دۇنيە جۇزىلىك دەنساۋلىق ساقتاۋ ۇيىمى: كوپتەگەن ەلدەردە مايمىل شەشەك اۋرۋىنا شالدىققاندار بايقالۋى مۇمكىن
2022.05.23 16:25 كەلۋ قاينارى : حالىق تورابى
شينحۋا اگەنتتىگىنىڭ 5 - ايدىڭ 22 - كۇنى جەنەۆادان بەرگەن حابارى. دۇنيە جۇزىلىك دەنساۋلىق ساقتاۋ ۇيىمى 5 - ايدىڭ 21 - كۇنى مايمىل شەشەگى ىندەتىنىڭ كۇرت تارالۋىنان ساقتاۋ جونىندە مىناداي ەسكەرتۋ بەردى: قازىر مايمىل شەشەك ۆيرۋسى تارالماعان كوپتەگەن مەملەكەتتەردەن ىندەتكە شالدىققاندار بايقالدى، بولاشاقتا وسى مەملەكەتتەردەن جانە باسقا ەلدەردەن ءتىپتى دە كوپ ناۋقاس بايقالىپ، مايمىل شەشەك ۆيرۋسى ونان ارى تارالۋى مۇمكىن.
دۇنيە جۇزىلىك دەنساۋلىق ساقتاۋ ۇيىمىنىڭ 5 - ايدىڭ 21 - كۇنگى ساندى مالىمەتىندە كورسەتىلۋىنشە، 5 – ايدىڭ 13 – كۇنىنەن بەرى دۇنيە جۇزىلىك دەنساۋلىق ساقتاۋ ۇيىمىنىڭ ءۇش رايونداعى ءىس باسقارماسىنداعى مايمىل شەشەك ۆيرۋسى تارالماعان 12 مەملەكەتتەن 92 ادامنىڭ ىندەتكە شالدىققانى تۇراقتاندى جانە 28 كۇدىكتى ناۋقاس بايقالدى، قازىرگە دەيىن وسى اۋرۋدان ولگەن ناۋقاس بايقالماعان. مۇنىڭ ىشىندە دياگنوزى تۇراقتانعاندار مەن كۇدىكتى اۋرۋلار نەگىزىنەن ۇلى بريتانيادان، يسپانيادان جانە پورتۋگاليادان كەلگەن، قالعاندارى اۆستراليا، بەلگيا، كانادا، فرانسيا، گەرمانيا، يتاليا، گوللانديا، شۆەتسيا جانە ا ق ش - تان بايقالعان.
دۇنيە جۇزىلىك دەنساۋلىق ساقتاۋ ۇيىمىنىڭ ايتۋىنشا، بۇل ناۋقاستار مايمىل شەشەگى تارالعان وڭىرلەرگە ساياحاتتاي بارماعان، ونىڭ ۇستىنە، باستىسى ‐ءبىراق شەكتەلىپ قالمايدى ‐ ەر جىنىستاس بايلانىس جاساۋشىلاردان بايقالعان. قازىرگە دەيىن PCR ارقىلى ۇلگى تۇراقتاندىرىلعان ناۋقاستاردىڭ جۇقتىرعان ۆيرۋسى باتىس افريكانىڭ بىرتىندەپ دامىعان تارماعى ەكەن. پورتۋگاليادان دياگنوز قويىلعان ءسۇرتىپ الىنعان ۇلگى گەن گرۋپپاسىنىڭ رەتى قازىرگى اۋرۋ جاعدايىن تۋدىراتىن مايمىل شەشەك ۆيرۋسى 2018 ـ جىلى جانە 2019 ـ جىلى نيگەريادان ۇلى بريتانياعا، يزرايل مەن سينگاپورعا تارالعان ناۋقاستارمەن تىعىز سايكەسەتىندىگىن كورسەتتى.
دۇنيە جۇزىلىك دەنساۋلىق ساقتاۋ ۇيىمىنىڭ مەجەلەۋىنشە، باقىلاۋدىڭ كەڭەيۋىنە بايلانىستى، بولاشاقتا ىندەت بايقالعان ەلدەر مەن باسقا ەلدەردەن ءتىپتى دە كوپ ناۋقاس بايقالۋى مۇمكىن. كەزەكتە توتەپ بەرۋدىڭ ءتۇيىنى مايمىل شەشەگىن وڭاي جۇقتىراتىن ادامدارعا دۇرىس ينفورماتسيا جەتكىزىپ، ونان ارى تارالۋىن توسۋ بولىپ تابىلادى. دالەلدەردىڭ كورسەتۋىنشە، جۇعىمدالۋ قاتەرى ەڭ جوعارى بولاتىندار مايمىل شەشەگى بار ناۋقاستاردا اۋرۋ بەلگىسى بايقالعاننان كەيىن ولارمەن تىعىز جاناسقان ادامدار.
مايمىل شەشەك اۋرۋى باتىس افريكا مەن ورتا افريكا وڭىرلەرىندە كوپ تۋىلادى، ال، قازىر كوپتەگەن ەلدەر مالىمدەگەن دياگنوزى تۇراقتانعاندار مەن كۇماندى ناۋقاستاردىڭ ەشقايسىسى مايمىل شەشەگى تارالعان وڭىرگە ساياحاتتاماعان، بۇل قالىپسىز جاعداي. سوندىقتان، دۇنيە جۇزىلىك دەنساۋلىق ساقتاۋ ۇيىمى بىلاي دەپ قارايدى: مايمىل شەشەگى جونىندەگى تانىمدى جوعارىلاتۋ جانە جان - جاقتى شارالار قولدانۋ، ناۋقاستى دەر كەزىندە بايقاۋ جانە اۋاشالاۋ، جاناسۋشىلاردىڭ سوڭىنا ءتۇسۋ، قولداۋ سيپاتىنداعى كۇتىمدەۋ سياقتىلاردى قولدانىپ ىشكەرىلەي تارالۋىن تىزگىندەۋ كەرەك.
دۇنيە جۇزىلىك دەنساۋلىق ساقتاۋ ۇيىمى بىلاي دەپ ۇندەۋ شىعاردى: ءار ەل ناۋقاستاردا بەي تيپتىك تەرى بورتپەسىنە قاتىستى سيگنالداردىڭ پايدا بولعان - بولماعاندىعىنان قىراعى بولۋ كەرەك، مۇنداي تەرى بورتپەسى رەتى بويىنشا داقتى بورتكەن، سارى بورتكەن، سۋلى بورتكەن، ءىرىڭدى بورتكەن، قابىرشاقتانۋ سياقتى بولىپ بەينەلەنەدى، سونداي - اق قىزۋ ورلەۋ، ليمفا ءتۇيىنىنىڭ ءىسىنۋى، اۋىرۋى جانە بۇلشىق ەتتىڭ اشىپ اۋىرۋى قاتارلىلار قوسانجارلانۋى مۇمكىن. ناۋقاس الەۋمەتتىك اۋماق جانە ەمدەۋ، دەنساۋلىق ساقتاۋ قۇرىلىمدارىنا بارىپ ەمدەلۋى مۇمكىن، دەنساۋلىق ساقتاۋ قۇرىلىمدارى، قىزۋ امبالاتورياسى، جۇقپالى اۋرۋلار ءبولىمى، تۋىت ءبولىمى، نەسەپ جولى ءبولىمى، شۇعىل ەمدەۋ ءبولىمى جانە تەرى ءبولىمى سياقتىلاردى قامتيدى، ساقتانۋ تانىمىن جوعارىلاتۋ جالعاستى تۋىلاتىن ناۋقاستاردى پارىقتاۋدا جانە ودان ساقتانۋدا جانە كەزەكتەگى ىندەتتە ءونىمدى باسقارۋدا توتەنشە ماڭىزدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
