لي جانشۋ گرەتسيانىڭ پارلامەنت باستىعى تاسۋراسپەن كەڭەس وتكىزدى
2022.05.25 16:21 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 24 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 5 - ايدىڭ 24 - كۇنى بەيجيڭدەگى حالىق سارايىندا بەينە ەكران تاسىلىمەن گرەتسيانىڭ پارلامەنت باستىعى تاسۋراسپەن كەڭەس وتكىزدى.
لي جانشۋ بىلاي دەدى: ءتوراعا شي جينپيڭ مەن گرەتسيا باسشىسىنىڭ ستراتەگيالىق جەتەكشىلىگىندە، جۇڭگو مەن گرەتسيانىڭ جوعارى جىكتەگىلەرىنىڭ بارىس - كەلىسى جيىلەپ، ساياسي سەنىمدىلىگى ۇزدىكسىز تەرەڭدەپ، ناقتى سەلبەستىگى ۇزدىكسىز ىلگەرىلەپ، گۋمانيتارلىق اۋىس - كۇيىسى اناعۇرلىم قويۋلاپ، ءبىر - ءبىرىنىڭ وزەكتى مۇددەسى مەن كوڭىل ءبولىپ وتىرعان كەلەلى ىستەرىن باستان - اياق باتىل قولداپ، باستان - اياق ءبىرىن - ءبىرى ءتۇسىنىپ، ءبىرىن - ءبىرى قولداپ، مەملەكەت پەن مەملەكەت اراسىنداعى دوستىق قارىم - قاتىناستىڭ ۇلگىسىن ورناتتى. بيىل − جۇڭگو مەن گرەتسيانىڭ ديپلوماتيالىق قاتىناس ورناتقانىنىڭ 50 جىلدىعى. جۇڭگو گرەتسيامەن بىرگە ەكى ەل باسشىلارى كەلىسكەن ماڭىزدى ورتاق تانىمدى ويداعىداي تياناقتاندىرىپ، جۇڭگو مەن گرەتسيانىڭ جالپى بەتتىك ستراتەگيالىق سەرىكتەستىك قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋگە پەيىل.
لي جانشۋ بىلاي دەپ اتاپ كورسەتتى: قازىر حالىقارالىق جاعداي تەرەڭ دە كۇردەلى وزگەرىستەردى باستان كەشىرۋدە، جۇڭگو - گرەتسيا قاتىناسىنىڭ ماڭىزدىلىعى، ستراتەگيالىق سيپاتى اناعۇرلىم كورنەكتىلەندى. ەكى جاق ساياسي سەنىمدىلىكتى نەگىز ەتىپ، ءوزارا قولداۋ مەن سايكەسۋدى بەكەمدەپ، دۇنيە جۇزىلىك جونگە سالۋدىڭ اناعۇرلىم ءادىل، ۇيلەسىمدى جۇيەسىن ورناتۋدى بىرگە ىلگەرىلەتۋى كەرەك. جۇڭگو گرەتسيانىڭ ۇزاق ۋاقىتتان بەرى ءبىر جۇڭگو پرينسيبىندە تاباندى بولعانىن القايدى، گرەتسيانىڭ ءوزىنىڭ وزەكتى مۇددەسى مەن زاڭدى ۇقىق - مۇددەسىن قورعاۋىن قولدايدى. گرەتسيا ۇزاق ۋاقىتتان بەرى جۇڭگو - ەۆروپا قاتىناسىنىڭ دامۋىن جەبەۋ جاعىندا بەلسەندى رول اتقاردى، جۇڭگو گرەتسيانى قامتىعان قاتىستى ەلدەرمەن بىرگە قۇلشىنىپ، جۇڭگو - ەۆروپا سەلبەستىگىنىڭ ۇزدىكسىز تەرەڭدەۋىن جەبەۋگە پەيىل.
لي جانشۋ مىنانى ءبىلدىردى: ەكى جاقتىڭ ەكى ەلدىڭ ءوزارا ءتيىمدى سەلبەستىگىن اناعۇرلىم ىلگەرىلەتىپ، «ءبىر بەلدەۋ، ءبىر جولدى» بىرگە قۇرۋدى «گرەتسيا 2.0» مەملەكەتتىڭ گۇلدەنۋىن قالپىنا كەلتىرۋ جوسپارىمەن ۇشتاستىرىپ، پيرەي - ەۆس پورتى سياقتى نىشاندىق نىسانداردى ويداعىداي قۇرىپ، تەڭىز تاسىمالى، ەنەرگيا، نەگىزدىك قۇرىلعى، جاسىل جانە سيفرلى ەكونوميكا سياقتى سالالارداعى سەلبەستىكتى كەڭەيتۋىن ءۇمىت ەتەمىن. گرەتسيا كاسىپورىندارىنىڭ جۇڭگو حالىقارالىق يمپورت كورمەسىنە بەلسەنە قاتىناسۋىن قارسى الامىز. گرەتسيا جاقتىڭ بەيجيڭ قىسقى وليمپياداسى مەن مۇگەدەكتەر قىسقى وليمپياداسىن زور كۇشپەن قولداعانىنا العىس ايتامىن. جۇڭگو مەن گرەتسيانىڭ ەكەۋى دە − وركەنيەتتى بايىرعى ەلدەر، گۋمانيتارلىق اۋىس - كۇيىستى ونان ارى كۇشەيتىپ، ەكى ەل حالىقتارىنىڭ ءوزارا ءتۇسىنىسۋىن، تاتۋ - ءتاتتى ءوتۋىن جەبەۋدى ءۇمىت ەتەمىن.
لي جانشۋ مىنالاردى دارىپتەدى: زاڭ شىعارۋ قۇرىلىمدارىنىڭ بارىس - كەلىسى − جۇڭگو مەن گرەتسيانىڭ جالپى بەتتىك ستراتەگيالىق سەرىكتەستىك قاتىناسىنىڭ ماڭىزدى قۇرامداس بولىگى. جۇڭگو مەملەكەتتىك حالىق قۇرىلتايى گرەتسيا پارلامەنتىمەن جوعارى جىكتەگىلەردىڭ جانە ارناۋلى كوميتەتتەردىڭ، دوستىق گرۋپپالاردىڭ، حالىق قۇرىلتايى ۋاكىلدەرىنىڭ جانە پارلامەنت مۇشەلەرىنىڭ اۋىس - كۇيىسىن ۇزدىكسىز جيىلەتىپ، زاڭ شىعارۋ جانە باقىلاۋ قىزمەتىنىڭ تاجىريبەلەرىنەن تەڭ يگىلىكتەنىپ، ەكى ەلدىڭ ءار سالاداعى ناقتى سەلبەستىگىنە زاڭدىق تىرەك ازىرلەۋگە؛ كوپ جاقتى پارلامەنت ۇيىمدارىنداعى قارىم - قاتىناستى، سايكەسۋدى كۇشەيتىپ، دۇنيە ءجۇزىنىڭ بەيبىتشىلىگىن قورعاۋ، بىرگە دامۋدى ىلگەرىلەتۋ جولىندا بەلسەندى قۇلشىنىس جاساۋعا پەيىل.
تاسۋراس مىنانى ءبىلدىردى: گرەتسيا مەن جۇڭگو ديپلوماتيالىق قاتىناس ورناتقان 50 جىلدان بەرى ەكى ەل قاتىناسىنىڭ دامۋىندا سۇبەلى تابىستارعا قول جەتتى. گرەتسيا ءبىر جۇڭگو ساياساتىن باتىل اتقارادى. گرەتسيا پارلامەنتى جۇڭگو مەملەكەتتىك حالىق قۇرىلتايىمەن دوستىق بارىس - كەلىستى كۇشەيتىپ، «ءبىر بەلدەۋ، ءبىر جولدى» بىرگە قۇرۋدى ىلگەرىلەتۋ، ەكونوميكا - ساۋدا، قارجى قوسۋ، ساياحات سياقتى سالالارداعى ناقتى سەلبەستىكتى جەبەۋ، وركەنيەتتەردىڭ اۋىس - كۇيىسىن، ءوزارا ۇلگى الۋىن تەرەڭدەتۋ، حالىقارالىق ادىلدىك پەن ادىلەتتىلىكتى بىرگە قورعاۋ ءۇشىن زاڭ شىعارۋ قۇرىلىمدارىنىڭ بەلسەندى ۇلەسىن قوسۋعا پەيىل.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
