جاۋ ليجيان بىلاي دەدى: ا ق ش «جۇڭگو ارەكەت جوسپارىنىڭ» ۋىتىن تۇبەگەيلى جويۋى كەرەك
2022.05.10 13:32 كەلۋ قاينارى : حالىق تورابى
حابارعا قاراعاندا، تاياۋدا ازيا تەكتى امەريكالىقتاردىڭ عىلىم جانە ينجەنەريا قوعامى، ا ق ش فيزيكا قوعامى بەينە ەكران فورماسىندا ءماجىلىسىن اشىپ، ا ق ش ءادىليا مينيسترلىگىنىڭ «جۇڭگو ارەكەت جوسپارى» جالا جاپقان جۇڭگولىق وقىمىستىلاردى زيانكەستىككە ۇشىراۋ بارىسىن بايانداۋعا ۇسىنىس ەتكەن. بۇعان قاراتا سىرتقى ىستەر مينيسترلىگىنىڭ مالىمدەمەشىسى جاۋ ليجيان 5 - ايدىڭ 9 - كۇنى وتكىزىلگەن كەزەكتى تىلشىلەر جينالىسىندا بىلاي دەدى: ا ق ش ءادىليا مينيسترلىگى اتالمىش «جۇڭگو ارەكەت جوسپارىن» اتقارۋدى توقتاتتى. بۇل جوسپاردىڭ ءمانى ا ق ش - تىڭ جۇڭگوعا قارسى كۇشتەرىنىڭ مەملەكەت حاۋىپسىزدىگى ۇعىمىن بەتالدى پايدالانىپ، جۇڭگوعا قىسىم تۇسىرەتىن قۇرالى، سونداي - اق «ماكاشيزمنىڭ» قايتا باس كوتەرۋىنىڭ ناقتى بەينەسى. بۇل جوسپار ا ق ش - تىڭ ازيا تەكتى توپتارىنىڭ مۇددەسىنە اۋىر زيان جەتكىزىپ قالماستان، جۇڭگو مەن ا ق ش - تىڭ گۋمانيتارلىق اۋىس - كۇيىسىنە دە اۋىر سوققى بولدى.
جاۋ ليجيان بىلاي دەدى: قاتىستى وقىمىستىلاردىڭ بايانداۋىنا جانە مەديالاردىڭ حابارىنا قاراعاندا، «جۇڭگو ارەكەت جوسپارىندا» ءبىرقىدىرۋ اۋىر قاتەلىك وتكىزىلگەن.ءبىرىنشى، دەلو بىتىرۋدە قالايماقاندىق ىستەپ، قىزمەتتە اعاتتىق وتكىزگەن، قىزمەتىنەن بەتالدى پايدالانعان. مىسالى، كەيبىر پروكۋرورلار سوڭعى ءبىر جىلدا شەشۋشى ايعاقتارمەن بەتپە - بەت اڭگىمەلەسپەگەن، ءبىراق قىزمەتتەن قول ءۇزۋ قارساڭىندا اقپار جاريالاۋ ءماجىلىسىن اشۋ ءۇشىن قاتىستى وقىمىستىلاردى قولعا الۋعا اسىعىپ، دەلونىڭ اياق الىسىن تەزدەتكەن. ەكىنشى، شىندىقتى بۇرمالاپ، شىندىقتى جاسىرعان. مىسالى، ا ق ش - تىڭ پروكۋراتۋرا جاعى حالىقارالىق باعالاۋ مامانى قاتارلى قالىپتى عىلىمي قيمىلداردى قىلمىس دەپ قاراپ، جاۋاپ قايتارىلماعان پوچتا جولدامالارى مەن بۇرىس تۇسىندىرگەن ءماجىلىس ەستەلىگىن دالەل ەتكەن، سونداي - اق قاتىستى وقىمىستىلاردىڭ قىلمىسسىز ەكەندىگىن دالەلدەيتىن دالەل - سىپاتتاردى ۇزدىكسىز جاسىرعان. ءۇشىنشى، زاڭدى بىلە تۇرا زاڭعا قايشىلىق جاساپ، قىزمەت ۇقىعىنان الباتى پايدالانعان. مىسالى، ا ق ش جاقتىڭ تەكسەرۋشىلەرى جالعان ينفورماتسيادان پايدالانىپ قاتىستى وقىمىستىلاردىڭ شەكارادان شىعۋىنا شەك قويىپ، وتباسىنداعىلاردى باقىلاپ، ولاردى ا ق ش ۇكىمەتىنىڭ تىڭشىسى بولۋعا ماجبۇرلەگەن، ءتىپتى « شىرعامەن زاڭدى بۇزعىزىپ ۇستاعان».
ول بىلاي دەدى: بۇل ادىستەر قاتىستى وقىمىستىلاردىڭ رۋحىنا، اتاق - ابىرويىنا جانە ىسىنە اۋىر زيان جەتكىزدى، ءبىراق ا ق ش ۇكىمەتىنىڭ قاتىستى تاراۋلارى مەن جەكەلەر بۇل جونىندە ىسكە قاتىستى ادامداردان كەشىرىم سۇرامادى نەمەسە تولەم بەرمەدى، قاتىستى جاۋاپتى ادامداردىڭ جاۋاپكەرشىلىگىن دە قۋزاستىرمادى.
«جۇڭگو مەن ا ق ش ـ تىڭ قالىپتى گۋمانيتارلىق اۋىس ـ كۇيىسىندە قانداي قىلمىس بار؟» جاۋ ليجيان بىلاي دەدى: «جۇڭگو ارەكەت جوسپارى» اياقتاعانىمەن، ونىڭ ناشار ىقپالى ءالى تولىق جويىلعان جوق. تەك ا ق ش - تاعى كەيبىرەۋلەر قىرعي قاباقتىق نولدىك قوسىندى وي جۇيەسىنە جانە يدەولوگيالىق سىڭار جاقتىلى كوزقاراستا بولسا بولعانى، مۇنداي «ماكاشيزم» ارەكەتى تونىن اۋدارىپ كيىپ، قايتا باس كوتەرەدى. ا ق ش جاق ا ق ش قوعامىنىڭ ءار سالاسىنىڭ ادىلەتتى ۇنىنە قۇلاق اسىپ، «جۇڭگو ارەكەت جوسپارىنىڭ» ۋىتىن تۇبەگەيلى الاستاپ، وتىرىكتى ويدان قۇراۋدى، جۇڭگونى قارالاۋدى جانە قىسىم ءتۇسىرۋدى توقتاتىپ، جۇڭگو مەن ا ق ش ـ تىڭ اۋىس ـ كۇيىس، سەلبەستىك ىستەرىن كوبىرەك ىستەۋى كەرەك. (ءتىلشى جۋ چاۋ)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
