ۋاڭ لياڭجى:
ىستىق - سۋىقتى باستان وتكىزۋ بارىسىندا ەسەيىپ - ەرجەتتى
□ انار بۇلت \ شينجياڭ گازەتىنىڭ ءتىلشىسى سۇي يۇنيان
2022.05.26 15:35 كەلۋ قاينارى : حالىق تورابى
ۇستىنە قىزىل ءتۇستى قىزمەت كيىمىن كيگەن، ارقاسىنا قارا ءتۇستى سومكە اسقان، جۇڭگو مۇناي شينجياڭ مۇناي الابى بولىمشە سەرىكتەستىگى جيچيڭ مۇناي الابى جۇمىس اۋماعى زەرتتەۋ ورتالىعىنىڭ كومەكشى ينجەنەرى ۋاڭ لياڭجىنىڭ بەينەسى كوپكە تانىس. كارتا، چەرتوج جانە ماتەريالدارمەن تولعان ونىڭ سومكەسى ونىڭ قىزمەتتەگى جاقسى كومەكشىسى ەدى.
ۋاڭ لياڭجى سانشيدىڭ جينجۇڭىنان، 2020 - جىلى جۇڭگو مۇناي داشۋەسى (بەيجيڭ) قارامايلى مەكتەپ رايونىنىڭ بايلىقتى بارلاۋ ينجەنەرياسى كاسىبىنەن وقۋ تاۋىسقان. سول جىلى ول جانە ونىڭ ساباقتاستارىنان جيىنى 118 ادام شينجياڭنىڭ نەگىزگى ساتىسىندا قالىپ قىزمەت ىستەۋ تالعامىن جاساپ، بىرگە باس شۋجي شي جينپيڭگە حات جازىپ، شەكارا وڭىرگە تامىر تارتىپ، ناتيجە جاراتىپ، ۇلەس قوسۋ ارماندارىن بىلدىرگەن بولاتىن.
باس شۋجيدىڭ قايتارعان جاۋاپ حاتىنداعى ىقىلاستى تاپسىرماسىن ارقالاپ، ۋاڭ لياڭجى قىزمەت ورنىنا قادام تاستاپ، مۇناي ۇڭعىماسى جۇمىس باسىن باسقارۋمەن شۇعىلداندى. قىس ماۋسىمىندا ول جانە ونىڭ قىزمەتتەستەرى نولدەن تومەن 20دا 30 سەلتسي گرادۋستىق تومەن تەمپەراتۋرادا بوران - شاشىنعا قاراماي، ءاربىر ۇڭعىمانى شارلاپ تەكسەرەدى، ءوندىرىس ساندى مالىمەتتەرىن وقيدى ءارى ەستەلىككە الادى. جابدىقتاردى تەكسەرگەندە تار ورىندارعا نەمەسە ويپاڭ جەرلەرگە جولىقسا، وندا قار - مۇزعا جاتا كەتىپ تەكسەرەدى، مۇندايدا ۇنەمى قول - اياقتارى مۇزداپ سىرەسىپ قالاتىن.
ۇڭعىما رايونىنداعى شيكى مۇنايدىڭ بالاۋىز مولشەرى جوعارى، جەر قاباتىنىڭ قىسىمى زور بولاتىندىقتان، ۋاڭ لياڭجى مەن قىزمەتتەستەرىنىڭ ۇنەمى مۇنايدىڭ داۋىسىن تىڭداۋ ارقىلى جابدىقتاردىڭ اينالىم جاعدايىن تۇجىرىمداۋىنا تۋرا كەلەتىن. تاجىريبەسى جەتەرسىز بولعاندىقتان، العاشىندا ول بالاۋىزبەن اۋىر دارەجەدە بىتەلىپ قالعان ۇڭعىمالاردىڭ مۇناي شۇمەكتەرىن اۋىستىرعاندا، ەكىنىڭ بىرىندە ءۇستى - باسىنا مۇناي داقتارى شاشىرايتىن.
جۇمىس اۋماعىنداعى وزىق تەحنيكالار مەن جۇمىس باسى زاڭدىلىعىن تەزىرەك يگەرۋ ءۇشىن، ۋاڭ لياڭجى ماتەريالدار تولتىرا سالىنعان سومكەسىن كوتەرىپ، سحەما مەن ماتەريالداردى دەرەۋ الىپ شىعىپ، جۇمىس باسىنداعى جابدىقتارمەن سالىستىراتىن، تۇسىنبەگەن جەرلەرىن ەستەلىككە الىپ، ابدەن ءتۇسىنىپ، انىق - قانىعىنا جەتكەنشە ۇزدىكسىز وي جۇگىرتەتىن ءارى اعا بۋىنداردان اقىل سۇرايتىن.
ۋاڭ لياڭجى ەرەكشە قيىن ”تاقتاتاس مايى گوريزونتال ۇڭعىماسىنىڭ گەولوگيالىق باعدار تەحنيكاسىن“ ءوزىنىڭ زەرتتەۋ بەتالىسى ەتتى. ول قۇرلىقتىق تاقتاتاس مايى ساقتالعان قاباتتى پارىقتاۋ ولشەمى، ۇڭعىما ەستەلىگى، ۇڭعىمانى ولشەۋ سياقتى جاقتارداعى قىرۋار كىتاپتى وقىدى، گوريزونتال ۇڭعىما تراەكتورياسىنىڭ سوڭىنا ءتۇسۋدىڭ ءبىرىنشى شەبىنەن تاپجىلماي، جۇمىس باسىنداعىمەن سالىستىرمالى ماتەريالداردى دەر كەزىندە ەستەلىككە الىپ، اعا بۋىنداردىڭ جەتەكشىلىگىندە، كومەگىندە تاقتاتاس مايى ساقتالعان قاباتتى پارىقتاۋ ەرەكشەلىگىن قورىتىندىلادى.
قۇبا تۇزگە ورنالاسقان مۇناي الابىندا ۋاڭ لياڭجى قىزمەتتىڭ جاپاسى مەن ءبىرسارىندىلىعىنان گورى ”ۋاقىتتىڭ جەتىسپەيتىندىگىن“ ايرىقشا سەزىندى. ”ۇيرەنەتىن بىلىمدەر وتە كوپ، ساقتاۋ جانە يكەمدى تالداۋ جاساۋ تەحنيكاسى سياقتى كاسىپتىك بىلىمدەردى ۇيرەنۋ، سونداي - اق ينجەنەريالىق جاقتاعى ۇڭعىما بۇرعىلاۋ تەحنيكاسىن دا ۇيرەنۋ كەرەك“، - دەدى ۋاڭ لياڭجى.
ۋاڭ لياڭجىنىڭ قازىرگى جۇمىس ورنى جۇمىس باسى مەن شەشىمدى تۇتاستىراتىن دانەكەر ىسپەتتى، جۇمىس باسىندا بايقالعان ساندى مالىمەتتەر ارقىلى ءاربىر ۇڭعىمانىڭ قالىپتى ءونىم مولشەرىن ورىنداي الاتىن - المايتىندىعىن ءبىر - بىردەن تەكسەرۋ، سونداي - اق كومەسكى كۇشىنە تالداۋ جاساۋ كەرەك. ءاربىر ۇڭعىما ايرىقشا ماڭىزدى، بارلىق ماسەلە كەزەك كۇتتىرمەيدى، ونىڭ قول تەلەفونىنىڭ قوڭىراۋى قاشاندا ەڭ كۇشتىسىنە قويىلىپ تۇرادى، جۇمىس باسىنداعى ءتۇرلى ماسەلەلەرگە قاي - قاشان دا توتەپ بەرۋگە دايىن.
”جۇمىس باسىنداعى ساندى مالىمەتتەردى ىشكەرىلەي زەرتتەۋ، وعان تالداۋ جاساۋ ءبىزدىڭ جۇمىس باسىنا تەزىرەك قانىق بولۋىمىزعا پايدالى، ونى قانىق بىلگەندە عانا، ونى قورعاي الامىز“. يكەمدى تالداۋ جاساۋ، مۇناي قورىنا تالداۋ جاساۋ، ساندى مالىمەتتەردى ءبىر جايلى ەتۋ، بارلاۋ، اشۋ... ۋاڭ لياڭجى قاجىرلىلىقپەن ۇيرەنىپ، ءوزىن ۇزدىكسىز تولىقتىردى.
”باس شۋجيدىڭ ىقىلاستى تاپسىرماسى مەنى ءارقاشان قيىندىققا بەتپە - بەت كەلۋگە، قۇلشىنا كۇرەس جۇرگىزۋگە ىنتالاندىرىپ كەلەدى“، - دەدى ۋاڭ لياڭجى. مۇناي الابى نەگىزگى ساتىسىندا جاس وقۋشىدان تولىمدى قىزمەتكەر بولعانعا دەيىن، قاعاز بەتىندەگى نازاريادان ءوندىرىس امالياتىنا دەيىن، ول كوپتەگەن قيىنشىلىقتى باستان كەشىردى، ءاربىر قادامىن نىق باستى.
2021 - جىلدىڭ سوڭىندا ۋاڭ لياڭجى باستى جاۋاپتى بولىپ قاتىسقان عىلىم - تەحنيكا نىسانى جۇمىس اۋماعى عىلىم - تەحنيكا العاباسارلىعى 2 - دارەجەلى سيلىعىنا يە بولدى. ”’وتانعا مۇناي ارناۋ‘ مەنىڭ ارمانىم. ارماندى جۇزەگە اسىرۋ ءۇشىن كوبىرەك شىنىعۋدان ءوتۋ كەرەك، الدا باسار جول ءالى ۇزاق، مەن ەندى عانا اتقا قوندىم“، - دەدى ول.
ۋاڭ لياڭجى مۇناي الابىنىڭ بولاشاق دامۋىنا تولىق سەنىمدى، وزىنە دە تولىق سەنىمدى. ول تالاي جىلدان كەيىن ماقتانىشپەن ”وسى ۇڭعىمالار ءوز بالام سياقتى، ولار مەنىڭ الدىمدا ەسەيىپ - ەرجەتتى“ دەۋدى ءۇمىت ەتەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
