بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جاۋ ليجيان ونى «ا ق ش - تىڭ ەكىنىشى ورتالىق اقپارات مەكەمەسى» دەدى

2022.05.10 13:28     كەلۋ قاينارى : حالىق تورابى

  سىرتقى ىستەر مينيسترلىگى تورابى وتكەن اپتانىڭ سوڭىندا «ا ق ش مەملەكەتتىك دەموكراتيالىق قور قوعامى جونىندەگى كەيبىر فاكتىلەر تىزىمدىگىن» جاريالادى. بۇل جونىندە سىرتقى ىستەر مينيسترلىگىنىڭ مالىمدەمەشىسى جاۋ ليجيان 5 - ايدىڭ 9 - كۇنى كەزەكتى تىلشىلەر جينالىسىندا سۇراۋعا جاۋاپ بەرىپ بىلاي دەدى: بۇل قۇجات 6 ۇلكەن مازمۇندى قامتىعان، شامامەن 12 مىڭ ارىپتىك ماتەريال، جۇزدەگەن اشىق حاباردان جينالعان ناقتى مىسالدار ارقىلى ا ق ش مەملەكەتتىك دەموكراتيالىق قور قوعامىنىڭ شىن كەسپىرىن جۇرت الدىندا تولىق اشكەرەلەدى.

  ول بىلاي دەدى: ۇزاق ۋاقىتتان بەرى ا ق ش دەموكراتيانى ناقتىلاندىرىپ، قارۋعا اينالدىرىپ، دەموكراتيانىڭ اتىن جامىلىپ شىندىعىندا دەموكراتياعا قارسى تۇرىپ، بولشەكتەۋگە، قارسىلاسۋعا جەلىكتىرىپ، باسقا ەلدەردىڭ ىشكى ىسىنە كيلىگىپ، اۋىر زارداپ تۋدىردى. مەملەكەتتىك دەموكراتيالىق قور قوعامى ا ق ش ۇكىمەتىنىڭ «قول شوقپارى»، «قوي تەرىسىن جامىلعان قاسقىرى» رەتىندە، «دەموكراتيانى جەبەۋ» دەگەندى جەلەۋ ەتىپ، باسقا ەلدەردىڭ زاڭدى ۇكىمەتىن اۋدارىپ تاستاپ، ا ق ش - شىل قۋىرشاق كۇشتەرىن جەتىلدىردى.

  «تاريحتا سوۆەت وداعىنىڭ ىدىراۋى، گرۋزيانىڭ <راۋشانگۇل توڭكەرىسى>، ۋكراينانىڭ <سارعىش توڭكەرىسى>، سونداي ـ اق <اراب كوكتەمى> سياقتى ا ق ش ـ تىڭ جەلىكتىرگەن، جوسپارلاعان <ءتۇس توڭكەرىسىنىڭ> استارىندا مەملەكەتتىك دەموكراتيالىق قور قوعامىنىڭ بەينەسى بايقالدى» دەدى جاۋ ليجيان،- مەملەكەتتىك دەموكراتيالىق قور قوعامى تايلاندتا قارسىلىق كورسەتۋ ەرەۋىلىنە جەلىكتىرىپ، نيكاراگۋا قارسى توبىن ۇقىق تارتىپ الۋعا جەلىكتىرىپ، كۋباعا قارسى كۇشتەردىڭ ۇكىمەتكە قارسى پيعىلدى جەلىكتىرۋىنە قارجىلاي كومەك بەرىپ، ۇزاق ۋاقىتتان بەرى ءتۇرلى تاسىلدەرمەن ۆەنەسۋەلانىڭ ىشكى ىسىنە كيلىگىپ كەلدى. مەملەكەتتىك دەموكراتيالىق قور قوعامى دۇنيەنىڭ بىلىقپاۋىنان قورقادى، ءار ەل ءۇشىن قوعامنىڭ ورنىقتى دامىپ، حالىق الاڭسىز تىرشىلىك ەتۋى ەمەس، قايتا حالىق كۇيزەلىپ، ەكونوميكانىڭ قۇلدىراپ، قوعامدا قارسىلىق بولۋ سياقتى ءبىرقىدىرۋ زارداپ تۋدىردى.

  جاۋ ليجيان بىلاي دەدى: مەملەكەتتىك دەموكراتيالىق قور قوعامى تاعى دا قاندى شەڭگەلىن جۇڭگوعا سوزىپ، ءار جىلى قىرۋار قارجى جۇمساپ، ءتۇرلى تاسىلدەر ارقىلى «شينجياڭ دەربەستىگى»، «شياڭگاڭ دەربەستىگى»، «شيزاڭ دەربەستىگى» سياقتىلارعا جەلىكتىرىپ جۇڭگوعا قارسى تۇرۋ قيمىلىن ورىستەتتى. بۇل قور قوعام «تايۋاندى دەربەستەندىرۋدى» كوزدەيتىن كۇشتەرىمەن استاسىپ، بولشەكتەۋگە جەلىكتىرىپ، تايۋان بۇعازىنىڭ ورنىقتىلىعىن بىلىقتىرۋعا ۇرىنىپ، بۇعازدىڭ ەكى جاعالاۋىنداعى حالىقتىڭ كەگىن جانە قارسىلىعىن قوزعادى.

  ول بىلاي دەدى: مەملەكەتتىك دەموكراتيالىق قور قوعامىن «ا ق ش - تىڭ ەكىنىشى ورتالىق اقپارات مەكەمەسى» دەۋگە بولادى. بۇل قور قوعامى استە «باسقا ەلدەردىڭ دەموكراتياسىنا كومەك بەرەتىن» «بەي ۇكىمەتتىك ۇيىم» ەمەس، قايتا ا ق ش ۇكىمەتىنە تىكەلەي بۇيرىق ءتۇسىرىپ، قارجىلاي كومەك بەرۋ فورماسىن قولدانىپ، بەي ۇكىمەتتىك ۇيىم دەگەن ۇعىممەن ءسىڭىپ كىرىپ، ءبۇلدىرىپ، ا ق ش - تىڭ ستراتەگيالىق مۇددەسىنە قىزمەت ەتتى. حالىقارالىق قوعامنىڭ مەملەكەتتىك دەموكراتيالىق قور قوعامىنىڭ شىنايى بەت - بەينەسىن بارعان سايىن ايقىن تانيتىندىعىنا، سونداي - اق كوپتەگەن ەلدەردىڭ ءتۇرلى فورمالارمەن مەملەكەتتىك دەموكراتيالىق قور قوعامىنىڭ ماسقارالىعىن الەمگە جاريا ەتەتىندىگىنە سەنەمىن.

  «بۇگىنگى دۇنيەدە، بەيبىتشىلىك پەن دامۋ ءالى دە ءداۋىردىڭ باستى تاقىرىبى. مەملەكەتتىك دەموكراتيالىق قور قوعامى باسقا ەلدەردىڭ ىشكى ىسىنە كيلىگىپ، ونىسىن قانداي فورمامەن بۇركەمەلەسە دە، ەڭ سوڭىندا، ءسوز جوق، جەڭىلىسكە ۇشىرايتىن تاعدىردان قاشىپ قۇتىلا المايدى» دەدى جاۋ ليجيان.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار