شينجياڭ تۇقىمدى زاڭ بويىنشا جونگە سالۋ دەڭگەيىن جوعارىلاتادى
2022.05.27 15:49 كەلۋ قاينارى : حالىق تورابى
انار بۇلت - شينجياڭ گازەتىنىڭ حابارى (ءتىلشى ليۋ ي حابارلايدى). ءتىلشىنىڭ شينجياڭ ۇيعۇر اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسىنەن ۇعىسۋىنشا، بيىل شينجياڭنىڭ جەر ـ جەرى، تاراۋلارى جاڭادان وزگەرىس ەنگىزىلگەن «جۇڭحۋا حالىق رەسپۋبليكاسىنىڭ تۇقىم زاڭىن» (تومەندە قىسقارتىلىپ جاڭا «تۇقىم زاڭى» دەلىنەدى) ۇيرەنۋ، ۇگىتتەۋ تەبىنىن كۇشەيتىپ، تۇقىمدى زاڭ بويىنشا جونگە سالۋ قابىلەتىن جوعارىلاتادى ەكەن.
شينجياڭ ۇيعۇر اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسى تۇقىم شارۋاشىلىعىن باسقارۋ باسقارماسىنىڭ باستىعى ياڭ گۋانيۇڭ بىلاي دەپ تانىستىردى: جاڭا «تۇقىم زاڭى» تۇقىم شارۋاشىلىعىنىڭ دامۋىن ىلگەرىلەتىپ، استىق جانە ماڭىزدى اۋىل شارۋاشىلىق ونىمدەرىمەن ورنىقتى قامداۋعا كەپىلدىك ەتۋدى تۇزىمدىك كەپىلمەن جانە زاڭدىق تىرەكپەن قامدايدى، بۇل تۇقىمدى زاڭ بويىنشا جونگە سالۋدى ىلگەرىلەتىپ، تۇقىم شارۋاشىلىعىنىڭ ءتول جاڭالىق اشۋىن جەبەپ، تۇقىم شارۋاشىلىعى كاسىپورىندارىنىڭ زورايۋىنا، كۇشەيۋىنە دەم بەرۋدە ماڭىزدى مانگە يە.
وسى ءۇشىن، شينجياڭ ۇيعۇر اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسى تاياۋدا جاڭا «تۇقىم زاڭىن» اتقارۋ اڭگىمە ءماجىلىسىن ارناۋلى اشىپ، جاڭا «تۇقىم زاڭىنىڭ» ماڭىزدىلىعى جونىندەگى تانىمدى جوعارىلاتىپ، جاڭا «تۇقىم زاڭىن» دايەكتىلەندىرۋدى، اتقارۋدى تۇقىم شارۋاشىلىعىنىڭ گۇلدەنۋىن ىلگەرىلەتۋدەگى توتەنشە ماڭىزدى نەگىزدىك قىزمەت رەتىندە تياناقتاندىرۋدى ىلگەرىلەتۋدى ايقىندادى. ءار دارەجەلى اۋىل شارۋاشىلىعى، اۋىل ـ قىستاق تاراۋلارى جاڭا «تۇقىم زاڭى» مەن سايكەستى ادىستەردى الۋان ءتۇرلى فورمالارمەن، جولدارمەن ۇگىتتەپ، قاتىستى سۋبيەكتىلەردىڭ، قۇرىلىمداردىڭ، تاراۋلاردىڭ وزگەرىس ەنگىزىلگەن مازمۇنداردى يگەرۋىنە مۇمكىندىك جاساپ، تۇقىم شارۋاشىلىعى ءبىلىم مەنشىك ۇقىعىن قورعاۋ تانىمىن ونان ارى كۇشەيتەدى. سونىمەن بىرگە، ءار دارەجەلى اۋىل شارۋاشىلىعى، اۋىل ـ قىستاق تاراۋلارى قاتىستى تاراۋلارمەن بىرگە تۇقىم شارۋاشىلىعى ءبىلىم مەنشىك ۇقىعىن جاپپاي قورعاۋ جاعدايىن قالىپتاستىرىپ، تۇقىم ءوندىرۋ، مانەرلەۋ، ساتۋ، ساقتاۋ، يمپورت ـ ەكسپورت سياقتى بۋىنداردى باقىلاۋ ـ باسقارۋدى كۇشەيتىپ، زاڭدا بەلگىلەنگەن تۇزىمدەر مەن مىندەتتەردى ناقتى تياناقتاندىرىپ، زاڭعا ءسوزسىز بويسۇناتىن، زاڭدى ءسوزسىز قاتاڭ اتقاراتىن تاماشا جاعدايدى بىرگە قالىپتاستىرىپ، شينجياڭنىڭ وسى زامانعى تۇقىم شارۋاشىلىعىنىڭ باياندى، اقاۋسىز دامۋىن زاڭ بويىنشا قامتاماسىز ەتەدى.
جاڭا «تۇقىم زاڭى» بيىل 3 - ايدىڭ 1 - كۇنىنەن باستاپ رەسمي اتقارىلدى. وسىدان بۇرىنعى نۇسقامەن سالىستىرعاندا، جاڭا «تۇقىم زاڭى» ماندىك تۋىندى ءتۇرى ءتۇزىمىن تىڭنان قوسۋعا نازار اۋدارىپ، وسىمدىكتەردىڭ جاڭا سورتى ۇقىعىن قورعاۋ كولەمىن جانە قورعاۋ بۋىندارىن كەڭەيتىپ، جالعان، ساپاسىز تۇقىمدارعا سوققى بەرۋ تەبىنىن ارتتىرىپ، ۇقىققا سۇعاناقتىق جاساۋعا تولەم بەرۋ ءتۇزىمىن كەمەلدەندىرىپ، ساپالى تۇقىم بايلىعىن قورعاۋدى كۇشەيتىپ، ءتول تۋىندىنىڭ قورعالۋ ورەسىن زور دارەجەدە جوعارىلاتىپ، ءتۇر كاسىبىندە ءتول جاڭالىق اشۋدى زاڭمەن جونگە سالۋ جاعىنان پارمەندى قورعادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
