قىزمەتكەر ىستەتۋشى ورىن ۇيدە قىزمەت ىستەپ جاتقان قىزمەتكەرلەردى الباتى باقىلاۋعا السا شەكتەن اسقاندىق سىندى كۇمانعا ىلىنەدى
شى حۇڭجۇي
2022.05.14 11:25 كەلۋ قاينارى : حالىق تورابى
ىندەتتەن ساقتانۋ – تىزگىندەۋ — قىزمەتكەر ىستەتۋشى ورىن مەن قىزمەتكەر سىندى ەكى جاق بىردەي ءدوپ كەلگەن مۇشكىل جاعداي، ەكى جاق ءبىر – بىرىمەن ەگەسپەگەنى، قايتا ءبىر جاعادان باس، ءبىر جەڭنەن قول شىعارعانى ءجون. قىزمەتكەردىڭ الپەتىن 5 مينۋتتا ءبىر رەت سۋرەتكە تارتۋ ارقىلى باقىلاۋ – باسقارۋ ءتاسىلىن قولدانباستان، عىلىمي، ادامگەرشىلىكتى، وركەنيەتتى تۇردە باسقارۋعا قايتا ورالۋ وتە قاجەتتى شارا.
جۋىردا ءبىر توراپتاستىڭ مايماي تەكشەسىندە اشكەرەلەۋىنشە، شاڭدى كۋرس قۇرىلمىنىڭ قىزمەتكەرلەرى ۇيدە قىزمەت ىستەگەن مەزگىلدە، قىزمەتكەرلەردىڭ الپەتىن 5 مينۋتتا ءبىر رەت سۋرەتكە ءتۇسىرىپ وتىرعان، ەگەر قىزمەتكەر بىرنەشە رەت ورنىندا بولماسا، بارلىق ونىمدىلىك ەڭبەكاقىسىن تارتىپ قالاتىن بولعان، ءبولىم باسشىسى مەن HR (قىزمەتكەر قابىلداۋعا جاۋاپتى ادام) دىڭ ەڭبەكاقىسىنان دا تارتىپ قالاتىن بولعان، وسىنىڭ سالدارىنان، «قىزمەتكەرلەردىڭ بارلىعى دارەتحاناعا بارۋدان دا قورقاتىن بولعان».
ءىشىنارا ورىندار ىندەتتەن ساقتانۋ – تىزگىندەۋدىڭ قاجەتىنە ءۇن قوسۋ ءۇشىن، قىزمەتكەرلەردى ۇيدە قىزمەت ىستەۋگە ورنالاستىرعان، بۇل ءتاسىل قىزمەتكەر ىستەتۋشى ورىن مەن قىزمەتكەرلەردىڭ بارلىعىنا قولايلى بولعان، سونىمەن بىرگە، قازىرگى ىندەتتەن ساقتانۋعا قاتىستى ساياساتقا دا ۇيلەسەدى. الايدا، كەڭسەدە قىزمەت ىستەگەن كەزدەگىدەي راي بولمايتىندىقتان، سونىمەن بىرگە، ءونىمدى باقىلاۋ – تەجەۋ مەحانيزمى بولماعاندىقتان، ءىشىنارا قىزمەتكەرلەر ۇيدە قىزمەت ىستەگەن مەزگىلدە «اۋا جايىلىپ» كەتىپ، ورنىندا بولعانىمەن قىزمەت ىستەمەي، وسىنىڭ سالدارىنان جۇمىس ونىمدىلىگىنىڭ تومەن بولۋى ىقتيمال ەكەنىن جوققا شىعارۋعا بولمايدى. وسى سەبەپتى ءىشىنارا قىزمەتكەر ىستەتۋشى ورىندار قىزمەتكەردىڭ بەت – الپەتىن سۋرەتكە تارتۋ قاتارلى تاسىلدەردى قولدانىپ، قىزمەتكەرلەردىڭ جاعدايىن قالاعان ۋاقىتتا باقىلاپ وتىرادى، ال، مۇنداي ءتاسىلدىڭ شەكتەن اسقاندىق سىندى كۇمانعا ىلىنەتىنى داۋسىز، بۇل قىزمەتكەردىڭ زاڭدى ۇقىق – مۇددەسىنە سۇعاناقتىق جاساعاندىق سانالادى.
رەال ومىردە، بانكە زالى، ۇكىمەت ءىسى ورگانىنىڭ زالى، ءىشىنارا ءىس ورىندارىنىڭ كەڭسەسى قاتارلى ورىنداردا، ءىشىنارا قىزمەتكەر ىستەتۋشى ورىنداردىڭ قىزمەت كەڭسەلەرىندە باقىلاۋ كامەراسىن ورناتۋ جاعدايى ۇنەمى كەزدەسەدى. بۇل ءبىر جاعىنان، قىزمەتكەرلەردىڭ قىزمەت ۋاقىتىندا قىزمەت تارتىبىنە اۋىر دارەجەدە قايشىلىق جاساۋىنان ساقتانۋ ءۇشىن بولسا، ەندى ءبىر جاعىنان، داۋ – شار تۋىلعان جاعدايدا، دۇرىس – بۇرىسىن تەكسەرۋدىڭ قاجەتى ءۇشىن، قىزمەتكەرلەردىڭ ۇقىق – مۇددەسىن ءونىمدى قورعاۋ ءۇشىن قولدانىلادى. باسىم كوپ ساندى قىزمەتكەرلەر مەن قوعامداعى جۇرتشىلىق بۇلاي ىستەۋدىڭ قاجەتتى ەكەنىن مويىندايدى ءارى بۇعان قارسىلىق كورسەتىپ، جيرەنبەيدى.
الايدا، ۇيدە قىزمەت ىستەۋ مەن كەڭسەدە قىزمەت ىستەۋ ەكەۋى مۇلدە باسقاشا ۇعىم. قىزمەتكەر ىستەتۋشى ورىندا قىزمەتكەر قوس سالاۋاتقا يە، ول ءبىر جاعىنان، قىزمەتكەر ىستەتۋشى ورىننىڭ ەڭبەك تارتىبىنە بويسۇنۋدان سىرت، ەندى ءبىر جاعىنان، جاي ادام رەتىندە سايكەستى قۇپيالىق ۇقىعى مەن كىسىلىك ۇقىعىنا يە بولادى. وسى جونىندە ازاماتتىق زاڭناماعا نەگىزدەلگەندە، قۇپيالىق — تابيعي تۇلعانىڭ جەكە تۇرمىسىن الاڭسىز وتكىزۋى ءارى باسقالاردىڭ ءبىلۋىن قالامايتىن قۇپيا ءورىسى، قۇپيا قيمىلدارى، قۇپيا ينفورماتسيالارى. زاڭدا باسقاداي بەلگىلەمەلەر بولماعان جاعدايدا نەمەسە ۇقىققا يە ادامنىڭ انىق ماقۇلداۋىنان وتپەگەن جاعدايدا، ءارقانداي ادامنىڭ تەلەفون، كەلتە حات، لەزدىك حابارلاسۋ قۇرالى، ەلەكتروندى حات ساندىق، ۇگىت قاعازى قاتارلى تاسىلدەر ارقىلى باسقالاردىڭ جەكەلىك تۇرمىسىنىڭ تىنىشتىعىنا سۇعاناقتىق جاساۋىنا بولمايدى، باسقالاردىڭ تۇرعىن ءۇيى، قوناق ۇيدەگى بولمەسى قاتارلى قۇپيا ورىسىنە كىرۋىنە، سۋرەتكە تارتۋىنا، باسپالاي باقىلاۋىنا جول بەرىلمەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
