بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

مەملەكەتتىك كەڭەس تايۋان ىستەرى كەڭسەسى: «تايۋاندى دەربەستەندىرۋدىڭ» شىعار جولى جوق، دۇنيە جۇزىلىك دەنساۋلىق ساقتاۋ جينالىسىندا تايۋانعا ساياتىن ماسەلەلەردى دابىرالاۋ ىسكە اسپايدى

2022.05.24 16:09     كەلۋ قاينارى : حالىق تورابى

  شينحۋا اگەنتتىگىنىڭ 5 - ايدىڭ 23 - كۇنى بەيجيڭنەن بەرگەن حابارى. مەملەكەتتىك كەڭەس تايۋان ىستەرى كەڭسەسىنىڭ مالىمدەمەشىسى جۋ فىڭليان 5 -ايدىڭ 23 - كۇنى سۇراۋلارعا جاۋاپ بەرىپ بىلاي دەپ اتاپ كورسەتتى: 5 – ايدىڭ 22 - كۇنى جانە 23 - كۇنى 75 ـ كەزەكتى دۇنيە جۇزىلىك دەنساۋلىق ساقتاۋ جينالىسىنىڭ باس ىستەر كوميتەتى مەن جالپى ءماجىلىسى جەكە ـ جەكە قاۋلى شىعارىپ، ءىشىنارا ەلدەر العا قويعان تايۋانعا ساياتىن ۇسىنىس جوبالاردى ءماجىلىستىڭ كەڭەستىك تارتىبىنە ەنگىزۋدەن اشىق باس تارتتى. اماليات مىنانى قايتا - قايتا دالەلدەدى: «تايۋاندى دەربەستەندىرۋدىڭ» شىعار جولى جوق، دۇنيە جۇزىلىك دەنساۋلىق ساقتاۋ جينالىسىندا تايۋانعا ساياتىن ماسەلەلەردى دابىرالاۋ جۇرت كوڭىلىنە جاقپايدى، ىسكە اسۋى دا مۇمكىن ەمەس. ءبىر جۇڭگو پرينسيبى ‐ حالىقارالىق قوعامنىڭ جاپپاي ورتاق تانىمى، جۇرت تىلەگى، جالپى جاعدايدىڭ بەتالىسى، سايىس جاريالاۋعا استە بولمايدى.

  جۋ فىڭليان بىلاي دەدى: ۇلى قۇرلىق جاق تايۋاندىق باۋىرلاستاردىڭ دەنساۋلىعىنا، باقىتىنا باستان ـ اياق وسكەلەڭ ءمان بەرىپ كەلەدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، ءبىز ەڭ الدىمەن تايۋان دەنساۋلىق ساقتاۋ ماماندارىن حۋبەيدىڭ ۋحانىندا قىزمەت تەكسەرۋگە ۇسىنىس ەتىپ، 50 نەشە تەحنيكالىق ماتەريالدان يگىلىكتەندىردىك ءارى ۇلى قۇرلىق پەن دۇنيە جۇزىلىك دەنساۋلىق ساقتاۋ ۇيىمىنىڭ ۆيرۋس گەنىنىڭ رەتى مەن قاتىستى گەن تىزبەگىنە يە بولۋ جونىندەگى ينفورماتسيالاردى ارناۋلى حابارلاندىردىق. قازىرگە دەيىن ءبىز تايۋان رايونىنا جاڭا تيپتى ايدارشا ۆيرۋس وكپە قابىنۋ ىندەتى جايلى 400 رەت حابارلاندىرۋ بەرىپ، جۇيەدەن ۇلى قۇرلىقتا دياگنوز قويىلعان تايۋان تۇرعىندارىنىڭ ينفورماتسياسىن حابارلاندىردىق. تولىقسىز ساناققا قاراعاندا، وتكەن ءبىر جىلدا جۇڭگو تايۋان ەمدەۋ تەحنيكاسى ماماندارى دۇنيە جۇزىلىك دەنساۋلىق ساقتاۋ ۇيىمىنىڭ تەحنيكالىق قيمىلىنا 44 توپ 47 ادام ـ رەت قاتىناسقان. تايۋان رايونىنىڭ ءتۇرلى ىندەتتەن ساقتانۋ - تىزگىندەۋ ينفورماتسيالارى مەن كومەك بەرۋ ارنالارى بۇكىلدەي ىركىلىسسىز، ءونىمدى بولدى، ايتىلمىش «حالىقارالىق ىندەتتەن ساقتانۋ جۇيەسى كەمشىل» دەگەن ساياسي وتىرىكتەر دەموكراتيالىق العاباسارلىق پارتياسى بيلەۋشىلەرىنىڭ «ىندەتتەن پايدالانىپ دەربەستەندىرۋدى كوزدەۋىنىڭ» سىلتاۋى عانا.

  ول بىلاي دەدى: دەموكراتيالىق العاباسارلىق پارتياسى بيلەۋشىلەرى «تايۋاندى دەربەستەندىرۋ» سىندى بولشەكتەۋ مايدانىندا قاسارىسىپ، ءبىر جۇڭگو پرينسيبىن ايگىلەيتىن «92 - جىلعى ورتاق تانىمدى» بۇرمالاپ، تەرىسكە شىعارىپ، ەكى جاعالاۋ كەڭەسىنىڭ ساياسي نەگىزىن بۇلدىرگەندىكتەن تايۋان رايونىنىڭ دۇنيە جۇزىلىك دەنساۋلىق ساقتاۋ جينالىسىنا قاتىناسۋ ساياسي نەگىزىن جوعالتتى. بۇل جاعدايدى بۇكىلدەي دەموكراتيالىق العاباسارلىق پارتياسى بيلەۋشىلەرى تۋدىرعان.

  جۋ فىڭليان بىلاي دەپ اتاپ كورسەتتى: دەموكراتيالىق العاباسارلىق پارتياسىنىڭ بيلەۋشىلەرى سىرتقى كۇشتەرمەن استاسىپ، دۇنيە جۇزىلىك دەنساۋلىق ساقتاۋ جينالىسى ماسەلەسىندە قايتا - قايتا سويقان شىعارىپ، ارانداتۋشىلىق تۋدىردى. قاتىستى ەلدەر «تايۋاندى كوزىر ەتىپ»، دۇنيە جۇزىلىك دەنساۋلىق ساقتاۋ جينالىسى سياقتى ورىنداردان پايدالانىپ، تايۋاننىڭ اتالمىش «حالىقارالىق كەڭىستىكتى» كەڭەيتۋىنە سويىل سوعار بولىپ، تايۋان جۇڭگونىڭ ءبىر بولىگى دەگەن حالىقارالىق قوعامدىق ورتاق تانىمىن شايقالتۋعا ۇرىندى. اماليات مىنانى تاعى ءبىر رەت دالەلدەدى: ءبىر جۇڭگو پرينسيبىن ءبۇلدىرۋدى، مەملەكەتتى بولشەكتەۋدى ماقسات ەتكەن ءارقانداي ارەكەت تەك جەڭىلىسپەن تىنادى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار