شي جينپيڭ فيليپپيننىڭ سايلانعان زۇڭتۇڭى ماركوسپەن تەلەفوندا سويلەستى
2022.05.19 16:31 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 18 - كۇنى، بەيجيڭ. مەملەكەت ءتوراعاسى شي جينپيڭ 5 - ايدىڭ 18 - كۇنى تۇستەن بۇرىن فيليپپيننىڭ سايلانعان زۇڭتۇڭى ماركوسپەن تەلەفوندا سويلەستى.
شي جينپيڭ ماركوستىڭ فيليپپيننىڭ زۇڭتۇڭى بولىپ سايلانعانىن تاعى ءبىر رەت قۇتتىقتادى.
شي جينپيڭ بىلاي دەپ دارىپتەدى: ءسىز جۇڭگو - فيليپپين قاتىناسىنىڭ دامۋ بارىسىنا تىكەلەي قاتىناسىپ، كۋا بولىپ، جۇڭگو - فيليپپين دوستىعىنىڭ قۇرۋشىسى، قولداۋشىسى، ىلگەرىلەتۋشىسى بولدىڭىز. فيلليپپيندە «كەلەردەگى جولدى بىلمەسەڭىز، ۇزاققا بارا المايسىز» دەگەن ايگىلى ءسوز بار. ءبىز جۇڭگو - فيليپپين دوستىعىن ويداعىداي جالعاستىرىپ، اۋەلگى ماقساتتى ۇمىتپاي، جالپى بەتالىستى يگەرىپ، جاڭا داۋىردەگى جۇڭگو - فيليپپين دوستىعىنىڭ داستانىن ويداعىداي جازىپ، جۇڭگو - فيليپپين دوستىق سەلبەستىگىنىڭ «ءبىر جوباسىن سوڭىنا دەيىن جاساپ»، ەكى ەل قاتىناسىنىڭ اناعۇرلىم كوركەم بولاشاققا قادام تاستاۋىن ىلگەرىلەتۋىمىز كەرەك.
شي جينپيڭ بىلاي دەپ اتاپ كورسەتتى: وتكەن 6 جىلدا جۇڭگو مەن فيليپپين تاتۋ كورشىلىك دوستىقتان جازباي، قول ۇستاسا بىرگە دامىپ، جالپى بەتتىك ستراتەگيالىق سەلبەستىك قاتىناسىن ورناتتى. ەكى جاق پىكىرلەسۋ، كەڭەسۋ ارقىلى الاۋىزدىقتاردى ءونىمدى تىزگىندەپ، ءار سالاداعى ناقتى سەلبەستىكتى بەلسەنە ىلگەرىلەتىپ، ەكى جاقتى قاتىناستا سۇبەلى تابىستارعا قول جەتكىزدى. اماليات جۇڭگو - فيليپپين دوستىعى ەكى ەل حالىقتارىنىڭ ورتاق تىلەگىنە ۇيلەسەتىنىن، جۇڭگو - فيليپپين سەلبەستىگى ەكى ەل حالىقتارىنىڭ ورتاق مۇددەسىنە ۇيلەسەتىنىن دالەلدەدى. جۇڭگو فيليپپيندى باستان - اياق توڭىرەكتىك ديپلوماتيادا ماڭداي الدى ورىنعا قويىپ، فيليپپينگە قاراتىلعان دوستىق ساياساتىندا ۇلاسپالىلىقتى، ورنىقتىلىقتى ساقتايدى. جۇڭگو فيليپپينمەن ەل باسقارۋ تاجىريبەلەرىن اۋىستىرۋدى كۇشەيتىپ، نەگىزدىك قۇرىلعى، اۋىل شارۋاشىلىعى، ەنەرگيا، وقۋ - اعارتۋ سياقتى مەملەكەت ىستەرى مەن حالىق تۇرمىسىن ارقاۋ ەتىپ، نازاردى ىندەتكە قارسى اتتانۋ مەن ىندەتتەن كەيىنگى قالپىنا كەلتىرۋگە شوعىرلاندىرىپ، قازىرگى سەلبەستىكتى زورايتىپ، كۇشەيتىپ، جاڭا ارتۋ تۇيىندەرىن جەتىلدىرىپ، اشىپ، ەكى ەل مەن ءوڭىردىڭ دامۋىن، گۇلدەنۋىن جەبەۋگە پەيىل. جۇڭگو فيليپپيننىڭ ەكونوميكالىق، قوعامدىق دامۋىنا بۇرىنعىداي بەلسەندى قولداۋ جانە كومەك كورسەتەدى.
شي جينپيڭ بىلاي دەپ دارىپتەدى: قازىر دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى بۇرىن بولىپ كورمەگەن دارەجەگە جەتتى، بەيبىتشىلىك پەن حاۋىپسىزدىك جاڭا سىن - سايىسقا ءدوپ كەلىپ وتىر. جۇڭگو مەن فيليپپين − ازياداعى وركەندەپ كەلە جاتقان ەلدەر، ەكى ەلدىڭ دامۋى تاتۋ كورشىلىك، دوستىق توڭىرەكتىك ورتاعا تامىر تارتقان، سەلبەسىپ تەڭ يگىلىككە كەنەلەتىن ازيا ۇلى شاڭىراعىنا تامىر تارتقان. فيليپپين جاقتىڭ دەربەس، ءوز - وزىنە قوجا بولۋ ديپلوماتيالىق ساياساتىن ۇزدىكسىز اتقارۋىن ءۇمىت ەتەمىن. جۇڭگو فيليپپينمەن كەلەلى حالىقارالىق جانە وڭىرلىك ماسەلەلەر جونىندە ستراتەگيالىق پىكىرلەسۋدى جانە سايكەسۋدى كۇشەيتىپ، وسى ءوڭىردىڭ بەيبىت دامۋىنىڭ تاماشا جاعدايىن ويداعىداي قورعاۋعا پەيىل.
ماركوس ءوزىنىڭ جۇڭگومەن دوستىق بارىس - كەلىسىن تەرەڭ سۇيىسپەنشىلىكپەن ەسكە الىپ، مىنانى ءبىلدىردى: فيليپپين حالقى جۇڭگونى ەڭ ماڭىزدى سەرىكتەرىنىڭ ءبىرى دەپ قارايدى. فيليپپيننىڭ جاڭا ۇكىمەتى فيليپپين - جۇڭگو قاتىناسىن ديپلوماتيالىق ساياساتتىڭ ءتۇيىندى بەتالىسى ەتەدى، جۇڭگومەن ءار دارەجەلى بارىس - كەلىستى كۇشەيتىپ، ەكونوميكا - ساۋدا، نەگىزدىك قۇرىلعى، ەنەرگيا، مادەنيەت، وقۋ - اعارتۋ سياقتى سالالارداعى سەلبەستىكتى تەرەڭدەتۋگە جانە نىعايتۋعا پەيىل. مەن فيليپپين - جۇڭگو قاتىناسىنىڭ بولاشاقتا ءتىپتى دە جاقسى، ءتىپتى دە قۋاتتى داميتىنىنا زور ءۇمىت ارتامىن، جۇڭگومەن بىرگە فيليپپين - جۇڭگو قاتىناسىنىڭ دامۋىنا ۇزدىكسىز تىڭ دا قۋاتتى قوزعاۋشى كۇش قوسۋعا پەيىلمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
