ۋقالاۋ بارىسىندا مويىنداعى جۇلىن زاتى جارالانعاندىقتان، دەنە ۋقالاتۋعا كەلگەن ادامنىڭ اياق – قولى سالدانىپ قالعان
شينجياڭ سانجىدا اياق جۋۋ دۇكەنىنىڭ يەسى 900 مىڭ يۋان تولەم تولەۋگە ۇكىم ەتىلدى
2022.05.20 13:55 كەلۋ قاينارى : حالىق تورابى
حالىق سوتى گازەتىنىڭ ءتىلشىسى ۋاڭ شۋلين، ەرىكتى ءتىلشىسى جاڭ تيڭ، جۋ جيا، ياڭ حۋان حابارلايدى. جىڭ X ۋاڭ X اشقان اياق جۋۋ دۇكەنىندە موينىن ۋقالاتقان سوڭ، باسى اينالىپ، اياق – قولى دارمەنسىزدەنگەن، وسىنىڭ سالدارىنان مۇگەدەك بولىپ قالعان. جۋىردا بۇل دەلوعا شينجياڭ ۇيعۇر اۆتونوميالى رايونى سانجى قالالىق حالىق سوتى سوت اشىپ، ايىپكەر ۋاڭ X تى جىڭ X كە 900 مىڭ يۋان تولەم بەرۋگە ۇكىم ەتكەن.
2020 – جىلى 6 – ايدا، تالاپكەر جىڭ X ايىپكەر ۋاڭ X تىڭ اياق جۋۋ دۇكەنىندە موينىن ۋقالاتقان سوڭ، باسى اينالىپ، اياق – قولى جانسىزدانعان. ۋاڭ X 120 عا تەلەفون سوعىپ، جىڭ X تى سانجى قالاسىنداعى X ەمحاناسىنا جەتكىزگەن، العاشقى قادامداعى تەكسەرۋ بارىسىندا، شيپاگەر ونىڭ جۇلىن اق زاتى زاقىمدالعان دەپ دياگنوز قويىپ، باسقا ەمحاناعا جوتكەپ ەمدەۋ جونىندە ۇسىنىس بەرگەن. جىڭ X وسىدان سوڭ X ەمحانادا 28 كۇن ەمدەلگەن، ەمحانادان شىققان كەزدە مىناداي دياگنوز قويىلعان: مويىنداعى جۇلىن اق زاتى زاقىمدالعان، ەكى اياعى سالدانعان، ومىرتقا ءسىڭىرى سۇيەككە اينالعان، ومىرتقا وزەگى تارايعان، باكتەريا قانعا وتكەن. 2020 – جىلى 7 – ايدا، جىڭ X ىلگەرىندى – كەيىندى ەكى رەت شينجياڭداعى باسقا ءبىر ەمحاناعا جاتىپ، جيىنى 90 كۇن ەمدەلگەن. ەمحانادان شىققان سوڭ، جۇڭگوشا شيپاگەرگە كورىنگەندە، سولما اۋرۋى، السىزدىك جانە قان ۇيۋ اۋرۋى دەپ دياگنوز قويعان؛ ەمحانادان شىققان سوڭ، باتىسشا شيپاگەرگە كورىنگەندە، ەكى اياعى جوعارى تۇستان سالدانعان، ومىرتقا وزەگىنىڭ قىسىمىن ازيتۋ وپەراتسياسىنان كەيىنگى جاعداي، ومىرتقا ىشىندە ورنىقتىرۋ وپەراتسياسىنان كەيىنگى جاعداي دەپ دياگنوز قويعان.
2020 – جىلى 11 – ايدا، X ءادىليالىق ساراپتاۋ باسقارماسى مىناداي ساراپتاما جاساعان: ۋاڭ X جىڭ X تى ۋقالاۋ بارىسىندا، ۋقالاۋشى اباي بولۋ، كوڭىل ءبولۋ مىندەتىن تولىق اتقارماعان، ۋقالاۋ ءتاسىلى جۇيەلى بولماعاندىقتان، ناۋقاستىڭ مويىنىنداعى جۇلىن اق زاتىن زاقىمداپ، ناۋقاستىڭ ەكى اياعى جوعارى جاعىنان سالدانعان، موينىنداعى جۇلىن اق زاتىنىڭ زاقىمدالۋىنىڭ ۋقالاۋ ارەكەتىمەن بايلانىسى بار، زاقىمدالۋ جاعدايى باستىسى سىرتقى جاراقات سەبەبىنەن بولعان، سىرتقى جاراقاتتىڭ سەبەبى %75 دەپ مەجەلەۋگە بولادى. وپەراتسيادان سوڭ، قازىر ناۋقاستىڭ اياق – قولى سالدانعان، 5 – دارەجەلى مۇگەدەك دەپ تۇراقتاندىرۋعا بولادى.
ەكى جاق تولەم قاراجاتى جونىندە كەلىسىمگە كەلە الماعاندىقتان، جىڭ X سانجى سوتىنا شاعىم ايتىپ، ۋاڭ X تەن ءتۇرلى قاراجاتتار ءۇشىن ءبىر ميلليون 700 مىڭ يۋان تولەم الۋدى تالاپ ەتكەن.
سوت مەكەمەسى سوت اشقان سوڭ بىلاي دەپ قاراعان: بۇل دەلوداعى ىستەن تۋىلعان ازاماتتىق ىستەر داۋ – شارى ازاماتتىق زاڭناما كۇشىنە يە بولعاننان بۇرىن تۋىلعان، «ەڭ جوعارى حالىق سوتىنىڭ ‹جۇڭحۋا حالىق رەسپۋبليكاسىنىڭ› ازاماتتىق زاڭناماسىن قولدانۋداعى كۇشىنە يە بولاتىن ۋاقىت جونىندەگى ءبىرقانشا بەلگىلەمەلەرىنىڭ» 1 – تارماعىنىڭ 2 – تارماقشاسىنداعى بەلگىلەمەگە ساي، بۇل دەلودا كۇشىنەن قالدىرىلۋ الدىنداعى «جۇڭحۋا حالىق رەسپۋبليكاسىنىڭ ۇقىققا قول سۇعۋ جاۋاپكەرشىلىگى زاڭى» قولدانىلادى. ءادىليالىق ساراپتاماعا ساي، ۋقالاۋ ارەكەتى مەن مۇگەدەك بولۋ اراسىندا وبيەكتيۆ جاقتان سەبەپ – سالدارلىق قاتىناس بولعان، ايىپكەر ۋاڭ X تالاپكەر جىڭ X تىڭ باس اماندىعىنا زيان جەتكىزگەنى ءۇشىن زاڭداعى سايكەستى جاۋاپكەرشىلىكتى موينىنا الۋى كەرەك، وسى سەبەپتەن سوت مەكەمەسى ايىپكەر ۋاڭ X جىڭ X كە 900 مىڭ يۋان تولەم بەرۋى كەرەك دەگەن ۇكىم شىعارعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
