ۋاڭ ياڭ گانسۋدىڭ گاننان وبلىسىندا تەكسەرۋ - زەرتتەۋ جۇرگىزگەندە مىنانى دارىپتەدى
پارتيانىڭ ۇلت، ءدىن ساياساتىن جاپپاي دايەكتىلەندىرىپ، زاڭزۋلار مەكەندەگەن وبلىس، اۋدانداردىڭ ساپالى دامۋى مەن باياندى تىنىشتىعىن ىلگەرىلەتۋ كەرەك
2022.05.26 16:15 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 25 - كۇنى، لانجوۋ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ جۋىقتا گانسۋدىڭ گاننان زاڭزۋ اۆتونوميالى وبلىسىندا تەكسەرۋ - زەرتتەۋ جۇرگىزدى. ول مىنالاردى دارىپتەدى: ورتالىقتىڭ ۇلت قىزمەتى ءماجىلىسىنىڭ، ءدىن قىزمەتى جونىندەگى مەملەكەتتىك ءماجىلىستىڭ جانە ورتالىقتىڭ شيزاڭ قىزمەتى جونىندەگى 7 - رەتكى اڭگىمە ءماجىلىسىنىڭ رۋحىن ىشكەرىلەي ۇيرەنىپ، ءتۇسىنىپ جانە دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شيزاڭدى جونگە سالۋ جالپى جوباسىن جاپپاي دايەكتىلەندىرىپ، ساياسي دەڭگەيدى جوعارىلاتىپ، كورەگەندىك شارالاردى كوبىرەك قاراستىرىپ، نەگىزدى بەكەمدەۋ شارالارىن كوبىرەك اتقارىپ، مەملەكەتتىڭ حاۋىپسىزدىگىنە، قوعامنىڭ ورنىقتىلىعىنا، ۇلتتار ىنتىماعىنا، ءدىن جاراسىمدىلىعىنا، حالىق تۇرمىسىنىڭ جاقسارۋىنا، جۇرت تىلەگىن ۇيىستىرۋعا كەپىلدىك ەتىپ، ءىس جۇزىندىك ارەكەتپەن پارتيانىڭ 20 - قۇرىلتايىنىڭ تابىسپەن اشىلۋىن قارسى الۋ كەرەك.
ۋاڭ ياڭ 5 - ايدىڭ 23 - كۇنىنەن 25 - كۇنىنە دەيىن گانناننىڭ اۋىل - قىستاقتارىنا، مال شارۋاشىلىق رايوندارىنا، مەكتەپتەرىنە، ءدىني ورىندارىنا بارىپ، ءار ۇلت بۇقاراسىمەن، ءدىن سالاسىنداعى قايراتكەرلەرمەن ىشكەرىلەي پىكىر الماستىرىپ، زاڭزۋلار مەكەندەگەن وبلىس، اۋدانداردىڭ ەكونوميكالىق، قوعامدىق دامۋى، ۇلت، ءدىن قىزمەتى سياقتى جاعدايلاردى ۇعىستى ءارى اڭگىمە ءماجىلىسىن باسقارىپ اشىپ، قاتىستى جاقتاردىڭ ۇسىنىس - پىكىرلەرىن تىڭدادى. ول مىنالاردى اتاپ كورسەتتى: پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءار ۇلت كادر - جۇرتشىلىعىنىڭ ىنتىماقتاسا كۇرەس جۇرگىزۋى ارقىلى گانسۋدىڭ زاڭزۋلار مەكەندەگەن وبلىس، اۋداندارىنىڭ ءتۇرلى ىستەرى جان - جاقتى العا باسىپ، قوعام ورنىقتىلىعى جالپى جاعدايى ۇزدىكسىز جاقسارىپ، قالا مەن اۋىلدىڭ بەت - بەينەسى شىت جاڭا تۇسكە ەنىپ، ەكولوگيالىق حاۋىپسىزدىك قالتقىسى كۇن سايىن بەكەمدەلىپ، كەدەيلىكتەن ارىلتۋدان قامال الۋدىڭ نىسانا - مىندەتتەرى جوعارى ساپامەن ورىندالىپ، بۇكىل ەلمەن بىرگە جاپپاي دوڭگەلەك داۋلەتتى قوعام قۇرىپ شىعىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى.
ۋاڭ ياڭ بىلاي دەپ دارىپتەدى: زاڭزۋلار مەكەندەگەن جەرلەر قىزمەتى توتەنشە ماڭىزدى، العا باسۋ جولىنداعى قايشىلىقتار مەن حاۋىپ - قاتەردى، سىن - سايىستى تومەن مولشەرلەۋگە بولمايدى. بولشەكتەۋشىلىككە قارسى تۇرۋ كۇرەسىن ىشكەرىلەي ورىستەتىپ، ءار ۇلت بۇقاراسىنا بەرىك سۇيەنىپ، مەملەكەت حاۋىپسىزدىگىنىڭ قۇرىش قورعانىن بەكەمدەۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ۇلتتار ىنتىماعى، العاباسارلىعى ىستەرىن تىڭعىلىقتى ىلگەرىلەتىپ، جۇڭحۋا ۇلتى ورتاق تۇلعاسى جونىندەگى تاريحي زەرتتەۋ مەن ۇگىت - تاربيەنى تەرەڭدەتىپ، مەملەكەتتە ءبىر تۇتاس قولدانىلاتىن ءتىل - جازۋدى جالپىلاستىرىپ، از ۇلت ءتىل - جازۋىن ۇيرەنۋ مەن قولدانۋعا قۇرمەت ەتىپ جانە ونى قامتاماسىز ەتىپ، ءار ۇلت مادەنيەتىنىڭ جالعاسۋىن، قورعالۋىن جانە جاڭالىق اشۋىن، توعىسۋىن ىلگەرىلەتىپ، ۇلتتاردىڭ كەڭ كولەمدە ارالاسۋىن، ىشتەسۋىن، توعىسۋىن فورما، نيەت، ونىمدىلىك جاقتارىنان بىردەي جەبەۋ كەرەك. ەلىمىزدىڭ ءدىندى جۇڭگوشالاندىرۋ باعىتىندا تاباندى بولىپ، ءدىن ىستەرىن باسقارۋدى زاڭ بويىنشا كۇشەيتىپ، زاڭزۋلار وڭىرىندە تارالعان بۇددا عيباداتحانالارىن باسقارۋدىڭ باياندى مەحانيزمىن اقاۋسىزداندىرىپ، پارتيا، ۇكىمەت كادرلارى، ءدىن سالاسىنداعى ۋاكىل قايراتكەرلەر، ءدىن تانۋ زەرتتەۋى سىندى «ءۇش قوسىن» قۇرىلىسىن كۇشەيتىپ، زاڭزۋلار وڭىرىندە تارالعان بۇددا ءدىنىن سوتسياليستىك قوعامعا اناعۇرلىم ويداعىداي سايكەسۋگە جەتەكتەۋ كەرەك. حالىق تۇرمىسىنا تىعىز جاناسىپ، ساپالى دامۋدى ىلگەرىلەتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ، كەڭەيتىپ، اۋىل - قىستاقتى گۇلدەندىرۋمەن ءونىمدى ۇشتاستىرىپ، بايلىق ەرەكشەلىگىن تياناق ەتىپ، ەرەكشە ابزالدىققا يە كاسىپتەردى جەتىلدىرىپ، زورايتىپ، ۇلتتىق وڭىرلەردىڭ وسىزاماندانۋعا جانە بىرگە اۋقاتتانۋعا قادام تاستاۋىنىڭ جاڭا جولىن قاراستىرۋ كەرەك. «تۇنىق سۋ، جاسىل تاۋ − باعالى بايلىق» ۇستانىمىن بەرىك ورناتىپ، ەكولوگيانى الدىمەن ەسكەرۋدە، قورعاۋدى ءبىرىنشى ورىنعا قويۋدا تاباندى بولىپ، ۇستىرتتەگى جايىلىم، ورمان بايلىعىن، اسقار تاۋلاردى، اعىندى وزەندەردى ويداعىداي قورعاۋ كەرەك.
ۋاڭ ياڭ تاعى لۇيچۇي اۋداندىق ساياسي كەڭەس ورگانىنا بارىپ تەكسەرۋ - زەرتتەۋ جۇرگىزىپ، جاڭا داۋىردەگى قالالىق، اۋداندىق ساياسي كەڭەس قىزمەتىن كۇشەيتۋگە جانە جاقسارتۋعا قاتىستى جاعدايلاردى ۇعىستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
