شي جينپيڭ فرانسيانىڭ زۇڭتۇڭى ماكرونمەن تەلەفوندا سويلەستى
2022.05.11 15:59 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 10 - كۇنى، بەيجيڭ. مەملەكەت ءتوراعاسى شي جينپيڭ 5 - ايدىڭ 10 - كۇنى تۇستەن كەيىن فرانسيانىڭ زۇڭتۇڭى ماكرونمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: وتكەن 5 جىلدا زۇڭتۇڭ مىرزا ەكەۋىمىز تىعىز بارىس - كەلىستى جالعاستىرىپ، جۇڭگو - فرانسيا قاتىناسىنىڭ بەلسەندى دامۋ جاعدايىن جالعاستىرۋىنا جەتەكشىلىك ەتىپ، ەكى جاقتى سەلبەستىكتىڭ سۇبەلى تابىستارعا قول جەتكىزۋىن ىلگەرىلەتىپ، كليمات وزگەرىسىنە توتەپ بەرۋ، ورگانيزمدەردىڭ الۋان تۇرلىلىگىن قورعاۋ سياقتى ماسەلەلەردە ءىرى ەلدىڭ جاۋاپكەرلىگىن ايگىلەدىك. دۇنيە جۇزىندە ءجۇز جىلدان بەرى بولماعان زور وزگەرىس الدىندا جۇڭگو مەن فرانسيا بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلى جانە دەربەس، ءوز - وزىنە قوجا بولاتىن ءىرى ەل رەتىندە، «دەربەس، ءوز - وزىنە قوجا بولۋ، ءوزارا ءتۇسىنىسۋ، بيىكتە تۇرىپ الىستى بولجاۋ، ءوزارا پايدا جەتكىزىپ، تەڭ يگىلىككە كەنەلۋ» سىندى ديپلوماتيالىق قاتىناس ورناتۋ اۋەلگى ماقساتىنان جازباي، تىعىز دا باياندى جالپى بەتتىك ستراتەگيالىق سەرىكتەستىك قاتىناستىڭ ورنىن تۇراقتاندىرۋدا تاباندى بولىپ، ءبىر - ءبىرىنىڭ وزەكتى مۇددەسى مەن كوڭىل ءبولىپ وتىرعان كەلەلى ىستەرىنە ءوزارا قۇرمەت ەتىپ، ەكى جاقتى، جۇڭگو - ەۆروپا، دۇنيە جۇزىلىك دەڭگەيدە تىعىز سايكەسىپ، سەلبەسۋى كەرەك. جۇڭگو فرانسيامەن ءار دارەجەلى بارىس - كەلىستى ۇزدىكسىز جيىلەتىپ، جۇڭگو - فرانسيا قاتىناسىنىڭ اقاۋسىز دامۋىن ىلگەرىلەتىپ، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋعا پەيىل.
شي جينپيڭ بىلاي دەپ دارىپتەدى: ەكى جاقتى تىلدەسۋ مەحانيزمى ارقىلى الداعى 5 جىلداعى جۇڭگو - فرانسيا سەلبەستىگىنىڭ ءتۇيىنىن ويداعىداي جوبالاپ، حالىقتىق يادرو ەنەرگياسى، اۆياتسيا - عارىش سياقتى ءداستۇرلى سالالارداعى سەلبەستىكتى ىلگەرىلەتۋمەن بىرگە، جاساندى زەردە، تازا ەنەرگيا سياقتى جاڭادان گۇلدەنگەن سالالارداعى سەلبەستىكتى ىلگەرىلەتۋ كەرەك. جۇڭگو فرانسيانىڭ ساپالى ونىمدەرىن يمپورت ەتۋدى كەڭەيتۋدى قالايدى، فرانسيانىڭ فينانس، جوعارى تەحنيكا كاسىپورىندارىنىڭ جۇڭگوعا كەلىپ سەلبەستىك جاساۋىن قارسى الادى، فرانسيانىڭ جۇڭگو كاسىپورىندارىنىڭ فرانسياعا بارىپ قارجى قوسىپ، سەلبەستىك جاساۋىنا ءادىل، ادىلەتتى، كەمسىتپەيتىن تيجارات - ساۋدا ورتاسىن ازىرلەۋىن ءۇمىت ەتەدى. 2024 - جىلعى جۇڭگو مەن فرانسيانىڭ ديپلوماتيالىق قاتىناس ورناتقانىنىڭ 60 جىلدىعى، پاريج وليمپيادا سپورت جارىسى سياقتى ماڭىزدى ورايلاردان ويداعىداي پايدالانىپ، جۇڭگو مەن فرانسيانىڭ گۋمانيتارلىق اۋىس - كۇيىسىن كۇشەيتىپ، ءوزارا ءتۇسىنىسۋدى جەبەۋ كەرەك. جۇڭگو مەن فرانسيا ناعىز كوپ جاقتىلىقتا تاباندى بولىپ، بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيە مەن حالىقارالىق زاڭدى نەگىز ەتكەن حالىقارالىق ءتارتىپتى قورعاپ، دۇنيە ءجۇزىنىڭ كوپ ۇيەكتەنۋى مەن ەكونوميكانىڭ جاھاندانۋىن قولداپ، كليمات وزگەرىسىنە توتەپ بەرۋ جانە ورگانيزمدەردىڭ الۋان تۇرلىلىگىن قورعاۋ سياقتى سالالارداعى سەلبەستىكتى تەرەڭدەتىپ، 20 ەل توبى، حالىقارالىق استىق ەنەرگيا حاۋىپسىزدىگى جاقتارىندا پىكىرلەسۋدى، سايكەسۋدى كۇشەيتىپ، افريكا سياقتى وڭىرلەردەگى ءۇشىنش جاق سەلبەستىگىن كەڭەيتىپ، دۇنيە جۇزىلىك دامۋ باستاماسى مەن دۇنيە جۇزىلىك حاۋىپسىزدىك باستاماسى جونىندە ءتۇيىلىستىرۋ، سەلبەسۋ ىزدەنىسىن جاساۋ كەرەك.
شي جينپيڭ بىلاي دەپ اتاپ كورسەتتى: جۇڭگو - ەۆروپا قاتىناسىنىڭ ورنىقتى، اقاۋسىز دامۋى جۇڭگو - ەۆروپانىڭ جانە ءار ەل حالىقتارىنىڭ مۇددەسىنە ۇيلەسەدى. جۇڭگو فرانسيانىڭ ستراتەگيالىق دەربەستىكتە تاباندى بولعانىن القايدى، فرانسيانىڭ ەۆروپا وداعىنىڭ جۇڭگومەن دۇرىس تانىمدا تاباندى بولىپ، جۇڭگومەن ءوزارا بەيىمدەلىپ، الاۋىزدىقتاردى ۇيلەسىمدى تىزگىندەپ، ورتاق مۇددە نەگىزىندە ەكونوميكا - ساۋدا، جاسىل، سيفرلى، گۋمانيتارلىق سياقتى سالالارداعى اۋىس - كۇيىستى، سەلبەستىكتى تەرەڭدەتۋدى ىلگەرىلەتۋىن ءۇمىت ەتەدى. فرانسيانىڭ ەۆروپا وداعىنىڭ كەزەكتى ءتوراعا ەلى رەتىندە جۇڭگو - ەۆروپا قاتىناسىنىڭ اقاۋسىز دامۋىن ىلگەرىلەتۋدە بەلسەندى رول اتقارۋىن ءۇمىت ەتەمىن.
ماكرون مىنانى ءبىلدىردى: فرانسيا مەن جۇڭگو ديپلوماتيالىق قاتىناس ورناتقاننان بەرى ەكى جاق ەسىك اشۋ رۋحىن ۇستانىپ، فرانسيا - جۇڭگو قاتىناسىن بەلسەنە دامىتتى. وتكەن 5 جىلدا ەكى ەلدىڭ ءار سالاداعى سەلبەستىگى ناتيجەلى بولدى. الداعى 5 جىلدا فرانسيا جۇڭگومەن اۋىل شارۋاشىلىعى، اۆياتسيا، حالىقتىق يادرو ەنەرگياسى، گۋمانيتارلىق سياقتى سالالارداعى سەلبەستىكتى تەرەڭدەتىپ، كليمات وزگەرىسىنە توتەپ بەرۋ، ورگانيزمدەردىڭ الۋان تۇرلىلىگىن قورعاۋ سياقتى سالالارداعى سەلبەستىكتى كۇشەيتىپ، فرانسيا - جۇڭگو قاتىناسىنىڭ اناعۇرلىم كوپ بەلسەندى جەتىستىكتەرگە قول جەتكىزۋىن ىلگەرىلەتۋگە پەيىل. فرانسيا ەۆروپا - جۇڭگو قاتىناسىنىڭ دامۋىن جەبەۋدە بەلسەندى رول اتقارادى.
ەكى ەل باسشىلارى ۋكراينانىڭ جاعدايى جونىندە پىكىر اۋىستىرىپ، قاتىستى جاقتار رەسەي مەن ۋكراينانىڭ كەلىسسوز ارقىلى بەيبىتشىلىكتى قالپىنا كەلتىرۋىن قولداۋى كەرەك دەپ قارادى.
شي جينپيڭ بىلاي دەپ دارىپتەدى: جۇڭگو جاق باستان - اياق ءوز تاسىلىمەن تاتۋلىقتى ءناسيحاتتاپ، كەلىسسوزدى جەبەپ كەلەدى، ەۆروپا ەلدەرىنىڭ ەۆروپانىڭ حاۋىپسىزدىگىن ءوز قولىندا ۇستاۋىن قولدايدى. توپتىق قارسىلاسۋ جاعدايىن قالىپتاستىرىپ، دۇنيە ءجۇزىنىڭ حاۋىپسىزدىگىنە، ورنىقتىلىعىنا اناعۇرلىم زور، اناعۇرلىم ۇزاق حاۋىپ توندىرۋدەن ەرەكشە قىراعى بولۋ كەرەك.
ماكرون مىنانى ءبىلدىردى: ۋكراينا ماسەلەسىندە فرانسيا جۇڭگومەن كوپتەگەن ورتاق تانىمعا يە. فرانسيا جۇڭگومەن ەكى جاقتى جانە كوپ جاقتى دەڭگەيدە اناعۇرلىم تىعىز سايكەسۋگە، سەلبەسۋگە پەيىل. فرانسيا مەن ەۆروپا وداعى دەربەس، ءوز - وزىنە قوجا بولۋ ستراتەگياسىندا تاباندى بولادى، توپقا ءبولىنىپ قارسىلاسۋدى قۇپتامايدى ءارى وعان قاتىناسپايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
