شي جينپيڭ نيدەرلاندتىڭ پاتشاسى ۆيلليام الەكساندرمەن ءوزارا قۇتتىقتاۋ تەلەگرامماسىن جولدادى

لي كىچياڭ نيدەرلاندتىڭ باس ءۋازىرى ريۋتپەن ءوزارا قۇتتىقتاۋ تەلەگرامماسىن جولدادى

2022.05.19 16:34 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　شينحۋا اگەنتتىگى، 5 - ايدىڭ 18 - كۇنى، بەيجيڭ. 5 - ايدىڭ 18 - كۇنى مەملەكەت ءتوراعاسى شي جينپيڭ نيدەرلاندتىڭ پاتشاسى ۆيلليام الەكساندرمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ باس ەلشى دارەجەلى ديپلوماتيالىق قاتىناس ورناتقانىنىڭ 50 جىلدىعىن قۇتتىقتادى.

　　شي جينپيڭ بىلاي دەپ اتاپ كورسەتتى: جۇڭگو مەن نيدەرلاند ديپلوماتيالىق قاتىناس ورناتقاننان بەرى ەكى جاقتىڭ بىرگە قۇلشىنۋىندا، ەكى ەل قاتىناسى ۇزدىكسىز دامىپ، ءار سالاداعى سەلبەستىكتە سۇبەلى تابىستارعا قول جەتكىزىلدى. 2014 - جىلى مەن ۆيلليام الەكساندر پاتشامەن بىرگە جۇڭگو - نيدەرلاند قاتىناسىن اشىق، ناقتى جالپى بەتتىك سەلبەستىك سەرىكتەستىك قاتىناس دەڭگەيىنە كوتەردىم، نيدەرلاندتىڭ جۇڭگو - ەۆروپا سەلبەستىگىندەگى «قاقپا» رولى اناعۇرلىم كورنەكتىلەندى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن جۇڭگو مەن نيدەرلاند ءوزارا قولداۋ كورسەتىپ، ەكى ەل حالىقتارىنىڭ تەرەڭ دوستىعىن ايگىلەدى. مەن جۇڭگو - نيدەرلاند قاتىناسىنىڭ دامۋىنا ايرىقشا ءمان بەرەمىن، ۆيلليام الەكساندر پاتشامەن بىرگە قۇلشىنىپ، جۇڭگو - نيدەرلاند قاتىناسىنىڭ باياندى، اقاۋسىز، ورنىقتى دامۋىن ىلگەرىلەتىپ، ەكى ەلگە جانە ەكى ەل حالىقتارىنا باقىت جاراتۋعا پەيىلمىن.

　　ۆيلليام الەكساندر مىنانى ءبىلدىردى: 50 جىلدان بەرى ەكى ەل قاتىناسى قارىشتاپ دامىپ، ەكونوميكا - ساۋدا، گۋمانيتارلىق سياقتى سالالارداعى اۋىس - كۇيىس جاندانا ءتۇستى. ەكى جاقتىڭ ورتاق قۇلشىنۋىندا نيدەرلاند پەن جۇڭگونىڭ كورنەكتى ءارى تابىستى قاتىناسى ونان ارى بەكەمدەلە تۇسەتىنىنە جانە داميتىنىنا سەنەمىن.

　　وسى كۇنى مەملەكەتتىك كەڭەستىڭ زۇڭليى لي كىچياڭ نيدەرلاندتىڭ باس ءۋازىرى ريۋتپەن ءوزارا قۇتتىقتاۋ تەلەگرامماسىن جولدادى. لي كىچياڭ مىنانى ءبىلدىردى: جۇڭگو نيدەرلاندپەن ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن قۇتتىقتاۋدى وراي ەتىپ، ءار سالاداعى اۋىس – كۇيىستى ونان ارى كۇشەيتىپ، ءوزارا ءتيىمدى سەلبەستىكتى كەڭەيتىپ، جۇڭگو – نيدەرلاند قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋگە پەيىل. ريۋت مىنانى ءبىلدىردى: نيدەرلاند پەن جۇڭگو ديپلوماتيالىق قاتىناس ورناتقاننان بەرى ەكى ەل قاتىناسى باياندى دامىدى. ەكى جاقتىڭ سەلبەستىكتى تەرەڭدەتىپ، ەكونوميكانىڭ قالپىنا كەلۋىن بىرگە جەبەپ، كليمات وزگەرىسىنە توتەپ بەرۋىن ءۇمىت ەتەمىن.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

وقىرمان نازارىنا

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved