بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شوفەر جولشىباي اۆتوموبيلىمەن تەگىن الا كەتكەن ادام شىرعالاڭ تۋىلعان سوڭ تولەم تالاپ ەتتى

سوت مەكەمەسى: جاقسى نيەتپەن اۆتوموبيلگە وتىرعىزۋعا قاتىستى بەلگىلەمە بويىنشا، موتورلى كولىك شوفەرىنىڭ تولەم بەرۋ جاۋاپكەرشىلىگىن جاعدايعا قاراي جەڭىلدەتۋگە بولادى

2022.05.19 16:19     كەلۋ قاينارى : حالىق تورابى

  حالىق سوتى مەكەمەسىنىڭ حابارى. جۋىردا چۇڭچيڭ قالاسى رۇڭچاڭ رايوندىق حالىق سوتى موتورلى كولىك شىرعالاڭىنا قاتىستى داۋ – شاردى قارادى، سوت مەكەمەسى ۇقىعىنا سۇعاناقتىق جاسالعان ادام موتورلى كولىككە تەگىن وتىرعاندىقتان، ازاماتتىق زاڭناماداعى جاقسى نيەتپەن اۆتوموبيلگە وتىرعىزۋعا قاتىستى بەلگىلەمە بويىنشا، موتورلى كولىك جۇرگىزۋشىنىڭ تولەم بەرۋ جاۋاپكەرشىلىگىن جەڭىلدەتۋگە بولادى دەپ قارادى.

  2021 – جىلى 3 – ايدىڭ 20 -كۇنى، X ساۋدا سەرىكتەستىگى جۇمىسقا قابىلداعان شوفەر جىڭ X سەرىكتەستىكتىڭ اۆتوموبيلىمەن جۇك تاسىمالداۋ بارىسىندا، جولشىباي جۋ X كەزدەسىپ، اۆتوموبيلمەن الا كەتۋدى وتىنەدى، شىنىمەن دە جولىنىڭ ءبىر ەكەنىن ويلاستىرىپ، جىڭ X جۋ X تى اۆتوموبيلىمەن تەگىن الا كەتۋگە ماقۇل بولادى. اۆتوموبيل اۋىل – قىستاق تاس جولىنا قاراي بۇرىلاتىن تۇسقا كەلگەندە، قاتتى شايقالۋ سەبەبىنەن جولاۋشى وتىرعان ورىندىق جاقتاعى ەسىك اشىلىپ كەتىپ، جۋ X اۆتوموبيلدەن قۇلاپ ءتۇسىپ جارالانادى، قوعام حاۋىپسىزدىگى تاراۋلارى جىڭ X شىرعالاڭداعى بارلىق جاۋاپكەرشىلىكتى ارقالايدى دەپ قارايدى. جۋ X جارالانىپ ەمحاناعا جاتىپ، 17 كۇن ەمدەلىپ، ەمدەلۋگە جيىنى 70 مىڭ يۋانداي قاراجات جۇمسايدى، X ساۋدا سەرىكتەستىگى تەك ەمدەلۋ قاراجاتى مەن ەمحاناعا جاتقان مەزگىلدەگى تاماق، كۇتىم قاراجاتتارىنىڭ ءبىر ءبولىمىن عانا كوتەرەدى، قالعان 50 مىڭ يۋاندى جۋ X ءوزى تولەيدى. تولەم بەرۋ ءىسى تۋرالى كەلىسىمنەن ناتيجە شىقپاعان سوڭ، جۋ X سوت مەكەمەسىنە ارىزدانىپ، جىڭ X مەن X ساۋدا سەرىكتەستىگىنەن 50 مىڭ يۋان ەمدەلۋ قاراجاتىن تولەۋدى تالاپ ەتەدى.

  سوت مەكەمەسى سوت جۇرگىزۋ ارقىلى بىلاي دەپ قارايدى: جۋ X موتورلى كولىككە تەگىن وتىرعان، دەلوعا قاتىستى اۆتوموبيل جولاۋشى تاسىمالىمەن شۇعىلداناتىن اۆتوموبيل ەمەس، تيجارات سيپاتىنا جاتپايتىن تاسىمال اۆتوموبيلى. جىڭ X پەن X ساۋدا سەرىكتەستىگى شىرعالاڭ بارىسىندا قاساقانا نەمەسە ەرەكشە زور قاتەلىك وتكىزبەگەن، شىرعالاڭ تۋىلعان سوڭ، بەلگىلى مولشەردەگى ەمدەلۋ قاراجاتى، كۇتىمدەۋ قاراجاتى جانە ەمحادان تاماقتانۋ قوسىمشا قاراجاتى قاتارلى قاراجاتتاردى ىرىقتىلىقپەن تولەگەن، ازاماتتىق زاڭنامانىڭ 1217 – تارماعىنداعى بەلگىلەمەگە ساي، اۆتوموبيلدىڭ يەسى X ساۋدا سەرىكتەستىگىنىڭ جۋ X كە بەرەتىن شىعىمىنىڭ %10 تىن جەڭىلدەتۋدى جاعدايعا قاراي تۇراقتاندىرۋعا بولادى، X سەرىكتەستىگى تولەپ بولعان اقشانى شىعارىپ تاستاعان سوڭ، سوت مەكەمەسى جۋ X تالاپ ەتكەن 50 مىڭ يۋان ەمدەلۋ قاراجاتىن 43204.30 بويىنشا تولەتىپ بەرۋگە قولداۋ ءبىلدىردى.

  ۇكىم شىعارىلعان سوڭ، بۇل ىسكە قاتىستى ادامدار جوعارىلاپ ارىزدانباعان. اتالعان ۇكىم قازىر كۇشىنە يە بولعان. (حۋ چاۋ)

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار