چىن دي:
ەڭ تاماشا جاستىق ورالدى باتىس بولىكتەگى قۇتتى مەكەندە نۇر - شۇعىلا شاشتىرامىن
□ انار بۇلت \ شينجياڭ گازەتىنىڭ ءتىلشىسى جازيرا نەسىپبەك، ەرىكتى ءتىلشى ۋاڭ ۋىنجيڭ
2022.05.27 15:00 كەلۋ قاينارى : شينجياڭ گازەتى
”سىرتتا جۇمىس جۇرگىزەتىن تولىمدى قىزمەتكەر بولۋ ءۇشىن، ءسوز جوق، ’ءىش پەن سىرتتىڭ جۇمىسىن‘ بىردەي يگەرە ءبىلۋ كەرەك، سول ءۇشىن بيىل مەن ىشكى بولىكتەگى مەڭگەرۋ بولمەسىنە بارىپ، ماشينا پارامەترى، ماشينانىڭ اينالىم جاعدايىن تۇجىرىمداۋ سياقتى تەحنيكالاردى ۇيرەندىم“، - دەدى 5 - ايدىڭ 19 - كۇنى جۇڭگو مۇناي، تابيعي گاز جارنا شەكتى سەرىكتەستىگى مايتاۋ مۇناي حيميا بولىمشە سەرىكتەستىگى (تومەندە قىسقارتىلىپ ”مايتاۋ مۇناي حيميا“ دەلىنەدى) پولي ولەفين 2 - بىرلەسكەن سەحىنىڭ قىزمەتكەرى چىن دي ماقتانىشپەن.
25 جاستاعى چىن دي نيڭشيادان كەلگەن، 2020 - جىلى جۇڭگو مۇناي داشۋەسى (بەيجيڭ) قارامايلى مەكتەپ رايونى حيميالىق ينجەنەريا جانە تەحنولوگيا كاسىبىن تاۋىسقان. مەكتەپ ءبىتىرۋ ساتىندە چىن ديدى قامتىعان جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىسقان 118 ساباقتاسى بىرگە باس شۋجي شي جينپيڭگە حات جازىپ، باتىس بولىككە تامىر تارتۋ، شەكارا ءوڭىردى گۇلدەندىرۋ بەكىمدەرىن بىلدىرگەن بولاتىن.
”باس شۋجيدىڭ جاۋاپ حاتىن تاپسىرىپ العانداعى ءسات ءالى كۇنگە دەيىن كوكەيىمدە سايراپ تۇر، مەن تەبىرەنگەنىمنەن سەكىرىپ - سەكىرىپ كەتتىم، جاۋاپ حاتتى نەشە مارتە قايتالاپ وقىپ شىقتىم“، - دەدى چىن دي. ول باس شۋجيدىڭ تاپسىرماسىن ەسىندە بەرىك ساقتاپ، جاستىق ورالىن ءشول - جازيراعا ارناپ، تەر توگىپ باعالى بايلىققا قول جەتكىزدى.
داشۋەدەگى كەزىندە ءار جىلعى پراكتيكا كەزىندە ول مايتاۋ مۇناي حيميا سەرىكتەستىگىندە پراكتيكا جاسايتىن، قاقاعان قىس جانە شىلىڭگىر ىستىقتان قورىقپاي، ۇستازىمەن بىرگە ايقىش - ۇيقىش قۇبىرلار اراسىندا جۇرەتىن.”نەگىزگى ساتى ءبىرىنشى شەبىندە قىزمەت ىستەۋ توتەنشە جاپالى، الايدا مەن جاسقانبايمىن. كەزىندە كاسىپ تاڭداعاندا - اق جاپا شەگۋگە بەكىنگەن بولاتىنمىن، ەرتەرەك زاۆود رايونىنا بارىپ تەحنولوگيا بارىسىنا جاتىلۋىم مەنىڭ تەز ارادا جەتىلۋىمە سەپتىگى ءتيدى“، - دەدى چىن دي.
مەكتەپ بىتىرگەننەن كەيىن، چىن دي مايتاۋ مۇناي حيميا پولي ولەفين 2 - بىرلەسكەن سەحىنىڭ سىرتتاعى جۇمىسىنا جاۋاپتى قىزمەتكەرى بولىپ، ءتۇرلى تەحنيكا جابدىقتارىن ارالاپ تەكسەرۋ جۇمىسىنا جاۋاپتى بولادى. قىزمەتكە قاتىناسقاننان كەيىن، ونىڭ قابىلداعان تۇڭعىش مىندەتى 200دەن استام ءتۇرلى جاساۋ تەحنولوگيا چەرتوجىن جاتقا ءبىلۋ، سونداي - اق چەرتوجعا قاراپ ءاربىر قۇرىلعىنى جانە ونىڭ تۇرعان ورنىن ءدال پارىقتاۋ بولدى، ول ۇستازى ياڭ فۋچياڭنان جۇمىس بارىسىندا قۇرىلعىدان بايقالعان ماسەلەنى ءبىر جاقتى ەتۋدى ۇيرەندى.
ءسويتىپ، ءبىر جاتتاعاندا جارتى جىل بويى جاتتادى. كۇندىز چىن دي چەرتوجدى الىپ ۇستازىنىڭ جانىندا ءجۇرىپ، جۋان - جىڭىشكەلىگى تۇرلىشە، رەڭى دە سان الۋان، ءيىر - قيىر قۇبىر جەلىلەرىن پارىقتاۋدى ۇيرەنەدى؛ كەشكە تامان ۋاقىتتى مىقتى يگەرىپ، وزىنە ”ەنەرگيا توپتاپ“، تاماق جەگەندە دە چەرتوجدى جاتتاۋدان جالىقپادى. ءبىر جولى چىن دي قۇلاعى قابىنىپ شيپاحاناعا جاتادى، ول ۇستازىنان چەرتوجدىڭ ەلەكتروندى نۇسقاسىن الدىرىپ، ەم - دوم قابىلداي ءجۇرىپ، چەرتوجدى جاتتاۋدى توقتاتپادى.
كاتاليزاتور شاشىراندى قورابى، ءورت ءسوندىرۋ، ورتتەن ساقتانۋ قۇبىر لەنياسى، پروپيلەن بۋلاندىرعىش... تالاپتىعا نۇر جاۋار دەگەندەي، شيپاحانادان شىققاننان كەيىن، چىن دي چەرتوجعا قاراپ - اق قۇرىلعىلاردىڭ اتىن جانە ورنىن پارىقتاي الاتىن بولدى.
قۇرىلعىلاردى پارىقتاۋمەن جۇمىس بىتە مە، ارالاپ تەكسەرۋ بارىسىندا بايقالعان ماسەلەلەردى ءبىر جاقتى ەتۋدى دە يگەرۋ كەرەك. ول كاتاليزاتور اۋىستىرۋ - قوسۋ سياقتى ۇيرەنگەن تەحنيكالارىن بەكەمدەي ءتۇسۋ ءۇشىن، 2021 - جىلى كوكتەم مەرەكەسىن چىن دي ۇيىنە قايتپاي سەرىكتەستىكتە وتكىزۋدى ۇيعارادى.
”سول كۇنى زاۆودتىڭ سىرتىنداعى تورسىلداق ءۇنى مەن زاۆودتىڭ ىشىندەگى ماشينانىڭ گۇرىلى قوسىلعان ’سيمفونيا‘ داۋىسىن ەستىگەندەي سەزىمدە بولدىم“، - دەيدى چىن دي. اكە - شەشەسى دە ونىڭ قىزمەتىن ەرەكشە قولداپ، وعان جۇمىستى جاقسى ىستەۋدى، جارامدى، كەلەلى مىندەت ارقالاي الاتىن باتىس بولىك قۇرىلىسشىلارى بولۋ ءۇشىن قۇلشىنۋدى قاداعالادى.
”ەڭ تاماشا جاستىق ورالدى باتىس بولىكتەگى قۇتتى مەكەندە نۇر - شۇعىلا شاشتىرامىن“. مەكتەپ بىتىرگەندە چىن ديدىڭ اتا - اناسىنا جولداعان اتكرەتكاسىنا جازىلعان وسى اۋىز ءسوزى ونىڭ جاستىق ورالىنىڭ ەڭ جاندى تۇسىنىكتەمەسى ەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
