«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
ەلىمىزدىڭ دامۋىنداعى كەلەلى نازاريالىق جانە امالياتتىق ماسەلەلەردى دۇرىس تانيىق جانە يگەرەيىك
2022.05.16 16:11 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 15 - كۇنى، بەيجيڭ. 5 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 10 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ەلىمىزدىڭ دامۋىنداعى كەلەلى نازاريالىق جانە امالياتتىق ماسەلەلەردى دۇرىس تانيىق جانە يگەرەيىك» اتتى ماڭىزدى ماقالاسى جاريالانادى.
ماقالادا بىلاي دەپ دارىپتەلدى: جاڭا دامۋ كەزەڭىنە قادام تاستاعاندا ەلىمىز دامۋىنىڭ ىشكى - سىرتقى ورتاسىندا تەرەڭ وزگەرىستەر تۋىلدى، كوپتەگەن جاڭا، كەلەلى ماسەلەگە ءدوپ كەلىپ وتىرمىز، ونى دۇرىس تانۋىمىز جانە يگەرۋىمىز كەرەك.
ماقالادا بىلاي دەپ اتاپ كورسەتىلدى: بىرگە اۋقاتتانۋدى جۇزەگە اسىرۋدىڭ ستراتەگيالىق نىساناسى مەن امالياتتىق جولىن دۇرىس تانۋ جانە يگەرۋ كەرەك. بىرگە اۋقاتتانۋ − جۇڭگوشا سوتسياليزمنىڭ ماندىك تالابى. بىرگە اۋقاتتانۋ نىساناسىن جۇزەگە اسىرۋدا، ەڭ اۋەلى، بۇكىل ەل حالقىنىڭ ورتاق كۇرەسى ارقىلى «بالكۇلشەنى» ۇلكەيتىپ، ونان سوڭ ۇيلەسىمدى تۇزىمدىك ورنالاستىرۋ ارقىلى «بالكۇلشەنى» ويداعىداي ءبولۋ كەرەك. بۇل − ۇزاق تاريحي بارىس، ءبىز شارت - جاعداي ازىرلەپ، ءتۇزىمدى كەمەلدەندىرىپ، وسى نىساناعا قاراي نىق قاداممەن العا باسۋىمىز كەرەك. ساپالى دامۋدى ىلگەرىلەتۋ بارىسىندا جۇمىستاندىرۋدى الدىمەن ويلاستىرۋ بەتالىسىن كۇشەيتىپ، ەكونوميكانىڭ ارتۋىنداعى جۇمىستانۋدىڭ جەتەكشىلىك قۋاتىن جوعارىلاتىپ، ورتا، شاعىن، ۇساق كاسىپورىنداردىڭ دامۋىن قولداپ، ناقتى ەكونوميكانى ۇزدىكسىز زورايتىپ، ەڭبەكشىلەردىڭ ساپاسىن جوعارىلاتۋ كەرەك. ءبولىستىڭ يقۋاتى مەن رولىن ساۋلەلەندىرىپ، ونىمدىلىك پەن ادىلدىكتىڭ قاتىناسىن ويداعىداي شەشىپ، العاشقى ءبولىس، قايتالاي ءبولىس، ءۇشىنشى رەتكى ءبولىستى لايىقتى سايكەستىرەتىن نەگىزدىك تۇزىمدىك ورنالاستىرۋ جاساۋ كەرەك. الەۋمەتتىك قىزمەت وتەۋ ساياساتى ءتۇزىم جۇيەسىن كەمەلدەندىرىپ، بار كۇشىن سالىپ ىستەۋدە، شاماعا قاراي ىستەۋدە تاباندى بولىپ، الەۋمەتتىك قىزمەت وتەۋ دەڭگەيىن جوعارىلاتۋعا باسا ءمان بەرىپ، وقۋ - اعارتۋ، ەمدەۋ، زەينەتكەرلىك، تۇرعىن ءۇي سياقتى حالىق بۇقاراسى ەڭ كوڭىل ءبولىپ وتىرعان سالالاردا نەگىزگى الەۋمەتتىك قىزمەت وتەۋمەن دالمە - ءدال قامداۋ كەرەك.
ماقالادا بىلاي دەپ اتاپ كورسەتىلدى: كاپيتالدىڭ ەرەكشەلىگى مەن ارەكەت زاڭدىلىعىن دۇرىس تانۋ جانە يگەرۋ كەرەك. سوتسياليستىك بازار شارۋاشىلىعىمەن شۇعىلدانۋ − پارتيامىزدىڭ ۇلى جاسامپازدىعى. سوتسياليستىك بازار شارۋاشىلىعى شارت - جاعدايىندا كاپيتالدىڭ بەلسەندى رولىن قالاي ساۋلەلەندىرۋ جونىندە ىزدەنىس جاساۋ، سونىمەن بىرگە، كاپيتالدىڭ كەرەناۋ رولىن ءونىمدى تىزگىندەۋ كەرەك. كاپيتالعا «قىزىل، جاسىل شىراق» ورناتىپ، كەيبىر كاپيتالدىڭ ورەسكەل وسۋىنەن ساقتانىپ، كاپيتالدى ۇتىمدى باقىلاۋ - باسقارۋدى زاڭ بويىنشا كۇشەيتىپ، كاپيتالدىڭ جۇيەلى، اقاۋسىز دامۋىن قولداپ جانە وعان جەتەكشىلىك ەتىپ، سوتسياليستىك نەگىزگى ەكونوميكالىق تۇزىمدە تاباندى بولىپ جانە ونى كەمەلدەندىرىپ، جالپىلىق مەنشىكتەگى شارۋاشىلىقتى تيتتەي دە اۋىتقىماستان بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىنا تيتتەي دە اۋىتقىماستان دەم بەرىپ، قولداۋ كورسەتىپ، جەتەكشىلىك ەتىپ، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جانە جالپىلىق مەنشىككە جاتپايتىن شارۋاشىلىق سالاسىنداعى قايراتكەرلەردىڭ اقاۋسىز جەتىلۋىن جەبەۋ كەرەك.
ماقالادا مىنالار اتاپ كورسەتىلدى: باستاپقى ونىمدەرمەن قامداۋدى قامتاماسىزداندىرۋدى دۇرىس تانۋ جانە يگەرۋ كەرەك. باستاپقى ونىمدەرمەن قامداۋدى ويداعىداي قامتاماسىزداندىرۋ − كەلەلى ستراتەگيالىق ماسەلە، ءسوز جوق، ستراتەگيالىق جوسپارلاۋدى كۇشەيتىپ، ەرتەرەك رەتتەۋ جۇرگىزىپ، قامداۋ حاۋىپسىزدىگىنە شىنايى كەپىلدىك ەتۋ كەرەك. ۇنەمشىلدىكتى الدىڭعى ورىنعا قويۋدا تاباندى بولىپ، جاپپاي ۇنەمدەۋ ستراتەگياسىن اتقارىپ، ءار سالاداعى ۇنەمشىلدىك ارەكەتىن ىلگەرىلەتۋ كەرەك. ىشكى بايلىق ءوندىرىسىن قامتاماسىزداندىرۋ قۋاتىن كۇشەيتۋ كەرەك. شەتەلدەگى بايلىقتى قامتاماسىزداندىرۋ قۋاتىن ساپالىلاندىرۋ كەرەك. جۇڭگولىقتار ىرىزدىعىن قاي - قاشان دا ءوز قولىندا مىقتى ۇستاۋى، داستارقانىندا، باستىسى، جۇڭگو استىعى بولۋى كەرەك. اۋىل شارۋاشىلىعىنىڭ جالپىلىق ءوندىرىس قۋاتىن جوعارىلاتۋدى اناعۇرلىم كورنەكتى ورىنعا قويىپ، ازىقتىق استىقتىڭ مۇلدەم حاۋىپسىزدىگىنە، استىقپەن نەگىزىنەن ءوزىن - ءوزى قامداۋعا كەپىلدىك ەتىپ، مايلى داقىلداردى، سويا بۇرشاقتىڭ ءوندىرىس قۋاتىن جانە ءوزىن - ءوزى قامداۋ شاماسىن جوعارىلاتۋ كەرەك.
ماقالادا بىلاي دەپ اتاپ كورسەتىلدى: ەلەۋلى حاۋىپ - قاتەردەن ساقتانۋ – شەشۋدى دۇرىس تانۋ جانە يگەرۋ كەرەك. تومەنگى شەكتە ويلاۋدا تاباندى بولىپ، پارتيانىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ ابزالدىعىن ويداعىداي ساۋلەلەندىرىپ، ەلەۋلى حاۋىپ - قاتەردىڭ نەمەسە داعدارىستىڭ تۋىلۋىنان كۇش سالا ساقتانۋ كەرەك. كەلەلى جاعدايدى ورنىقتىرۋ، ءبىر تۇتاس جوسپارلاپ سايكەستىرۋ، تۇرگە ايىرىپ شارا قولدانۋ، دالمە - ءدال الاستاۋ نەگىزگى باعىتى بويىنشا، حاۋىپ - قاتەردى ءبىر جاقتى ەتۋ قىزمەتىن ۇزدىكسىز ويداعىداي يگەرۋ كەرەك. زاڭ - ەرەجەگە ۇيلەسىپ، جاۋاپكەرلىكتى ناقتىلاندىرىپ، قابىلەت قۇرىلىسىن كۇشەيتىپ، جەتكىلىكتى بايلىق ازىرلەپ، ءار جاق كەڭ كولەمدە سايكەسىپ، بازار، كاسىپ اتتاپ ءبىر تۇتاس جوسپارلاپ توتەپ بەرۋ قۋاتىن جوعارىلاتۋ كەرەك.
ماقالادا بىلاي دەپ اتاپ كورسەتىلدى: كومىر قىشقىل گازىنىڭ شىعارىلۋىن جوعارى مانگە جەتكىزىپ، كومىر قىشقىل گازىن بەيتاراپتاندىرۋدى دۇرىس تانۋ جانە يگەرۋ كەرەك. جاسىل، تومەن كومىرتەكتى دامۋ − ەكونوميكالىق، قوعامدىق دامۋدا جاپپاي بۇرىلىس جاساۋعا ءتيىستى كۇردەلى ينجەنەريا جانە ۇزاق ۋاقىتتىق مىندەت. كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋدا تاباندى بولۋ كەرەك، ءبىراق ونى ءبىر جولدا ورىنداۋ مۇمكىن ەمەس، ورنىقتىلىق بارىسىندا ىلگەرىلەۋدە تاباندى بولىپ، بىرتىندەپ جۇزەگە اسىرۋ كەرەك. بۇكىل ەل بويىنشا ءبىر تۇتاس جوسپارلاۋ، ۇنەمشىلدىكتى الدىڭعى ورىنعا قويۋ، قوس تەگەرشىكپەن جەبەۋ، ءىش پەن سىرت ىركىلسسىز بولۋ، حاۋىپ - قاتەردەن ساقتانۋ پرينسيبىندە تاباندى بولۋ كەرەك. كومىردى نەگىز ەتكەن نەگىزگى مەملەكەت جاعدايىن تياناق ەتىپ، كومىردى تازا، جوعارى ءونىمدى پايدالانۋدى مىقتى يگەرىپ، جاڭا ەنەرگيانى قابىلداۋ قۋاتىن ارتتىرۋ كەرەك. جاسىل، تومەن كومىرتەكتى تەحنيكالاردان قامال الۋدى مىقتى يگەرىپ، وزىق تەحنيكالاردى جالپىلاستىرۋدى، قولدانۋدى جەدەلدەتۋ كەرەك. عىلمي باعالاۋ جۇرگىزىپ، ەنەرگيا سارىپ ەتۋدى «قوس تىزگىندەۋ» ءتۇزىمىن كەمەلدەندىرىپ، لاستانۋدى ازايتىپ، كومىر قىشقىل گازىن ازايتۋ جاعىنداعى شابىتتاندىرۋ، تەجەۋ مەحانيزمىن جەدەل قالىپتاستىرۋ كەرەك. «قوس مەڭگەرۋ»، كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ قىزمەتىن ءبىر تۇتاس جوسپارلاپ، ويداعىداي ىستەپ، قاراپايىم عانا ساتىلار بويىنشا جىكتەۋدەن ساقتانۋ كەرەك. ەنەرگيا توڭكەرىسىن ىشكەرىلەي ىلگەرىلەتىپ، ەنەرگيادا قۇدىرەتتى ەل قۇرۋدى جەدەلدەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
