ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «پىكىر» باسىپ تاراتتى
مەملەكەتتىڭ مادەنيەتتى سيفرلاندىرۋ ستراتەگياسىن اتقارۋ ىلگەرىلەتىلەدى
2022.05.23 17:15 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 22 - كۇنى، بەيجيڭ. ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى تاياۋدا «مەملەكەتتىڭ مادەنيەتتى سيفرلاندىرۋ ستراتەگياسىن اتقارۋدى ىلگەرىلەتۋ جونىندەگى پىكىردى» (تومەندە قىسقاشا «پىكىر» دەلىنەدى) باسىپ تاراتتى ءارى ۇقتىرۋ شىعارىپ، وڭىرلەردىڭ، تاراۋلاردىڭ امالياتپەن ۇشتاستىرا وتىرىپ مۇقيات دايەكتى تياناقتاندىرۋىن تالاپ ەتتى.
«پىكىردە» مىنالار ايقىن بەلگىلەندى: «14 – بەسجىلدىق» جوبا مەزگىلىنىڭ سوڭىنا دەيىن، مادەنيەتتى سيفرلاندىرۋ نەگىزدىك قۇرىلعىلارى مەن قىزمەت وتەۋ تۇعىرىن نەگىزىنەن قۇرىپ، جەلى ءىشى - سىرتى ءوزارا توعىسقان، سترەولدى قامتىعان مادەنيەتتىك قىزمەت وتەۋمەن قامداۋ جۇيەسىن قالىپتاستىرۋ كەرەك. 2035 - جىلعا بارعاندا فيزيكالىق تارالۋ، لوگيكالىق بايلانىس، تەز جالعاۋ، جوعارى ءونىمدى ىزدەۋ، جان - جاقتى ورتاق يگىلىكتەنۋ، ءتۇيىندى شوعىرلانۋ ەرەكشەلىگىنە يە مەملەكەتتىڭ مادەنيەت ءىرى ساندى مالىمەت جۇيەسىن قۇرىپ، جۇڭحۋا مادەنيەتىن جالپى بەتتىك ايگىلەپ، جۇڭحۋا مادەنيەتىن سيفرلاندىرۋ جەتىستىكتەرىنەن جالپى حالىقتى ورتاق يگىلىكتەندىرۋ كەرەك.
«پىكىردە» 8 ءتۇرلى ءتۇيىندى مىندەت ورتاعا قويىلدى. ءبىرىنشى، مادەنيەت سالاسىندا قۇرىلعان نەمەسە سالىنىپ جاتقان سيفرلاندىرۋ ينجەنەرياسى مەن ساندى مالىمەت قامباسىنان قالىپتاسقان جەتىستىكتەردەن ءبىر تۇتاس پايدالانىپ، جۇڭحۋا مادەنيەتىنىڭ ساندى مالىمەت قامباسىن قالىپتاستىرۋ كەرەك. ەكىنشى، مادەنيەتتى سيفرلاندىرۋ نەگىزدىك قۇرىلعىلارىن بەكەمدەپ، قازىرگى سىمدى تەلەۆيزيا توراپ قۇرىلعىلارىنا، راديو - تەلەۆيزيا 5G تورابىنا جانە ءوزارا بايلانىس تۇعىرىنا سۇيەنىپ، مەملەكەتتىك مادەنيەت ارناۋلى تورابىن قالىپتاستىرۋ كەرەك. ءۇشىنشى، كوپ نەگىزدى تۇلعالاردى مەملەكەتتىڭ مادەنيەت ارناۋلى تورابىنا سۇيەنىپ، مادەنيەت ساندى مالىمەتىنە قىزمەت وتەۋ تۇعىرىن بىرگە قۇرۋعا شابىتتاندىرۋ كەرەك. ءتورتىنشى، ءتۇرلى مادەنيەت قۇرىلىمدارىنىڭ مەملەكەتتىڭ مادەنيەت ارناۋلى تورابىنا كىرۋىنە دەم بەرىپ جانە قولداۋ كورسەتىپ، مادەنيەت ساندى مالىمەتىنە قىزمەت وتەۋ تۇعىرىنان پايدالانىپ، سيفرلانۋدىڭ تيپتە بۇرىلىس جاساپ، دارەجەسىن جوعارىلاتۋدىڭ ءونىمدى جولىن قاراستىرۋ كەرەك. بەسىنشى، سيفرلانعان مادەنيەت تۇتىنۋىنىڭ جاڭا جاعدايىن دامىتىپ، جەلى ءىشى - سىرتى ءبىر تۇلعالانعان، جەلى ءىشى مەن ناق مايدان ءوزارا ۇشتاسقان سيفرلانعان مادەنيەتتى تىڭنان سەزىندىرۋ ءىسىن كۇش سالا دامىتۋ كەرەك. التىنشى، مەملەكەتتىڭ مادەنيەت ءىرى ساندى مالىمەت جۇيەسى، مەملەكەتتىڭ زەردەلى كىتاپحانا جۇيەسى جانە الەۋمەتتىك مادەنيەت بۇلتى قۇرىلىسىن ءبىر تۇتاس ىلگەرىلەتىپ، الەۋمەتتىك مادەنيەتتىڭ سيفرلى مازمۇنمەن قامداۋ قۋاتىن كۇشەيتىپ، الەۋمەتتىك مادەنيەتكە قىزمەت وتەۋدىڭ سيفرلانۋ دەڭگەيىن جوعارىلاتۋ كەرەك. جەتىنشى، مادەنيەت كاسىبىنىڭ سيفرلانۋىن، ورنالاسۋىن جەدەلدەتىپ، مادەنيەت ساندى مالىمەتتەرىن جيناۋ، وڭدەۋ، ساۋدالاۋ، تاراتۋ، كورسەتۋ سياقتى سالالاردا ءبىر توپ جاڭاشا مادەنيەت كاسىپورىندارىن جەتىلدىرىپ، مادەنيەت كاسىبىن سيفرلاندىرۋ قۇرىلىسىنا جەتەكشىلىك ەتۋ كەرەك. سەگىزىنشى، مادەنيەتتى سيفرلاندىرىپ جونگە سالۋ جۇيەسىن ورناتىپ، مادەنيەت بازارىنىڭ جالپىلىق زاڭ اتقارۋ ءتۇزىلىسىن كەمەلدەندىرىپ، مادەنيەت ساندى مالىمەت فاكتورلارى بازارى ساۋداسىن باقىلاۋ - باسقارۋدى كۇشەيتۋ كەرەك.
«پىكىردە» مىنالار تالاپ ەتىلدى: ساندى مالىمەتتەردى جيناۋ، وڭدەۋ، ساۋدالاۋ، تاراتۋ، جەتكىزۋ، ساقتاۋ جانە ساندى مالىمەتتەردى جونگە سالۋ سياقتى بۋىنداردا مادەنيەت ساندى مالىمەتتەرىنىڭ حاۋىپسىزدىك ولشەمىن بەلگىلەپ، جۇڭحۋا مادەنيەتى ساندى مالىمەت قامباسىنىڭ ساندى مالىمەتتەرىن قامباعا كىرگىزۋ ولشەمىن كۇشەيتىپ، مادەنيەت ساندى مالىمەتتەرىنىڭ حاۋىپسىزدىگىن باقىلاۋ - باسقارۋدىڭ كەمەلدى جۇيەسىن ورناتىپ، مادەنيەت بايلىعى ساندى مالىمەتى مەن مادەنيەت سيفرلى مازمۇندارىنىڭ مال - مۇلىك ۇقىعىن قورعاۋ شارالارىن كەمەلدەندىرۋ كەرەك. مادەنيەتتى سيفرلاندىرۋ قۇرىلىسىنىڭ ولشەمىن زەرتتەپ جاساۋدى جەدەلدەتىپ، مادەنيەت بايلىعى ساندى مالىمەتىنەن ورتاق يگىلىكتەنۋدىڭ قوزعاۋشى كۇش مەحانيزمىن اقاۋسىزداندىرىپ، مادەنيەتتى سيفرلاندىرۋ قۇرىلىسىن سۇيەمەلدەيتىن شارۋاشىلىق ساياساتىن زەرتتەپ جاساپ، قازىنالىق قولداۋ ساياساتىن تياناقتاندىرىپ جانە كەمەلدەندىرىپ، مادەنيەتتى سيفرلاندىرۋ قۇرىلىسى سالاسىندا مەملەكەتتىڭ تەحنيكادا جاڭالىق جاراتۋ ورتالىعى، مەملەكەتتىڭ ءتۇيىندى تاجىريبەحاناسى سياقتى مەملەكەتتىك عىلىم - تەحنيكادا جاڭالىق جاراتۋ بازالارىن ورنالاستىرىپ، عىلىم - تەحنيكادا جاڭالىق جاراتۋ سيپاتىنا ۇيلەسەتىن سيفرلانعان مادەنيەت كاسىپورىندارىنىڭ عىلىم - تەحنيكادا جاڭالىق جاراتۋ جۇيەسىندە بازارعا شىعىپ قارجى قۇراۋىنا قولداۋ كورسەتىپ، مادەنيەتتى سيفرلاندىرۋعا قاتىستى عىلىم - تەحنيكا كاسىبى قۇرىلىسىن ىلگەرىلەتىپ، ءوندىرىس پەن وقىتۋدى توعىستىرۋ تۇعىرىنان ويداعىداي پايدالانۋ كەرەك.
«پىكىردە» بىلاي دەپ دارىپتەلدى: جەر - جەر مەملەكەتتىڭ مادەنيەتتى سيفرلاندىرۋ ستراتەگياسىن اتقارۋدى ىلگەرىلەتۋدى ماڭىزدى كەڭەستىك كۇن تارتىپكە ەنگىزىپ، ناقتى اتقارۋ جوباسىن جەرگىلىكتى جاعدايعا قاراي جاساۋى، قاتىستى تاراۋلار ساياسات - شارالاردى ناقتىلاندىرۋى كەرەك. جەر - جەر، قاتىستى تاراۋلار «پىكىردىڭ» اتقارىلۋ جاعدايىنا وكشەلەي تالداۋ جاساۋدى جانە سايكەستى جەتەكشىلىك ەتۋدى كۇشەيتىپ، ونىمدىلىكتى باعالاۋعا ءمان بەرۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
