دۇنيە جۇزىلىك دەنساۋلىق ساقتاۋ جينالىسى تايۋانعا ساياتىن ۇسىنىس جوبالاردان تاعى دا باس تارتتى
2022.05.24 16:10 كەلۋ قاينارى : حالىق تورابى
شينحۋا اگەنتتىگىنىڭ 5 - ايدىڭ 23 - كۇنى جەنەۆادان بەرگەن حابارى. بەيجيڭ ۋاقىتى 5 - ايدىڭ 23 - كۇنى 75 ـ كەزەكتى دۇنيە جۇزىلىك دەنساۋلىق ساقتاۋ جينالىسى جەنەۆادا اشىلدى. ءماجىلىستىڭ باس ىستەر كوميتەتى مەن جالپى ءماجىلىسى جەكە ـ جەكە قاۋلى شىعارىپ، ءىشىنارا ەلدەر العا قويعان اتالمىش «تايۋاندى باقىلاۋشى سالاۋاتىمەن دۇنيە جۇزىلىك دەنساۋلىق ساقتاۋ جينالىسىنا قاتىناسۋعا ۇسىنىس ەتۋ» ۇسىنىس جوباسىن ءماجىلىستىڭ كەڭەستىك تارتىبىنە ەنگىزۋدەن باس تارتتى. بۇل قاۋلى ءبىر جۇڭگو پرينسيبىنىڭ حالىقارالىق قوعامنىڭ جالپى بەتتىك ورتاق تانىمىنا اينالعاندىعىن، جۇرت تىلەگى، جالپى جاعدايدىڭ بەتالىسى ەكەندىگىن، ونى توسۋعا بولمايتىندىعىن تولىق ايگىلەدى. تايۋان دەموكراتيالىق العاباسارلىق پارتياسى بيلەۋشىلەرى ىندەت جاعدايىنان پايدالانىپ ساياسي الاياقتىق ىستەپ، جۇرت كوڭىلىنە جاقپادى، ابىرويسىز ىسكە وزدەرى ۇرىندى، ءسوز جوق، جەڭىلىسكە ۇشىرايدى.
2009 - جىلدان 2016 - جىلعا دەيىن بۇعازدىڭ ەكى جاعالاۋى دا ءبىر جۇڭگو پرينسيبىنە تاباندى بولۋ نەگىزىندە، جۇڭگونىڭ ورتالىق ۇكىمەتى تايۋان رايونىنىڭ باقىلاۋشى سالاۋاتىمەن دۇنيە جۇزىلىك دەنساۋلىق ساقتاۋ جينالىسىنا قاتىناسۋىنا ءۇرتىس سەگىز جىل قوسىلدى. دەموكراتيالىق العاباسارلىق پارتياسى بيلىك جۇرگىزگەننەن بەرى، «تايۋان دەربەستەندىرۋ» سىندى بولشەكتەۋ مايدانىندا قاسارىسىپ، ءبىر جۇڭگو پرينسيبىن ايگىلەيتىن «92 - جىلعى ورتاق تانىمدى» مويىنداۋدان باس تارتقاندىقتان، تايۋان رايونىنىڭ دۇنيە جۇزىلىك دەنساۋلىق ساقتاۋ جينالىسىنا قاتىناسۋ ساياسي نەگىزىن جوعالتتى. 2017 ـ جىلدان باستاپ، جۇڭگونىڭ ورتالىق ۇكىمەتى تايۋان رايونىنىڭ دۇنيە جۇزىلىك دەنساۋلىق ساقتاۋ جينالىسىنا قاتىناسۋ جونىندەگى ەرەكشە ورنالاستىرۋىن توقتاتتى. دۇنيە جۇزىلىك دەنساۋلىق ساقتاۋ جينالىسى دا تايۋانعا ساياتىن ۇسىنىس جوبالاردان ءۇرتىس كوپ جىل باس تارتتى.
قازىر جاڭا تيپتى ايدارشا ۆيرۋس وكپە قابىنۋ ىندەتى ءالى دە بۇكىل جەر شارىندا تارالىپ وتىر، سەلبەستىكتى كۇشەيتۋ، ىندەتكە ىنتىماقتاسا قارسى تۇرۋ حالىقارالىق قوعامنىڭ وسى رەتكى قۇرىلتايعا دەگەن ورتاق ءۇمىتى. الايدا، دەموكراتيالىق العاباسارلىق پارتياسى بيلەۋشىلەرىنىڭ تاريح اعىمىنا قارسى ارەكەتتەنىپ، تايۋانعا ساياتىن ۇسىنىس جوبالار قويۋعا بەل بايلاۋى ‐ ولاردىڭ دۇنيە جۇزىلىك دەنساۋلىق ساقتاۋ جينالىسىنا قاتىناسۋدى دابىرالاۋدان پايدالانىپ «تايۋاندى دەربەستەندىرۋ» بولشەكتەۋشىلىك قيمىلىمەن شۇعىلدانۋ ساياسي قاسكۇنەمدىگىن تولىق اشكەرەلەدى. باسىم كوپ ساندى ەلدەر دۇنيە جۇزىلىك دەنساۋلىق ساقتاۋ جينالىسىندا تايۋانعا ساياتىن ماسەلەلەردە ادىلەتتى مايداندا تۇردى. قۇرىلتاي اشىلۋدان بۇرىن 90عا جۋىق مەملەكەت دۇنيە جۇزىلىك دەنساۋلىق ساقتاۋ ۇيىمىنا ارناۋلى حات جولداۋ سياقتى تاسىلدەرمەن ءبىر جۇڭگو پرينسيبىنە تاباندى بولىپ، تايۋاننىڭ دۇنيە جۇزىلىك دەنساۋلىق ساقتاۋ جينالىسىنا قاتىناسۋىنا قارسى تۇرۋ مايداندارىن ءبىلدىردى.
جۇڭگونىڭ جەنەۆاداعى تۇراقتى ۋاكىلى چىن شۇي باس ەلشى ماجىلىستە سويلەگەن سوزىندە بىلاي دەدى: تايۋانعا ساياتىن ۇسىنىس جوبالاردىڭ زاڭدىق نەگىزى جوق. ب م ۇ - نىڭ 2758 - ءنومىرلى قارارى مەن دۇنيە جۇزىلىك دەنساۋلىق ساقتاۋ جينالىسىنىڭ 25.1 - ءنومىرلى قاۋلىسى دۇنيە جۇزىلىك دەنساۋلىق ساقتاۋ ۇيىمىنىڭ ءبىر جۇڭگو پرينسيبىنە بويسۇنۋىنا زاڭدىق نەگىز قالادى. تايۋان رايونى دۇنيە جۇزىلىك دەنساۋلىق ساقتاۋ جينالىسىنا قاتىناسقاندا، ءسوز جوق، ءبىر جۇڭگو پرينسيبى بويىنشا، ەكى جاعالاۋ كەڭەسۋ ارقىلى ءبىر جاقتى ەتۋ كەرەك. تايۋان دەموكراتيالىق العاباسارلىق پارتياسى بيلەۋشىلەرى «تايۋاندى دەربەستەندىرۋ» مايدانىندا قاسارىسىپ، تايۋاننىڭ دۇنيە جۇزىلىك دەنساۋلىق ساقتاۋ جينالىسىنا قاتىناسۋ ساياسي نەگىزىن جوعالتتى.
چىن شۇي بىلاي دەدى: تايۋانعا ساياتىن ۇسىنىس جوبالاردىڭ فاكت نەگىزى جوق. ورتالىق ۇكىمەت تايۋان ماماندارىن ۋحانعا بارىپ تەكسەرۋ جۇرگىزۋگە ۇسىنىس ەتىپ قانا قويماي، ۆيرۋس گەنى تىزبەگىنە يە بولۋ جولىن دا ارناۋلى حابارلاندىردى. 2021 - جىلى 4 -ايدان بەرى تايۋان رايونىنداعى ماماندار دۇنيە جۇزىلىك دەنساۋلىق ساقتاۋ ۇيىمىنىڭ تەحنيكالىق قيمىلىنا جيىنى 44 توپ 47 ادام - رەت قاتىناستى. سوندىقتان اتالمىش «حالىقارالىق ىندەتتىڭ الدىن الۋ جۇيەسىنىڭ كەمدىگى» مۇلدە جوق.
چىن شۇي بىلاي دەپ باسا دارىپتەدى: تايۋانعا ساياتىن ۇسىنىس جوبالاردا حالىقارالىق ورتاق تانىم جوق. دۇنيە جۇزىلىك دەنساۋلىق ساقتاۋ جينالىسى تايۋانعا ساياتىن ماسەلەلەر جونىندە تۇجىرىم جاساپ بولعان، قۇرىلتاي تايۋانعا ساياتىن ۇسىنىس جوبالاردى تالقىلاۋدان ءۇرتىس كوپ جىل باس تارتتى. تايۋان دەموكراتيالىق العاباسارلىق پارتياسى بيلەۋشىلەرىنىڭ ىندەت جاعدايىنان پايدالانىپ ساياسي الاياقتىق ىستەمەكشى بولۋداعى ناقتى ماقساتى «ىندەتتەن پايدالانىپ دەربەستەندىرۋدى كوزدەۋ» بولىپ تابىلادى. ءىشىنارا ەلدەر تايۋان بيلەۋشىلەرى ءۇشىن ۋادە بەرەدى، مۇنداي «تايۋان ارقىلى جۇڭگونى شاۋجايلاۋ» سىندى ساياسي سايقالدىق ءسوز جوق، ىسكە اسپايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
