بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

”كىلەم سەرىكتەستىگىم 100 ادامدى اسىراي الادى“

□ انار بۇلت \ شينجياڭ گازەتىنىڭ تىلشىلەرى لۋ فىڭباۋ، سۇڭ ۋيگو

2022.05.26 15:38     كەلۋ قاينارى : شينجياڭ گازەتى

  ”اتام مەن اكەم كىلەمنىڭ ارقاسىندا ءبىر وتباسىن اسىراعان بولسا، ال مەنىڭ كىلەم سەرىكتەستىگىم 100 ادامدى اسىراي الادى“، - دەدى انچيلا كىلەم شەكتى سەرىكتەستىگىنىڭ زاۆود ۇيىندە باس ديرەكتور حاميت پولات كىلەمدى سيپاپ تۇرىپ. وعان مۇنداي سەنىم بەرگەن كىلەم توقىپ، كىلەم ساتاتىن اۋلەت مۇراسى عانا ەمەس، قىزىلسۋ قىرعىز اۆتونوميالى وبلىسىنىڭ شاعىن، ۇساق كاسىپورىندارىنىڭ دامۋىن جەبەۋدەگى ءتۇرلى ساياسات جاعىنان دا قولداۋ كورسەتۋىنىڭ ارقاسى.

  حاميت كىلەم ساۋداسىمەن شۇعىلدانعان وتباسىندا ەسەيگەن، ونىڭ اتاسى تاۋ اسىپ، تاس باسىپ ءجۇرىپ حوتاننان قىزىلسۋ وبلىسىنا كىلەم تاسىپ اكەلىپ ساتىپ، ءبىر ۇلكەن وتباسىن اسىراعان، سونداي - اق اۋلەتتەرىنىڭ كىلەم ساۋداسىمەن اينالىسۋىنىڭ نەگىزىن قالاعان.

  حاميتتىڭ اكەسى كىلەم ساۋدالاۋعا عانا قاناعاتتانىپ قالمادى، قولمەن كىلەم توقۋ شەبەرحاناسىن اشىپ، كىلەم توقىپ، كىلەم ساتا باستايدى. ”شەبەرحانانىڭ كولەمى شاعىن، جابدىعى مەشەۋ بولعاندىقتان، ونىمدىلىگى ونشا جاقسى بولمادى“، - دەيدى حاميت.

  2014 - جىلى اتۇش قالاسى اتۇش ونەركاسىپ باقشاسى شاعىن، ۇساق كيىم - كەشەك كاسىپ سالاسى باقشا رايونىن قۇرىپ (تومەندە قىسقارتىلىپ شاعىن، ۇساق كاسىپ باقشاسى دەلىندى)، شاعىن، ۇساق كاسىپورىنداردى ولشەمدى زاۆود ءۇيى، قامبا، زات اينالىمى قامباسى سياقتى قۇرىلعىلارمەن قامدايدى، وسىندا ىرگە تەپكەن كاسىپورىندار تاعى زاۆود ءۇيىن 3 جىل اقىسىز پايدالانۋداي تيىمدىلىك جاساۋ ساياساتىنان يگىلىكتەنەدى.

  حاميت وتباسى ساۋداسىن كەڭەيتۋدى كوزدەپ بارلىق جيعان - تەرگەندەرىنە ءوندىرىس جابدىعىن ساتىپ الادى. 2015 - جىلى انچيلا كىلەم زاۆودى شاعىن، ۇساق كاسىپ باقشاسىندا قۇرىلىپ، نەگىزىنەن وتباسىنا پايدالاناتىن كىلەم، گۇلدى كىلەم سياقتى ونىمدەردى وندىرە باستايدى.

  وسىزاماندانعان زاۆود قولمەن كىلەم توقۋ شەبەرحاناسىنىڭ ورنىن باسىپ، انچيلا كىلەم زاۆودى اتۇش قالاسىنداعى تۇڭعىش وزىق توقىماشىلىق تۇرىندەگى وڭدەۋ كاسىپورنىنا اينالىپ، ءبىر جولدا ماڭىنداعى 45 بۇقارانى جۇمىستانۋعا باۋراپ، ىستەتكەن جۇمىسشى سانى اكەسىنىڭ قولمەن كىلەم توقۋ شەبەرحاناسىنىڭ 2 دە 3 ەسەسىنە جەتەدى.

  35 جاستاعى تۇرسىن جۇمۇت تۇڭعىش توپتا انچيلا كىلەم زاۆودىندا جۇمىستانعان جۇمىسشى، كوپ جىلدىق ۇيرەنۋ جانە ىزدەنۋ ارقىلى ول كىلەم زاۆودىنىڭ باستىعى بولادى. ”بۇرىن مەن ۇيىمدە ەگىن سالىپ، ەگىن شارۋاشىلىعىنىڭ سايابىر كەزىندە ۇساق جۇمىس ىستەيتىنمىن. كىلەم زاۆودىندا جۇمىستانعان سوڭ، قىزمەتىم ورنىقتى بولىپ، كىرىسىم دە ارتتى“، - دەدى ول.

  ءتىلشى انچيلا كىلەم زاۆودىنىڭ ءوندىرىس سەحىنان جۇمىسشىلاردىڭ كەيبىرەۋىنىڭ كىلەم توقۋ ماشيناسىن جۇرگىزىپ جاتقان، كەيبىرەۋىنىڭ كىلەم ءجىبىن تولىقتاپ جاتقان، كەيبىرەۋىنىڭ كىلەمدى جيەكتەپ جاتقان قاربالاس جاعدايىن كوردى. ولاردىڭ وندىرگەن ءتۇرلى كىلەمدەرى تۇتاس شينجياڭدا جانە ەل ىشىندەگى ولكەلەردە ساتىلدى، ءتىپتى شالعايداعى قىرعىزستانعا دەيىن ساتىلىپ، ادەتتەگى شاعىن زاۆودتىڭ جىلدىق ساتىلۋ سوماسى 12 ميلليون يۋانعا جەتتى.

  حاميت قازىرگى جاعدايىنا قاناعاتتانىپ قالمادى، داشۋە بىتىرگەن ونىڭ ويعا العان جۇمىستارى كوپ. ول جەكەلەردىڭ تاپسىرىسپەن جاساتقان كىلەمدەرىن قابىلدايدى، الارماندار سۋرەتىن جولداپ بەرسە بولدى، دەرەۋ كىلەمگە الارمانداردىڭ باس سۋرەتىن توقىپ بەرەدى؛ ول تاعى ءبىر ءبولىم كورىنىس رايوندارىمەن بايلانىس جاساپ، ءوزىنىڭ ونىمدەرىن ساياحات ەستەلىك بۇيىمى رەتىندە ساتۋدى اقىلداسۋدا.

  بازارى بارعان سايىن كەڭەيە تۇسكەن كىلەم زاۆودىن كەڭەيتىپ سالۋ قاجەت. سونىمەن ول ۇكىمەتتىڭ قولداۋ كورسەتۋىمەن كولەمى 2000 شارشى مەترلىك زاۆود ءۇيىن جاقىن جەردەن سالا باستادى، جوسپار بويىنشا 6 - ايدا وندىرىسكە قوسىلادى، سول كەزدە جاڭا زاۆود 50دەن ارتىق جۇمىس ورنىمەن قامدايدى.

  4 - ايدا اتۇش قالاسى جوعارعى اتۇش قالاشىعى ياۋىلىق قىستاعىنىڭ تۇرعىنى ءدىلقۇمار ابىلىمىت شاقىرۋ بويىنشا جۇمىسقا قابىلدانىپ، جاڭا كىلەم زاۆودىنىڭ جۇمىسشىسى بولدى. ول وزگە قىزمەتتەستەرىنەن كىلەم توقۋ ماشيناسىن جۇرگىزۋدى ۇيرەنۋدە، جاڭا زاۆود ىسكە قوسىلعاندا، جاڭا زاۆودتا جۇمىس ىستەيتىن بولادى. رەتتى كيىنىپ، ءوندىرىس جەلىسىندە جۇمىس ىستەۋدى ويلاعاندا 27 جاستاعى ءدىلقۇماردىڭ جۇزىنە كۇلكى ءۇيىرىلدى.

  قازىر شاعىن، ۇساق كاسىپ باقشاسىندا انچيلا كىلەم سەرىكتەستىگى سياقتى شاعىن، ۇساق كاسىپورىننان جالپى 23ى بار، تاياۋ ماڭنان كەلگەن 800دەن ارتىق قىستاق تۇرعىنى وسى ارادا جۇمىستانۋدا.

  شاعىن، ۇساق كاسىپ باقشاسىنا كوز جىبەرسەڭىز، ءتۇزۋ اسفالت جولداردى، رەتتى زاۆود ۇيلەرىن كورەسىز، كەڭ جولدا جۇمىسشىلاردىڭ قاراسى كورىنبەيدى. تۇسكى تاماق ۋاعىندا زاۆود ۇيلەرىنەن شىققان جۇمىسشىلار شاعىن، ۇساق كاسىپ باقشاسىن دەرەۋ دۋمانعا بولەدى، كەزىندە قولدارىنا كەتپەن الىپ، وشاق قاسىنان اينالىپ شىقپايتىن قىستاق تۇرعىندارى، قازىرگى كاسىپ باقشاسىنداعى جاڭا تۇرمىستارىنا تەز ارادا كوندىگىپ كەتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار