مەملەكەت بويىنشا قىستاق «ەكى كوميتەتتەرىنىڭ» كەزەك الماستىرۋ قىزمەتى ورىندالىپ بولدى (100 جىلدىق كۇرەس جولىندا جاڭا جورىق باستاۋ − پارتيا تۋى نەگىزگى ساتىنىڭ ءبىرىنشى شەبىندە جەلبىرەيدى)
491 مىڭ قىستاق كۇش سالىپ، اۋىل - قىستاقتى گۇلدەندىرۋدى جاپپاي ىلگەرىلەتتى
2022.05.23 17:17 كەلۋ قاينارى : حالىق تورابى
«حالىق گازەتى»، 5 - ايدىڭ 22 - كۇنى، بەيجيڭ (تىلشىلەر ليۋ ۋەيتاۋ، جاڭ ياڭ، جاۋ بيڭ). شاندۇڭ ولكەسى چىڭ – ۋ اۋدانى ۋىنشاڭجي قالاشىعى چىنجۋلوۋ قىستاعىنداعى تۇرعىندار ۋاقىت تەز ءوتىپ جاتقانداي سەزىندى: قىستاقتىڭ جاڭا باسشىلىق القاسى مىندەتكە وتىرعانىنا 2 اي بولدى، سۋ ىعىستىرۋ ارناسى اشىلدى، ءوندىرىس جولى كەڭەيدى، سۋ تازارتقىش ورناتىلدى، مادەنيەت الاڭى جاڭادان سالىندى ... «حالىق تۇرمىسىنا قاتىستى 10 ناقتى ءىستىڭ» بارلىعى جۇرتتىڭ كوڭىلىنەن شىقتى. قىستاق پارتيا ياچەيكاسى سەلبەستىك كووپەراتيۆىن باستاپ ورگانيكالىق كوكونىس ەكتى، جىم - جىرت شاعىن قىستاق اتتانىسقا كەلىپ، اۋىل - قىستاقتى جونگە سالۋدىڭ جاندى كارتيناسى كەستەلەندى.
ج ك پ ورتالىق كوميتەتىنىڭ ۇيىمداستىرۋ بولىمىنەن ۇعىسۋىمىزشا، 2020 - جىلى 10 - ايدان باستاپ بۇكىل ەلدەگى قىستاق «ەكى كوميتەتتەرىنىڭ» كەزەك اۋىستىرۋ قىزمەتى تولىق ورىندالىپ، 491 مىڭ قىستاقتىڭ باسشىلىق القاسى جاڭالانىپ بولعان. بۇل قىستاق «ەكى كوميتەتىنىڭ» مىندەت وتەۋ مەرزىمى 3 جىلدان 5 جىلعا وزگەرتىلىپ، 31 ولكە، اۆتونوميالى رايون، توتە قاراستى قالا جانە شينجياڭ ءوندىرىس - قۇرىلىس بيڭتۋانى شوعىرلى جۇرگىزىپ، اۋدان، اۋىلداردىڭ كەزەك اۋىستىرۋىمەن بىرگە ورىستەتىلگەن تۇڭعىش رەتكى كەزەك اۋىستىرۋ بولدى.
كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزۋدىڭ، اۋىل - قىستاقتى گۇلدەندىرۋدى ۇزدىكسىز ىلگەرىلەتۋدىڭ شەشۋشى ساتىندە وسى رەتكى كەزەك اۋىستىرۋدا جاڭا بەينە جارىققا شىقتى. جەر - جەردەگى قىستاق باسشىلىق القالارى العاشقى ىستەردى ويداعىداي ىستەپ، مىندەت اتقارۋدىڭ ءبىرىنشى شايقاسىن ويداعىداي جۇرگىزىپ، اۋىل - قىستاقتى گۇلدەندىرۋدى جاپپاي ىلگەرىلەتۋگە كۇش سالدى. ولار بارلىق وتباسىن تۇگەل ارالاپ، سۇرانىستى ءداپ باسىپ تاۋىپ، دۇرىس ءادىس - امال قاراستىرىپ، جول جاساپ، كوپىر سالىپ، داۋ - شاردى شەشىپ، حالىقتى اۋقاتتاندىرۋ نىسانىن باستادى ... اۋىل - قىستاقتا ءىس تىندىرۋ ورلەۋى كوتەرىلىپ، بارلىق جەردە دۋماندى دامۋ جاعدايى جارىققا شىقتى.
جاقسى ىستەۋ ءۇشىن، ەڭ اۋەلى، جاقسى تاڭداۋ كەرەك. وسى رەتكى كەزەك اۋىستىرۋدا دامۋدى تۇسىنەتىن، جونگە سالۋعا شەبەر، ىسكەر، بۇقارا مويىندايتىن ءبىر توپ تاڭداۋلى ادام قىستاق «ەكى كوميتەتىنىڭ» مۇشەلەرىنە اينالدى، قىستاق باسشىلىق القاسى قۇرىلىمى، اسىرەسە، باستاماشى قوسىن جالپى تۇلعالىق جاقتان ساپالىلاندى. قىستاق «ەكى كوميتەتى» مۇشەلەرىنىڭ ورتا مەكتەپتەن (ورتا تەحنيكۋم) جوعارى ماعلۇماتى بارلارى %74 تى ۇستاپ، 16.7 پايىز جوعارىلادى، قىستاق پارتيا ۇيىمى شۋجيلەرىنىڭ جوعارى تەحنيكۋمنان جوعارى ماعلۇماتى بارلارى %46.4 تى ۇستاپ، 19.9 پايىز جوعارىلادى؛ قىستاق پارتيا ۇيىمى شۋجيلەرىنىڭ بايۋعا جەتەكشىلىك ەتۋ قابىلەتى ءبىرشاما كۇشتىلەرى %73.6 تى ۇستاپ، 23.6 پايىز جوعارىلادى؛ قىستاق «ەكى كوميتەتى» مۇشەلەرىنىڭ ورتاشا جاسى 42.5 جاس بولىپ، 5.9 جاس تومەندەدى، قىستاق پارتيا ۇيىمى شۋجيلەرىنىڭ ورتاشا جاسى 45.4 جاس بولىپ، 3.9 جاس تومەندەدى.
جەر - جەر قاتاڭ ۇيىمداستىرىپ، كەزەك اۋىستىرۋدى پارتيا باسشىلىعىن اۋىل - قىستاق نەگىزگى ساتىلارىندا جاپپاي كۇشەيتۋ جانە بۇقارا ءۇشىن ناقتى ىستەر ىستەپ، قيىن ماسەلەلەردى شەشۋ بارىسىنا اينالدىرىپ، تىنىش، ىنتىماقتى تاماشا جاعداي جاراتتى. كەزەك اۋىستىرۋدان بۇرىن بۇكىل ەل بويىنشا «ءۇشتى الدىمەن ىستەۋگە» جاپپاي ورنالاستىرۋ جاسالىپ، رەتتەۋ، اتتانىسقا كەلتىرۋ جاپپاي جۇرگىزىلىپ، 36 مىڭ ءالسىز، بىتىراڭقى قىستاق پارتيا ۇيىمى شوعىرلى رەتكە سالىنىپ، بۇقارانىڭ ءبىر توپ شۇعىل، قيىن، ۋايىمداعان، ءزارۋ ماسەلەسى شەشىلدى. سايلاۋدا پارتيا مۇشەلەرىنىڭ، بۇقارانىڭ سايلاۋعا قاتىناسۋ شاماسى جەكە - جەكە %92.7 كە، %90.2 كە جەتتى، قىستاق پارتيا ۇيىمدارىنىڭ، قىستاق تۇرعىندار كوميتەتىنىڭ ءبىر رەتتىك سايلاۋىنىڭ ءساتتى بولۋ شاماسى جەكە - جەكە %99.7 كە، %98.3 كە جەتتى؛ قىستاق پارتيا ۇيىمى شۋجيلەرىنىڭ، قىستاق تۇرعىندار كوميتەتى مەڭگەرۋشىلەرىنىڭ «ءبىر جاعادان باس، ءبىر جەڭنەن قول شىعارۋ» شاماسى %95.6 كە جەتىپ، كەزەك اۋىستىرۋدىڭ العى شارتىنان 29.5 پايىز جوعارى بولدى. سونىمەن بىرگە، جەر – جەردىڭ كەزەك الماستىرۋعا ساياتىن تارتىپكە، زاڭعا قايشى دەلولاردى تەكسەرىپ ءبىر جاقتى ەتۋى الدىڭعى رەتكى كەزەك الماستىرۋداعىدان %65.4 تومەندەدى، تاپسىرىپ الىنعان ارىز – شاعىم سانى %62.1 تومەندەدى.
كادر – جۇرتشىلىق جاپپاي مىنانى اڭىس ەتتى: وسى رەتكى كەزەك اۋىستىرۋدىڭ تالابى قاتاڭ، تەبىنى زور، سالتى دۇرىس، ونىمدىلىگى جاقسى بولىپ، پارتيانى جاپپاي قاتاڭ جونگە سالۋدىڭ تاريحي سيپاتىن، جاسامپازدىق تابىستارىن تولىق ايگىلەپ، اۋىل - قىستاقتى گۇلدەندىرۋدى جاپپاي ىلگەرىلەتۋگە پارمەندى ۇيىمدىق كەپىلدىك ازىرلەدى.
قازىر قالىڭ اۋىل - قىستاق رايوندارىندا جاڭا القالاردىڭ كۇش - قۋاتى تاسقىنداپ، پارتيا مۇشەلەرى مەن بۇقارانىڭ جىگەرى تاسقىنداپ، كادر - جۇرتشىلىق ءبىر نيەتتە بولىپ، جۇمىلا ىستەپ، استىق حاۋىپسىزدىگىن قامتاماسىزداندىرۋ، اۋىل - قىستاقتى گۇلدەندىرۋدى جاپپاي ىلگەرىلەتۋ سياقتى كەلەلى مىندەتتەردىڭ ءبىرىنشى شەبىندە شايقاس جاساپ، كوكىرەك تولى اسقاق سەزىممەن وسىزاماندانۋعا بەت الىپ، بارعان سايىن العا ۇمتىلۋدا.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
