شي جينپيڭ جۇڭگو حالىقارالىق ساۋدانى جەبەۋ كوميتەتى قۇرىلعانىنىڭ 70 جىلدىعىن قۇتتىقتاۋ جينالىسىندا جانە دۇنيە جۇزىلىك ساۋدانى، قارجى قوسۋدى جەبەۋ باسشىلار ماجىلىسىندە بەينە ەكران ءسوزىن سويلەدى
2022.05.19 16:28 كەلۋ قاينارى : حالىق تورابى
 |
5 - ايدىڭ 18 - كۇنى مەملەكەت ءتوراعاسى شي جينپيڭ جۇڭگو حالىقارالىق ساۋدانى جەبەۋ كوميتەتى قۇرىلعانىنىڭ 70 جىلدىعىن قۇتتىقتاۋ جينالىسىندا جانە دۇنيە جۇزىلىك ساۋدانى، قارجى قوسۋدى جەبەۋ باسشىلار ماجىلىسىندە بەينە ەكران ءسوزىن سويلەدى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
شينحۋا اگەنتتىگى، 5 - ايدىڭ 18 - كۇنى، بەيجيڭ. 5 - ايدىڭ 18 - كۇنى مەملەكەت ءتوراعاسى شي جينپيڭ جۇڭگو حالىقارالىق ساۋدانى جەبەۋ كوميتەتى قۇرىلعانىنىڭ 70 جىلدىعىن قۇتتىقتاۋ جينالىسىندا جانە دۇنيە جۇزىلىك ساۋدانى، قارجى قوسۋدى جەبەۋ باسشىلار ماجىلىسىندە بەينە ەكران ءسوزىن سويلەدى.
شي جينپيڭ بىلاي دەپ اتاپ كورسەتتى: جۇڭگو ساۋدانى جەبەۋ قوعامى 1952 - جىلى قۇرىلعاننان بەرى جۇڭگونى تياناق ەتىپ، دۇنيە جۇزىنە بەت الىپ، جۇڭگو مەن شەتەل كاسىپورىندارىنىڭ مۇددە دانەكەرىن بەكەمدەپ، حالىقارالىق ەكونوميكا - ساۋدا بارىس - كەلىسىن ىلگەرىلەتىپ، مەملەكەتتەر قاتىناسىنىڭ دامۋىن جەبەۋدە ماڭىزدى رول اتقاردى. جۇڭگو ساۋدانى جەبەۋ قوعامىنىڭ 70 جىلدىق بارىسى − جۇڭگونىڭ سىرتقا ەسىك اشۋدى ۇزدىكسىز كەڭەيتۋىنىڭ ماڭىزدى بەينەسى، سونداي - اق ءار ەل كاسىپورىندارىنىڭ دامۋ ورايىنان بىرگە يگىلىكتەنىپ، ءوزارا پايدا جەتكىزىپ، تەڭ يگىلىككە كەنەلۋىنىڭ ماڭىزدى ايعاعى.
شي جينپيڭ بىلاي دەپ دارىپتەدى: قازىر 100 جىلدىق وزگەرىس جاعدايى مەن عاسىرلىق ىندەت توعىسىپ، ەكونوميكانىڭ جاھاندانۋى كەرى اعىسقا تاپ بولىپ، دۇنيە ءجۇزى جاڭا اۋمالى - توكپەلى وزگەرىس كەزەڭىنە ءوتتى. ءار ەلدىڭ ونەركاسىپ - ساۋدا سالاسىنىڭ بەيبىتشىلىك پەن دامۋعا دەگەن تىلەگى اناعۇرلىم نىعايىپ، ادىلدىك پەن تۋراشىلدىققا دەگەن ءۇنى اناعۇرلىم كۇشەيىپ، سەلبەسىپ تەڭ يگىلىككە كەنەلۋ تالپىنىسى اناعۇرلىم كوكەي تەستى بولا ءتۇستى. شي جينپيڭ مىناداي 4 ءتۇرلى ۇسىنىستى ورتاعا قويدى:
ءبىرىنشى، كۇشتى شوعىرلاندىرا وتىرىپ ىندەتتى جەڭۋ. جاڭا تيپتى ايدارشا ۆيرۋس وكپە قابىنۋ ىندەتى قايتا - قايتا اسقىنىپ، حالىقتىڭ باس اماندىعى مەن دەنساۋلىعىنا اۋىر قاتەر ءتوندىرىپ، دۇنيە ءجۇزى ەكونوميكاسىنىڭ دامۋىنا اۋىر ىقپال جاسادى. حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، ۆاكسينا زەرتتەۋ - اشۋ، ءوندىرۋ، ءبولۋ جاعىنداعى حالىقارالىق سەلبەستىكتى بەلسەنە ورىستەتىپ، دۇنيە جۇزىلىك الەۋمەتتىك دەنساۋلىق ساقتاۋدى جونگە سالۋدى كۇشەيتىپ، ىندەتكە قارسى اتتانۋدىڭ كوپ ءتۇرلى قورعانىس شەبىن بىرگە قۇرىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى ىلگەرىلەتۋ كەرەك.
ەكىنشى، ساۋدانى، قارجى قوسۋدى قايتا سەرپىلتۋ. ىندەتتەن ساقتانۋ - تىزگىندەۋ مەن ەكونوميكالىق دامۋدى ءبىر تۇتاس جوسپارلاپ، ءار ەلدىڭ ماكرولىق شارۋاشىلىق ساياساتىن سايكەستىرۋدى كۇشەيتۋ كەرەك. بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كۇن ءتارتىبىن جاپپاي ىلگەرىلەتىپ، دۇنيە ءجۇزى ەكونوميكاسىنىڭ قوزعاۋشى كۇشىنە بۇرىلىس جاساۋدى، تاسىلىنە بۇرىلىس جاساۋدى، قۇرىلىمىن رەتتەۋدى ىلگەرىلەتىپ، دۇنيە ءجۇزى ەكونوميكاسىن ۇزاق ۋاقىت اقاۋسىز، ورنىقتى دامۋ ارناسىنا ءتۇسىرۋ كەرەك. دۇنيە جۇزىلىك ساۋدا ۇيىمىن ۇيىتقى ەتكەن كوپ جاقتى ساۋدا ءتۇزىلىسىن قولداپ، دۇنيە جۇزىلىك كاسىپ تىزبەگى مەن قامداۋ تىزبەگىنىڭ حاۋىپسىزدىگىن، ورنىقتىلىعىن قورعاپ، سەلبەستىك بالكۇلشەسىن ۇلعايتىپ، ءار ەل حالقىن دامۋ جەتىستىكتەرىنەن اناعۇرلىم ويداعىداي يگىلىكتەندىرۋ كەرەك.
ءۇشىنشى، جاڭالىق اشۋ ارقىلى دەم بەرۋدە تاباندى بولۋ. جاڭالىق اشۋ نەگىزىندەگى ارتۋدىڭ كومەسكى كۇشىن اشىپ، ءبىلىم مەنشىك ۇقىعىن قورعاۋدى بىرگە كۇشەيتىپ، تولىق ات سالىسۋ، ورتاق تانىمدى ۇيىستىرۋ نەگىزىندە ەرەجە بەلگىلەپ، عىلىم - تەحنيكانىڭ دامۋىنا اشىق، ءادىل، ادىلەتتى، كەمسىتپەيتىن ورتا ازىرلەۋ كەرەك. جاڭالىق اشۋ جاعىنداعى اۋىس - كۇيىستى، سەلبەستىكتى تەرەڭدەتىپ، عىلىم - تەحنيكانىڭ ەكونوميكامەن ىشكەرىلەي توعىسۋىن ىلگەرىلەتىپ، جاڭالىق اشۋ جەتىستىكتەرىنەن بىرگە يگىلىكتەنۋدى كۇشەيتىپ، ءبىلىم، تەحنيكا، دارىندى سياقتى جاڭالىق اشۋ فاكتورلارىنىڭ اۋىسۋىن تەجەيتىن قامالدى قۇلشىنا بۇزۋ كەرەك.
ءتورتىنشى، دۇنيە جۇزىلىك جونگە سالۋدى كەمەلدەندىرۋ. ناعىز كوپ جاقتىلىقتا تاباندى بولىپ، بىرگە اقىلداسۋ، بىرگە قۇرۋ، بىرگە يگىلىكتەنۋ سىندى دۇنيە جۇزىلىك جونگە سالۋ كوزقاراسىن امالياتتا ايگىلەپ، دۇنيە جۇزىلىك بايلىقتى جۇمىلدىرىپ، دۇنيە جۇزىلىك سايىستارعا توتەپ بەرىپ، عالامدىق دامۋدى جەبەۋ كەرەك. قارسىلاسپاۋ، قايتا كەڭەسۋ، داۋال سوقپاۋ، قايتا داۋالدى شاعۋ، الشاقتاماۋ، قايتا توعىسۋ، قاقپايلاماۋ، قايتا سيىسىمدى بولۋ ۇستانىمىنان جازباي، ادىلدىك پەن ادىلەتتىلىكتى ۇستانىم ەتىپ، عالامدىق جونگە سالۋ جۇيەسىنىڭ وزگەرىسىنە جەتەكشىلىك ەتۋ كەرەك.
شي جينپيڭ مىنانى دارىپتەدى: جۇڭگونىڭ جوعارى دەڭگەيدە ەسىك اشۋدى كەڭەيتۋ بەكىمى وزگەرمەيدى، جۇڭگونىڭ ەسىگى بارعان سايىن ايقارا اشىلادى. جۇڭگو بازارلانعان، زاڭمەن جونگە سالىناتىن حالىقارالىق ساۋدا ورتاسىن ۇزدىكسىز قالىپتاستىرىپ، «وڭىرلىك جان - جاقتى ەكونوميكالىق سەرىكتەستىك قاتىناس كەلىسىمىن» جوعارى دەڭگەيدە اتقارىپ، «ءبىر بەلدەۋ، ءبىر جولدى» جوعارى ساپامەن بىرگە قۇرۋدى ىلگەرىلەتىپ، دۇنيە جۇزىندەگى ونەركاسىپ - ساۋدا سالاسىنا اناعۇرلىم كوپ بازار ورايىن، قارجى قوسۋ ورايىن، ارتۋ ورايىن ازىرلەيدى. ءبىز قول ۇستاسا وتىرىپ، بەيبىتشىلىكتەن، دامۋدان، سەلبەستىكتەن، تەڭ يگىلىككە كەنەلۋدەن جازباي، قازىرگى دۇنيە ءجۇزى ەكونوميكاسى مەن حالىقارالىق ساۋدا، قارجى قوسۋ ءدوپ كەلگەن ماسەلەلەردى بىرگە شەشىپ، اناعۇرلىم كوركەم بولاشاققا بىرگە قادام تاستايىق.
كەلۋ قاينارى: حالىق تورابى
 |
5 - ايدىڭ 18 - كۇنى مەملەكەت ءتوراعاسى شي جينپيڭ جۇڭگو حالىقارالىق ساۋدانى جەبەۋ كوميتەتى قۇرىلعانىنىڭ 70 جىلدىعىن قۇتتىقتاۋ جينالىسىندا جانە دۇنيە جۇزىلىك ساۋدانى، قارجى قوسۋدى جەبەۋ باسشىلار ماجىلىسىندە بەينە ەكران ءسوزىن سويلەدى. سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
