اقتاۋ اۋدانى چارلۇڭ قالاشىعىنداعى كۇنلۇن جيايۋاندا جاڭا - كونە بەت - بەينەنى سالعاستىراتىن كورمە تاقتا بار −
ءبىر دانا كونە سۋرەتتە تولىپ جاتقان جاڭا حيكايا جاتىر
□ انار بۇلت \ شينجياڭ گازەتىنىڭ تىلشىلەرى سۇڭ ۋيگو، لۋ فىڭباۋ
2022.05.24 14:14 كەلۋ قاينارى : شينجياڭ گازەتى
”ۇسەنجان شيپاگەر، مەن ەسىڭىزدەمىن بە؟ 6 جىلدىڭ الدىندا ءسىز ماعان اسپا ۋكول قۇيىپ ەدىڭىز عوي“. 5 - ايدىڭ 15 - كۇنى مامەتتۇردى ايدار اقتاۋ اۋدانى چارلۇڭ قالاشىق ەمحانانىڭ ەسىك الدىنان دارىگەر ۇسەنجان يمىنگە جولىعىپ قالدى، ەكەۋى قول الىسىپ، قىزۋ اڭگىمەلەسىپ كەتتى.
ول ەكەۋى 2016 - جىلى 8 - ايدىڭ 22 - كۇنى ءبىرىنشى رەت كەزدەسكەن بولاتىن، ول كەزدە چارلۇڭ قالاشىعى چارلۇڭ اۋىلى دەپ اتالاتىن، ۇسەنجان چارلۇڭ اۋىلى قايىز قىستاعىنداعى ءبىر بولمەلى تام ۇيدە مامەتتۇردى مەن تاعى بىرنەشە قىستاق تۇرعىنىنا اسپا ۋكول قۇيىپ بەرگەن ەدى.
”سىزدەر ويلاپ كورمەگەن بولارسىزدار، ۇسەنجان شيپاگەر ماعان اسپا ۋكول قۇيعان جەردە ۋكول اسۋ قوندىرعىسى دا جوق بولاتىن، اسپا ۋكولدىڭ قۇمىراسىن تامعا اسىپ قويىپ قۇيىپ ەدى“، - دەدى مامەتتۇردى تىلشىگە.
2019 - جىلى 10 - ايدا ەكى قاباتتى، قۇرىلعىلارى تولىق ەمحانا چارلۇڭ قالاشىعىنداعى كۇنلۇن جيايۋاننىڭ ىشىنەن بوي كوتەردى. وتكەندى ەستە ساقتاۋ ءۇشىن، ەمحانا عيماراتىنىڭ ەسىك الدىنا جاڭا - كونە بەت - بەينەنى سالعاستىراتىن كورمە تاقتا ورناتىلدى، ءتىلشى كورمە تاقتادان ءبىر دانا كونە سۋرەتتى كوردى: تام ءۇيدىڭ قابىرعاسىنا ءبىر قاتار شەگە قاعىلىپ، شەگەلەرگە 5 اسپا ۋكول قۇمىراسى ءىلىپ قويىلىپتى، شيپاگەر ۋكول جىبەرۋ تۇتىكشەسىن قولىمەن كوتەرىپ تۇر، ناۋقاستار ماقتالى شاپان كيىپ، تىزەلەرىن كورپەمەن وراپ الىپتى، 4 ادام ۇزىنشاق اعاش ورىندىققا سىعىلىسا وتىرىپتى، سولاردىڭ بىرەۋى مامەتتۇردى ەكەن.
مامەتتۇردى ول كەزدە قايىز قىستاعىنداعى قوي باعىپ كۇنەلتەتىن مالشى ەدى. قايىز قىستاعى اۋىلدىق ۇكىمەت تۇرعان جەردەن 20 نەشە كيلومەتر قاشىقتا بولىپ، قىستاق تۇرعىندارى اۋرۋ كورسەتۋ ءۇشىن موتوتسيكلمەن 2 ساعات جول جۇرەتىن، نوسەرلى جاڭبىر جاۋعان كۇندەرى جولدى سەل بۇزىپ كەتەتىن.
”قىستاق تۇرعىندارى تاس ۇيلەردە تۇراتىن، توقتاۋ سۋلاردى اۋىز سۋعا پايدالانىپ، ۇرپاقتار بويى مال باعىپ تۇرمىس كەشىرەتىن، ماڭگى باقي تاۋ قويناۋىنان شىعا المايتىنداي سەزىلەتىن“، - دەدى مامەتتۇردى.
2017 - جىلدان 2019 - جىلعا دەيىن، اقتاۋ اۋدانى قونىس جاڭالاپ كەدەيلەردى سۇيەمەلدەۋ ينجەنەرياسىن اتقارىپ، تاۋ قويناۋىنداعى 6 اۋىل، قالاشىق، فەرمانى، 28 اكىمشىلىك قىستاقتى، 2557 وتباسىن قونىس جاڭالاپ كوشىرىپ ورنالاستىردى، مۇنىڭ ىشىندە 1665 وتباسى كۇنلۇن جيايۋانعا كوشىپ كىردى. قونىس جاڭالاپ كوشىرىپ ورنالاستىرعان بۇقارانىڭ جاڭا مەكەنگە تامىر تارتىپ، كوڭىلى ورنىعۋى ءۇشىن، اقتاۋ اۋدانى ”ساۋداعا ۇيلەسىمدى بولسا، ساۋدامەن شۇعىلدانۋ، مال شارۋاشىلىعىنا ۇيلەسىمدى بولسا، مال شارۋاشىلىعىمەن شۇعىلدانۋ، اۋىل شارۋاشىلىعىنا ۇيلەسىمدى بولسا، اۋىل شارۋاشىلىعىمەن شۇعىلدانۋ، ونەركاسىپكە ۇيلەسىمدى بولسا، ونەركاسىپپەن شۇعىلدانۋ، ورمان شارۋاشىلىعىنا ۇيلەسىمدى بولسا، ورمان شارۋاشىلىعىمەن شۇعىلدانۋ“ پرينسيبىن قولدانىپ، قونىس جاڭالاپ كوشىپ كەلگەن بۇقارانىڭ شىعار جولدى وزدەرى تاڭداۋىنا جاعداي جاسادى. سونىمەن بىرگە كۇنلۇن جيايۋاننان ەمحانا، بالا باقشا، باستاۋىش مەكتەپ، الەۋمەتتىك اۋماق قىزمەت وتەۋ ورتالىعى سياقتى نەگىزدىك قۇرىلعىلاردى جاڭادان قۇرىپ، قىستاق تۇرعىندارىنىڭ شاعىن اۋماقتان اتتاپ شىقپاي - اق وقۋ وقۋىنا، ەمدەلۋىنە، الەۋمەتتىك اۋماق قىزمەت وتەۋىنەن يگىلىكتەنۋىنە مۇمكىندىك جاسادى. مامەتتۇردى سياقتى ”قويشى بالالار“ عيماراتقا كوشىپ كىرىپ، ”قىزمەتى بار، جىلىجايى بار“ شىت جاڭا تۇرمىس وتكىزدى.
بۇگىنگى كۇندە، كۇنلۇن جيايۋاندا مامەتتۇردى سياقتى تاۋ قويناۋىنان شىققان ”قويشى بالالاردىڭ“ بارلىعى شىت جاڭا تۇرمىس كەشىرۋدە: 2012 جىلىجايدا ساتىلىمىنان الاڭدامايتىن كوكونىستەر وسىرىلۋدە، اۋىل شارۋاشىلىق تەحنيكتەرى بەلگىلەنگەن مەرزىمدە كوكونىس پارنيگىنە كەلىپ تەحنيكالىق جاقتان جەتەكشىلىك ەتەدى؛ باعىمشىلىق شاعىن اۋماعىندا سيىرلار مەن قويلار جەمگە تويىپ كوبەڭسىپ، كۇيىس قايتارۋدا؛ بالاباقشادان، باستاۋىش مەكتەپتەن كىتاپ وقىعان ساڭقىلداعان ۇندەر ەستىلەدى؛ 86 ساۋدا دۇكەنى كوشىپ كەلىپ ورنالاسقان بۇقارانىڭ شارۋاشىلىق قۇرۋ سىندى جاڭا ارمانىن ارقالاپ وتىر...
جۇمىستان تۇسكەننەن كەيىن، مامەتتۇردى شاعىن اۋماقتىڭ ءىشىن ارالادى، الەۋمەتتىك اۋماقتىڭ الاڭىندا ادەبيەت - كوركەمونەر اترەتى ويىن نومىرلەرىنە جاتتىعىپ جاتىر ەكەن، كوڭىلدى كوتەرەتىن ولەڭ ايتۋشىلار (قىرعىز ۇلتىنىڭ ءداستۇرلى مادەنيەتى، ادەتتە توي - تومالاقتا، مەرەكەدە، باس قوسۋ كەزىندە ايتىلادى) جولاي وتكەندەردى ەرىكسىز باۋرايدى؛ ساقال - شاشى بۋرىل تارتقان بىرنەشە كاريا مادەنيەت ءدالىزىنىڭ ىشىندە اڭگىمە دۇكەن قۇرىپ وتىر؛ وقۋدان قايتقان بالالار تۇنىق پۋتۇڭحۋامەن مەكتەپتەگى قىزىقتارىن ايتىپ، اسىر سالىپ، ءبىرىن - ءبىرى قۋالاپ ويناپ ءجۇر؛ مامەتتۇردىنىڭ قاسىنان ءالسىن - ءالسىن جەڭىل اۆتوكولىكتەر زاۋلاپ وتەدى، اۆتوكولىك تەرەزەسىنەن ول كەزىندە ءوزى سياقتى تاياق ۇستاپ قوي باققان جىگىتتەردىڭ بۇگىندە اۆتوكولىكتىڭ رولىن شىر اينالدىرىپ، قالاعان جەرىنە قاراي زىرلاپ بارا جاتقاندىعىن كوردى.
كوز الدىنداعى كورىنىستەرگە قاراپ، مامەتتۇردى قازىرگى تۇرمىسىن اناۋ كونە سۋرەتتەگى كورىنىسپەن بايلانىستىرا الماي وتىر. ول كۇنلۇن جيايۋاننىڭ ءار جەرىنەن تاعى بىرنەشە دانا سۋرەت ءتۇسىرىپ قويىپ، 6 جىلدان كەيىن الىپ شىعىپ تۇرمىسىندا تاعى قانداي جاڭا وزگەرىستەر بولعاندىعىن كورمەكشى بولدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
