بايدەن جۇڭگودەن كەدەن باجىسىن ۇستەمەلەپ الۋدى كۇشىنەن قالدىرۋ جونىندە تالقى جۇرگىزىپ جاتقاندىعىن ءبىلدىردى
2022.05.12 13:30 كەلۋ قاينارى : حالىق تورابى
شينحۋا اگەنتتىگىنىڭ 5 ـ ايدىڭ 10 ـ كۇنى ۆاشينگتوننان بەرگەن حابارى. ا ق ش زۇڭتۇڭى بايدەن 5 ـ ايدىڭ 10 ـ كۇنى بىلاي دەدى: ا ق ش ۇكىمەتى ترامپ ۇكىمەتى كەزىندەگى جۇڭگودەن ۇستەمەلەپ الىناتىن كەدەن باجىسىن كۇشىنەن قالدىرۋ ـ قالدىرماۋدى تالقىلاپ جاتىر، ءبىراق بۇل جونىندە ءالى ۇيعارىم جاسالمادى.
بايدەن سول كۇنى اقسارايدا اقشانىڭ قۇنسىزدانۋى ماسەلەسى جونىندە بايانداما جاساعاننان كەيىن، تىلشىلەردىڭ سۇراۋىنا جاۋاپ بەرگەندە بىلاي دەدى: ا ق ش ۇكىمەتى جۇڭگونىڭ ا ق ش ـ قا ەكسپورت ەتەتىن ونىمدەرىنەن ۇستەمەلەپ الىناتىن كەدەن باجىسىن كۇشىنەن قالدىرۋ ـ قالدىرماۋدى، قانداي شارالاردىڭ «ەڭ بەلسەندى ىقپال» تۋدىراتىنىن تالقىلاپ جاتىر. جۇڭگودەن كەدەن باجىسىن ۇستەمەلەپ الۋ - الماۋدى ازايتا ما نەمەسە كۇشىنەن قالدىرا ما دەپ جالعاستى سۇراعاندا، بايدەن ءالى تالقى جۇرگىزىپ جاتقاندىعىن، ءالى شەشىم جاساماعاندىعىن ءبىلدىردى.
ا ق ش ـ تىڭ ساۋدا ۋاكىلدەرى كەڭسەسى وسى ايدىڭ 3 ـ كۇنى بىلاي دەپ جاريالادى: 4 جىلدىڭ الدىنداعى ايتىلمىش «301 تەكسەرۋ» ناتيجەسىنە نەگىزدەلىپ، جۇڭگونىڭ ا ق ش ـ قا شىعاراتىن تاۋارلارىنا كەدەن باجىسىن ۇستەمەلەپ الۋ سىندى ەكى ارەكەت بيىل 7 ـ ايدىڭ 6 ـ كۇنى جانە 8 ـ ايدىڭ 23 ـ كۇنى اياقتايدى. سونان باستاپ اتالعان كەڭسە قاتىستى ارەكەتتەردى زاڭدا بەلگىلەنگەن قايتا قاراۋ ءتارتىبىن باستايدى.
تاياۋدا حالىقارالىق ەكونوميكا ىستەرىنە جاۋاپتى ا ق ش زۇڭتۇڭىنىڭ مەملەكەت حاۋىپسىزدىگى ىستەرىنىڭ ورىنباسار كومەكشىسى داليپ سينگەر، قازىنا مينيسترى يەللەن جۇڭگوعا كەدەن باجىسىن كەمەيتۋ جونىندە ارت - ارتىنان پوزيتسيا ءبىلدىردى، ونىڭ ارتقى كورىنىسى ا ق ش - تىڭ 40 جىلدان بەرگى ەڭ اۋىر اقشانىڭ قۇنسىزدانۋى ەدى. ا ق ش 11 - ايدا پارلامەنتتىڭ ورتا مەرزىمدىك سايلاۋىن وتكىزەدى، قامداۋ تىزبەگىنىڭ كەدەرگىسى ءالى دە ساقتالىپ، ەڭبەككۇش بازارىنىڭ قامداۋى شيەلەنىسكەن جاعدايدا، ا ق ش – تىڭ اقشانىڭ قۇنسىزدانۋى ماسەلەسىن باسەڭدەمەدى، رەسەي مەن ۋكراينا قاقتىعىسى تاعى دا داعدارىستى ۋشىقتىرىپ، اق ساراي مەن دەموكراتتار پارتياسىنا ساياسي قىسىم ءتۇسىردى.
ا ق ش ەڭبەك مينيسترلىگىنىڭ ساندى مالىمەتىندە كورسەتىلۋىنشە، ا ق ش تۇتىنۋشىلارىنىڭ باعا كورسەتكىشى (CPI) وتكەن جىلدىڭ ۇقساس مەزگىلىندەگىدەن ءۇرتىس 6 اي بويى %6تەن جوعارى بولعان، 3 - ايدا CPI وتكەن جىلدىڭ ۇقساس مەزگىلىندەگىدەن %8.5 ارتقان، ارتۋ مولشەرى 40 جىلدان بەرگى ەڭ جوعارى بولعان. ۆاشينگتون چيكۋپەتەرسون حالىقارالىق ەكونوميكانى زەرتتەۋ ورنى تاياۋدا جاريالاعان ساياساتتىق قىسقا حاباردا بىلاي دەپ اتاپ كورسەتىلدى: ەگەر ترامپ ۇكىمەتىنىڭ جۇڭگونىڭ ا ق ش – قا شىعاراتىن ونىمدەرىنەن ۇستەمەلەپ الىناتىن كەدەن باجىسى، «مەملەكەت حاۋىپسىزدىگى» دەگەن اتپەن ۇستەمەلەپ الىناتىن بولات – تەمىر كەدەن باجىسى سياقتىلار كۇشىنەن قالدىرىلسا، ا ق ش – تىڭ CPI ىن شامامەن 1.3 پايىز تومەندەتۋگە بولادى.
ا ق ش پەدرسن حالىقارالىق ەكونوميكا زەرتتەۋ اكادەمياسىنىڭ جوعارى دارەجەلى زەرتتەۋشىسى حاري كاۆار شينحۋا اگەنتتىنىڭ سۇحباتىن قابىلداعاندا بىلاي دەدى: ا ق ش قازىر اقشانىڭ ەرەكشە قۇنسىزدانۋ قىسىمىنا ءدوپ كەلىپ وتىر، ا ق ش ۇكىمەتى جۇڭگونىڭ ا ق ش ـ قا شىعاراتىن ونىمدەرىنەن ۇستەمەلەپ الىناتىن كەدەن باجىسىن ازايتىپ، كەشىرىم ەتىپ، بارلىق شارالاردى قولدانىپ اقشانىڭ قۇنسىزدانۋ ورەسىن تومەندەتىپ، اقشانىڭ قۇنسىزدانۋ مەجەسىن ورنىقتىرۋ كەرەك دەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
