جاڭ جيە:
قاجىرلى ەڭبەگىمەن تۇرعىنداردى باقىتقا كەنەلتتى
انار بۇلت \ شينجياڭ گازەتىنىڭ ءتىلشىسى رىن چۇنشياڭ
2022.05.09 15:43 كەلۋ قاينارى : شينجياڭ گازەتى
4 - ايدىڭ 24 - كۇنى ءۇرىمجى قالاسى تيانشان رايونى شيڭفۋجي الەۋمەتتىك اۋماعى پارتكومىنىڭ شۋجيى جاڭ جيە تاڭەرتەڭگى جيىننان كەيىن، ادەتى بويىنشا قاراستى وڭىردەگى تۇرعىنداردان جانە ساۋداگەرلەردەن احۋال ۇعىسۋعا باردى.
جول بويى تۇرعىندار جاڭ جيەگە امانداستى، ولار بەينە ءبىر ءۇيدىڭ ادامدارىنداي تانىس بولىپ كەتكەن - دى. جاڭ جيە بىلاي دەدى: ”مەن الەۋمەتتىك اۋماقتا 12 جىل قىزمەت ىستەدىم، الەۋمەتتىك اۋماق قىزمەتى شىم - شىتىرىق ءارى باكىن - شۇكىن، قاربالاس بولعانىمەن، الايدا ءماندى، تۇرعىندارعا قاجەت بولعانىم مەن ءۇشىن قوزعاۋشى كۇش، تۇرعىنداردىڭ مويىنداۋىنا يە بولۋ مەن جونىنەن ەڭ قۋانىشتى ءىس“.
2010 - جىلى جاڭ جيە داشۋە تاۋىسقاننان كەيىن الەۋمەتتىك اۋماققا ورنالاستى، قاراپايىم قىزمەتكەردەن باستاپ ىسكە كىرىسىپ، ىلگەرىندى - كەيىندى 5 الەۋمەتتىك اۋماقتا قىزمەت ىستەدى. 2020 - جىلى 10 - ايدا ول شيڭفۋجي الەۋمەتتىك اۋماعىنا كەلدى.
الەۋمەتتىك اۋماق قىزمەتىندە ءار كۇنى تۇرعىندارمەن ارالاسۋ كەرەك، ساياساتتى بەلسەنە ۇگىتتەۋ ءارى نەگىزگى ساتى ءۇنىن ەت قۇلاقپەن تىڭداۋ كەرەك. ”ءبىز تۇرعىندارعا ساياساتتى دارىپتەۋ ءۇشىن، ساياساتتى الدىمەن ءوزىمىز ءتۇسىنۋىمىز كەرەك“، - دەدى جاڭ جيە، ساياساتتى جەتە ۇيرەنۋ، جەتە ءتۇسىنۋ ءۇشىن ول ءتۇرلى ساياسات كۋرسىنا قاتىناسىپ، قاتىستى بىلىمدەردى وزدىگىنەن ۇيرەنىپ، تۇسىنبەيتىن كاسىپتىك بىلىمدەرگە جولىققاندا قاتىستى تاراۋلاردىڭ قىزمەتكەرلەرىنەن سۇراپ ۇيرەندى. ول ۇنەمى ەستەلىك داپتەرىن جانىنان تاستاماي، حالىق ىستەرى، قوعامدىق قامسىزداندىرۋ سياقتى تۇرعىندارمەن تىعىز قاتىستى ساياساتتاردى ءبىر - بىرلەپ ەستەلىككە الىپ، قالاعان كەزدە پاراقتاپ كورىپ وتىراتىن، ءسويتىپ، ءبىر جىلدا كەمىندە 7 − 8 داپتەر ەستەلىك جازدى.
ساياسات جونىندە كوڭىلدە ەسەپ بولسا، تۇرعىندارعا اناعۇرلىم ويداعىداي قىزمەت وتەۋگە بولادى. 28 جاستاعى ما ساييۇن اسحانا داياشىسى، قاراستى وڭىردە ءۇي مايعا العان، قوعامدىق قامسىزداندىرۋ اقىسىن تاپسىرعان ۋاقىتى تالاپتاعى جىل شەگىنە جەتپەگەندىكتەن ول قامتاماسىزدىق ۇيگە ءوتىنىش بەرمەي كەلگەن بولاتىن. جاڭ جيە سىرتتان كەلگەندەرگە باعىتتاي شىعارىلعان تۇرعىن ءۇي قامتاماسىزدىعى جىلدام ارناسى بار ەكەندىگىن بىلگەننەن كەيىن تاباندا ول ءۇشىن قامتاماسىزدىق ۇيگە ءوتىنىش بەرەدى.
”ما ساييۇن وتكەن اپتادا قامتاماسىزدىق ۇيگە كوشىپ كىردى، ول تەلەفوندا ماعان ءوزىنىڭ ەرەكشە قۋانىشتى ەكەندىگىن، بۇدان كەيىن قۇلشىنا قىزمەت ىستەپ، تۇرمىسىن ءتىپتى دە جاقسارتاتىندىعىن ايتتى“! - دەدى جاڭ جيە قۋانا.
جۋىق جىلداردان بەرى جاڭ جيە تۇرعىنداردىڭ جۇمىستانۋىنا، تۇرمىستاعى قيىن ماسەلەلەرىن شەشۋىنە كومەكتەستى ءارى تۇرعىنداردىڭ تۇرمىسىنىڭ بارعان سايىن جاقسارعان بارىسىنا كۋا بولدى.
40 جاستاعى تۇراحان روزى بۇرىن وتباسى ايەلى بولاتىن، ۇيدە 2 بالاسىنا قارايدى، وتباسىنىڭ كىرىسى نەگىزىنەن كۇيەۋىنىڭ كۇندىك جۇمىس ىستەۋىنەن كەلەتىن. ماڭىنداعى كوپتەگەن ادامداردىڭ قىزمەت تاۋىپ، تۇراقتى كىرىسى بولعاندىعىن كورىپ، ول دا ءوز كۇشىنە سۇيەنىپ تاماشا تۇرمىس كەشىرۋدى ويلايدى. جاڭ جيەنىڭ كومەگىندە تۇراحان تازالىقشى بولدى. ”ءوزىمنىڭ قاجىرلى ەڭبەگىمە سۇيەنىپ وتباسى تۇرمىسىمدى جاقسارتقاندىعىمنان كوڭىلىم قاباعات جاي تاپتى“، - دەدى ول كۇلىمسىرەي.
تۇرعىندارعا زەيىن - زەردەسىن، كۇش - قۋاتىن ارناي وتىرىپ قىزمەت وتەگەندىكتەن جاڭ جيە تۇرعىنداردىڭ جاپپاي قولداۋىنا يە بولدى، كىم ۇيىندە ۇلكەندى - كىشىلى ىستەر بولا قالسا، الدىمەن جاڭ جيە ەستەرىنە كەلەدى، جاقسى حابار بولسا ونىمەن ورتاقتاسادى.
”الەۋمەتتىك اۋماق قىزمەتكەرىندە مەيىر، جاۋاپكەرشىلىك بولۋ كەرەك. مەن ءوز قۇلشىنىسىم ارقاسىندا تۇرعىنداردىڭ سەنىمىنە قول جەتكىزدىم، قاجىرلى ەڭبەگىم ارقىلى تۇرعىنداردى باقىتقا كەنەلتۋمەن بىرگە، ءوز قۇنىمدى دا جۇزەگە اسىردىم“، - دەدى جاڭ جيە.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
