پارتيانىڭ نۇر - شۇعىلاسىندا باقىتتى ەسەيىپ - ەرجەتتى
− شينجياڭ ءار ۇلت بالالارىنىڭ، جاستار مەن ورەندەرىنىڭ ءبىلىم الۋ ۇقىعىن شىنايى قامتاماسىز ەتتى
□ انار بۇلت \ شينجياڭ گازەتىنىڭ ءتىلشىسى جاۋ شييا
2022.05.24 14:12 كەلۋ قاينارى : شينجياڭ گازەتى
5 - ايدىڭ 19 - كۇنى تاڭعى كۇن ساۋلەسىن بەتكە الىپ، بۇزوھراگۇل قادىر بالاسىن قاشقار قالاسى نازارباق قالاشىعىنىڭ ورتالىق بالا باقشاسىنا اپارىپ، ءوزى جۇمىسىنا كەتتى.
”بالا باقشا تەگىن، ەكى ۋاق تاماق، ءبىر ۋاق ۇساق - تۇيەك تاعامدار بەرەدى، بالام بالا باقشاعا تۇسكەن 2 جىلدا ادەپ - يبانى ءبىلىپ، تازالىقتى دارىپتەيتىن بولدى، ءبىرتالاي ءبىلىم يگەردى“. ءۇيىنىڭ جانىنداعى بالا باقشا تۋرالى ايتسا، بۇزوھراگۇلدىڭ ءجۇزى قۋانىشتان بال - بۇل جاينايدى. بۇزوھراگۇل تازالىقشى بولىپ ىستەيدى، شينجياڭ اۋىل - قىستاقتا جولعا قويعان مەكتەپكە دەيىنگى 3 جىلدىق تەگىن تاربيە بۇزوھراگۇل سياقتى وتباسىلاردىڭ ەكونوميكالىق اۋىرتپالىعىن جەڭىلدەتىپ، قالىڭ ەگىنشى - مالشى بالالارىن وسى زامانعى مەكتەپكە دەيىنگى تاربيەدەن يگىلىكتەندىرىپ، مەكتەپكە دەيىنگى تاربيەدەن يگىلىكتەنۋدى جۇزەگە اسىردى.
پارتيا 18 - قۇرىلتايىنان بەرى، شينجياڭ كوپ شارانى قاتار قولدانىپ وقۋ - اعارتۋ ىستەرىن زور كۇشپەن دامىتىپ، وقۋ - اعارتۋدىڭ دامۋ جەتىستىكتەرىنەن ءار ۇلت بۇقاراسىنا اناعۇرلىم كوپ، اناعۇرلىم ءادىل پايدا جەتكىزۋدى ۇزدىكسىز جەبەدى. 2021 - جىلى شينجياڭ وقۋ جاسىنداعى بالالاردىڭ جانە جاستار مەن ورەندەردىڭ وقۋعا ءتۇسۋىن جاپپاي قامتۋدى، مەملەكەتتە ءبىر تۇتاس قولدانىلاتىن ءتىل - جازۋ تاربيەسىن جاپپاي قامتۋدى جۇزەگە اسىرىپ، بۇكىل ءوڭىر مەملەكەتتىڭ مىندەتتى وقۋ - اعارتۋدىڭ نەگىزىنەن بىركەلكىلىگىن باعالاۋىنان، تانۋىنان ءوتتى، مەكتەپكە دەيىنگى تاربيە بويىنشا بالا باقشاعا ءتۇسۋدىڭ جالپى مولشەرى، 9 جىلدىق مىندەتتى وقۋ - اعارتۋدىڭ بەكەمدەلۋ مولشەرى، ورتا مەكتەپ ساتىسىنداعى وقۋعا ءتۇسۋدىڭ جالپى مولشەرى جەكە - جەكە ％19. 98كە، ％69. 95كە، ％87. 98كە جەتتى.
وقۋعا تۇسۋگە تيىستىلەر مۇمكىندىگىنشە وقۋعا تۇسەدى، جاقسى مەكتەپ ۇيدىڭ جانىندا
كەريا اۋدانى ءداريابويى اۋىلىنىڭ باستاۋىش مەكتەپ اۋلاسىنان جالىندى لەپ ەسەدى. ساباقتان شىعۋ قوڭىراۋى شالىنىسىمەن بالالار ۇشتەن، بەستەن توپتاسا جۇگىرىپ، الاڭعا، ۇستەل دوپ تاقتايىنىڭ جانىنا بارىپ، قۇمارلارىنان شىققانشا وينادى. ءار جىلى جاڭا وقۋ ماۋسىمى باستالىسىمەن بالالاردىڭ بىردە - ءبىرى قالماي مەكتەپكە كەلگەنىن كورۋ وقىتۋشىلاردىڭ ەڭ قۋانىشتى ءىسى سانالادى.
2019 - جىلى 9 - ايدا، قونىس جاڭالاپ كەدەيلەردى سۇيەمەلدەۋ بويىنشا ورنالاستىرۋ تۇيىنىندە جاڭادان سالىنعان وسى مەكتەپ رەسمي پايدالانۋعا بەرىلدى. جاپ - جاڭا، جارىق ساباقحانالار، تازا، رەتتى وقىتۋشىلار جاتاقحاناسى جانە كەمەلدى وقۋ - وقىتۋ جابدىقتارى كورگەن جاننىڭ كوزىنە وتتاي باسىلادى.
ءداريابويى اۋىلى تاكلاماكان ءشولىنىڭ بەل ورتاسىنا ورنالاسقان، جاڭا مەكتەپ عيماراتىنىڭ سالىنۋى بالالارعا اناعۇرلىم حاۋىپسىز، سالاماتتى، شارت - جاعدايى تولىق ۇيرەنۋ ورتاسىن سيلاپ، اناعۇرلىم كوپ وقىتۋشىلاردى وسى مەكتەپكە كەلىپ ساباق بەرۋگە باۋرادى.
”800 مەترگە جەتپەيتىن جەردە، جاقسى مەكتەپ ءۇيىمىزدىڭ جانىندا! ءار ءۇيدىڭ بالالارىنىڭ بارلىعى مەكتەپكە بارا الادى، شارت - جاعداي وسىنشاما جاقسى، ءبىز بالالارىمىزدىڭ جەتەلى بولىپ شىعۋىن، كەيىن بۇل جەردەن شىعىپ، سىرت جەرلەردى دە كورىپ كوز اياسىن اشۋىن تىلەيمىز“، - دەيدى وقۋشىنىڭ اتا - اناسى تۇرسۇن ابىلەز تەبىرەنە.
حوتان قالاسى دىرۇن وقۋ - اعارتۋ باقشا رايونىنداعى كىتاپحانا ءار كۇنى كوپتەگەن وقۋشىلاردى وسىندا كەلىپ كىتاپ وقۋعا باۋرايدى، 200 مىڭ كىتاپ بار كىتاپحانادا ءبىر ۋاقىتتا 300 وقۋشى كىتاپ وقي الادى. حوتان قالالىق 5 - ورتا مەكتەپتىڭ وقۋشىسى ابدۇكەرىم ابىليمىت تىلشىگە بىلتىر مەكتەپ دىرۇن وقۋ - اعارتۋ باقشا رايونىنا كوشىپ كەلگەن سوڭ، وزىق، تولىق وقۋ - وقىتۋ قۇرىلعىلارى مەن ولشەمدى دەنە تاربيە الاڭى ءوزىن ايرىقشا جەلپىنتكەنىن ايتىپ: ”ءبىزدىڭ ءۇي مەكتەپتىڭ ماڭىندا، وقۋعا كەلىپ - كەتۋ وتە قولايلى بولدى“! - دەدى.
وقۋ - اعارتۋدى الدىمەن دامىتىپ، وقۋ - اعارتۋعا الدىمەن ۇسىنىلىم سالدى. 2021 - جىلى 8 - ايدا، حوتان قالاسى دىرۇن وقۋ - اعارتۋ باقشا رايونى پايدالانىلۋعا بەرىلدى، جەر اۋدانى 421 مۋ كەلەتىن، حوتان قالالىق 5 - ورتا مەكتەپ، شوۋچيانشوۋ بالاباقشاسى سياقتى 5 مەكتەپ جانە بالاباقشا ورنالاسقان باقشا رايونى بالاباقشادان ورتا مەكتەپكە دەيىنگى جالپى وقۋ ساتىسىنداعى وقۋ - اعارتۋدى قامتىعان وسى زامانعى وقۋ - اعارتۋ باقشا رايونى سانالادى. تاياۋ جىلداردان بەرى، حوتان ايماعى جالپى 2 ميلليارد 850 ميلليون يۋان قارجى سالىپ، 9 وقۋ - اعارتۋ باقشا رايونىن قۇرىپ شىعىپ، 78 مىڭ وقۋ ورنىن ۇسىندى، بوبەكتەر مەن وقۋشىلاردىڭ ”وقۋعا تۇسۋگە تيىستىلەرىن مۇمكىندىگىنشە وقۋعا ءتۇسىرۋ“ قاجەتىن قاناعاتتاندىردى.
”مەكتەپ − تيانشان الابىنداعى ەڭ ادەمى قۇرىلىس“. بۇل شينجياڭداعى ءار ۇلت حالقىنىڭ جالپىلىق ورتاق تانىمى سانالادى.
جاستار مەن ورەندەر وتانىمىزدىڭ بولاشاعى، ۇلتىمىزدىڭ ءۇمىتى. شينجياڭ مەكتەپتەردىڭ ءبىلىم بەرۋ شارت - جاعدايىن ۇزدىكسىز جاقسارتۋ ارقىلى ءار دارەجەلى، ءار ءتۇرلى وقۋ - اعارتۋدىڭ اناعۇرلىم جوعارى دەڭگەيدە جالپىلاسۋىن، اناعۇرلىم جوعارى ساپالى دامۋىن جاپپاي ىلگەرىلەتىپ، ءار ۇلت بالالارىنىڭ جانە جاستار مەن ورەندەرىنىڭ ءبىلىم الۋ ۇقىق - مۇددەسىن زاڭ بويىنشا قامتاماسىز ەتىپ، ولاردىڭ ساۋ - سالامات، اقاۋسىز ەسەيىپ - ەرجەتۋىن جەبەدى.
شينجياڭنىڭ ازاماتتاردىڭ ءبىلىم الۋ ۇقىعىن شىنايى قامتاماسىز ەتۋى اۋىز جۇزىندەگى ۋادە عانا ەمەس، ناقتى قارجىلىق ۇسىنىلىم سانالادى. 2016 − 2020 - جىلدار ارالىعىندا، بۇكىل رايوننىڭ ادەتتەگى الەۋمەتتىك مەجە ەسەبىنىڭ وقۋ - اعارتۋ قاراجاتى شىعىسى جالپى 397 ميلليارد 264 ميلليون يۋان بولدى، مۇنىڭ ىشىندە 2020 - جىلى 90 ميلليارد 800 ميلليون يۋانعا جەتىپ، ادەتتەگى الەۋمەتتىك مەجە ەسەپ شىعىسىنىڭ ％16.96ىن ۇستاپ، 2016 - جىلداعىدان 24 ميلليارد 350 ميلليون يۋان ءوستى، ”نەگىزدى قامتاماسىز ەتۋ“، ”ولقىلىقتاردى تولىقتاۋ“، ”ادىلدىكتى جەبەۋ“ ءونىمدى تياناقتاندىرىلدى.
ءبىلىم الۋدىڭ اناعۇرلىم ءادىل ورايىن جاراتتى
شينجياڭ اۋىل شارۋاشىلىعى داشۋەسىنىڭ 1 - جىلدىق وقۋشىسى ميرى (بۇركەنشىك ات) مەملەكەتتىڭ وقۋشىلارعا قارجىلىق جاردەم بەرۋ ساياساتىنا ءدان ريزا. بىلتىر وقۋ باستاۋدىڭ الدىندا، ميرى پوسكام اۋداندىق وقۋ - اعارتۋ مەكەمەسىنەن وقۋشى شىققان جەردەن بەرىلەتىن قارىز اقشاعا ءوتىنىش ەتىپ 8000 يۋان الىپ، وتباسىنداعىلاردىڭ كوكەي تەستى زارۋلىگىن شەشتى. ”ۇيىمدەگى 2 بالام دا داشۋدە وقيدى، بۇرىن مۇندايدى ويلاۋدىڭ وزىنە ءداتىم بارمايتىن“، - دەيدى ميرىنىڭ اكەسى ءومارجان تۇرسۇن، ال بۇلاردىڭ بارلىعى پارتيانىڭ وقۋ - اعارتۋدا حالىققا تيىمدىلىك جاساۋ ساياساتىنىڭ ارقاسى.
ءومارجان وتباسىنداعى وشارلى 6 جاننىڭ باستى ەكونوميكالىق تابىس كوزى 4 مۋ جەردەگى جەمىس ورمانى مەن باققان مالدان تاپقان تابىسىنان كەلەدى، ءار جىلعى ەگىس جۇمىستارىنىڭ سايابىر كەزىندە، ايەلى ەكەۋى سىرتقا شىعىپ جۇمىس ىستەپ، وتباسىنىڭ تابىسىنا جاماۋ - جاسقاۋ تاباتىن. ”وقۋعا كومەك قارىز اقشاسى ءبىزدىڭ بالالاردىڭ وقۋ اقىسى ماسەلەسىن شەشۋىمىزگە كومەكتەستى“، - دەيدى ءومارجان، داشۋەگە تۇسكەن سوڭ، كلاس جەتەكشىسى ونىڭ بالاسىنىڭ وقي ءجۇرىپ ىستەيتىن قوسالقى جۇمىس ورنىنا ءوتىنىش ەتىپ تۇرمىس قاراجاتى ءۇشىن قوسىمشا اقى سەپتەۋىنە، سونىمەن بىرگە مەملەكەتتىڭ وقۋعا كومەك قاراجاتىنان يگىلىكتەنۋىنە كومەكتەستى، بۇل اتالعان وتباسىنىڭ ەكونوميكالىق قىسىمىن بارىنشا جەڭىلدەتتى.
شينجياڭدا ەل ىشىندەگى باسقا ولكەلەر سياقتى ازاماتتاردىڭ بارلىعى ءبىلىم الۋ ورايىنان زاڭ بويىنشا تەڭ يگىلىكتەنەدى. ءار جىلى وتباسىندا قيىنشىلىعى بار داشۋە وقۋشىلارىنىڭ وقۋعا ءساتتى تۇسۋىنە اناعۇرلىم ويداعىداي كومەكتەسۋ ءۇشىن، رايونىمىزدىڭ جەر - جەرىندەگى وقۋ - اعارتۋ تاراۋلارى كاسىپتىك باۋلۋدان وتكەن ءوتىنىش بەرۋ قىزمەتكەرىن ارنايى دايىنداپ، وقۋ قارىز اقشاسىنا ءوتىنىش بەرۋگە كەلگەن وقۋشىلارعا كەڭەس بەردى جانە قاتىستى جاقتان جەتەكشىلىك ەتتى. ءار دارەجەلى، ءار ءتۇرلى مەكتەپتەرگە وقۋعا قابىلدانعان، وتباسىندا ەكونوميكالىق قيىنشىلىعى بار وقۋشى بولسا بولعانى، تۇگەلدەي الدىمەن وقۋعا ءتۇسىپ، ارتىنان قارجىلاي كومەك بەرۋدەن يگىلىكتەندى، ىركىلىسسىز ارنا سياقتى كوپتەگەن شارالار ارقىلى وقۋشىلاردىڭ وقۋعا ءساتتى ءتۇسۋىن قامتاماسىز ەتتى.
وقۋ - اعارتۋدىڭ ادىلدىگى قوعام ادىلدىگىنىڭ ماڭىزدى نەگىزى، وقۋ - اعارتۋدىڭ ادىلدىگىن جەبەۋ پارتيا مەن مەملەكەت قايتا - قايتا دارىپتەپ وتىرعان ماڭىزدى وقۋ - اعارتۋدى دامىتۋ ۇستانىمى. وقۋ - اعارتۋدى حالىق تۇرمىسىن قامتاماسىز ەتۋدەگى ماڭىزدى مازمۇننىڭ ءبىرى رەتىندە قارادى، قازىر رايونىمىز مەكتەپكە دەيىنگى تاربيەدەن اسپيرانت تاربيەسىنە دەيىن قامتىعان تۇتاس وقۋ ساتىسىندا وقۋشىعا قارجىلاي كومەكتەسۋ ساياساتى جۇيەسىن ورناتتى، قيىنشىلىعى بار وتباسىلارىنىڭ مىندەتتى وقۋ - اعارتۋ ساتىسىنداعى بالالارىنىڭ وقۋدان قالۋ، وقۋدان قول ءۇزۋ جاعدايىن يكەمدى نولگە ءتۇسىرۋدى جۇزەگە اسىردى. 2021 - جىلى، بۇكىل رايوندا ءار دارەجەلى، ءار ءتۇرلى وقۋشىلارعا قارجىلاي كومەكتەسۋ قاراجاتىنان 8 ميلليارد 299 ميلليون يۋان ءبولىنىپ، يگىلىككە كەنەلگەن وقۋشى 6 ميلليون 749 مىڭ 800 ادام - رەتكە جەتتى. دالمە - ءدال قارجىلاي كومەكتەسىپ، ”بىردە - ءبىر بالانىڭ وتباسىنىڭ ەكونوميكالىق قيىنشىلىعى سەبەبىنەن وقۋدان قالماۋىنا“ شىنايى كەپىلدىك ەتتى.
وقۋ - اعارتۋدىڭ ادىلدىگىن جەبەۋ جولىندا، مۇگەدەك بالالاردىڭ، ورەندەردىڭ دە بىردە - بىرەۋى قاعىس قالسا بولمايدى.
كاڭكاڭ (بۇركەنشىك اتى) بالالاردا بولاتىن سالدانۋ ناۋقاسىنا شالدىققان، وتباسى قۇتىبي اۋدانى شورگۋ قالاشىعى قىزىلتاس قىستاعىندا تۇرادى. 2019 - جىلى، ول قالاشىق باستاۋىش مەكتەبىنە بارىپ كلاسقا ىلەسىپ وقي باستادى. ۇيلەرى مەكتەپتەن ءبىرشاما ۇزاق بولعاندىقتان، مەكتەپ كاڭكاڭدى مەكتەپتە جاتىپ وقۋعا ورنالاستىردى، سونىمەن بىرگە ونىڭ شەشەسىن تەگىن جاتاقپەن قامداپ، بالاسىنا قارايلاسۋىنا مۇمكىندىك جاسادى.
”بالامنىڭ تاماق، جاتاعى تۇگەلدەي تەگىن، ۇكىمەت تاعى كومەك قاراجات بەرەدى. مۇعالىمنىڭ كوڭىل ءبولىپ كومەكتەسۋىندە، بالامنىڭ العا باسۋى وتە تەز بولىپ، بۇرىنعىدان جايدارى بولىپ كەتتى“، - دەدى كاڭكاڭنىڭ شەشەسى العىستى سەزىممەن.
رايونىمىز ەرەكشە وقۋ - اعارتۋدى قامتاماسىز ەتۋ جۇيەسىن ۇزدىكسىز كەمەلدەندىردى. بۇكىل شينجياڭداعى مەكتەپتەر جەڭىل دارەجەدەگى مۇگەدەك وقۋشىلاردىڭ كلاسقا ىلەسىپ وقۋىنا مۇمكىندىك جاساپ، ءجۇرىپ - تۇرۋى قولايسىز مۇگەدەك وقۋشىلاردىڭ وتباسىنا بارىپ وقىتۋدى جولعا قويىپ، قيىنشىلىعى بار وتباسىلارداعى مۇگەدەك وقۋشىلارعا كومەك قاراجات بەردى. 2021 - جىلى، اۆتونوميالى رايوننىڭ مىندەتتى وقۋ - اعارتۋ ساتىسى بويىنشا وقۋ جاسىنداعى مۇگەدەك بالالار مەن وسپىرىمدەردىڭ وقۋعا ءتۇسۋ مولشەرى ％99.9كە جەتتى.
وڭتۇستىك شينجياڭداعى 4 ايماق - وبلىستا بالاباقشادان تارتىپ تولىق ورتا مەكتەپكە دەيىنگى 15 جىلدىق تەگىن وقىتۋدى جولعا قويدى؛ اۋىل - قىستاقتا مىندەتتى وقۋ - اعارتۋ ساتىسىنداعى وقۋشىلاردىڭ ازىقتىق جاعدايىن جاقسارتۋ جوسپارى بالالاردىڭ سالاماتتى ەرجەتۋىنە مۇمكىندىك جاسادى؛ اۋىل - قالاشىقتاردا جاتاقتى مەكتەپ قۇرىلىسىن كۇشەيتىپ، شەكارا، شالعاي ەگىن، مال شارۋاشىلىق وڭىرلەرىندەگى بالالاردىڭ وقۋعا ءتۇسۋى قيىن بولۋ ماسەلەسىن شەشتى... اناعۇرلىم كوپ شينجياڭدىق بالالار، جاستار مەن ورەندەر پارتيانىڭ نۇر - شۇعىلاسىندا ”وقيتىن مەكتەپ بولۋدان“ ”جاقسى مەكتەپتە وقۋدى“ جۇزەگە اسىردى.
وقۋ - اعارتۋ ءار ۇلت جاستارى مەن ورەندەرىنىڭ تاماشا بولاشاعىنا جول اشتى
وتانىمىزدىڭ باتىس سولتۇستىگىنەن باتىس وڭتۇستىگىنە دەيىن، ارماندار رەالدىققا اينالدى − 2021 - جىلى، ءادىلجان اسقار كونەشار اۋدانىنان سىچۋان داشۋەسىنە ەمتيحان بەرىپ كىردى.
باستاۋىش مەكتەپتەن تولىق ورتا مەكتەپكە دەيىن، ءادىلجان تەگىن ءبىلىم الدى، بۇدان ول پارتيانىڭ تاماشا ساياساتىنا تەرەڭ العىستى سەزىمدە بولدى. ”عىلمي، مادەني بىلىمدەردى ۇيرەنىپ، وتاننىڭ ءۇمىتىن اقتاۋ“ ءادىلجاننىڭ بەرىك نىساناسىنا اينالدى.
وقۋعا تۇسكەننەن كەيىن، ءادىلجان ىلگەرىندى - كەيىندى دەكلاماتسيا، تەاتر كۋرجەكتەرىنە قاتىناستى ءارى مەكتەپ باسكەتبول كۇرجەگىنىڭ بەلسەندى مۇشەسى بولدى. ”كۋرجەككە قاتىناسۋ ارقىلى ساباقتاستارمەن اناعۇرلىم ويداعىداي اۋىس - ءتۇيىس جاساپ، مەملەكەتتە ءبىر تۇتاس قولدانىلاتىن ءتىل - جازۋ قابىلەتىمدى جوعارىلاتتىم“. 5 - ايدىڭ 20 - كۇنى، ءادىلجان تەلەفوندا تىلشىگە ءوزىنىڭ ۇيرەنۋ، تۇرمىس جاعدايىن اڭگىمەلەگەندە، باقىت سەزىمىنە شومدى. ”داشۋەنى تاۋىسقاننان كەيىن مەن ەلەكتر ينجەنەرى بولىپ، بولاشاقتا اۋىلىمنىڭ ەلەكتر قۋاتى ىستەرىنە ۇلەس قوسسام دەيمىن“، - دەيدى ءادىلجان.
ءادىلجان سياقتى ناتيجەسى ۇزدىك بولعاندىقتان، حوتان قالالىق 5 - ورتا مەكتەپتەن كەلگەن ءماھىليا مۇحتار دا جياشيڭ قالاسى شيۋجوۋ ورتا مەكتەبىنىڭ شينجياڭ كلاسىنا ەمتيحان بەرىپ قابىلداندى.
”شەكارا وڭىردەگى شاعىن قالاشىقتان وسى قالاداعى ءتۇيىندى ورتا مەكتەپكە كەلىپ وقي العاندىعىمدى توتەنشە ماقتانىش سەزىنەمىن“! ءماھىليا ءوزىنىڭ عىلمي، مادەني بىلىمدەردى قۇلشىنا ۇيرەنىپ، قابىلەتىن شىڭداۋعا تىرىساتىندىعىن ايتتى.
زۇلفيا اكىماسەن داشۋە بىتىرگەننەن كەيىن اۋىلىنا قايتىپ كەلىپ، 3 جىلدىق شىڭدالۋ ارقىلى تاشقورعان تاجىك اۆتونوميالى اۋدانىنداعى تاڭداۋلى ساياحات جەتەكشىسىنە اينالدى؛ شينجياڭ اۋىل شارۋاشىلىق كاسىپتىك - تەحنيكا شۋەيۋانى مال شارۋاشىلىعى، مال شيپاگەرلىگى ماماندىعىنان وقۋ تاۋىسقان وقۋشى جاڭ فاڭ ونەرىنە سۇيەنىپ، وتباسىنىڭ كەدەيلىكتەن ارىلىپ كىرىستى ارتتىرۋىنا كومەكتەستى، ول قازىر وسىزاماندانعان باعىمشىلىق كاسىبى جولىندا ءوز ارمانىن قۋۋدا...
ءاربىر جاس پەن ورەننىڭ ءوسىپ - جەتىلۋ، ارمان قۋۋ حيكاياسىنىڭ استارىندا، رايونىمىزدىڭ وقۋ - اعارتۋدىڭ دامۋىن ۇزدىكسىز جەبەۋدەگى جەتىستىكتەرى، ءار ۇلت بۇقاراسىنا اناعۇرلىم كوپ، اناعۇرلىم ءادىل پايدا جەتكىزۋى سىندى اسەرلى امالياتى جاتىر.
«شينجياڭنىڭ جان سانى دامۋى» اق تىستى كىتابىندا كورسەتىلۋىنشە، 2020 - جىلعا دەيىن، شينجياڭنىڭ بارلىق قىستاقتارىندا بالاباقشا سالىنىپ، باستاۋىش مەكتەپ 3641گە، ادەتتەگى ورتا مەكتەپ 1211گە، ورتا دارەجەلى كاسىپتىك مەكتەپ (تەحنيك جۇمىسشىلار مەكتەبىن قامتىمايدى) 147گە، ادەتتەگى جوعارى مەكتەپ 56عا، ەرەسەكتەر جوعارى مەكتەبى 6عا جەتكەن. 1951 - جىلدان 2020 - جىلعا دەيىن، جوعارى مەكتەپتەردە جيىنى 2 ميلليون 115 مىڭ وقۋشى تاربيەلەنگەن، مۇنىڭ ىشىندە از ۇلت وقۋشىلارى 767مىڭ بولىپ، ％36.3تى يەلەگەن.
ەكونوميكانىڭ، قوعامنىڭ ۇزدىكسىز دامۋىنا ىلەسە، شينجياڭنىڭ وقۋ - اعارتۋى جوعارى ساپالى دامۋ ساتىسىنا ءوتتى، وقۋ - اعارتۋ رەفورماسى ىشكەرىلەي تەرەڭدەدى، مەكتەپكە دەيىنگى تاربيە جالپىلاسىپ، جالپىعا ءتيىمدى بولىپ، مىندەتتى وقۋ - اعارتۋ بىركەلكى دامىدى، تولىق ورتا ساتىسىنداعى وقۋ - اعارتۋ جاپپاي جالپىلاسىپ، كاسىپتىك وقۋ - اعارتۋ كەڭەيىپ، ساپاسى جوعارىلادى، جوعارى دارەجەلى وقۋ - اعارتۋدىڭ ناقتى قۋاتى جوعارىلاپ، ءار ۇلت بۇقاراسىنىڭ ءبىلىم الۋ دەڭگەيى ۇزدىكسىز ارتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
