اتاسى نەمەرەسىن باققانى ءۇشىن ۇلىنان باعىم قاراجات تالاپ ەتۋگە بولا ما؟
جينان قالاسى ليچىڭ رايوندىق سوت: نەمەرەسىن باعۋ زاڭدا بەلگىلەنگەن بورىشقا جاتپايدى ءارى بۇل دەلودا الدىن الا كەلىسىمگە كەلگەن، اقى تالاپ ەتۋ ۇقىعى بار
2022.05.18 15:44 كەلۋ قاينارى : حالىق تورابى
حالىق سوتى گازەتىنىڭ حابارى. بالا باعۋ — ءاسىلى اتا - انانىڭ بورىشى، الايدا، قازىر كوپتەگەن وتباسىلاردا ەر - ايەل تۇگەل قىزمەتكە كەتىپ، بالانىڭ اتاسى مەن اجەسى، ناعاشى اتاسى مەن ناعاشى اپاسى قارايتىن جاعداي كوپ. بالاسىنا كومەكتەسىپ نەمەرەسىن باعۋ قارتتاردىڭ اتقارۋعا ءتيىستى بورىشى ما؟ بالانىڭ اتاسى مەن اجەسى، ناعاشى اتاسى مەن ناعاشى اپاسى بالانىڭ اكە - شەشەسىنەن «نەمەرەسىن باعۋ قاراجاتىن» بەرۋدى تالاپ ەتسە بولا ما؟ جۋىردا شاندۇڭ ولكەسى جينان قالاسى ليچىڭ رايوندىق سوت مەكەمەسى وسىنداي ءبىر دەلونى قاراپ، سوڭىندا بالانىڭ اكەسى بالانىڭ اتاسىنا باعىم قاراجاتى ءۇشىن 20 مىڭ يۋان تولەۋى كەرەك دەگەن ۇكىم شىعارعان.
ليۋ X پەن ايەلى جىل بويى سىرتتىڭ جۇمىسىمەن ابىگەر بولاتىندىقتان، ليۋ X تىڭ اكەسى ليۋ اتاي ەكى جاستىڭ ەكى بالانى باعۋىنىڭ وڭاي ەمەس ەكەنىن كورىپ، ۇلكەن نەمەرەسىن ءوز قاسىنا اكەلىپ باعۋدى ءوزى وتىنگەن. ليۋ X ليۋ اتايمەن توقتام جاساپ، اي سايىن باعىم قاراجاتى ءۇشىن 300 يۋان بەرۋگە ۋادە بەرەدى. الايدا، توقتامدى جازعان كۇننەن باستاپ، ليۋ X ۇنەمى ۇشتى - كۇيدى كەتىپ، توقتام قۇرعاق ۋادەگە اينالىپ قالادى. اكە مەن بالا قارىم - قاتىناسىن ويلاعان ليۋ اتاي ليۋ X پەن وسى ءىس جايلى كوپ رەت اڭگىمەلەسەدى، الايدا، ليۋ X ۇنەمى ءتۇرلى سەبەپتەردى العا تارتىپ جولعا سالادى. ليۋ اتاي اقىرى لاجسىزدىقتان سوتقا ارىزدانىپ، ۇلىنان 20 مىڭ يۋان باعىم قاراجات الىپ بەرۋدى وتىنەدى. راقايلاستىرۋ بارىسىندا ليۋ X باعىم قاراجاتىن بەرۋگە قوسىلمايدى، سوت اشقان كەزدە سوتقا دە كەلمەيدى.
سوت مەكەمەسى بىلاي دەپ قارايدى: اتا - انا بالانى باعىپ - قاعۋ بورىشىن ارقالايدى، ليۋ X تىڭ پەرزەنتىن باعىپ - قاعاتىن شاماسى بار، نەمەرەسىن باعىپ - قاعۋ ليۋ اتايدىڭ زاڭدا بەلگىلەنگەن بورىشى ەمەس. ونىڭ ۇستىنە، ليۋ X ليۋ اتايمەن جاساعان توقتامدا اي سايىن 300 يۋان باعىم قاراجات بەرۋگە ۋادە بەرگەن، ءبىراق ونى توقتام بويىنشا اتقارماعان، ونىڭ بۇل ارەكەتى باعىپ - قاعۋ بورىشىن وتەگەن ليۋ اتايدىڭ شىعىمىن ارتتىرا تۇسەتىنى داۋسىز. ليۋ اتاي نەمەرەسىن باعىپ - قاعۋعا زەيىنىن جۇمساۋمەن بىرگە، نەمەرەسىنىڭ قالىپتى تۇرمىسىنا كەپىلدىك ەتۋ ءۇشىن اناعۇرلىم كوپ قاراجات جۇمساماۋعا امالسىز قالعان، ليۋ اتاي مۇددەسى زيانعا ۇشىراعان جاق ەسەپتەلەدى، ليۋ X تەن بەرمەي كەلگەن باعىم قاراجاتىن الۋدى تالاپ ەتۋىنە بولادى.
ەڭ سوڭىندا ليچىڭ اۋداندىق حالىق سوتى ليۋ اتايدىڭ تالابى مەن ءىس جۇزىندىك جاعدايعا نەگىزدەلە وتىرىپ، زاڭ بويىنشا ليۋ X ليۋ اتايعا 20 مىڭ يۋان تولەۋى كەرەك دەگەن ۇكىم شىعارعان. ەكى جاق تا جوعارىلاپ ارىزدانباعان، بۇل ۇكىم قازىر كۇشىنە يە بولعان. (چىن شي، جاڭ حانلين)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
