتىن بازار ەدى، ۇيلەردىڭ توزىعى جەتكەن، ”لاس، بىلىققان، ناشار“ دەگەن اتپەن تانىمالى بولاتىن، جاڭبىر جاۋىپ، بوران سوققاندا، كوشەلەردە توك توقتاپ قالاتىن، سۋ ىعىستىرۋ دا تۇرعىنداردىڭ ءبىر ۇلكەن قامىنا اينالعان ەدى.
”باستاۋىش مەكتەپ وقىپ جۇرگەن كەزىمدە، ’كەپتەر كوشەسىنەن‘ كەلدىم دەسەم بولدى ساباقتاستارىم ۇنەمى مەنى سايقى - مازاق ەتەتىن، ۇيگە قايتىپ كەلگەننەن كەيىن جىلاي بەرەتىنمىن“، - دەدى سۇبي.
تازا دا ادەمى ۇيدە تۇرۋ سۇبيدىڭ بالالىق شاعىنداعى ارمانى بولاتىن. 2016 - جىلى تۋانچىڭ ءمالىسىن 1 - مەرزىمدىك جاڭالاۋ باستالدى، قايتكەندە جاڭالانعاننان كەيىنگى ءۇيدىڭ قونىسقا جايلى بولۋىن ويداعىداي پايدالانۋدى جاقسى ىستەۋ جوبالاۋشى جاق پەن سۇبي وتباسىنداعىلاردىڭ باسا ءمان بەرگەن ماسەلەسى بولدى. قاتىستى تاراۋلارمەن تالاي مارتە تەكسەرىپ - زەرتتەپ، كەڭەسكەننەن كەيىن سۇبي وتباسىنداعىلار سوڭىندا كونە ءۇيدى اسحاناعا وزگەرتۋ شەشىمىن جاسادى.
حوتان قالالىق تۋانچىڭ جاڭالاۋ قولباسشىلىق شتابى كەڭسەسىنىڭ قىزمەتكەرى احمەتجان روزى بىلاي دەدى: ”ءبىز ءبىر وتباسىنا ءبىر جوبا جاساۋ پرينسيبىنە ساي، نەگىزدىك قۇرىلعىلاردى جاڭالاۋعا باسا ءمان بەرىپ، حاۋىپسىزدىك كومەسكى كىناراتتارىن ارىلتتىق. ءۇي ءىشى جوباسى بۇكىلدەي تۇرعىنداردىڭ تىلەگىنە ساي جۇرگىزىلدى“.
”سول كەزدە ۇكىمەت وتباسىمىزعا ءار شارشى مەترگە 580 يۋاندىق تولىقتاما قاراجات بەردى، ەرەكشە كورىكتى ەتىپ جوبالاندى، سۋ، ەلەكتر، وتىندىق گاز تۇگەل جەتكىزىلدى. سول كەزدە ءبىز ەكى كۇننىڭ بىرىندە قاشان جاڭالاپ بولاسىڭدار دەپ سۇراۋشى ەدىك، اسىرەسە، ءۇيدىڭ جاڭا بەينەسىن كورۋگە بارىنشا ىنتىققان ەدىك“، - دەدى سۇبي.
توپىراق ءۇي 2 قاباتتى شاعىن عيماراتقا اينالدى، قازىر سۇبي ءۇيى تۋانچىڭداعى ينتەرنەتتە تانىمالى ات بايلار جەرگە اينالدى.
6 جىل ۋاقىت ىشىندە تۋانچىڭ ءمالىسىنىڭ 1 -، 2 - مەرزىمدىك جاڭالاۋ قۇرىلىس نىسانى جاپپاي ورىندالدى. گۋاڭدۇڭدىق ساياحاتشى شىن حاۋ بىلاي دەدى: ”كوركى كوز تارتارلىق قۇرىلىس ۇلگىسى ماعان حوتان جونىندە تىڭ تانىم بەردى، قازىرگى كوركى جان سۇيىنەرلىك، بۇرىنعىسىن ەلەستەتۋ مۇمكىن ەمەس، كورگەن سايىن كورگىڭ كەلەدى“.
”ساۋدا كۇسەت بولعان كەزدە ءبىر كۇندىك تيجارات سومامىز 7000 يۋان بولادى. پارتيانىڭ ابزال ساياساتى بولماعاندا، ءبىزدىڭ مۇنداي تاماشا ۇيگە وتىرۋىمىز مۇمكىن ەمەس ەدى، ۇيدە وتىرىپ - اق اقشا تابۋ دەگەننەن تىپتەن اۋىز اشا المايتىن ەدىك. بيىل پەرزەنتتى بولدىم، ءوز قۇلشىنىسىمنىڭ ارقاسىندا بالاما ءتىپتى دە جاقسى تۇرمىس جانە بولاشاق سيلاعىم كەلەدى“، - دەدى سۇبي.
تۋانچىڭدى جاڭالاۋ حالىق تۇرمىسى ينجەنەرياسى ءارى بايۋ ينجەنەرياسى. قازىرگە دەيىن 3000 وتباسى، 15 مىڭنان استام ادام سۇبي وتباسىنداعىلارداي تۋانچىڭدى جاڭالاۋدىڭ ارقاسىندا يگىلىككە كەنەلدى.
حوتان قالاسى تۋانچىڭ ءمالىسىنىڭ تۇرعىنى ابىلەت ابدۇعاپپار تۋانچىڭنان ءبىر بولمەلى دۇكەن مايلاپ الىپ، حوتان ءدارى شايىن ساتتى، وسى بىرنەشە جىلدا ساۋداسى بارعان سايىن جاقساردى. ”بۇل ارا كوركەم بولدى، ساياحاتشى دا كوبەيدى، دۇكەننىڭ ساۋداسى دا بارعان سايىن جاقساردى“، - دەدى ابىلەت.
بيىل حوتان قالاسى تۋانچىڭىنىڭ 3 - مەرزىمدىك قۇرىلىس جاڭالاۋ ينجەنەرياسى ءۇرتىس جۇرگىزىلدى، جاڭالاۋ اۋماعى 65 مىڭ شارشى مەتردەن اسىپ، 293 وتباسى بۇقاراسى يگىلىككە كەنەلدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
