اۆتونوميالى رايون شينجياڭعا قاتىستى اقپار جاريالاۋ ءماجىلىسىن اشتى
لاڭكەستىك ارەكەتتەرگە زاڭ بويىنشا سوققى بەرۋ − ادامدىق ۇقىقتى ەڭ ءتۇبىرلى قورعاعاندىق
2022.05.27 14:59 كەلۋ قاينارى : حالىق تورابى
انار بۇلت \ شينجياڭ گازەتىنىڭ ءتىلشىسى جىڭ جوۋ 5 - ايدىڭ 25 - كۇنى ۇرىمجىدەن حابارلايدى. لاڭكەستىك ارەكەتتەرگە زاڭ بويىنشا سوققى بەرىپ، ءار ۇلت حالقىنىڭ ءومىرىنىڭ، مال - مۇلىكىنىڭ حاۋىپسىزدىگىن قامتاماسىز ەتۋ − ادامدىق ۇقىقتى ەڭ ءتۇبىرلى قورعاعاندىق. 5 - ايدىڭ 24 - كۇنى شينجياڭ ۇيعۇر اۆتونوميالى رايونى ءۇرىمجى قالاسىندا شينجياڭعا قاتىستى اقپار جاريالاۋ ءماجىلىسىن اشىپ، جۇڭگونىڭ شينجياڭىنىڭ لاڭكەستىككە قارسى تۇرۋ جانە ۇشقارىلىقتى الاستاۋ جاقتارىندا كورسەتكەن قۇلشىنىسى مەن قول جەتكىزگەن تابىستارىن تاپتەشتەي تانىستىرىپ، شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسىنىڭ بىرلەسكەن مەملەكەتتەر ۇيىمىنىڭ لاڭكەستىككە سوققى بەرۋ، نەگىزگى ادامدىق ۇقىقتى قورعاۋ باس ماقساتى مەن پرينسيبىنە بۇكىلدەي ۇيلەسەتىندىگىن باسا دارىپتەدى.
وتكەن ءبىر مەزگىلدە شينجياڭدا لاڭكەستىك ارەكەتتەر كوپ تۋىلىپ، ءجيى تۋىلىپ، شينجياڭداعى ءار ۇلت بۇقاراسىنىڭ تىرشىلىك ۇقىعى، سالاماتتىق ۇقىعى، دامۋ ۇقىعى سياقتى نەگىزگى ادامدىق ۇقىعى بەتالدى تاپتالدى. اقپار جاريالاۋ ءماجىلىسىنىڭ ناق مايدانىندا شينجياڭنىڭ زورلىقتى كۇش لاڭكەستىك قىلمىستارىنا زاڭ بويىنشا قاتاڭ سوققى بەرگەن ءبىر ءبولىم بەينە كەسكىن ماتەريالدارى قويىلدى، دەلوعا قايىرىلا قاراۋ ارقىلى ماجىلىسكە قاتىناسقان ادامدار شينجياڭ ىلگەرى ءدوپ كەلگەن لاڭكەستىك حاۋىپ - قاتەردى شىنايى سەزىندى.
اۆتونوميالى رايوندىق قوعام حاۋىپسىزدىگى مەڭگەرمەسىنىڭ ورىنباسار باستىعى يالقۇن ياقۇپ بىلاي دەپ باسا دارىپتەدى: شينجياڭ لاڭكەستىككە قارسى تۇرۋ، ۇشقارىلىقتى الاستاۋ قىزمەتىن زاڭ بويىنشا ورىستەتۋ بارىسىندا ادامدىق ۇقىقتى قامتاماسىز ەتۋگە باسا ءمان بەرىپ، لاڭكەستىككە قارسى تۇرۋدى، ۇشقارىلىقتى الاستاۋدى بەلگىلى ءبىر وڭىرمەن، ۇلتپەن، دىنمەن بايلانىستىرماۋعا باستان - اياق تاباندى بولىپ، لاڭكەستىككە قارسى تۇرۋ، ۇشقارىلىقتى الاستاۋ سەبەپتى ءار ۇلت حالىق بۇقاراسىنىڭ نەگىزگى ۇقىعىنا زيان جەتكىزۋ جايتىنىڭ تۋىلۋىنان باتىل ساقتاندى.
شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ قىزمەتى باستان - اياق زاڭمەن باسقارۋ ارناسىندا جۇرگىزىلدى. اۆتونوميالى رايوندىق حالىق قۇرىلتايى تۇراقتى كوميتەتى زاڭ قىزمەتى كوميتەتىنىڭ مەڭگەرۋشىسى لي جۋان مىنالاردى ءبىلدىردى: شينجياڭنىڭ جەرگىلىكتى زاڭ شىعارۋ قىزمەتى نەگىزگى زاڭدا، زاڭداردا تۇراقتانعان پرينسيپتەرگە قاتاڭ نەگىزدەلىپ، شينجياڭنىڭ لاڭكەستىككە قارسى تۇرىپ، ورنىقتىلىقتى قورعاۋ بويىنشا زاڭ شىعارۋ قاجەتىمەن تىعىز ۇشتاستىرىپ، زاڭ شىعارۋدى عىلمي ارناعا ءتۇسىرىپ، لاڭكەستىككە قارسى تۇرۋ جانە ۇشقارىلىقتى الاستاۋ قىزمەتىن زاڭ بويىنشا ورىستەتۋگە زاڭدىق قامتاماسىزدىق ازىرلەدى.
ءۇرىمجى قالالىق ورتا حالىق سوتى مەكەمەسىنىڭ ورىنباسار باستىعى يۋان چين بىلاي دەپ تانىستىردى: شينجياڭ ازاماتتاردىڭ ءوز ۇلتىنىڭ ءتىل - جازۋىن قولدانىپ ارىز - شاعىم، اقتاۋ جۇرگىزۋ ۇقىعىن تولىق قامتاماسىز ەتتى. ساناققا قاراعاندا، شينجياڭدا قازىرگى بار از ۇلت سۋديالارى جالپى شتاتتاعى سۋديالاردىڭ ％1. 47ىن ۇستاپ، ”حانزۋ ءتىلى، ۇيعۇر ءتىلى، قازاق ءتىلى“ سياقتى كوپ ءتۇرلى تىلدەگى دىبىستىق زەردەلى اۋدارما كوشىرىپ جازۋ جۇيەسى زەرتتەپ اشىلعان.
ەجەلدەن بەرى شينجياڭ لاڭكەستىككە زاڭ بويىنشا سوققى بەرۋدى ادامدىق ۇقىقتى قامتاماسىز ەتۋمەن ۇشتاستىرۋعا تاباندى بولىپ كەلدى. اقپار جاريالاۋ ماجىلىسىندە، ىلگەرى جازا وتەگەندەر بەينەەكران تاسىلىمەن وزدەرىنىڭ تەرگەلۋ، جازا وتەۋ كەزىندەگى ۇقىعىنىڭ قامتاماسىز ەتىلۋ جاعدايىن باياندادى.
”ەكونوميكالىق قيىنشىلىق سەبەبىنەن ادوۆكات ۇسىنىس ەتە الماعان قىلمىس كۇماندىلارىنا ءبىز زاڭدىق كومەك ورتالىعى ارقىلى اقتاۋشى ادوۆكاتتى تەگىن جىبەرەمىز“. ءۇرىمجى قالالىق حالىق پروكۋراتۋراسى دەلو باسقارۋ كەڭسەسىنىڭ ورىنباسار مەڭگەرۋشىسى يۇسانجان اسەن بىلاي دەپ تانىستىردى: سالماقتى ناۋقاسقا شالدىققان جازا وتەۋشىلەردىڭ ”كەپىلگە بوساتىلاتىندارى مۇمكىندىكتىڭ بارىنشا كەپىلگە بوساتىلىپ“، قىلمىستىلاردىڭ كەزدەسۋ ۇقىعى، حابارلاسۋ ۇقىعى جانە باسقا دا ماقرۇم ەتىلمەگەن زاڭدى ۇقىعى زاڭ بويىنشا قورعالدى.
”شينجياڭ ورىستەتكەن لاڭكەستىككە قارسى تۇرۋ، ۇشقارىلىقتى الاستاۋ كۇرەسى قادامى دۇرىس، ىستەگەنى تۋرا ادىلەتتىك شاراسى، تاريح سىنىنان بۇكىلدەي سۇرىنبەي وتە الادى“. شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپارات مالىمدەمەشىسى شۇي گۇيشياڭ بىلاي دەدى: الايدا ءىشىنارا مەديالار وتكەن ءبىر مەزگىلدە شينجياڭداعى ءار ۇلت بۇقاراسى ۇشىراعان اپاتپەن ساناسپاي، شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسىن زاڭ بويىنشا ورىستەتكەن جاپالى قۇلشىنىسىمەن جانە جەتىستىگىمەن ساناسپاي، ورشەلەنە بۇرمالاپ، كۇيە جاعىپ، امەريكا سياقتى جۇڭگوعا قارسى كۇشتەردىڭ ساياسي قۇرالىنا اينالدى.
شۇي گۇيشياڭ حالىقارالىق قوعامداعى ءىشىنارا بوگدە نيەتتەگى ادامداردى شينجياڭنىڭ شىنايى جاعدايىن كورۋگە، حالىقارالىق قوعامداعى كوزى اشىق قايراتكەرلەردىڭ شىنايى ءۇنىن تىڭداۋعا ءناسيحاتتادى. شينجياڭ ۇزدىكسىز قۇلشىنىپ، حالىقارالىق قوعامنىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسىنە ۇلەس قوسادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
