بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

عارىش ىستەرىندەگى قۇدىرەتتى ەل قۇرۋدا نىق قادام تاستالدى (جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسۋ — ۇلى وزگەرىس)

«حالىق گازەتىنىڭ» ءتىلشىسى فىڭ حۋا 

2022.05.23 17:20     كەلۋ قاينارى : حالىق تورابى

  باس شۋجي شي جينپيڭ: «ۇشى - قيىرسىز الەمگە ىزدەنىس جاساۋ، عارىش ىستەرىن دامىتۋ، عارىش ىستەرىندەگى قۇدىرەتتى ەل قۇرۋ − ءبىزدىڭ تىنباي تالپىناتىن عارىش ارمانىمىز»، «بۇكىل ەل بولىپ جۇمىلۋ سىندى جاڭاشا ءتۇزىلىس ابزالدىعىن ۇزدىكسىز ساۋلەلەندىرىپ، دەربەس جاڭالىق اشۋ قىزمەتىنىڭ سەرپىنىن ارتتىرىپ، ءبىر تۇتاس جوسپارلاپ، كۇش ۇستىنە كۇش قوسىپ، جۇڭگونىڭ عارىش كەڭىستىگى عىلىمىنىڭ، كەڭىستىك تەحنيكاسىنىڭ، كەڭىستىكتەن پايدالانۋدىڭ جاڭالىق اشا دامۋىن ىلگەرىلەتىپ، حالىقارالىق سەلبەستىكتى بەلسەنە ورىستەتىپ، ادامزاتتىڭ ىرىس - قۇتىن ارتتىرۋعا تىڭ دا اناعۇرلىم زور ۇلەس قوسۋ كەرەك» - دەپ اتاپ كورسەتكەن بولاتىن.

  بيىل 5 – ايدىڭ 1 - كۇنى «‹چاڭ – ى›، ‹تيانۋىن› كوپشىلىككە ‹1 – مامىر› مەرەكەسى بايلانىسىمەن سالەم جولدايدى» دەگەن حابار جۇڭگو عارىش ىستەرىنىڭ ايبىندى ساپارىن تاعى ءبىر رەت اڭعارتتى:

  تيانۋىن 1 - ءنومىرلى «اسپاندى ارالاپ، مارسقا قوندى»: وتاننان 240 ميلليون كيلومەتر قاشىقتىقتا، مارستىڭ بەتىندە 342 مارىس كۇنى قىزمەت ىستەدى، «جۋرۇڭ» اتتى مارس ماشيناسى جيىنى ءبىر مىڭ 921 مەتر جول باستى؛

  «چاڭ – ى – 4» ايدى بارلاۋ اسپابى ايعا قونىپ، وتاننان 380 مىڭ كيلومەتر قاشىقتىقتا، اي شارىندا 42 اي كۇنى قىزمەت ىستەپ، «يۇيتۋ - 2» جيىنى ءبىر مىڭ 181 مەتر جول باستى؛

  «چاڭ – ى 5 – ءنومىرلى» جەرى شارى مەن اي شارى اراسىندا 23 كۇن ارلى – بەرلى ۇشىپ، ءبىر مىڭ 731 گرام ۇلگى الىپ، وربيتادا 523 كۇن جۇمىس جۇرگىزدى.

  عارىشقا ۇشۋ ارمانى شەتىنەن ورىندالىپ، اي – جۇلدىزبەن قاۋىشتىق. جۇڭگونىڭ عارىش ىستەرىندە عارىشتا «جۇڭگوشا رومانتيكا» ارت – ارتىنان جازىلدى: «شىنجوۋ» عارىشقا ۇشتى، «چاڭ – ى» ايعا قوندى، «جەتىقاراشى» جولجەتەك جۇيەسى ىسكە قوسىلدى، «جۋرۇڭ» مارسقا قوندى، «شيحى» كۇنگە تاياپ باردى، «تيانحى» جۇلدىزداردى ارالادىۋ، «ۋ – كۇڭ»، «حۇييان» عارىشتىڭ سىرىن اشۋعا كىرىستى ... پارتيانىڭ 18 - قۇرىلتايىنان بەرى ەلىمىزدىڭ عارىش ىستەرى ۇزدىكسىز تىڭ رەكورد جاڭالاپ، عارىش عىلىم - تەحنيكاسى دەڭگەيى قارىشتاپ دامىپ، ءار رەتكى ۇشۋ ارماندارى رەالدىققا اينالدى.

  عارىش جونىندە ىزدەنىس جاساۋدا جاڭا ناتيجەگە قول جەتكىزىلىپ، كەلەلى ينجەنەريالاردا نىشاندىق تابىستار جاراتىلدى. ايدى بارلاۋ ينجەنەرياسى، گاۋفىن ارناۋلى نىسانى، جەتىقاراقشى جولجەتەگى سياقتى عارىش سالاسىنداعى مەملەكەتتىڭ كەلەلى ارناۋلى نىساندارى ىركەس - تىركەس ورىندالىپ، جۇڭگونىڭ عارىش دەڭگەيى ۇزدىكسىز جاڭالاندى. چاڭ - ى − 5 تىڭ ۇلگى الىپ قايتا ورالۋىنا ىلەسە، اي بارلاۋ ينجەنەرياسىنىڭ «اينالۋ، قونۋ، قايتۋ» سىندى 3 قادامعا ءبولىپ ءجۇرۋ ستراتەگياسى تابىسپەن ورىندالدى. اي شارىن العاش بارلاۋدان ەگجەي - تەگجەيلى بارلاۋعا دەيىن، اي بەتىندە شارلاۋ جۇرگىزۋدەن ايدىڭ ارعى بەتىنە دەيىن، الىستان اڭعارۋدان ۇلگى الىپ قايتۋعا دەيىن، اي شارىن بارلاۋداعى ءاربىر باتىل وي، ءار رەتكى ءساتتى اتقارۋ ارماننىڭ كۇشىن جاندى ءتۇسىندىردى. 2021 – جىلى 4 - ايدىڭ 29 – كۇنى جۇڭگونىڭ كەڭىستىك بەكەتى مەن وزەكتى كابيناسى وربيتاعا شىعارىلدى، بۇل جۇڭگونىڭ كەڭىستىك بەكەتى قۇرىلىسىنىڭ جاپپاي اتقارىلۋ ساتىسىنا قادام تاستاعانىنان دەرەك بەرەدى. 2021 - جىلى 6 - ايدىڭ 17 - كۇنى شىنجوۋ 12 - ءنومىرلى عارىشكەرلى الەم كەمەسى كەڭىستىككە كوتەرىلىپ، جۇڭگولىقتار تۇڭعىش رەت ءوزىنىڭ كەڭىستىك بەكەتىنە كىردى. شىنجوۋ 13 - ءنومىرلى الەم كەمەسىنىڭ مىندەتى جۇڭگو عارىشكەرلەرىنىڭ وربيتادا ءۇرتىس ۇشۋ ۋاقىتىنىڭ جاڭا رەكوردىن جاراتتى. 400 ميلليون كيلومەتردەن استام ۇشۋ بارىسى ىسكە اسىپ، ەلىمىزدىڭ مارستى بارلاۋ مىندەتى تابىستى بولدى، «اينالۋ، قونۋ، شارلاۋ» نىساناسى بىرتىندەپ جۇزەگە استى، بۇل ەلىمىزدىڭ جۇلدىزداردى بارلاۋ سالاسىندا دۇنيە ءجۇزىنىڭ الدىڭعى قاتارىنا وتكەنىن اڭعارتادى. گاۋفىن ارناۋلى نىسانىندا الىستان اڭعارۋ ساندى مالىمەتتەرىن دەربەس مەڭگەرۋ جۇزەگە اسىرىلدى، جەتىقاراقشى جولجەتەك جۇيەسى جەر شارىن حابار – بايلانىس قىزمەت وتەۋىمەن قامادى ... الەم كەڭىستىگىندەگى جۇڭگو جىلدامدىعى، جۇڭگو كەرەمەتتەرى ادامعا تەرەڭ اسەر قالدىردى.

  عارىشتان پايدالانۋدىڭ جاڭا تابىستارى ايگىلەنىپ، عارىش تەحنيكاسى تاماشا تۇرمىس جاراتتى. جۇڭگو عارىش ىستەرى جاڭالىق اشۋ ارقىلى دامۋعا دەم بەرۋدە تاباندى بولىپ، عىلىم - تەحنيكانىڭ بيىك شىڭىنا باتىلدىقپەن شىعىپ، مەملەكەتتىڭ دامۋ جالپى جاعدايىنا قىزمەت وتەۋگە جانە ادامزاتتىڭ باقىتىن ارتتىرۋعا وراسان زور ۇلەس قوستى. جۇڭگو عارىش ىستەرى كەڭىستىكتەن پايدالانۋدى دامىتۋدىڭ جەدەل ارناسىنا ءتۇسىپ، جاساندى سەرىك ارقىلى حابارلاسۋ، جاساندى سەرىك جولجەتەگى جانە جاساندى سەرىك ارقىلى الىستان اڭعارۋ مەملەكەت جوسپارى مەن حالىق تۇرمىسىنا جاپپاي قىزمەت وتەۋدى ىلگەرىلەتتى. ەلىمىزدە وربيتادا اينالىس جاساپ جاتقان جاساندى سەرىكتىڭ سانى 500 دەن اسىپ، حالىقتىق كەڭىستىك نەگىزدىك قۇرىلعىلارى ۇزدىكسىز كەمەلدەندى. مەيلى قاي جەردە تۇرساڭىز دا، «جەتىقاراقشى» سىزگە جول نۇسقايدى؛ ۇيدەن شىقپاي - اق، «فىڭيۇن» جۇيەسى ارقىلى اۋا رايىن ءبىلىپ وتىراسىز؛ شالعاي جەردە جۇرسەڭىز دە، حابار - بايلانىس جاساندى سەرىگى ءسىزدىڭ توراپقا الاڭسىز شىعۋىڭىزعا مۇمكىندىك جاراتادى. ساناققا قاراعاندا، ەلىمىزدىڭ حابارلاسۋ جاساندى سەرىگى ەل ىشىندەگى شالعاي رايوندارداعى 140 ميلليون وتباسىن تىكە تاراتىلاتىن جاساندى سەرىك تەلەۆيزياسى قىزمەت وتەۋىمەن قامدايدى ەكەن، جوعارى قارقىندى حابارلاسۋ جاساندى سەرىگى 10 مىڭ مەتردەن جوعارى كەڭىستىكتەگى 100 مەگابايتتان جوعارى ساندى مالىمەت تورابىن جۇزەگە اسىردى، حالىقتىق الىستان اڭعارۋ جاساندى سەرىگىنىڭ 2020 - جىلعى ساندى مالىمەت تاراتۋ مولشەرى 10 ميلليون كورىنىستەن استى. 2000 تۇردەن استام عارىش تەحنيكاسى جەتىستىگىن كوشىرىپ پايدالانىلىپ، زەردەلى قالا، زەردەلى ەنەرگيا، زەردەلى قۇلتەمىر سياقتى زەردەلى كاسىپتەردىڭ جەدەل دامۋىنا دەم بەرىپ، حالىقتىڭ تاماشا تۇرمىس قاجەتىن ۇزدىكسىز قاناعاتتاندىرۋدا.

  اشىق سەلبەسۋدە جاڭا جاعداي جارىققا شىعىپ، ادامزاتتىڭ تاعدىرلاس ورتاق تۇلعاسىن قۇرۋ ىلگەرىلەتىلدى. «ۇشى - قيىرسىز الەمگە ىزدەنىس جاساۋ − ادامزاتتىڭ ورتاق ارمانى، الەم كەڭىستىگىنەن بەيبىت پايدالانۋ − جۇڭگو عارىش ىستەرىنىڭ دايەكتى ماقساتى، حالىقارالىق اۋىس - كۇيىس پەن سەلبەستىك — عارىش ىزدەنىسىنىڭ دامۋ بەتالىسى». مەملەكەتتىك عارىش مەكەمەسىنىڭ باستىعى جاڭ كىجيان مىنانى ءبىلدىردى: جۇڭگو عارىش ىستەرى باستان - اياق بەيبىت پايدالانۋ، تەڭدىك، ءوزارا تيىمدىلىك، ورتاق دامۋ ۇستانىمىندا تاباندى بولىپ، 51 مەملەكەتپەن، حالىقارالىق ۇيىممەن 151 كەڭىستىك سەلبەستىك قۇجاتىنا قول قويىپ، عارىش ىستەرىنىڭ بۇكىل ادامزاتقا باقىت جاراتۋىن ىلگەرىلەتتى. مەملەكەتتىك عارىش مەكەمەسى تۇعىر قۇرىپ، دۇنيە ءجۇزىن تۇتاستىرىپ، دۇنيە جۇزىندەگى ءار ەلدىڭ عارىش قۇرىلىمدارىمەن، عارىش كاسىپورىندارىمەن، عىلمي زەرتتەۋ تاراۋلارىمەن حالىقارالىق اۋىس - كۇيىس پەن سەلبەستىكتى ورىستەتۋدى قولدادى. فىڭيۇن اۋا رايى جاساندى سەرىگى دۇنيە جۇزىندەگى 115 مەملەكەت پەن رايونعا ساندى مالىمەت جاعىنان قىزمەت وتەيدى، چاڭ – ى 4 - ءنومىرلى نيدەرلاند، گەرمانيا، شۆەتسيا، ساۋد ارابياسى سىندى 4 مەملەكەتتىڭ مىندەتىن ارقالاپ، جۇڭگو - شەتەل عالىمدارىنا ىزدەنىس جاساۋ كەڭىستىگىن، عىلمي تاجىريبە جانە تەحنيكالىق دالەلدەۋ تۇعىرىن ازىرلەپ بەرەدى. جۇڭگو بولاشاقتا قاتىستى مەملەكەتتەرمەن، حالىقارالىق ۇيىمدارمەن جانە حالىقارالىق سەلبەستىك سەرىكتەرىمەن قول ۇستاسا وتىرىپ، حالىقارالىق اي شارى عىلمي زەرتتەۋ پۋنكتى قۇرىلىسىن بىرگە ورىستەتەدى.

  بيىل 1 – ايدىڭ 28 – كۇنى «2021 - جىلعى جۇڭگونىڭ عارىش ىستەرى» اتتى اق تىستى كىتاپ جاريالانىپ، جۇڭگونىڭ عارىش ىستەرىنە جاڭا جوبا جاسالدى. 2022 – جىلى جۇڭگو كەڭىستىك بەكەتىنىڭ وربيتادا سالىنۋى تامامدالادى. ۋىنتيان، مىڭتيان تاجىريبە كابيناسى نەگىزگى تاجىريبە تەكشەسى ەتىلىپ، جىل بويى ادام ۇزىلمەيتىن كەڭىستىك بەكەتى جاپپاي قۇرىلادى.

  بولاشاق 5 – 10 جىلدا جۇڭگونىڭ شالعاي عارىشتى بارلاۋىندا اي شارىن بارلاۋ ينجەنەرياسى ءۇرتىس ىلگەرىلەتىلەدى، «چاڭ - ى 6 – ءنومىرلى»، «چاڭ - ى 7 – ءنومىرلى»، «چاڭ - ى 8 – ءنومىرلى» بارلاۋ اسپاپتارىنىڭ مىندەتتەرىنىڭ ءبارى جوسپارلانىپ بولدى، سونداي - اق پلانەتالاردى بارلاۋ ينجەنەرياسى ۇزدىكسىز اتقارىلىپ، ۇساق پلانەتالاردى بارلاۋ، ۇلگى الۋ، مارستان ۇلگى الىپ قايتۋ، ەسەكقىرعان جۇيەسىن بارلاۋ سياقتى كەلەلى ينجەنەريالىق مىندەتتەر مەن شەشۋشى تەحنيكالاردان قامال الۋ ورىستەتىلەدى.

  الەم كەڭىستىگىندە ىزدەنىس جاساۋدىڭ شەگى جوق، ارمان جولىندا ماڭگى ايالدامايمىز. جاڭا نىساناعا قۇلشىنا قادام تاستاعان جۇڭگونىڭ عارىش ىستەرىندە عارىش ىستەرىندەگى قۇدىرەتتى ەل قۇرۋدىڭ جاڭا جورىعى باستالدى، ءسوز جوق، اناعۇرلىم ايبىندى عارىش ارمانىن جۇزەگە اسىراتىن بولامىز.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار