شي جينپيڭ بىرلەسكەن مەملەكەتتەر ۇيىمىنىڭ ادامدىق ۇقىق ىستەرىنە جاۋاپتى جوعارى دارەجەلى ءمانساپتىسى باچەلەتپەن كەزدەستى
2022.05.26 16:02 كەلۋ قاينارى : حالىق تورابى
 |
مەملەكەت ءتوراعاسى شي جينپيڭ 5 - ايدىڭ 25 - كۇنى بەيجيڭدە بەينە ەكران تاسىلىمەن بىرلەسكەن مەملەكەتتەر ۇيىمىنىڭ ادامدىق ۇقىق ىستەرىنە جاۋاپتى جوعارى دارەجەلى ءمانساپتىسى باچەلەتپەن كەزدەستى.
سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
|
شينحۋا اگەنتتىگى، 5 - ايدىڭ 25 - كۇنى، بەيجيڭ. مەملەكەت ءتوراعاسى شي جينپيڭ 5 - ايدىڭ 25 - كۇنى بەيجيڭدە بەينە ەكران تاسىلىمەن بىرلەسكەن مەملەكەتتەر ۇيىمىنىڭ ادامدىق ۇقىق ىستەرىنە جاۋاپتى جوعارى دارەجەلى ءمانساپتىسى باچەلەتپەن كەزدەستى.
شي جينپيڭ باچەلەتتىڭ جۇڭگوعا ساپارلاي كەلۋىن قارسى الاتىنىن ءبىلدىردى ءارى جۇڭگونىڭ تاريحىمەن، مادەنيەتىمەن ۇشتاستىرا وتىرىپ جۇڭگونىڭ ادامدىق ۇقىق ىستەرىنىڭ دامۋىنا قاتىستى كەلەلى ماسەلەلەردى ىشكەرىلەي پايىمداپ، جۇڭگو پارتياسى مەن ۇكىمەتىنىڭ ادامدىق ۇقىقتى جالپى بەتتىك قورعاۋعا جانە قامتاماسىز ەتۋگە كۇش سالۋ پرينسيپتىك مايدانىن ايقىن بەينەلەدى. شي جينپيڭ دارىپتەپ بىلاي دەدى: جۇڭگو كوممۋنيستىك پارتياسى دۇنيەگە كەلگەن كۇننەن باستاپ جۇڭگو حالقىنىڭ باقىتىن كوزدەۋدى، جۇڭحۋا ۇلتىنىڭ گۇلدەنۋىن كوزدەۋدى ءوزىنىڭ اۋەلگى ماقساتى، بورىشى ەتىپ، 100 جىلدان استام ۋاقىتتان بەرى حالىقتىڭ مۇددەسى ءۇشىن كۇرەس جاساپ كەلەدى. حالىقتىڭ تاماشا تۇرمىسقا دەگەن تالپىنىسى −ءبىزدىڭ كۇرەس نىسانامىز. ۇزاق ۋاقىت قاجىرلىلىقپەن كۇرەس جۇرگىزۋ ارقىلى جۇڭگو ءداۋىر اعىمىنا ۇيلەسەتىن، ءوز ەلىنىڭ مەملەكەت جاعدايىنا ۇيلەسەتىن ادامدىق ۇقىقتى دامىتۋ جولىمەن ءساتتى ءجۇردى. ءبىز جالپى بارىستىق حالىق دەموكراتياسىن ۇزدىكسىز دامىتىپ، ادامدىق ۇقىقتى زاڭمەن باسقارۋدى قامتاماسىز ەتۋدى ىلگەرىلەتىپ، قوعامدىق ادىلدىك پەن ادىلەتتىلىكتى قورعادىق، جۇڭگو حالقى اناعۇرلىم كەڭ، اناعۇرلىم تولىق، اناعۇرلىم جان - جاقتى دەموكراتيالىق ۇقىقتان يگىلىكتەندى. جۇڭگو حالقىنىڭ ادامدىق ۇقىعى بۇرىن بولىپ كورمەگەن دارەجەدە قامتاماسىزداندىرىلدى.
شي جينپيڭ بىلاي دەپ اتاپ كورسەتتى: ادامدىق ۇقىقتى قامتاماسىزداندىرۋدا ەڭ جاقسى دەگەن ءسوز بولمايدى، تەك اناعۇرلىم جاقسى دەگەن ءسوز عانا بولادى. جۇڭگو تەڭدىك جانە ءوزارا قۇرمەت ەتۋ نەگىزىندە، ءارقايسى جاقپەن ادامدىق ۇقىق كەڭەسىن جانە سەلبەستىگىن بەلسەنە ورىستەتىپ، ورتاق تانىمدى كەڭەيتىپ، الاۋىزدىقتاردى ازايتىپ، ءوزارا ۇلگى الىپ، بىرگە العا باسىپ، حالىقارالىق ادامدىق ۇقىق ىستەرىن بىرگە ىلگەرىلەتىپ، ءار ەل حالىقتارىنا باقىت جاراتۋدى قالايدى. قازىر، ەڭ ماڭىزدىسى، مىناداي 4 ءىستى ويداعىداي ىستەۋ كەرەك.
ءبىرىنشى، حالىقتى وزەك ەتۋدە تاباندى بولۋ كەرەك. حالىقتىڭ مۇددەسىن شىعار ءتۇيىن جانە تياناق ەتىپ، حالىق ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەسىن ۇزدىكسىز ويداعىداي شەشىپ، حالىقتى باقىتتى تۇرمىسقا كەنەلتۋگە قۇلشىنۋ كەرەك، مىنە، بۇل − ەڭ ۇلكەن ادامدىق ۇقىق. ءبىر ەلدىڭ ادامدىق ۇقىق جاعدايى جاقسى بولىپ وتىر ما، جوق پا دەگەندە، باستىسى، ءوز ەلى حالقىنىڭ مۇددەسىن قورعاعان - قورعاماعانىنا، حالىقتىڭ تابىس سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ كۇشەيگەن - كۇشەيمەگەنىنە قاراۋ كەرەك، بۇل − ءبىر ەلدىڭ ادامدىق ۇقىق جاعدايىن تەكسەرۋدىڭ ەڭ ماڭىزدى ولشەمى. حالىقتىڭ وزىنە ءوزى قوجا بولۋىنا مۇمكىندىك جاساپ، ادامدىق ۇقىق ىستەرىن دامىتۋدىڭ نەگىزگى قاتىناسۋشىسى، جەبەۋشىسى، يگىلىگىن كورۋشىسى بولۋ كەرەك.
ەكىنشى، ءار ەلدىڭ ادامدىق ۇقىق ىستەرىن دامىتۋ جولىنا قۇرمەت ەتۋ كەرەك. ادامدىق ۇقىق تاريحي، ناقتى، رەال بولادى، ءار ەلدىڭ مەملەكەت جاعدايى ۇقسامايدى، تاريحي مادەنيەت، قوعامدىق ءتۇزىم، ەكونوميكالىق، قوعامدىق دامۋ دەڭگەيىندە پارىق بولادى، ءسوز جوق، ءوز ەلىنىڭ ءىس جۇزىندىك جاعدايى مەن حالىقتىڭ قاجەتىن شىعار ءتۇيىن ەتىپ، وزىنە ۇيلەسەتىن ادامدىق ۇقىقتى دامىتۋ جولىن قاراستىرۋ كەرەك. ءىس جۇزىندىكتەن قول ءۇزىپ، باسقا ەلدەردىڭ ءتۇزىم ۇلگىسىن قاز - قالپىندا كوشىرىپ قولدانۋ ءوز ەلىنىڭ جاعدايىنا ۇيلەسپەي قانا قويماي، ونىڭ ۇستىنە اپات سيپاتتى زارداپ تۋدىرادى، ەڭ سوڭىندا قالىڭ حالىق بۇقاراسى زيانعا ۇشىرايدى. بۇل جاعىنداعى مىسالدار وتە كوپ، ودان عيبىرات الۋ كەرەك.
ءۇشىنشى، ءتۇرلى ادامدىق ۇقىقتى ءبىر تۇتاس دارىپتەپ، تەڭ ءمان بەرۋ كەرەك. ادامدىق ۇقىقتىڭ مازمۇنى جان - جاقتى، باي، ءسوز جوق، ۇتىمدى شارا قولدانىپ، جۇيەلى ىلگەرىلەتۋ كەرەك. وركەندەپ كەلە جاتقان ەلدەر جونىنەن العاندا، ءومىر ءسۇرۋ ۇقىعى، دامۋ ۇقىعى − باستى ادامدىق ۇقىق. اناعۇرلىم ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى قۇلشىنا جۇزەگە اسىرىپ، ادامدىق ۇقىق ىستەرىنىڭ دامۋىن پارمەندى قامتاماسىز ەتۋ كەرەك.
ءتورتىنشى، دۇنيە جۇزىلىك ادامدىق ۇقىق ىستەرىن جونگە سالۋدى كۇشەيتۋ كەرەك. ادامدىق ۇقىقتى جەبەۋ جانە قورعاۋ − بۇكىل ادامزاتتىڭ ءىسى، ول كوپشىلىكتىڭ ورتاق قۇلشىنۋىن قاجەت ەتەدى. ادامدىق ۇقىق ماسەلەسىندە جان - جاقتى كەمەلدى ءمىنسىز ەل بولمايدى، باسقا ەلدەرگە اقىلگويسۋ دۇرىس ەمەس، ادامدىق ۇقىق ماسەلەسىن ساياسيلاندىرۋعا، قۇرال ەتۋگە، قوس ولشەم قولدانۋعا، ادامدىق ۇقىقتى سىلتاۋ ەتىپ باسقا ەلدەردىڭ ىشكى ىسىنە كيلىگۋگە ءتىپتى دە بولمايدى. بىرلەسكەن مەملەكەتتەر ۇيىمى ەرەجەسىنىڭ تۇپكى ماقساتى مەن پرينسيبىنە قاتاڭ بويسۇنىپ، بۇكىل ادامزاتتىڭ ورتاق قۇنىن ساۋلەلەندىرىپ، دۇنيە جۇزىلىك ادامدىق ۇقىقتى جونگە سالۋدىڭ اناعۇرلىم ءادىل، ادىلەتتى، ۇيلەسىمدى، سيىسىمدى باعىتقا قاراي دامۋىن ىلگەرىلەتۋ كەرەك. جۇڭگو بىرلەسكەن مەملەكەتتەر ۇيىمىنىڭ حالىقارالىق ادامدىق ۇقىق ىستەرىن جەبەۋ جولىندا بەلسەندى قۇلشىنىستار جاساۋىن ۇزدىكسىز قولدايدى.
باچەلەت مىنانى ءبىلدىردى: جۇڭگو جاقتىڭ جۇڭگوعا ساپارلاي بارماق بولعان مەنى ىندەتتىڭ قيىنشىلىعىن جەڭىپ قارسى الىپ وتىرعانىنا راقىمەت ايتامىن، بۇل − 17 جىلدان بەرى بىرلەسكەن مەملەكەتتەر ۇيىمىنىڭ ادامدىق ۇقىق ىستەرىنە جاۋاپتى جوعارى دارەجەلى ءمانساپتىسىنىڭ جۇڭگوعا تۇڭعىش رەت ساپارلاي بارۋى، مەن وسى رەتكى ساپارعا ەرەكشە ءمان بەرەمىن جانە ونى قاستەرلەيمىن، سول كەزدە جۇڭگو ۇكىمەتىمەن جانە قوعامىنداعى ءار سالا قايراتكەرلەرىمەن كەڭىنەن ارالاسىپ، تىكەلەي قارىم - قاتىناس جاسايمىن، وسى رەتكى ساپارىمنىڭ جۇڭگونى اناعۇرلىم جاقسى تۇسىنۋىمە كومەگىن تيگىزەتىنىنە سەنەمىن. جۇڭگونىڭ كەدەيلىكتى جويۋ، ادامدىق ۇقىقتى قورعاۋ، ەكونوميكالىق، قوعامدىق دامۋدى جۇزەگە اسىرۋ سياقتى جاقتاردا كورسەتكەن قۇلشىنىستارى مەن قول جەتكىزگەن تابىستارىنا سۇيىنەمىن، جۇڭگونىڭ كوپ جاقتىلىقتى قورعاۋ، كليمات وزگەرىسى قاتارلى دۇنيە جۇزىلىك سىن - سايىسقا توتەپ بەرۋ، دۇنيە ءجۇزىنىڭ باياندى دامۋىن جەبەۋ سياقتى جاقتاردا اتقارعان ماڭىزدى رولىن القايمىن. جۇڭگومەن بارىس - كەلىستى كۇشەيتىپ، سەلبەستىك جاعىندا ىزدەنىس جاساپ، دۇنيە ءجۇزىنىڭ ادامدىق ۇقىق ىستەرىنىڭ العا باسۋىن جەبەۋ جولىندا بىرگە قۇلشىنۋعا پەيىلمىن.
ديڭ شۋەشياڭ، ياڭ جيەچى، ۋاڭ ي (گۋاڭجوۋدا) كەزدەسۋدە بىرگە بولدى.
كەلۋ قاينارى: حالىق تورابى
 |
مەملەكەت ءتوراعاسى شي جينپيڭ 5 - ايدىڭ 25 - كۇنى بەيجيڭدە بەينە ەكران تاسىلىمەن بىرلەسكەن مەملەكەتتەر ۇيىمىنىڭ ادامدىق ۇقىق ىستەرىنە جاۋاپتى جوعارى دارەجەلى ءمانساپتىسى باچەلەتپەن كەزدەستى.
سۋرەتتى شينحۋا اگەنتتىگىنىڭ ءتىلشىسى يۋە يۋەۋەي تۇسىرگەن
|
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
