شينجياڭنىڭ موتورلى ۆاگون قۇراماسىنىڭ العاشقى ايەل جۇرگىزۋشىسى لي چۋانجىن:
”فۋشيڭحاۋ“ پويەزىن جۇرگىزىپ، شينجياڭنىڭ بايتاق دالاسىندا وقتاي زىمىرادى
انار بۇلت \ شينجياڭ گازەتىنىڭ ءتىلشىسى گو چيان
2022.05.09 15:42 كەلۋ قاينارى : شينجياڭ گازەتى
”سيگنال اشىق، ۆاگون ەسىكتەرى جابىلدى، جۇرەتىن ۋاقىت بولدى، اتتانامىز“! 4 - ايدىڭ 8 - كۇنى شيراق بەرىلگەن پارمەنمەن جۇرگىزۋ تەكشەسىنىڭ الدىندا وتىرعان لي چۋانجىن جىلدامدىق رەتتەگىش تۇتقانى يتەرىپ، ۇزىندىعى 200 مەتردەن اساتىن ”فۋشيڭحاۋ“ موتورلى ۆاگون قۇراماسى ءۇرىمجى ۆوگزالىنان باياۋ شىعىپ، ىلە - شالا ساعاتىنا 160 كيلومەترلىك جىلدامدىقپەن اقىرعى بەكەت بۇراتالا ۆوگزالىنا قاراي زىمىرادى.
لي چۋانجىن جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى ءۇرىمجى ماشينا ىستەرى ۋچاستيكاسى موتورلى ۆاگون قۇراماسى سەحىنىڭ موتورلى ۆاگون قۇراماسىن جۇرگىزۋشىسى. ءدال وسى كۇنى ونىڭ موتورلى ۆاگون قۇراماسىنىڭ جۇرگىزۋشىسى بولىپ ”فۋشيڭحاۋ“ اتتى پويەزدى جۇرگىزگەنىنە تۇپ - تۋرا ءبىر اي بولعان ەدى. 29 جاستاعى لي چۋانجىن شينجياڭ بويىنشا موتورلى ۆاگون قۇراماسىن جۇرگىزەتىن تۇڭعىش، قازىرگە دەيىنگى جالعىز ايەل.
”مەن ءوزىمدى ايرىقشا تالەيلىمىن دەپ ويلايمىن، جوعارى جىلدامدىقتى تەمىر جولدىڭ شاپشاڭ دامۋى الەۋمەتكە قولايلى قاتىناس سيلادى ءارى مەن سياقتى ايەل ادامنىڭ جوعارى جىلدامدىقتى تەمىر جولداعى جۇرگىزۋ كابيناسىنا وتىرۋىنا مۇمكىندىك بەردى“، - دەيدى لي چۋانجىن.
ەلىمىزدىڭ تەمىر جولى بۋ پاراۆوزى ءداۋىرىن، ىشتەن جاناتىن دۆيگاتەل ءداۋىرىن، ەلەكتر قۋاتى ءداۋىرىن باسىپ ءوتىپ، ونان موتورلى ۆاگون قۇراماسى داۋىرىنە اياق باستى. بۇرىن بۋ پاراۆوزىنىڭ، ىشتەن جاناتىن دۆيگاتەل پاراۆوزىنىڭ جۇرگىزۋشىنىڭ دەنە قۋاتىنا قوياتىن تالابى ءبىرشاما جوعارى بولاتىن، ونىڭ ۇستىنە پويەزدىڭ ەرەكشە قىزمەت ورتاسىنىڭ ىقپالىندا پويەز جۇرگىزۋشىلەرى دەرلىكتەي ەرلەردەن بولاتىن.
2019 - جىلى 5 - ايدا موتورلى ۆاگون قۇراماسىنىڭ تۇڭعىش توپتاعى ايەل جۇرگىزۋشىلەرىن تاڭداۋ بۇكىل ەل كولەمىندە باستالىپ، جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى بۇكىل توپ سەرىكتەستىك كولەمىنەن موتورلى ۆاگون قۇراماسىنا ايەل كىشى جۇرگىزۋشى تاڭدايدى. سول كەزدە كورلا پويەز ىستەرى ۋچاستيكاسى كورلا بەكەتىنىڭ بەلەت ساتۋعا جاۋاپتى كەزەكشى مەڭگەرۋشىسى بولىپ جۇرگەن لي چۋانجىننىڭ بۇل جۇمىسقا ىقىلاسى اۋادى، سىناق پەن قىسىمعا تۋرا قاراۋدى ۇناتاتىن ول بۇل حاباردى ەستىپ، الاعىزىپ ۇيىقتاي المايدى.
2019 - جىلى 6 - ايدا لي چۋانجىن مەن باسقا دا 11 ايەل تاڭداۋدان ءوتىپ ءۇرىمجى ماشينا ىستەرى ۋچاستيكاسىنا كەلىپ، موتورلى ۆاگون قۇراماسىنىڭ جۇرگىزۋشىسى بولۋعا تاربيەلەنەدى.
ەمتيحاننان ءوتىپ جۇڭحۋا حالىق رەسپۋبليكاسى تەمىر جول پاراۆوزىن جۇرگىزۋ كۋالىگىن الۋ اناۋ ايتقانداي وڭاي جۇمىس ەمەس، تەز دەگەندە 2 − 3 جىل ءتالىم الىپ، ناقتى پراكتيكادان ءوتۋىڭ قاجەت، بۇل قاتاردا جوعارى جىلدامدىقتى تەمىر جولعا قاتىستى نەگىزگى بىلىمدەردى، پويەز جۇرگىزۋدىڭ ەرەجە - قاعيدالارىن جەتىك مەڭگەرۋ سياقتى نازاريا ۇيرەنۋ، پويەزعا ىلەسىپ ناقتى پراكتيكادان ءوتۋ، كىشى جۇرگىزۋشى بىلىكتىگىن تانۋدان ءوتۋ، جۇرگىزۋشىلىك ەمتيحاننان ءوتۋ سياقتىلار بار.
كەسەكتەي - كەسەكتەي توم - توم نازاريالىق كىتاپتار الدىندا، ءبىلىم تۇيىندەرىن تىلكىم قاعازدارعا جازىپ قالتاسىنا سالىپ، كەز كەلگەن ۋاقىتتا الىپ شىعىپ پىسىقتادى؛ توتەنشە جاعدايداعى ءبىر جاقتى ەتۋ قابىلەتىنە جاتتىعۋ ءۇشىن، ناقتى جۇرگىزۋ بارىسىندا تۋىلۋى مۇمكىن توسىن جاعدايلاردى ءبىر - بىردەن اداقتاپ، قايتا - قايتا وي ەلەگىنەن وتكىزىپ، ءبىر جاقتى ەتۋ تارتىپتەرىنە جاتتىقتى... ۇيرەنۋ بارىسى جاپالى دا ءبىر سارىندى بولعانىمەن، لي چۋانجىن ءوزىن سۋ ءسىمىرىپ ۇلعايا تۇسكەن گۋبكاداي سەزىندى.
”ەڭ شەشۋشى، ەڭ قيىن جۇمىس پويەزعا ىلەسىپ كەزەكشى بولۋ ەدى. موتورلى ۆاگون قۇراماسىن جۇرگىزۋ بارىسىندا جۇرگىزۋشى بانىندەگى 2 ادام دامىلسىز تۇردە ولشەممەن داۋىستاپ شاقىرىپ، جاۋاپ بەرىپ وتىرۋ جانە سايكەستى قول يشاراتىن جاساۋ، الدىڭعى جاقتاعى سيگنال شامدارىندا كورسەتىلگەن كۇي، ءجۇرىس لەنياسىنىڭ ناقتى ۋاقىتتىق كۇيى سياقتىلاردى بىرگە قاتاڭ باقىلاپ وتىرۋ جانە وسى نەگىزدە كەلەسى قادامداعى جۇرگىزۋ ءتارتىبىن اتقارۋى كەرەك. مۇنداي ءوز - وزىڭە ەسكەرتىپ وتىرۋ، ءبىر - ءبىرىڭدى راستاپ وتىرۋ جولاۋشى پويەزىنىڭ تيتتەي دە اعاتتىقسىز حاۋىپسىز قاتىناۋىنا شىنايى كەپىلدىك ەتۋ ءۇشىن“، - دەيدى لي چۋانجىن، - بارلىق ۇيرەنۋ مازمۇندارىن اياقتاپ، سونداي - اق كىشى جۇرگىزۋشى بولىپ پويەزعا ىلەسىپ جۇرگەن قاشىقتىعىڭ 100 مىڭ كيلومەترگە جەتكەندە عانا، جۇرگىزۋشىلىك ەمتيحانىنا قاتىناسۋ تولىمدىلىعىن الاسىڭ.
3 جىلعا جۋىق جاپالى ۇيرەنۋ ارقىلى لي چۋانجىن اقىرى ەمتيحاننان ءوتىپ قارا ءۇزىپ شىعىپ، موتورلى ۆاگون قۇراماسىنىڭ ايەل جۇرگىزۋشىسى بولدى.
”بۇرىن پويەزعا ىلەسىپ كەزەكشى بولىپ جۇرگەندە ۇستازدىڭ ارەكەت - قيمىلىنا قاراپ، وڭاي سياقتى سەزىنۋشى ەدىم، رولدى، شىنىمەن، ءوز قولىما العاندا بارىپ مەنىڭ تاجىريبەمنىڭ ۇس−تازىمنان الدەقانشا الشاق جاتقانىن ءبىلدىم“، - دەيدى لي چۋانجىن، - جوعارى جىلدامدىقپەن كەلە جاتقان موتورلى ۆاگون قۇراماسىنىڭ ورنىقتى، حاۋىپسىز ءارى ءدال ۋاقىتىنا دىتتەگەن جەرىنە جەتۋىن قالاي قامتاماسىز ەتۋ موتورلى ۆاگون قۇراماسى جۇرگىزۋشىسىنىڭ جول لەنياسىن قالاي يگەرگەندىگىن سىنايدى. نەشە 100 كيلومەترلىك جوعارى جىلدامدىقتى تەمىر جول لەنياسىنىڭ قاي جەرىندە ابايلاۋعا ءتيىس اينالما بار، قاي جەردە جىلدامدىقتى ۇدەتۋگە ءتيىس قايقايىس بار ءبارىن ءبىلۋىڭ كەرەك، بىردەي قايقايىس جولدىڭ وزىندە، تۇرلىشە ءجۇرىس جىلدامدىعىندا، اۋا رايى جاعدايىندا جىلدامدىقتى ۇدەتۋدىڭ وزىنە ءتان ايىرماشىلىعى بولادى.
”قازىر مەندە ولقى بولىپ تۇرعانى قاتىناۋ تاجىريبەسى“، - دەيدى لي چۋانجىن.
تەمىرجولشى رەتىندە، لي چۋانجىن وسى جىلداردا شينجياڭ تەمىر جولىنىڭ وزگەرىسى مەن دامۋىنا كۋا بولدى، تەمىر جول تورى ۇزدىكسىز كەڭەيىپ، ”شينجياڭنان شىعاتىن 3 ارنا، وڭتۇستىك - سولتۇستىك 2 اينالما، قوس شەكارا وتكەلى سىندى جول تورى جۇلگەسى العاشقى قادامدا قالىپتاسىپ، تاسىمالعا قىزمەت وتەۋ جانە ونى قامتاماسىز ەتۋ قابىلەتى ايتارلىقتاي جوعارىلادى. اسىرەسە، 2014 - جىلى شينجياڭ تەمىر جولى ادەتتەگى جىلدامدىق داۋىرىنەن جوعارى جىلدامدىقتى تەمىر جول داۋىرىنە ءوتىپ، ءار ۇلت بۇقاراسىنىڭ جول - قاتىناس شارت - جاعدايى اناعۇرلىم قولايلى بولدى.
بۇگىنگى تاڭدا لي چۋانجىن مەن كىشى جۇرگىزۋشى ”فۋشيڭحاۋ“ اتتى موتورلى ۆاگون قۇراماسىن جۇرگىزىپ ءۇرىمجى مەن بۇراتالا اراسىندا جۇيتكىپ ءجۇر. ارلى - بەرلى قاتىنايتىن بۇل موتورلى ۆاگون قۇراماسى شىحىزى، ساۋان، كۇيتۇن، شۋاڭحى سياقتى اۋدان - قالالاردى تىزبەكتەپ، ءۇرىمجى قالاسى مەن توڭىرەكتەگى قالالاردىڭ ۇلاسۋ - تۇتاسۋىن جەبەپ قانا قويماي، جەلى بويىنداعى قالالاردىڭ ەكونوميكاسىنىڭ، قاتىناسىنىڭ، ساياحاتىنىڭ جەدەل دامۋىنا قۋاتتى قوزعاۋشى كۇش ۇستەدى.
”شينجياڭ تەمىر جولىنىڭ جوعارى جىلدامدىقپەن دامۋىنا ىلەسە، ’فۋشيڭحاۋ‘ اتتى موتورلى ۆاگون قۇراماسى اناعۇرلىم كوپ قالالارعا قاتىناپ، اناعۇرلىم كوپ ادامنىڭ تاماشا تۇرمىسى ءۇشىن جىلدامدىقتى ۇدەتەدى، مەن دە ءوزىمنىڭ موتورلى ۆاگون قۇراماممەن بىرگە شينجياڭنىڭ بايتاق دالاسىندا وقتاي زىمىرايمىن“، - دەيدى لي چۋانجىن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
