حيلۇڭجياڭ ولكەسى موحى قالالىق پارتكومنىڭ بۇرىنعى تۇراقتى مۇشەسى، ساياسي - زاڭ كوميتەتىنىڭ بۇرىنعى شۋجيى فان يۋجۇن پارتيادان ايدالىپ، ۇكىمەت قىزمەتىنەن قالدىرىلدى
2022.05.27 15:48 كەلۋ قاينارى : حالىق تورابى
جۇڭگو اقپارات تورابىنىڭ 5 - ايدىڭ 24 - كۇنى بەرگەن حابارى. حيلۇڭجياڭ ولكەلىك ءتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى تورابىنىڭ حابارىنا قاراعاندا، تاياۋدا داشيڭ ـ انليڭ ايماقتىق پارتكومنىڭ بەكىتۋىمەن، داشيڭ ـ انليڭ ايماقتىق ءتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى موحى قالالىق پارتكومنىڭ بۇرىنعى تۇراقتى مۇشەسى، ساياسي ـ زاڭ كوميتەتىنىڭ بۇرىنعى شۋجيى فان يۋجۇننىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ تەكسەرۋ جۇرگىزدى.
تەكسەرۋ ارقىلى مىنالار انىقتالدى: فان يۋجۇن ساياسي تارتىپكە قايشىلىق جاساپ، باسقالارمەن استاسىپ، ۇيىمدىق تەكسەرۋگە قارسىلىق كورسەتكەن؛ ورتالىقتىڭ سەگىز تارماقتى بەلگىلەمەسىنىڭ رۋحىنا قايشىلىق جاساپ، ۇكىمەت اقشاسىمەن قوناق كۇتكەن؛ ۇيىمدىق تارتىپكە قايشىلىق جاساپ، جەكە باسىنا قاتىستى ىستەردى بەلگىلەمە بويىنشا قاز - قالپىندا مالىمدەمەگەن، ۇيىم حات ارقىلى سۇراستىرعاندا ۇيىمعا ماسەلەنى قاز - قالپىندا تۇسىندىرمەگەن؛ پاكتىك تارتىبىنە قايشىلىق جاساپ، قىزمەت ۇقىعىنان پايدالانىپ تۋىس - تۋعاندارىنا جەكە پايدا جەتكىزگەن؛ قىزمەت تارتىبىنە قايشىلىق جاساپ، مىندەتىن دۇرىس اتقارماي، اۋىر ناشار ىقپال تۋدىرۋعان؛ قىزمەت قولايلىلىعىنان پايدالانىپ، الەۋمەتتىك مال - مۇلىكتى زاڭسىز يەمدەنىپ، قيانات جاساۋ قىلمىس كۇمانى تاعىلعان.
فان يۋجۇن پارتيالى باسشى كادر بولا تۇرا، مۇرات ـ سەنىمنەن ايرىلىپ، اۋەلگى ماقساتتان، بورىشتان بەت بۇرىپ، ساياسي جاقتا پارتياعا ادال بولماعان، شىنايى بولماعان، ۇيىمدىق پرينسيبى كەمشىل بولىپ، ورتالىقتىڭ سەگىز تارماقتى بەلگىلەمەسىنىڭ رۋحىن ەلەپ ـ ەسكەرمەي، ءمانساپتى بولعانىمەن پاك بولماي، ۇقىقتى ءوز بەتىمەن ىستەپ، ۇقىعىنان پايدالانىپ قارا باسىنىڭ قامىن كۇيتتەپ، قىرۋار ۇكىمەت اقشاسىن قىمقىرىپ، پارتيانىڭ ىستەرى مەن وبرازىنا اۋىر زيان جەتكىزگەن. ونىڭ ارەكەتى تارتىپكە، زاڭعا اۋىر دارەجەدە قايشىلىق جاساعان ءارى قياناتشىلدىق قىلمىسىنا شاتىلعان، ونىڭ ۇستىنە پارتيانىڭ 18 - قۇرىلتايىنان كەيىن دە تيىلماعان، تىزگىنىن تارتپاعان، سيپاتى اۋىر، ىقپالى ناشار، ونى قاتاڭ ءبىر جايلى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ ـ تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىن اكىمشىلىك جاقتان جازالاۋ زاڭى»، «اكىمشىلىك ورگاندارداعى ۇكىمەت قىزمەتكەرلەرىن جازالاۋ ەرەجەسى» سياقتى قاتىستى بەلگىلەمەلەرگە ساي، داشيڭ ـ انليڭ ايماقتىق ءتارتىپ تەكسەرۋ كوميتەتى تۇراقتى كوميتەت ءماجىلىسىنىڭ اقىلداسۋى جانە داشيڭ ـ انليڭ ايماقتىق پارتكومنىڭ بەكىتۋىنە جولداۋى ارقىلى فان يۋجۇنگە پارتيادان شىعارۋ جازاسىن بەرۋدى ۇيعاردى؛ داشيڭ ـ انليڭ ايماقتىق باقىلاۋ ـ تەكسەرۋ كوميتەتى وعان قىزمەتتەن ايداۋ جازاسىن بەرەدى؛ ونىڭ تارتىپكە، زاڭعا قايشى تابىسىن تاركىلەيدى؛ قىلمىس كۇمانى تاعىلعان ماسەلەسىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەرىپ، قاتىستى مال ـ مۇلىك بىرگە وتكىزىپ بەرىلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
